قصتي مع التفه ( القط البري ) في الدهناء [الأرشيف]

NissaN 1990

23/02/2009, 01:40 PM

التفه

،،،،

،،،

،،

،

،

،،

،،،

،،،،

كنت في الصياهد حقت رماح يوم الجمعه الماضيه بتاريخ 20 / 02 / 2009 المهم قاعد أتمشى بالعروق و ألقى مراح بدو قلت خلني أتمشى فيه يمكن ألقى شي حب أستطلاع فقط المهم وأنا أمشي بالسياره لقيت شبك صغير وناظرت داخله وألقى تفه (قط بري) المهم أحاول فيه أبيه يطلع أبي أشوفه مسوي نفسه ميت وقاعد يناظرني بعوينه الصفرا اللي تخوف وأنا بالسياره أرمي من قدامه أرمي من فوقه بالبندق لعله يروح إلا أبو الشباب ما عنده نيه عاد أنا زاد أصراري على أنه يتحرك والله وأنزل وأكسر الشبك اللي هو فيه وأسحب الفرشه وأنا أسحب وهو يمشي تحتها عشان ما أشوفه وآخر شي سحبتها بقوه وطلع منها وشكله يخوف المهم حط رجله قلت وين بتروح ياحلو ما فيه لا جبل ولا شجر ولا ضلع ركبت الجيب ولحقته على خفيف و يجي على جرة السيارات المغرزه في العرق المهم وينزل رأسه وجمسه مع مستوى الأرض عشان ما أشوفه و أجي وألقى جبنه كيس حق شعير و أجي وراه شوي شوي وأعطي أخوي الكيس وفتح الكيس من قدامه وأنا ماسكه مع ذيله وأسحبه على ورى وأخوي يقرب منه ويحاول يدور عشان يتفاهم معي بس ما خلينا له فرصه حطينا بالكيس وجبنا البيت حق البندق ودخلناه فيها وسكرنا عليه ووديناه عندنا بالأستراحه وحطينا له شبك حديد كبير وحطينا له أكل ويوم جاء بكره عقب ما شبع من الأرزاق صار ينفخ ويكوش علينا

أبي أسألكم كيف أطوعه لأني أبيه للتسليه ما ودي أنطله أو أذبحه

آسف على الإطاله

مريقب العيفار

23/02/2009, 03:49 PM

والله ما انت مبسيط اللي قدرت تمسك التفة

الغريب ليه ما هرب منك؟

اما عن تطويعه صراحة ما عندي علم

لعل الاخوان يجاوبونك

مانع الحارثي

23/02/2009, 11:14 PM

مشكور بس وين صوره

لو حطيت الصور من شان نشوفه

ممكن إنه قط بري ما هو بتفه

التفة قومي وشديد من الصعب صيده

ممكن تزودنا بالصور

NissaN 1990

24/02/2009, 01:30 PM

ابوريناد1979

24/02/2009, 01:39 PM

أخواني أشكر لكم ردكم وتفاعلكم وبالنسبه للصور ما يمديني أحملها على الجهاز ولكن فيه صوره خذيتها من أحد المنتديات وهي شبيهه للي عندي هو نفسه بالضبط

http://www.mekshat.com/pix/upload03/images102/mk61773_edddkkds.jpg

أتمنى الإفاده وشكراً لكم

ههههههههه
اخوي هذا قطو بري مهوب تفه
استغرب انا قلت وش هالتفه الرخمه اللي ينحاش (حسبته صغير )
التفه مثل اللي بالصوره

http://www.mekshat.com/pix/upload02/images97/mk77553_2222.jpg

راعي الطلعات

24/02/2009, 01:52 PM

يبيلك صبر معه الاتفه صعب انها تركد في يوم وليله ويبيلك تمشيه مع قطاوة الحاره خله يشوف عباطة الي عندنا يمكن يعرف ان الدعوع فري:d

