فاهيتا الدجاج مع الشيف هيشو افندي..

[hisham202]

السلام عليكم ورحمة الله وبركاته
(الموضوع للعزابيه...وتم تنفيذ الطبخه في الغرفه:D )
لايغركم العنوان...لكن يلزمك كاس عنب عقب العشاء اللي ابسدحه لكم فيذا..


المهم خلنا نعلمكم الهرجه من البدايه..
امس طلعت من دوامي الساعه 11 مساءا ووصلت الغرفه الساعه 12 الا ربع..النوم لاعب بي لعب موب طبيعي..
نمت وقمت الفجر..جويعان شوي..المهم رجعت وغطيت لي غطه عقب الصلاة ابو ساعه..
ومير الجوع يجي ويشوتني مع قفاي ويقول قم دبر لك عيشه يادلخ!!
المهم واقوم..واطير للسوبر ماركت حقنا..واشتري شلتن طيبه من الحركات..


وتمسك على الصبحيه فاهيتا دجاج..


طبعا لاني ماتغديت ولا تعشيت امس..الويندوز عندي يقول هذي حزة عشاء.والشمس طالعتن تنور لك عشان تشوف عشاك زين


المهم..
المقادير:


صدر دجاجه مقطع قطع متوسطة الحجم..
بصله + حبة فلفل اخضر بارد (ايه هذاك اللي منتفخ وليس حراقا)
ليمونه صفراء..اهم شي لاتصير تستهبل وصايره خضراء
بودرة باربيكو + بودرة ثوم+ بودرة الباربيكا اللي هي فلفل حار مطحون لكنه لزيييز



المهم اغلب الموضوع راح يكون موضح بالصور..


اولا قطع البصله والفلفل البارد وصب عليها مايعادل ملعقة اكل كبيره من الزيت..
يعني الكميه نوعا ما بسيطه..في صحن قبل لاتخلطها وتحطها في المقلاة..زي كذا..


http://www.cars-club.com/up/8-2-1/carsclub_28573168.JPG



وبعدها تحطها في مقلاة ساخنه ..يعني اول ماتحطها يطربك الصوت..تشش تششش تششش...
زي كذا...


http://www.cars-club.com/up/8-2-1/carsclub_66793818.JPG



على ماياخذ البصل وقته عشان يتحمر على خفيف..روح اتفاهم مع الدجاجه..
تجيبها وتحطها في الصحن وتصب عليها ملعقة زيت..وتحط البهارات..وتعصر عليها الليمونه..زي كذا..
(تعمدت اخلي كم قطعه من الدجاجه فوق عشان تشوفون كيف البهارات بتغطيها..)


http://www.cars-club.com/up/8-2-1/carsclub_41649821.JPG



ثم ابدأ عملية التقليب عشان تتوزع البهارات والزيت وتنخلط بالشكل المناسب....زي كذا...


http://www.cars-club.com/up/8-2-1/carsclub_16241929.JPG



تحط الدجاج في قدر تيفال ثاني ويكون ساخن قبل لاتحطه..عشان تطرب عمرك بالصوت..تشششش تشششش تشش..


http://www.cars-club.com/up/8-2-1/carsclub_83426738.JPG



لاتصيرون مثلي وتنسون البصل ماتقلبونه!! لازم تقلبونه باستمرار..وكذلك الدجاج اللي تقلبه على نار متوسطه الى عاليه جزئيا..


وقتها بتشوف موية الدجاج تطلع زي كذا..


http://www.cars-club.com/up/8-2-1/carsclub_68931156.JPG



استمر بالتقليب الى ان يتبخر الماء بالكامل... زي كذا تقريبا..



http://www.cars-club.com/up/8-2-1/carsclub_85173712.JPG

تابع عزيزي تابع..فللموضوع بقيه...

[hisham202]

الآن تضيف البصل على الدجاج...زي كذا..


http://www.cars-club.com/up/8-2-1/carsclub_58975771.JPG



سوي اخلط اخلط اخلط ياصديق ..سيم سيم كذا..


http://www.cars-club.com/up/8-2-1/carsclub_20956864.JPG




عاد هنا تجي اللمسه السحريه الخاصه اللي تعطي نكهه مميزه بالنسبه لي..اللي هي صلصة الستيك..ولو انها مالها دخل بالطبخه ذي..
لكنها تعطي مذاقا رائعا..خصوصا اذا كانت بكميه موزونه..وتحطها قبل لايوصل الدجاج للمرحله الاخيره من الطبخ..زي كذا..


http://www.cars-club.com/up/8-2-1/carsclub_42474024.JPG




استمر بالتقليب واستمتع بصوت التشتشه الى ان تختفي صلصة الستيك وتمتزج بالدجاج..
الآن حان وقت اللمسات الاخيره ماقبل التقديم..


