المساعد الشخصي الرقمي

مشاهدة النسخة كاملة : مطلوب .. مثل اللي بالصورة!


شاص
27/02/2009, 11:24 PM
هذي سلمكم الله قاعدة بثلاثة أرجل تركب عليه عين البريموس بحيث تكون على الأرض لا على اسطوانة الغاز .. وقد سبق وأن طرحها مشرفنا الغالي أبو أسامة (عندك يابعدي) في أحد مواضيعه المتميزة ... وذكر لي أنها كانت موجودة عند السنيدي وتزهل به لكن ما ودي بالكلافة عليه وخاصة أن سبق وأن خدمني الله يبيض وجهه ..


فاللي سبق وأن شاهد مثله بالرياض ياليت يعطين خبر وين شافه وبكم سعره تقريباً .. ولكم الشكر مقدماً


http://www.mekshat.com/pix/upload01/prof002/mk32963_ynm.jpg
سرهيد
27/02/2009, 11:53 PM
ان كاني ما اني واهم كني شفته عند البرية

بس سالفة ان عين البريموس تركب عليه هذي ما اني متأكد منها

تقبل احترامي
منــاكد
27/02/2009, 11:57 PM
هالتوصيله شي...وله فوايد وفزعات!!!

انا اخذته قبل مايقارب من ثلاث سنوات من محل القناص بالدمام بأربعين ريال...

وهالحين صار لي قريب الشهر ادور مثله بأي سعر ولا لقيت...

وحاليا استعمله لولاعة الحطب حتى لا يخرج السائل مع فوهة الصاروح...

http://www.mekshat.com/pix/upload03/images102/mk11176_20090227735.jpg

فأنا اضم صوتي لصوت أخي شاص وأقول اللي يلقاه يعلمنا الله يجزاه خير...
لاتكب البيالة
28/02/2009, 12:02 AM
اتوقع الحديدة فكرته سهلة وممكن نصلح زيه

لكن اللي من تحت وشلون يشبك على طول بالقز او وشلون يعني باعربي ليت احد يورينا اياه مفكوكه بلحاله وكم ابعاده
معشي الذيبّ
28/02/2009, 12:02 AM
مثل ما قال أبوعبدالله

شاايفه قبل يومين في البريه
منــاكد
28/02/2009, 12:24 AM
هذي صور الهوز لحاله...

مكتوب عليه الأتي:
Cobra Gas Adapter Kovea
يعني محول غاز كوبرا إلى كوفيا...

http://www.mekshat.com/pix/upload03/images102/mk11176_20090228745.jpg

http://www.mekshat.com/pix/upload03/images102/mk11176_20090228747.jpg

وتقبلوا أحلى تحيه...

.
لاتكب البيالة
28/02/2009, 12:29 AM
اها انا احسبة ثلاث رجلين ألحمهن وخلاص اجل ما دامه كذا يبغاله شغل:no:
ابوعابد2500
28/02/2009, 12:32 AM
والله اني ماسكها قبل يومين بيدي وقاعد اقلبها ابعرف وش هي

يا بمحل البريه او برق الحيا
راعي معنى
28/02/2009, 12:56 AM
موجودة عندالسنيدي وعلى ما اظن سعرها بــ 150 ريال
أبو براك
28/02/2009, 01:05 AM
سعره ب40 ريال محصله في الحفر في احد زياراتي لها

كما انه يركب على دوافير بريموس وكوفيا الصغير
منــاكد
28/02/2009, 01:06 AM
ليش 150؟؟؟

سعره بالنت مايتعدى 35 ريال!!!

.
سطام vip
28/02/2009, 01:08 AM
هذا الله يسلمكم موجود عند السنيدي في القصيم الاسبوع الي راح كنت فيه

وشايفه هناك واهو يحول من الكوبرا للكوفيا وسعره 30 ريال اذا ماني غلطان

بس صراحه ما اعجبني لان الارجل ضعيفه واللي (الهوز) مغطى بماده مثل الصوف

ما اعجبني ولو اني عارف انكم تبغونه كان من عيوني والله اوصله لكم

بس الشكوى لله
منــاكد
28/02/2009, 01:18 AM
الله يجزاك خير ياسطام...

واللي مثل الصوف هذا الياف مقاومه للحراره...

وعلى فكره يركب عليه البريمس على طول...

تحياتي...
shaheenshah
28/02/2009, 01:18 AM
ليش 150؟؟؟

سعره بالنت مايتعدى 35 ريال!!!

.

لازم السرق يا كابتن جاهلينك؟
kaled4004
28/02/2009, 08:59 PM
نروح السنيدي والبرية
شاهي ربيع
28/02/2009, 09:10 PM
:good: :good: انا والله رحت وطي على الدله اللي بالصوره
ان شاء الله تجد مبتغاك
شاص
28/02/2009, 11:05 PM
ماشاء الله عليكم .. تفاعل رائع الله يبيض وجيهكم .. لكم من يجيب العلم الوكاد عن موقع بيعه بالرياض ؟؟

شاهي ربيع اذكر الله .. لا تسبب على دلة الرجال :D
كوفيا 1
01/03/2009, 12:04 AM
هذا المحول أحد منتجات كوفيا واسمه كوبرا
الغرض منه تمكين استخدام علب 220جرام الطويلة مع الدوافير والمنتجات الأخرى المخصصة لعلب 450جرام و230 جرام أي البلف السنه، أي أنه متوافق مع دوافير كوفيا وبريموس.
سعره بحدود 40-45 ريال.
يوجد لدى جميع المحلات التي تبيع منتجات كوفيا.
معدي المرقاب
01/03/2009, 12:13 AM
ياجماعة اليس الدافور يقوم مقامه.نود التوضيح اكثر عن هالراس
وشــــــــــــــــــــــــــــــــــــــكراااااااا ااااااااااااااا