NissaN 1990

24/02/2009, 02:00 PM

ههههههههه
اخوي هذا قطو بري مهوب تفه
استغرب انا قلت وش هالتفه الرخمه اللي ينحاش (حسبته صغير )
التفه مثل اللي بالصوره

http://www.mekshat.com/pix/upload02/images97/mk77553_2222.jpg

أخوي أبو ريناد ما فيه داعي للأستهتار والضحك و إذا عندك معلومه أطرحها من غير أستهزاء وأظن اللي حاطه أنت بالصوره يقاله الوشق ولاهو موجود في مناطقنا

أنجشة

24/02/2009, 02:03 PM

والله مسخره وبس
التفه اذا مسكتها لك جيب جديد

القناص-sniper

24/02/2009, 03:27 PM

ههههههههه
اخوي هذا قطو بري مهوب تفه
استغرب انا قلت وش هالتفه الرخمه اللي ينحاش (حسبته صغير )
التفه مثل اللي بالصوره

http://www.mekshat.com/pix/upload02/images97/mk77553_2222.jpg

كلامك اخوي سليم 100% ولا عليه غبار :good2: :good2:

وفي نظري لصاحب الموضوع انه يطلق سراح التفه من الأسر

ومكانه ياخوي بالفلا مو بالاستراحه وده بين جبال وصدقني بتسوي خير

تحياتي للجميع

مانع الحارثي

24/02/2009, 09:57 PM

http://www.mekshat.com/pix/upload03/images102/mk61773_edddkkds.jpg

نعم هذا قط بري ماهو بتفة ( وشق )

وهذه هي صورة الوشق ( التفة ) حيوان مفترس وفي أذنيه شعر طويل

وهو الموجود في الصورة ألسفلى

http://www.mekshat.com/pix/upload02/images97/mk77553_2222.jpg

تحياتي للجميع

ابوفهيدان

25/02/2009, 12:21 AM

هذا قط بري ماعليه كلام
والتفه نفس اللي بالصورة(الوشق) واذانيه طويلة وماله ذيل طويل وهو شرس ولو انك مقرب منه مايمديك تنحاش الا وهو مشطب عليك
بس نصيحه اعتقه لانه صعب يعيش وراح يموت عندك بعد فترة لان نوع الغذاء راح يختلف عليه وبيمرض ويموت

وبعدين وسع صدرك علي اخونا ابوريناد تراه ماغلط ومعلومته صح

الشيرازي

25/02/2009, 12:24 AM

واقعي

25/02/2009, 12:47 AM

اخوي هذي لا يمكن ترويضها بأي شكل لأنها برية وعايشة طول عمرها بالبر وتخاف الانسان لو مسكتها وهي صغيرة ممكن لكن هذي صعب جدا

المجمعه

26/02/2009, 08:09 PM

أخوي أبو ريناد ما فيه داعي للأستهتار والضحك و إذا عندك معلومه أطرحها من غير أستهزاء وأظن اللي حاطه أنت بالصوره يقاله الوشق ولاهو موجود في مناطقنا

هذا موجود عندنا واللى شفتهم على مر السنين يمكن 5 فى مناطق مختلفه ..وهو اللى نسميه اتفه وباللغه العربيه الفصحى يسمونه وشق

ريم البراري

26/02/2009, 08:13 PM

ياليتك ياخوي الله يجزاك خير ترجع القط البري لمكانه
ايش راح تستفيد من حبسه!!

ترى عدد الحيوانات في صحارينا تعد على اصابع اليد ومعرضة للأنقراض فسوي خير ورجعه لمكانه لانك ماراح تستفيد من وجوده عندك شي غير انه ممكن يموت عندك وتتحمل ذنبه

ريم البراري

26/02/2009, 08:19 PM

http://www.mekshat.com/pix/upload03/images102/mk61773_edddkkds.jpg
الي فوق هذا التفه(القرطه)
الي تحت هذا الوشق... والتفه شفه عندي بالمزرعه شرس ويعض الشبك
افحمناه ليما مسكناه اما الوشق على كثر طلعاتي ماعمري شفته الا بحديقه

http://www.mekshat.com/pix/upload02/images97/mk77553_2222.jpg

تحياتي للجميع

ياليتك انت بعد ياخوي تطلق سراح اللي عندك لوجه الله
يااخوان الكائنات هذي مهددة بالأنقراض فلا تسرعون بانقراضها جزاكم الله خير

أبو فهد 93

26/02/2009, 08:20 PM

اللي سمعته انه مايتربا حتى لو هو صغير

وسمعت انه نادر ومهدد بالانقراض

رأيي انك تهده ..

