مشاهدة النسخة كاملة : برأيكم فيه جهاز يصلح لي؟؟؟
yaseer
26/02/2009, 09:03 PM
السلام عليكم ورحمة الله
مساء الخير
يا جماعة انا عندي الابل تقطع ديار وتروح بعيد
هل فيه جهاز تتبع عن طريق الاقمار الصناعية؟؟
اركبه على الناقة الرأس اللي تسوق الابل؟؟
ما ادري جهاز تتبع حق الاتصالات السعودية هل ينفع في المناطق اللي ما فيه تغطيه شبكة
وهل له بطارية وهل تطول؟؟؟
ودي بفاهم بالاجهزة هذي يفيدني.
وجزاكم الله الجنـــه,,,
yaseer
27/02/2009, 10:26 AM
ما فيه خبر؟؟؟
عبدالله الدوسري
27/02/2009, 11:31 AM
مجرد تساؤل
ما أدري هل ريشة الصقور تصلح ولالا؟
yaseer
27/02/2009, 11:57 AM
لكن سمعت ان بطاريتها تاخذ ثمان ايام
ما تكفي ثمان ايام
وعليكم السلام ورحمة الله وبركاته
حياك الله ياسر
صحيح اخوي فيه جهاز يركب في السياره لمعرفه موقع السياره في حاله السرقه ويتم تتبعه عن طريق الأقمار
الصناعيه عن طريق شركه قد زرت معرضهم في معرض الرياض للكمبيوتر واخذت من عندهم بروشورات
بدورها وان شاء الله اني أحصلها
وعلى ما اذكر ان سعره 3500ريال
وموفق خير ان شاء الله
salehhd
01/03/2009, 03:19 AM
السلام عليكم
اعتقد تقدر تحصلة مثل الي يستخدمونه العلماء لمتابعة هجر الطيور والحيوانات
بس ما اعتد انك راح تحصلة في السعودية بسهوله
اخوي شف هاالعنوان وتشعباته قد تجد فيه ما يفيدك واعذرني لانه طويل وبه تشعبات كثيره حول الموضوع
http://www.navigadget.com/index.php/2009/02/23/naviseer-gps-and-dr-tracking
الرحال الحزين
01/03/2009, 07:45 AM
بالنسبة للبطاريه فيه شحن عن طريق الخلايا الشمسية
يعني مافي خوف بالنسبة للبطاريه
السلام عليكم ورحمة الله وبركاته
على حد شركة النقل الجماعي استعانت بشركة اجنبية لاستخدام جهاز يركب على الحافلة ويرسل عن طريق الاقمار الصناعية معلومات عن الحافلة، منها الموقع والسرعة ... الخ
اخوك عبدالرحمن
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir