المساعد الشخصي الرقمي

مشاهدة النسخة كاملة : جفاف والعيون مغوره وش الحل


alkendi
24/02/2009, 09:50 AM
السلام عليكم ورحمة الله وبركاته ..

يالربع عندي استفسار بسيييط ...

عندي شاهين بكر ومن فتره ( 10 ايام يته كوكسيديا ووديته البيطري وعطاني دواه وداويته واظني راحت عنه الكوكسيديا ))

بس من عقبها هديت الطير طيرانه تعبان مع انه كان 100% قبل الكوكسيديا ..المهم هديته وكان طرده تعبان وكل شوي يحل ف مكان ويوم فحصته قالو فيه جفاف مع اني اطعمه واهتم فيه

والعيون مغوووووره والطير متغير هب القبلي حتى اكله متغير مثل اللي مايبا ياكل



اعطيه دواه بس ابا اعرف شو اللي اقدر اسويه عسب يروح الجفاف ويرد الطير

وشو اسباب الجفاف مع اني اهتم فيه ......؟؟؟؟
مدرس الصقاره
24/02/2009, 10:53 AM
اخي

اول شي الكوكسيديا ترهق الطير عطه راحه ثلاث ايام مع الكورس العلاجي واعطيه علاجه قبل العشاء 4 ساعات وبعدين عشه وانصحك انك تفرع فيه وتحطله صحن ماء خله يشرب

وفحصه بعد اسبوع ونصف مره ثانيه
قنيص غبر
24/02/2009, 11:05 AM
مثل ما افاد اخونا مدرس الصقار بس اخوي كيف وزن الطير هل هو عديد ام وزنه نازل !! حول ماتخلي طيرك ضعيف ه1ي الفتره وعطه شي في الصباح الباكر مثل فنادي فري .. وعليك بالماء ... ولا انصحك تعطيه خيله هذي الفتره مع انه مستحبه لان الطير تعبان والخيله تتعبه زياده فريحه كم يوم وبعدها خيله تنظف بطنه وبعدها انشاء الله تلقف على الربع
محمد الفهيد
24/02/2009, 12:34 PM
خيله بتذبحه اذا كان تعبان

ريح الطير ماتدعيه وفيه دوا جفاف سايل بتحصله في مستشفى سويحان او العياده الي فيها الهندي في ابوظبي ينعطى عن طريق الابره وانشالله بيرتاح الطير
ووفر له الماي هالفترة ومايكون في مكان حار

تحياتي
alkendi
25/02/2009, 06:59 AM
يزاكم الله الف خير على النصح الطيب وكفيتو و وفيتو



ولايهمك بوجسيم بنشوف سويحان والا الهندي جان عنده هالسائل









^_^
alkendi
25/02/2009, 11:21 AM
محمد الفهيد ولاعليك اماره بس لو تتصل هاك رقمي بعد اذن المشرفين 050/6688722 لاني ماقدر ارد عليك ب الخاص مشاركاتي شوي