وشكراً على السالفه والمعلومات القيمه ..

تحياتي ,,

ابو عمر النوح

26/02/2009, 09:01 PM

مساك الله بالخير أخوي نيسان
إذا كان هالقط عايش في البر فأرجو منك التكرم و إرجاعه لمكانه و أخلص نيتك لله في إرجاعه لعل الله يكتب لك الأجر بذلك ، أسأل الله أن يوفقك و يصلح لك نيتك و ذريتك و يغفر لنا و لك و لوالدينا و يجمعنا بهم في فسيح جنات الفردوس . تقبل مروري .

ابو سمر

26/02/2009, 10:23 PM

ياليت نكون عوناً لعودة الحياة الفطرية لبلدنا بعد انقراض الكثير من الحيوانات من أراضيها ..

ياليت تعيده لمكانه أو لأي مكان بري آمن ، فمنظره طليق أفضل ألف مرة من منظره مأسور أخي الكريم ..

grdan

26/02/2009, 11:03 PM

نعم هذا تفه ، وصعب ترويضه ، ومن الحيوانات النادرة والمهددة بالانقراض
أتمنى أطلاق سراحه في بيئته ليتكاثر
وشكرا

Prof

27/02/2009, 02:18 AM

ياليتك اخوي ترجعه لمكانه .. فبيئته اولى من استراحتكم .. وصدقني بقدر سعادتك انك شفته بالبر نحن أيضا سنسعد اننا نشوفه في بيئتة الطبيعية

شوف الإخوان دايم يضعون تقارير عن حيوانات شافوها في البريه .. صوروها .. ولم يصطادوها

شبح الإنقراض مخيف جدا لو كنت مطلع على الأبحاث البيئية

شكرا لسعة صدرك .. وتقبل عتبنا بروح أخوية

الضاري

27/02/2009, 03:12 AM

أخي الفاضل
مساك الله بالخير

ما عرضته بالصوره هو (القط البري ) وليس الوشق أو التفه
وهذه معلومات أكثر عنه ..
حيوان الوشق ماذا تعرف عنه (http://www.mekshat.com/vb/showthread.php?t=174951)
فأرجو منك أخي الفاضل أطلاق سراحه وأحتسب هذا العمل لوجه الله
فربما ينفعك هذا العمل في يوماً لا ينفع فيه مالاً ولا بنين
أخي الكريم تعاني بيئتنا من عوامل عديده سببت أنقراض الكثير من الحيوانات وهددت
الكثير من الحيوانات بالأنقراض... لذالك لماذا لانكون نحن عاملاً رئيسياً أو على الأقل ثانوياً بإعادة تكاثرها بالمحافظه عليها وعدم الدلاله عليها حتى لا يأتي أحداً ويقضي عليها بدون أدنى وعي أو أهتمام بالبيئه ويسبب لنا مشاكل ومعاناة أكثر مما نحن فيه

أخي الكريم اكرر رجائي لك بأطلاق سراحه من حيث أخذته أو على الأقل في مكان آمن بعيداً عن أسباب الإضرار به

شكري وتقديري العميق لك ولكل من حاول المشاركه في حماية هذا الحيوان وحرص على سلامته

تحياتي

برق و سحاب

27/02/2009, 03:32 AM

سبق ومسكته بنفس طريقتك اذا لحقته في ارض متساويه يروح لأقرب كفر والا جرة سياره وينسدح ويرفع راسه ويناظرك. من دلاخته يقعد يناظر في النور وعيونه تعكس وتشوفه بسهوله. ومسكته وجبته للبيت وحطيته في قفص مخصص للحيوانات .وكان عندي قط منزلي من شم ريحة قطو البر طلع من البيت ولا شفته من ذاك اليوم.
ومن بكرا اخذت القط البري ورجعته للدهنا مكان ما اخذته لأنه مستحيل انه يتربى او يكون اليف.

