بن عمير
23/02/2009, 04:07 PM
السلام عليكم ورحمة الله وبركاته ..
واسعد الله لحظاتكم بكل خير
قصيدة عجبتني قرأتها في أحد المواقع الشقيقة وحبيت أنقلها لكم .. عسى أنها تنال استحسانكم
بس للأسف ما عرفت كاتب القصيدة لو حد عرف يا ريت ما يبخل علينا بالمعلومة
يا موتري لا تضايق مـن مشاويـري ***** يوم أن راعيك جا المغباش له عـاده
مااظن يصلح يسوقـك واحـدٍ غيـري***** أصايدك من الحصا وأرفق بك زيـاده
جيب بدفـعٍ رباعـي نقلـة القيـري ***** ما ودك أنه يشوفـه بعـض حسـاده
كم مرة في السهل نمشـي مداويـري ***** وكم مرة قد مسكت طويـق وشـداده
أحيان نسري وحينٍ نمشي اعصيـري ***** واحيان قبل الفجـر والنـاس هجّـاده
يوم ان بعض العرب يهوى المصافيري ***** يجيه وقت الضحى والظهر في رقـاده
أهوى المغابيش قبل ايصوُت الطيـري ***** يوم ان بعض الشباب يكبّـر وسـاده
العين عافت لذيذ النـوم يـا طيـري ***** أبغى المقانيص يوم القنص لي عـاده
معنا اشقرٍ ضربته للخـرب تمزيـري ***** أفدغ وحرشٍ اكفوفه ويل مـن صـاده
مع هدّة الطير يذهـب كـل تفكيـري ***** أنسى مماتـي وكِـنّ العمـر بزيـاده
يا زِين شوف الحبـاري بالمناظيـري ***** فـي خـايـعٍ مابـعـد زاروه رُوّاده
ويازِين شوف العشاير و المظاهيـري ***** لا روّحت مع رقـاق الحـزم منقـاده
يا ماحـلا شرْبـك لـدرّ المباكيـري ***** أخير مـن نيـدوٍ بـه سكـر زيـاده
وماكول قرص الجمر مع تمرٍ وضيري ***** أحسن مـن البيتـزا والشورمـا زاده
وجذبك بدلوٍ به الماء من جبا البيـري ***** أخير من ماي صحـه وسـط بـرّاده
البر يسوى مسلسـل سالـم الزيـري ***** وأحلا من مشاهد الكوره مـع استـاده
شوف البراري ولا شوف المقاصيـري ***** أو شوف نخلٍ ظمايـا واجـد عيـاده
في روضةٍ غـاديٍ للعشـب تنويـري ***** يازِين شوف الخضار وزِيـن مقعـاده
معـك نشامـا مخاوينـك مناعيـري ***** رجّالهـم منـوة للقلـب واسْـعـاده
حولـك ادلالٍ بهـا البُـنّ المباهيـري ***** بهارها الهيل والمسمـار هـو اقنـاده
أحسن ولا رفقـة اربـوع ٍ معاثيـري ***** هرج القفا عندهم هـو ثالـث اعْيـاده
أحباب وأصحاب بقلـوب المثابيـري ***** تضحك وهي لشذبة العرقوب معتـاده
يقفونـك الهـرج بألسنـةٍ مناشيـري ***** واحَدْهم إلى نصحته زاد فـي عْنـاده
هذاك كُبّـه فـلا بـه نفـعٍ وخيـري ***** ما يتّعظ في الكـلام الزيـن وارشـاده
نومـك بجـو خـلا مافيـه تكديـري ***** يسوى الفنادق وقصرٍ قلَّـوا أجـواده
ما حولـك ألا الطيـور أم المناقيـري ***** امنفّـضـة ريشـهـا للـجـو رَوَّاده
ورزقك على اللي رزق لدباش والطيري ***** اللي فرض ركن حج البيـت واجهـاده
الرزق عنـد الولـي رب المقاديـري ***** اللي جعـل للخلايـق ذكـر وعبـاده
وصلاة ربي عـدد وبـل الشخاتيـري ***** على نبي جعـل يثـرب هـي بـلاده
وتقبلوا تحياتي
