لاهل الثلاجات

[صلفان.نجد]

لاهل الخبره في الثلاجات الكهربائيه عندي ثلاجه صينيه 40ليتر وارغب في استعمالها للبر .
وش افضل لتشغيلها ؟ على البطاريه مباشره ؟ والا على محول؟ وش اجود انواع المحولات؟ وين يباع فيه ؟وكم سعره ؟
والمعذره على النشده ولكن اسالوا اهل التخصص ؟

[بواسامه]

مادامها 12 فولت اشبكها مباشره على البطاريه
بس اكيد فيها فيوز كحمايه لها لو غلطت بالاسلاك او ركب لها انت سلك ايكوم ابو فيوز 20 امبير
الله يوفقك ولكن لا تنساها فتره طويله بالبر تعمل بدون تشغيل للسياره لانها تسحب البطاريه فانتبه ولا تنسى

[عاشق الغلبا]

الاخ الغالي صلفان نجد ،،،، الله يبارك لك فيها وعقبال ماتعبيها صيد ،،،،،

اخوي من واقع تجربه رهم لك بطاريه ثانيه افضل واشبكها عليها هي والمحول وجميع المبات الي بسيارتك

علشان لو قدر الله ما تسحب البطاريه الاساسية وانت في البر ولا حولك احد ،،،،، بمعنى ان الشغل كله بيكون

على المرهمه وهو الافضل ،،،،، وتقدر تسوي هذا عند ورشة سوافي مخرج 18 يالغالي ،،،،،،،

نصيحه لاتحاول تشبكها على البطاريه الاساسيه وانت راعي بر ،،،،،، الا اذا كنت بتلاحظ البطاريه بستمرار

وبتشغل السيارة كل ثلاث ساعات ،،،،،،


بالنسبه للمحولات طاحت رجليني العام الماضي وانا ابحث عن الياباني ما حصلت الا يوكوهاما بس عيبه انه 300واط

وهذا بالنسبه لي لايفي بالغرض ،،،،،، واخيراً لقيت واحد في ساكو 800واط امريكي تجميع تايواني له معي

اكثر من سنه وستة اشهر ماعليه خلاف ما شي زي الحلاوة ،،،،،،



اتمنى ان اكون افدتك ولو بالقليل ،،،،،، تقبل مروري ياغالي ،،،،،،،






وعلى دروب الخير نلتقي ،،،،،،،،

[ابوسعودد]

مثل ماقال اخوي عاشق الغلبا
رهم لك بطاريه ثانيه او خذ احتياطك انك لازم تشغل السياره كل ساعتي او ثلاث ساعات يعني خلك حذر خصوصا اذا كنت في البر ولا حولك احد .