اتمنى منك انك ترجعه لمكانه لأنك ماراح تستفيد منه بشي
تقبل تحياتي

برق بن رعد

27/02/2009, 03:35 AM

ياليتك ياخوي الله يجزاك خير ترجع القط البري لمكانه

ايش راح تستفيد من حبسه!!

ترى عدد الحيوانات في صحارينا تعد على اصابع اليد ومعرضة للأنقراض فسوي خير ورجعه لمكانه لانك ماراح تستفيد من وجوده عندك شي غير انه ممكن يموت عندك وتتحمل ذنبه

كلام سليم 100% ياليت تفك اسره

يحيي بن حمد

27/02/2009, 03:39 AM

دور على خوي له من اجل التوالد

GX_V8

28/02/2009, 03:29 AM

السلام عليكم
اخي العزيز هذا وشق وقد امسكت 3 مع امهم لكن فكيتها قلت خلها تكثر والاغرب انها ما هاجمتك
لان الوشق اذا حس با الخطر يكون انتحاري على العموم انصحك ترده مكان اللي مسكته فيه
وخذ اجر الله خل ها الحيوانات تكثر
تقبل مروري

hartha

28/02/2009, 08:22 AM

جزاك الله خير يالحبيب ونصيحتي لك أن ترجعه من حيث أخذته ، لأنه مكانه الأصلي الذي يعيش فيه ولا تغير عليه بيئته ، أخوك المحب : هارثة .

ابوطاقية

28/02/2009, 08:49 AM

من الافضل ارجاعها لبيئتها لانها من الثديات المهدده بالانقراض كذلك لو كان لها صغار فانت ارتكبت مخالفه بحرمانها من اطعام صغارها

NissaN 1990

28/02/2009, 09:04 AM

أشكر كل من رد على الموضوع مع أنه ما فيه أتفاق بين الردود على أنه تفه أو وشق

وكل ما في الأمر أني لقيته في منطقه فيها حركة سيارات وكشاته كثير وكان ضعيف مره فخذيته عندي في الإستراحه وحطيته مثل ما وضحت في قفص وحطيت له أكل وهو الآن ياكل وأموره زينه وردة صحته تمام ولا ني مقصر عليه بشي بس أنا فكرتي أني أخليه عندي شهرين ثلاث شهور للتسليه فقط وبعد كذا أشو فلي محميه أو أوديه للبر بس يكون بعيد ولا يكون فيه حركه كثيره وأفكه هناك ،،،، أنا ماعندي نيه أخليه للأبد بس شي في الخاطر على ما يقولون ولا فاكه فاكه الله لا يعوق بشر ،،،،،

وبسراحه أفكر أفكه في منطقه جبليه مثل العرمه وشرايكم لأن ما يكون فيها ناس كثير وفيها حصا وشعبان يقدر يتغبى عن الناس

فطري

28/02/2009, 09:16 AM

السلام عليكم ورحمة الله وبركاته

كلي آمل بأن يتسع صدرك يأخي الكريم لدعواة إخوانك المحبين لك بإطلاق سراح هذا الحيوان في منطقته الطبيعية.

لقد سمعنا عن العديد من القصص التي قام اصحابها بإمساك حيوانات برية، وكانت معظمها نهائتها حزينة، فلا تأثم يأخي الكريم بعمل مثل هذا، كما إنك ستأجر بإذن الله بإخلاص النية والعمل بالفطرة.

كن مثلاً لبقية الأعضاء وسوف تتوج من قبلنا بالدعاء لك بظهر الغيب بأن يصلح لك الذرية وأن يبارك لك في عمرك وعملك ومالك.