حطها في صحن هذاك اللي يتحمل الحريق مدري الحراره..اللي يسمونه بوراكس <<هذا بلك الله يحفظك!!
المهم حطها والفرن لازم يكون شغال على حرارة 300..
زي كذا..


http://www.cars-club.com/up/8-2-1/carsclub_38171956.JPG



تدري ليش الفرن لازم يكون شغال؟؟ عشان الجبنه التشيدر المبشوره اللي بتحطها على الدجاج..
زي كذا..


http://www.cars-club.com/up/8-2-1/carsclub_11550749.JPG



والآن ارميها في الفرن مدة 3 دقائق بالكثير..يعني بس الوقت اللي يحتاجه الجبن عشان يذوب..


http://www.cars-club.com/up/8-2-1/carsclub_83605457.JPG



مهما تطور العزوبي..لاتزال وسائل التقديم بدائية جدا جدا..


http://www.cars-club.com/up/8-2-1/carsclub_51669261.JPG



بالله هالصوره ماتستاهل تصير خلفيه؟؟؟


http://www.cars-club.com/up/8-2-1/carsclub_76309682.JPG



والسفن اب لازم يترزز بالصوره...


http://www.cars-club.com/up/8-2-1/carsclub_24409675.JPG



الاعضاء الحلوين اللي مشاركين بالطبخه...


http://www.cars-club.com/up/8-2-1/carsclub_59876436.JPG




وبالهناء والشفاء..


عموما..
ملاحظه مهمه جدا..
اللي بتسوي فاهمه على ابوها ولا رجلها..
لاتكثر البهارات اذا كان ابو الشباب عنده قولون ولا معدته ماتتحمل..
بامكانها تقليل البهارات وتدعمها برشّة خل وتزيد من الليمون الاصفر..لعله يصير ارحم شوي على المعده من البهارات




وبالتوفيق ^_^

[ابوعيسى1000]

ياما تلوعنا من العزوبية ماشاءالله تبارك الله:good:

[أخت مبارك]

احسن شي سويته صورت لنا البهارات
تسلم وبيض الله وجهك على الطبخه الحلوة

[hisham202]

ياما تلوعنا من العزوبية ماشاءالله تبارك الله:good:

:D


احسن شي سويته صورت لنا البهارات
تسلم وبيض الله وجهك على الطبخه الحلوة
على فكره يمكن اضافة نصف ملعقة زبادي وملعقة طعام خل لكل صدر دجاجه مع التتبيله..والافضل يتم تحضير التتبيله مسبقا ووضعها في الصلاجه عشان الدجاج يتخمر فيها صح قبل ان يتم تحضيره

والله يوفقك ..وجربي ورق الغار..ينفع معه:rolleyes:

[مضرب المثل]

تسلم على الطبخه الطعمه يم يم يم

[ALMOKTAR]

الله يعطيك العافية والله ذبحتنا العزوبية والمطاعم
الله يخارجنا منها بخير
وكل عزوبي تلقى عنده طبخة يتفنن فيها
بالنسبيه لي دكتور مكرونة
والله يعطيك الف عافية على هالطبخة اللي سيتم تنفيذها خلال هذا الاسبوع بأذن الله

[no fear 78]

حلو يا حلو

[الغزال الشارد]

الله يعطيك العافية وبيض الله وجهك

[صائد الضبان]

الله يعطيك العافية ..

وعلى البركة الشقة الجديدة مدري البيت الجديد .

[Treble H]

والله حركااات...
بارك الله فيك وبالهنا والعافية..

[فاقد السحاب]

حلو يامعلم الله يعطيك العافية
شغل عدل

[عبدالهادي]

الله يذكر المنيره بالخير

ماشالله عليك

[خواتم]

الله يعطيك العافية

[دهران]

الأخ الغالي / hisham202


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif



ننتظر المزيد من هذه الطبخات الجميلة .


وتقبل أعذب وأرق تحية .

[theghost_x]

ماشاء الله عليك شكل الطبخه لذيذة وسهلة ولا تاخذ وقت

بس ياخوك ماكأنك متوصي شوي بالمواعين :) .. خبري بالعزوبية يستخدمون بالكثير قدرين

الله يعينك على التغسيل إلا اذا عندك غسالة صحون


الظاهر انه ناقصك شوية خبيزات حارة

[عرق دقله]

ألف شكر على الموضوع الرئع ما قصرت

[Prof]

حركات والله ..

