يا ما حلا صوت الضجيج ..!!

[صدى الحادي]

بسم الله الرحمن الرحيم ..


السلام عليكم ورحمة الله وبركاته ..


يالله أن تحييهم ..


هذا يا شباب كنا كاشتين في هالعطلة في يوم الاثنين 29 / 2 / 1430 هــ


وكان معنا واحد راعي كشتات وطلعات .. بس مشكلته خواف من الدرجة الأولى .. تلقاه مستانس طول النهار ,, وإذا أظلمت الدنيا يتغير جوه .. وكنا كاشتين في هالإجازة أربعة أيام في سدير وفياضها والمناطق اللي حولها والفياض ولاروضات مثل الزلعاء وأم طلحة وأم عشر والتي تقع جنوب طريق الأرطاوية - القاعية .. وكان الرجال في كل ليلة يتوعد هالبران ويتذكر المدينة وأنوارها ..


المهم قال هالقصيدة مداعبة لأصحابه الذين عرفوا شعوره ..




يا ما حلا صوت الضجيج .. وسط المدينة يا حمد *** لا عاد نطلع للخلا .. وأنّا في نعمتنا نزود

وش جابني لأرض الشقا .. ما مرها قبلي أحد *** قفر خلا غرب النقا .. بين الحزوم اللي تنود

قلبي على كفي سقط ..خوفي يزود ولا خمد *** في ظلمة الليل البهيم .. بين الأمل وأهلي حدود

يا ما حلا وأنّا نحوم .. في زحمة الراحل فهد *** ولا بشارعنا نحوم .. والوقت في سيره مدود

لا نامس تشكي ولا .. برد يفك العظم أبد *** في راحة ما مثلها .. بس القرادة ما تفود

شوف الفياض اللي ملت .. عيني أنا ما هي نكد *** بس الضعيف اللي يخور .. لا غابت الشمس الصدود

في ديرة اللي قد شغف .. قلبي بطبعه يا سند *** شفت النعيم اللي ملا .. عيني بشوق لي يقود

في ديرتي شفت الفرح .. في بيت ربي قد سجد *** والقوم في بيت الرحيم .. يرجون رحمان ودود






وسلامتكم ..

[جرير]

صح لسان رفيقك
وترى الخوي ياحسين مثل الامانه

[اميرة الظلام]

في ديرتي شفت الفرح .. في بيت ربي قد سجد *** والقوم في بيت الرحيم .. يرجون رحمان ودود

صدى الحادي

صح السانك مودتي وتقديري لك ..,,

[أحمد السكران]

هههههههههه
مانيب قايل مسيكين وهو جايبن هالقصيده مير الظاهر ان شيطانه مايحب الا المدينه
الف شكر لك ياخوي وصح لسانه

[صدى الحادي]

صح بدنكم .. :) ..


- صدقت والله يا جرير الخوي مثل الأمانة ،، والله حكمة أحطها ذي في قلبي .. الله يجزاك خير ..

- أميرة الظلام : يا هلا والله بك ويا مرحبا ..

- أحمد السكران :ههههههههه .. لو تشوفه يتوعد هالبران .. ويقول لا عادت .. ثم إذا أصبحنا تغير رايه :) .. حتى ما يقيّل عشان يرقد زين .. الله يفرج كربه :) .. هههههه .. يا هلا بك والله ..

..

[ابو جبريل]

قفر خلا غرب النقا .. بين الحزوم اللي تنود

شطر مسبوك والله

وقصيده طيبه

والله يصبره على اخوياه الكشاته :)

[ابومثنى]

ولا اروع من القصيده

[قناص الربع]

صح لسانك الله

[وحيد الصحراء]

السلام عليكم وصبحكم الله بالخير ومشكور على القصيدة الرائعة ومن جد اعجبتني وقلت لازم اجاريها بنفس المضمون والقافيه وعلى نفس الطرق


اطرب مع الشعر البهيج .. واردد ابياتك بعد &&&ولو تسمعه كل الملا.. ترقص على كل الحدود

من غربها للمشرقا ..يطرب على صوت الرعد&&&وسحاب نجد اللي
سقا..ريضانها واملا السدود

تصبح كما بحر وشط ..ويطرب لها غض النهد&&&ويختالها هب النسيم ..لامن تمايل بالورود

ويحلى بها لون الغيوم .. الى تجمع والتبد &&&وامطر على كل الحزوم.. وسيل حدر فوق النفود

والطير حلق واعتلى.. طربان يا طير السعد&&& في رحلة ما ملها.. لا من تعلى بالصعود

وفياض نجد ازهرت .. وريح النفل فيه شهد&&&بريح مثل ريح البخور .. الى اجتمع في وسط عود

يذكر مع ذكر السلف.. لو هو عديم من البلد&&&والطيب مشهور بغلا .. ومن سعره الغالي يزود

والمسئلة رد ومرح .. وقصيدتك روعه بجد&&&وجبت لك رد عظيم .. علي بمردودي اجود


تقبلوا تحياتي اخوكم وحيد الصحراء التميمي