بن عمير
23/2/2009
الامارات
واسعد الله لحظاتكم بكل خير
قصيدة عجبتني قرأتها في أحد المواقع الشقيقة وحبيت أنقلها لكم .. عسى أنها تنال استحسانكم
بس للأسف ما عرفت كاتب القصيدة لو حد عرف يا ريت ما يبخل علينا بالمعلومة
يا موتري لا تضايق مـن مشاويـري ***** يوم أن راعيك جا المغباش له عـاده
مااظن يصلح يسوقـك واحـدٍ غيـري***** أصايدك من الحصا وأرفق بك زيـاده
جيب بدفـعٍ رباعـي نقلـة القيـري ***** ما ودك أنه يشوفـه بعـض حسـاده
كم مرة في السهل نمشـي مداويـري ***** وكم مرة قد مسكت طويـق وشـداده
أحيان نسري وحينٍ نمشي اعصيـري ***** واحيان قبل الفجـر والنـاس هجّـاده
يوم ان بعض العرب يهوى المصافيري ***** يجيه وقت الضحى والظهر في رقـاده
أهوى المغابيش قبل ايصوُت الطيـري ***** يوم ان بعض الشباب يكبّـر وسـاده
العين عافت لذيذ النـوم يـا طيـري ***** أبغى المقانيص يوم القنص لي عـاده
معنا اشقرٍ ضربته للخـرب تمزيـري ***** أفدغ وحرشٍ اكفوفه ويل مـن صـاده
مع هدّة الطير يذهـب كـل تفكيـري ***** أنسى مماتـي وكِـنّ العمـر بزيـاده
يا زِين شوف الحبـاري بالمناظيـري ***** فـي خـايـعٍ مابـعـد زاروه رُوّاده
ويازِين شوف العشاير و المظاهيـري ***** لا روّحت مع رقـاق الحـزم منقـاده
يا ماحـلا شرْبـك لـدرّ المباكيـري ***** أخير مـن نيـدوٍ بـه سكـر زيـاده
وماكول قرص الجمر مع تمرٍ وضيري ***** أحسن مـن البيتـزا والشورمـا زاده
وجذبك بدلوٍ به الماء من جبا البيـري ***** أخير من ماي صحـه وسـط بـرّاده
البر يسوى مسلسـل سالـم الزيـري ***** وأحلا من مشاهد الكوره مـع استـاده
شوف البراري ولا شوف المقاصيـري ***** أو شوف نخلٍ ظمايـا واجـد عيـاده
في روضةٍ غـاديٍ للعشـب تنويـري ***** يازِين شوف الخضار وزِيـن مقعـاده
معـك نشامـا مخاوينـك مناعيـري ***** رجّالهـم منـوة للقلـب واسْـعـاده
حولـك ادلالٍ بهـا البُـنّ المباهيـري ***** بهارها الهيل والمسمـار هـو اقنـاده
أحسن ولا رفقـة اربـوع ٍ معاثيـري ***** هرج القفا عندهم هـو ثالـث اعْيـاده
أحباب وأصحاب بقلـوب المثابيـري ***** تضحك وهي لشذبة العرقوب معتـاده
يقفونـك الهـرج بألسنـةٍ مناشيـري ***** واحَدْهم إلى نصحته زاد فـي عْنـاده
هذاك كُبّـه فـلا بـه نفـعٍ وخيـري ***** ما يتّعظ في الكـلام الزيـن وارشـاده
نومـك بجـو خـلا مافيـه تكديـري ***** يسوى الفنادق وقصرٍ قلَّـوا أجـواده
ما حولـك ألا الطيـور أم المناقيـري ***** امنفّـضـة ريشـهـا للـجـو رَوَّاده
ورزقك على اللي رزق لدباش والطيري ***** اللي فرض ركن حج البيـت واجهـاده
الرزق عنـد الولـي رب المقاديـري ***** اللي جعـل للخلايـق ذكـر وعبـاده
وصلاة ربي عـدد وبـل الشخاتيـري ***** على نبي جعـل يثـرب هـي بـلاده
وتقبلوا تحياتي
بن عمير
23/2/2009
الامارات