رواق السنيدي الجديد ( منتعش )

[منتعش]

حي الله الجميع - كلن بأسمه -

كنت في جولة لمعرض السياحة البرية بساحة السنيدي للرحلات بالقصيم
وقد قام أخي ومشرفنا الغالي : دهران بتغطية المعرض وموجود على هذا الرابط :

بالصور (( معرض السياحة البرية )) المقام لدى السنيدي للوازم الرحلات (http://www.mekshat.com/vb/showthread.php?t=190319)

وأثنا تجولي بالمعرض شد أنتباهي هذا الرواق البسيط والسريع في تركيبه
وهذه بعض الصور :

http://www.mekshat.com/pix/upload03/images101/mk7805_r001.jpg

http://www.mekshat.com/pix/upload03/images101/mk7805_r002.jpg

http://www.mekshat.com/pix/upload03/images101/mk7805_r003.jpg

مقاسه مناسب في الطول
http://www.mekshat.com/pix/upload03/images101/mk7805_r004.jpg

يفتح بطريقة سهلة بسحاب
http://www.mekshat.com/pix/upload03/images101/mk7805_r005.jpg


صورة لغطأ حفظ الرواق
http://www.mekshat.com/pix/upload03/images101/mk7805_r006.jpg

http://www.mekshat.com/pix/upload03/images101/mk7805_r007.jpg

وهذه بعض الصور للمقطورات ( القلص )

http://www.mekshat.com/pix/upload03/images101/mk7805_r008.jpg

http://www.mekshat.com/pix/upload03/images101/mk7805_r009.jpg

آمل أن ينال على إعجابكم

[الهاواوي]

هل يوجد منه مقاسات

[jgjc]

الله يعطك العافيه يامشرفنا على النقل اطيب

[سندباد الخليج]

يعطيك العافيه مشرفنا الغالي منتعش


مشكور على موافاتك بكل جديد لهذا الصرح الشامخ ( مكشات )


مجهود تشكر عليه ويعطيك العافيه

[أبو مها]

شكرا جزيلا أخي العزيز منتعش
فعلا رواق مبتكر ورايق وياليته متوفر بالرياض
وياليتك زودتنا بأطوالة وهل استطيع ان اركب رواقين
مع بعض لزيادة مساحة الجلسة

أخيرا ،،جزاك الله خير ورحم الله والديك

أخوك ومحبك
أبو مها

[ابو عنقا]

رواق رائع

ولكن لو وضعو فتحات للتهوية للدخان لكان ممتازا

شكرا يا منتعش

[لاتكب البيالة]

الله يعطيك العافية رواق خفيف

لكن لا تغركم خفته ووذافنه لان مثل هلاشياء تخرب بسرعة واتوقع اذا جاء هواء قوي اتوقع يا يطير او يتشقق

[سرهيد]

السلام عليكم

هلا والله اخوي ابو معاذ

ما شاء الله الفكره حلوة في سهولة التركيب

السؤال : كيف وقف ، يعني هل باطناب ام بحبال نبي تفاصيل

بعدين اشوف انه رفيع شوي وله عدة زوايا مما يجعل الداخل فيه مكتوم بالجلسة

تقبل احترامي

[عندك يابعدي]

يعطيـــــــــــــــــك العافية

أخوي منتعش


فكرة سهلة وحلوة

ننتظر جديدك بارك الله فيك وفي جهودك

[نجد 1]

الله يعطيك العافيه

[mntf13]

كم سعره ؟؟

[ابوسعودد]

رواق حلو وابداع وجاري مشاهده على الطبيعه لاخذ اكثر في التفاصيل

[بن نويشر]

خفيف بالحيل وما يفي بالغرض ، يصلح للعوائل عند البحر أو الرحلات الخفافية ..

[قاصد الصمان]

مشكور على جهودك ولكن الرواق هذا لايمكن ان يتحمل شدة الرياح وخصوصاً في مثل هذه الأيام لكونه لايثبت با طناب
لكن تبقى فكرته حلوة خصوصاً للعائلة ولكن في حالة عدم إشتداد الهواء

[العريني1]

اولا.. الله يجزاك خير على نقل الفكره ..:good:
ثانيا..اظن هذا مثل الخيام الساحليه...اللي تنفك من حالها اسيام مقويه....
اتوقع مع الهواء يتعب ..
في رأيي يصلح فعلا للعوائل طلعات خفافيه او عند البحر ..

اكرر شكري لك ويكفي منك اعطاء فكره عن هذا المنتج...

