المساعد الشخصي الرقمي

مشاهدة النسخة كاملة : مشكلة في النوفي


جيب ربع
23/02/2009, 07:34 PM
السلام عليكم

عندي نوفي 770 مايلقط إشارة الاقمار الصناعية (gps):(
حاولت فيه يمين شمال مافيه فايدة ..:confused:

ياليت من عنده حل وأكون له شاكر..
ملاحظة: الجهاز جديد و نزلت فيه خرائط الصحراء والبراري
روثان
23/02/2009, 07:53 PM
وعليكم السلام ورحمة الله وبركاته

أخوي صارت معي نفس المشكلة

منزل خرائط الصحراء والبراري دار موجة 3 و6

افادني الموظف بدار موجة بأن خريطة البراري 3 هي اساس المشكلة لأنهم منزلين خريطة البراري 6 معها

فتم حذف خريطة البراري 3 وضبط الجهاز

علما بأن خريطة الصحراء منزلها على ذاكرة خارجية

تقبل مروري وتقديري..
جيب ربع
23/02/2009, 08:07 PM
أشكرك أخوي لسرعة ردك ..وسبق وحذفت الخرائط اللي أنا منزلها ولكن بدون فائدة
أكرر شكري لك أخوي ...واتمنى أحصل حل للمشكلة...
دحدوح المملوح
24/02/2009, 01:19 PM
الاخوان تلقاهم في خيمة الاحوال الجوية
الله يرزقنا الغيث
جيب ربع
25/02/2009, 05:03 PM
آمين....

الحل ياخوان ..
جيب ربع
25/02/2009, 07:49 PM
كذلك التوقيت(الساعة) ماهي مضبوطة !!!
دبرونا يارجال قبل ما أتهور واكسره..
salehhd
26/02/2009, 11:04 AM
السلام عليكم

سوي تحديث للجهاز وحاول تشبكة في منطقة مفتوحة

اذا شغلت الجهاز اضغط على مؤشر قوة الاشارة (الزاوية اليسار فوق ) لمدة عشر ثواني لحد ماتطلع شاشة توضع الاقمار الصناعية وقمة الاشارة
اذا كان الجهاز يحاول يشبك على الاقمار فمعناها الاريل الداخلي شغال تمام بس المشكلة في المكان الي انت فيه
اما اذا ماكان فيه استجابة فمعناها الجهاز خربان

معلومة
الاجهزة عليها ضمان دولي لمدة سنه ودار موجة يصلها تحت هذا الضمان
مر عليه وخليه يشوف ايش المشكلة والله يعين

وياليت تخبرنا بالي يحصل معاك علشان يستفيدون الشباب

اخوك
صالح
جيب ربع
26/02/2009, 01:08 PM
يعطيك العافية أخوي ..الجهاز يظهر عبارة ( الرجاء الانتظار بينما تقوم وحدتك بإنشاء موقع أولي باستخدام أقمار Gps) بعد تشغيل الجهاز وفي كل مرة ويظهر اسفل الشاشة ( تخطي)
والصوت يقول جار البحث عن الاقمار الصناعية !!

سويت له تحديث ونفس المشكلة ...الظاهر إني أبسير على دار موجه...

وعلى فكرة مكانهم (الصيانة) هم اللي في عمارة الصالحية ( حقين الكمبيوتر)على طريق الملك فهد !!
salehhd
27/02/2009, 02:34 PM
اذا قعد يسوي بحث عن الاقمار الخط الاخضر الي تحت يوصل الي النص وبعدها ولا اقل من الربع

سوي تخطي وادخل على الجهاز وسوي الي قلت لك
اهم شي تجرب في مكان مفتوح ويفضل بعيد عن اعمدة النور والاشجار (اول مرة بس )
أبو ريمآآآس
27/02/2009, 05:43 PM
اخوي جيب ربع انا صارت معي

اول ما شغلت الجهاز طلعلي الرجاء الانتظار بينما تقوم وحدتك بإنشاء موقع أولي باستخدام أقمار Gps

طلعت بمكان مفتوح وطلع لي الخط الاخضر وقعد حوالي 5 دقايق واول ما صار الخط الاخضر فل اشتغل الجهاز زي الحلاوة

الاجهزة الجديدة اول ما تشغلها يبيلها صبر سوي علشان تلقط الاقمار

اتمنى ان ردي يساعدك في حل المشكلة
m1m
27/02/2009, 05:59 PM
هلا بك أخوي ..

طبيعي أول مرة ما يلقط يتأخر ..سبق وحصلت معي وجلس تقريبا 20 دقيقة في أول مرة .. وبعدها شبك ويشبك مباشرة ..

ربما تحديد المكان يعتبر مهم بالنسبة للقارمن ..
جيب ربع
27/02/2009, 09:35 PM
اذا قعد يسوي بحث عن الاقمار الخط الاخضر الي تحت يوصل الي النص وبعدها ولا اقل من الربع

سوي تخطي وادخل على الجهاز وسوي الي قلت لك
اهم شي تجرب في مكان مفتوح ويفضل بعيد عن اعمدة النور والاشجار (اول مرة بس )

يكون أقل من الربع :confused: وجربت اللي قلت وماطلع شيء يعني طلعت الشاشة فاضية( قوة الإشارة)

شكراً لكل من رد وشارك بالحل ...

الجهاز تركته تحت السماء أكثر من نص ساعة وماحصل شيء :mad:
salehhd
27/02/2009, 11:04 PM
الظاهر الاريل فيه مشكلة وحصلت معي من قبل وارسلته للي شريته منه في امريكا وبدلي اياه على الضمان
بس ترى دار موجه يقبل الجهاز ويرسلة الي جارمن على حساب الشركة
مر عليهم وخلة يشوف المشكلة بنفسة
جيب ربع
28/02/2009, 12:13 AM
بارك اله فيك أخوي صالح ولايهونون الاخوان ...

الظاهر آخر العلاج الكي ...إن شاء الله بودية لدار موجه ونشوف وش بيقولون واعلمكم بالتطورات ..