[العتين]

بيض الله وجهك
جعله مهابيطه العافية

[Rahhal_xp]

شرح رائع ومفيد،
يبي لي أحاول أجرب خصوصا اني على وش عزوبية:)

[أبشروا بالخير]

ماشاء الله تبارك الله
موضوع 100%
بالعافية عليك

[السراب9999]

تسلم على الكبسة , الصيادية , بارك الله فيك

[المبتكر1]

ما شاء الله تبارك الله
هههههه اي والله اطرب مع صوت التشتشه يااااااهي مطربة صح ومنعشة بعد
صراحة صوتها يكفي ههههههه
صحة وعافية

[أبو إبراهيم !!]

الله يعافيك خوش طبيخه

[asa39]

مشاء الله عليك

[ولايف]

hisham202



هلا و غلا بك



الله يعطيك ألف عافية



وتسلمـ يمينك على هالطبق المميز



والله شئ جميل نعرف به عزوبي يتفنن بالمطبخ



ويقدم الطبخه بطريقة مميزه



لو اضفت له شرائح من اليمون مع التتبيله



يصير له طعم ونكهة خاصه



بالعافيه عليك



لاعدمنـــــــاك



تقبل مروري

[ابو صعب]

ماشاء الله تبارك الله طبخة جميلة

[شلة صلاصل]

بالعافية ماااااااااااااااااااااااا شاء الله عليك

[ابو هلال2008]

السلام عليكم
عشان تطرب عمرك بالصوت..تشششش تشششش تشش...... ما ذبحك في الطبخه الا تششششش هههههههههه
يعطيك الف الف عافيه ولا تحرمنا من الجديد

تحياتي

[العتل]

الله يعطيك العافية وبيض الله وجهك

[ع العمرو]

وبعدها تحطها في مقلاة ساخنه ..يعني اول ماتحطها يطربك الصوت..تشش تششش تششش...
زي كذا... اعجبتني مرررررررررررررة منذ مبطي ماسمعت التشتشه.

[ahmad6040]

تسلم على الطبخة

[راعي الطلعات]

ماشاءالله

تسلم على هذي الطبخه الطيبه

[ابو امنه]

اللة يعطبك العافية مشكور يالغالي

[ابو امنه]

تصحيح( يعطيك)

[كوماندز]

مشكورررررررررررررررر

[mo7taj]

ما شاء الله تبارك الله
شغل مرتب
بارك الله فيك
تقبل مروري
اخوك ابو اسيل

[فل اوبشن]

شغل مرتب ماشاء الله عليك

تشش تشششششش شهويتنا جعله بالعافية

[جنون الليل]

http://files.fatakat.com/2009/3/1238075953.gif



مشاء الله تبارك الله ولاحول ولاقوة إلا بالله

شغل نظييييييييييييييييييييييييييف جداً ومررررررررررتب
بس هل أكيد أنو إنت اللي تطبخ ولا أحد ثاني:rolleyes:
لأنه بصراحة ناااااااادر جداً نجد رجل يطبخ دون إحداث دمار في المطبخ أو على الأقل على الفرن:D



http://abeermahmoud2006.jeeran.com/572-Thansk.gif

[علي بن جبر]

<شئى راقي ومدروس الله يعطيك بنت الحلال انشاء الله

[theeb]

والله الشكل يدل على انه لذيذ

[عاشق السيل]

لاحول ولاقوة إلا بالله ،،، مشروع تعذيب !!!


عافاك الله وسلم الأيادي كفيت ووفيت يالذيب والمفروض تشوفلك فندق سفن ستار وتشرف على المطعم يالشيف !!!

على طاري سفن ستار بصراحة أعجبتني الوجبة علشان فيها سفن أب قزااااااز هههههههه

بيض الله وجهك وتقبل مروري يالغالي .....

[اراك@]

ماشاء الله عليك

بالعافيه ان شاء الله

[همس الغدير]

بارك الله فيك صراحه طباااااااخ وشغل مرتب

[المحترف800]

كفو والله ... شغل تمام ...

[ss عبدالله ss]

يسلم يديك على الطبخه الحلوة ...........

[رفولوا2]

الطبخة حلوة وخلت المعدة توغوغ (وغ وغ وغ وغ وغ )..... زي كذا

[واحد منكم]

ابــــــــــــــــــــــــــــــــــــــــــــــــ ـــــــــــــــــداع



الف الف الف شكر

[L O R D]

يسلمووووووووووو على الطبخة الحلوة

[ألأطلسي]

بارك الله فيك اخي الكريم

[وادي الريمة]

جعله بالعافيه وننتظر من القادم

[ابوليان2009]

تسلم اخوي على الطبخه اللي اكثر من رائعة ويعطيك العافية

[alkongrs]

ياخي وش خليت الصراحه اتخلي الواحد يتحمس بس يخاف يحوس بالمطبخ يجيه تكفيخ من اخته او امه بس نجرب وماله

[نجم حفرالباطن]

شكر الله لك طبخه رائعه وجميله