وتقبل منا خالص الود

ابن صقيه

01/03/2009, 10:20 AM

فطري

03/03/2009, 08:56 AM

وكل ما في الأمر أني لقيته في منطقه فيها حركة سيارات وكشاته كثير وكان ضعيف مره فخذيته عندي في الإستراحه وحطيته مثل ما وضحت في قفص وحطيت له أكل وهو الآن ياكل وأموره زينه وردة صحته تمام ولا ني مقصر عليه بشي بس أنا فكرتي أني أخليه عندي شهرين ثلاث شهور للتسليه فقط وبعد كذا أشو فلي محميه أو أوديه للبر بس يكون بعيد ولا يكون فيه حركه كثيره وأفكه هناك ،،،، أنا ماعندي نيه أخليه للأبد بس شي في الخاطر على ما يقولون ولا فاكه فاكه الله لا يعوق بشر ،،،،،

وبسراحه أفكر أفكه في منطقه جبليه مثل العرمه وشرايكم لأن ما يكون فيها ناس كثير وفيها حصا وشعبان يقدر يتغبى عن الناس

بيض الله وجهك، ورحم الله والديك وبارك الله فيك

اثلجت صدورنا والله

وهذا العشم في الرجال المكشاتيه

ولك منا كل الدعاء بالتوفيق والسداد، وان يعافيك في ما اعطاك.

ابوايلاف

03/03/2009, 10:51 AM

اخي الكريم اذاارت ان تطلق سراحة ان يكون في منطقتة لانة يعرف اماكن الصيدفيهاوكذلك يعرف اماكن الاختباوان يكون وقت اطلاق سراحة في اخرالنهارلكي يعودلحياتة الطبيعية ولايتعرض لاعين المارة00 وجزاك اللة خير

النوخذة

16/06/2010, 12:56 PM

وكل ما في الأمر أني لقيته في منطقه فيها حركة سيارات وكشاته كثير وكان ضعيف مره فخذيته عندي في الإستراحه وحطيته مثل ما وضحت في قفص وحطيت له أكل وهو الآن ياكل وأموره زينه وردة صحته تمام ولا ني مقصر عليه بشي بس أنا فكرتي أني أخليه عندي شهرين ثلاث شهور للتسليه فقط وبعد كذا أشو فلي محميه أو أوديه للبر بس يكون بعيد ولا يكون فيه حركه كثيره وأفكه هناك ،،،، أنا ماعندي نيه أخليه للأبد بس شي في الخاطر على ما يقولون ولا فاكه فاكه الله لا يعوق بشر ،،،،،

ماتفعله هو عين الصواب ولو بغيته عندك في الإستراحة فهذا شئ طيب , ولو لقيت له زوج فهو أطيب وأطيب , لأنها ممكن تتكاثر عندك , وتأكد إنك لو فكيته بعد فترة وحاول ينحاش , أكيد المكان ماهوب صالح له , هنا فكر في إرجاعه لبيئته الطبيعية
بس مادامه عندك , لاتقصر عليه في شئ وإذا حسيت إنك تؤذيه أو مقصر معه فالأولى تركه وإطلاقه في بيئة مناسبة علشان لا تكسب فيه إهماله إثم

أستغرب من كثرة الردود المثالية :confused:

أحس أني في غير بلدي

دنيا عذاب

16/06/2010, 03:59 PM

http://www.mekshat.com/pix/upload03/images102/mk61773_edddkkds.jpg

شكله رهيب ههههههههههههههه

http://www.mekshat.com/pix/upload02/images97/mk77553_2222.jpg
هذا معقوله بالسعوديه؟

× غرك زمانك ×

16/06/2010, 05:11 PM

يعطيك العافيه
وبارك الله فيك

oqlak

17/06/2010, 12:37 PM

السلام عليكم
الي مسكته اخوي هو القط البري (التفه )
والي بالصوره الوشق اسمه الدارج هو (القرطه)وموجود بكثره في المناطق الجبليه وعندنا بحايل موجود وحذر ولا تقدر عليه السلق الا مجتمعه ويحصلها اصابات منه

العتيبي نجد

18/06/2010, 04:50 PM

انا بعطيك نصية ان بغيت تاخذها ولا بكيفك انت ما تدري يمكن يموت عندك وتاخذ الذنب والله يجزاك خير يوم انك اخذته من ذاك المكان الي كان فيه

