ياشباب شنهو نوع الطير هذا

[الرّماي]

ياشباب قبل المغيب وحنا نرمي صار فية عبور واجوال كثيرة من نوع طيور تشبة الطير هذا بالضبط وهو اكبر من الحميميج او الشرياص ونسخة من الشيهانة الجبلية بس اصغر ومخالبة اصغر ياليت الي يعرف نوعة يقولنا ومشكوووريين

http://www.mekshat.com/pix/upload/images5/mk2591_1916.jpg

[أبو تركي القطامي]

السلام عليكم ورحمة الله وبركاته
باشق أو مثل ماقلت الحميميج لأن الحميمج أنواع وهذا واحد منهن

[ابو عايد]

الباشق أو الشبوط :good:

من هنا يالغالي (http://www.mekshat.com/vb/showthread.php?s=&threadid=12987)

وتقبل تحياتي // العاشق الولهان

[الفيتو]

بسم الله الرحمن الرحيم السلام عليكم ورحمة الله وبركاته صلى الله عليه وسلم
الطير يالرماي ما هوب غريبي .. بد يــارنا معـــروف جنوب مكه
باسم( الجليميه) وشكله قريبي .. من طير ثاني يعرف باسم( بكه)


والسلام ختام

[محاذر]

السلام عليكم ورحمة الله وبركاته

اعتقد ان هذا الشرياس وناس يسمونه مساّح الريضان

اسلم وسلّم

[مخلص عمر]

بسم الله الرحمن الرحيم السلام عليكم ورحمة الله وبركاته ان هذا الطير يسمى جورة الشاهين ويوجد طير اخربنفس الحجم ويشبه الحر ويسمى جورة الحر ويهاجر مع باقي الجوارح عندنا في العراق ونستخدمه كنقل.. والبعض صقره على( العلعل) وهو سريع جدا :cool:

[المري]

مرحبا اخوي الرمّاي


الطير هذا العام صاده واحد من الربع وعطاه اعياله يلعبون به وهي كأنه شاهين بس

انه صغير الحجم وجناحه في غاية الطول..

والظاهر اني اوافق اخوي الفيتو على ماقاله:


الطير يالرماي ما هوب غريبي .. بد يــارنا معـــروف جنوب مكه
باسم( الجليميه) وشكله قريبي .. من طير ثاني يعرف باسم( بكه)


ملحوظه الى اخي الفيتو:

ياليت توقيعك يكون بالشكل:



أسوق وأرمي ودث القرص فالمله=وإن غاب عني رفيقي ما ألكز طعونه
والكفو لا أخطى علي أدمح له الزله=وأجيب غير الزعل ما يفرح شجونه
والا الردي لعنبواللي بيتهاون له= حقه علي القديمي حدر حنحونه

[أبو صقر]

السلام عليكم ورحمة الله وبركاته
اولا اقول انه مهب شاهين لا الشاهين مخالبه ومنقاره كبير
وذا كنه سيقان حمامه وراسه وش كبره ومنقاره صغيرواضنه شرياص
وتراه سريع وصغير
واضن ترى ماماادري اضن انه ذكر.

[الكنهري]

اسم الطير ياطويل العمر والسلامة ( بقه )

[امير الرفيعه]

السلام عليكم ورحمة الله وبركاته
هذا والله اعلم انه باشق اوشبوط

[# نومـــــاس#]

السلام عليكم ورحمة الله وبركاته


هذا الطير مو بحميميق ولابكه ولابقه

الطير هذا شبيه لطير يمكن تعرفونه اللي هو الجليميه والفرق بينه وبين الجليميه لون السراويل ، تكون عن الجليميه احمر داكن ومختلف لون النحر مع لون السراويل اما بالنسبه لهذا الطير اللي يكون لون الريش متلاون او متشابه او بلون واحد فهذا يسمى ربع الشيهان وهو قليل جدا واردت ان اخبركم لهذا للمعلوميه فقط فلا نخالط بين الجليميه والربع.

تحياتي لكم
نوماس

[سنافي]

مــــــــع إحترامي لجميع المشاركين الذين قالوا خلاف البكـــــــــــة

الطير هذا بكــة ابن بكــة
ولا منه فـــايدة حتى النقل ما يقوى يشيله
والسلام.

[# نومـــــاس#]

اخي العزيز سنافي البكه تكون بلون واحد ويكون ريشها اسود مثل الغراب وانشاء الله ارفق لكم صورة البكه وهي خلاف لها الطير الموجود .

تقبل تحياتي

نوماس

[لاهور]

هذا باشق

[اعقاب]

السلام عليكم ورحمة الله وبركاته

صح السانك

[سنجاري]

مساكم الله بالخير ... الطير أظن انه من فصيلة الشبابيط ولا يطلع منها ,,, والله أعلم

ولا هنتوا ,,

[عيون المها]

الله يعطيك العافيه

[Eagle]

انا قبل اسبوعين شفت نفس هالطير داخل محمية الجهرا
الظاهر عجبه الوضع اهناك
ومثل ماقالو الاخوان هذا من ربع الحميميج والبعض يسميه حميميج