Al3rands

20/06/2010, 10:20 AM

عافاك الله اضم صوتي للي ينادون باطلاقه تذكر اخوي حديث المرأه التي حبست القطه حرمك الله على النار(من ترك شيئا لوجه الله عوضه الله خيرا منه)

al-shman

21/06/2010, 10:49 AM

عافاك الله اضم صوتي للي ينادون باطلاقه تذكر اخوي حديث المرأه التي حبست القطه حرمك الله على النار(من ترك شيئا لوجه الله عوضه الله خيرا منه)
بالنيابة عن اخونا صاحب الموضوع واستئذنة في بعض الكلام

اخي الفاضل Al3rands (http://www.mekshat.com/vb/member.php?u=135963)
اسرد لك الحديث كامل يبدو انك نسيت باقية

عن عبد الله بن عمر رضي الله عنهما أن رسول الله - صلى الله عليه وسلم - قال :
( عُذّبت امرأة في هرّة ، سجنتها حتى ماتت ، فدخلت فيها النار ؛ لا هي أطعمتها ، ولا سقتها إذ حبستها ، ولا هي تركتها تأكل من خشاش الأرض ) متفق عليه.

اخونا بارك الله فيه ماسجنه وخلاة من دون طعام
بالعكس عطاه الطعام وواضح انه اكل لين شبع
والدليل انه يوم شبع بدا ينافخ عليهم ويزمر خخخخخ

لاكن بالعكس خير ماسويت اخونا في انك جبته للاستراحه
وان حصل تخليه يتزاوج بحيث انك تشوف هل هو ذكر او انثى

ولو مالقيت عادي تسوي تجارب وتلخية هجين مع سلقة او شيء قريب منه :D:D

بالتوفيق انشاء الله

شقردي ون

01/03/2011, 06:45 PM

أخوي أبو ريناد ما فيه داعي للأستهتار والضحك و إذا عندك معلومه أطرحها من غير أستهزاء وأظن اللي حاطه أنت بالصوره يقاله الوشق ولاهو موجود في مناطقنا
هذا وشق وليس تفه التفه نفس القط حق البيوت بس شرس وشكرا

الصــرح

01/03/2011, 10:59 PM

قد يكون ردي متأخر

على كل حــال

لدي رغبة بإكثار هذا النوع من القطط

وقد أعددت محمية نموذجية مصغرة

فإذا كان القط موجود ولديك الرغبة ببيعه

أرجو الإتصــــال

وشكراً

zulfi

02/03/2011, 12:08 PM

يا نيسان صح عليك هذا تفه والنوع الثاني اللي بالبر يسمى الهر ويكثر بالشعبان والفياض. اما التفه ترويضها صعب,ويبغالها تجويع وبهذله وتقع تقابلها 24 ساعه عشان توالف الادمي والاصوات...لكن إحذر الاستهانه بصغر حجمها,فبداخلها أسد...فحسب ما سمعت انها عند الحاجه تقتل العنز والطليات الصغار..ودمت بحفظ الله.

الرحال الدوسي

09/03/2011, 05:54 PM

أثناء القصة أنتظر مقاومة منك تجاه التفه
وأستغربت عدم تعرضه لك لكن ممكن تشابهة الأسماء عندك تقبل مروري..

*************************************

يسعدني ويشرفني مرورك على موضوعاتي:

الــــوبر من قريــــب "" تصويري.. (http://www.mekshat.com/vb/showthread.php?t=389716)

صورة قبل الغروب من خلف الغيوم >>رأيكم.. (http://www.mekshat.com/vb/showthread.php?t=389927)

أبشروا بالصيد .. الوبر والقهد ..والشغل المرستك.. (http://www.mekshat.com/vb/showthread.php?t=384954)

صيد "الحجل" أو السفع" يوم الأربعاء 7 /3 /1432 هـ (http://www.mekshat.com/vb/showthread.php?t=381887)

>>الحمام الأخضر<< بين يدي.. (http://www.mekshat.com/vb/showthread.php?t=389778)

ســيل الخــير من "دوس بني علي"رصد الخير من بدايته.. (http://www.mekshat.com/vb/showthread.php?t=371830)

تقرير مبسط مصور وتغطية سريعة شاملة لأجواء مدينة خميس مشيط (http://www.mekshat.com/vb/showthread.php?t=389744)

******************************************