يمكن يكون بداية للابتكار ويطلع لنا واحد من مبدعي مكشات مثله بمواصفات احسن

ابوعلي

[أبومنصور]

عافاك الله يابومعاذ
انعشتنا بهالموضوع لان الصراحه فكرته رائعه جداً
ولكن ليتك ذكرت لنا السعر والأحجام ان كان هناك مقاسات :)

[مرقب]

فكرة متميزة .. ومما زاد إعجابي

بها أنه بإمكانك فتح تهوية لدخول الهواء


..

محبكـ

[معشي الذيبّ]

خفيف الوزن
لا يأخذ حيز في السيارة
سهل التركيب والفك


الله يعطيك العافيه أخوي منتعش

لكن يعيبه أنه خفيف جداً يعني أي هبت هواء بيطير معاها
وقماشه خفيف

[أبوراشد]

يصلح للعوايل
أما لاهبت بيتمزّع

[شعال]

شكرا لك اخي منتعش
بس فيه ملاحظه
الرواق مرتفع والمساحه ضيقه
يجمع عليك الدخان اذا شبيت نار

ارجو انك تقبل مروري
ويعطيك الف عافيه

[شاهي ربيع]

صراحه اعجبني فيه حجمه الصغير، كنه شماسه سياره
لكن يبدولي انه للطلعات الخفيفه والخفافيه
ياليت اخوي تفيدنا بطريقه نصبه
يتهيأ لي انها اطناب في الزوايا .؟

[aboyagob]

خوش طالعين بر ول طالعين نصك على انفسنا باربع جدران ..

فعلان اختراعات عجيبه من السنيدي ..

[منتعش]

حي الله الجميع


الهاواوي
يوجد مقاسين
كبير 3.20م×3.20م بإرتفاع 1.50م
صغير 2م×2م× بإرتفاع 1.50
والله يوفقك .


jgjc
الله يعافيك ويوفقك .


سندباد الخليج
الله يعافيك ويرضى عليك .


ابومها
نورت الموضوع بطلتك الحلوة
المقاسات كما ذكرت لأخونا : الهاواوي في أعلى الرد
وبإمكانك تجمعها على بعض ويكون الباب مدخل للرواقات الآخرى
والله يسعدك ويوفقك ويبارك فيك .


ابوعنقا
صدقت ولعلي أوصل المعلومة لهم إن شاء الله
والله يرعاك .


لاتكب البيالة
هو الله يحفظك للجلسات القصيرة وذري للعوائل أو الغبار أو عند البحر
والله يوفقك .


سرهيد الساحات العربية


هذه صورة لكيفيتة تثبيته
http://www.mekshat.com/pix/upload03/images101/mk7805_r00000001.jpg


والله يوفقك ويحفظك يابوعبدالله .

[الخيّر]

شكرا لك

هذا الذري مفيد جدا

[منتعش]

حي الله مشرفنا الغالي : عندك يابعدي
وأشكرك على مرورك الطيب
والله يوفقك .


ياهلا وغلا بأخوي : نجد 1
الله يعافيك ويوفقك .


مراحب بالمحب : mntf13
السعر الله يحفظك
الكبير : 175 ريال
الصغير : 145 ريال .
والله يوفقك .


أهلين وسهلين : ابوسعودد
الله يقويك
وياليت تفيدنا أثناء مرورك
والله يرعاك .


ياهلا وغلا : بن نويشر
صدقت يفيد العوائل أكثر
والله يوفقك .


حي الله أخوي : قاصد الصمان
يوجد له براغي من البلاستيك لتثبيته بالأرض وحبال للربط
والصورة موجودة في الرد على سرهيد .
والله يوفقك .


هلا وغلا بأخوي االغالي : العريني1
صدقت
يصلح في الصيف وللعوائل
ويوجد عندنا رجال مبدعين سوف يقومون بالتطوير إن شاء الله
وأسأل الله لهم العون والتوفيق .


ياهلا وغلا بأخوي : فيصل المنصور
نورت الموضوع بطلتك الحلوة
المقاسات والسعر ذكرتها في الردود
والله يسعدك ويوفقك .


هلا وغلا بالحبيب : مرقب
وسرني مرورك الطيب
والله يرعاك .


حي الله أخوي : معشي الذيبّ
صدقت صغير الحجم وسهل التركيب
ومع التثبيت لعله يكون قوي .
والله يوفقك .


يامراحب بالحبيب : أبوراشد
صدقت مناسب للعوائل
حفظك الله .


حي الله أخوي : شعال
هذه عينة ولعل آرائكم ومقترحاتكم تفيد في التطوير
والأخوان في السنيدي يتقبلون مقترحاتكم وأفكاركم ويقومون بالتطوير
بارك الله فيك .


أهلين وسهلين بالمحب : شاهي ربيع
صدقت يوجد معه براغي للتثبيت
بارك الله فيك .


ياهلا وغلا بالحبيب : aboyagob
هلابك ومرحبابك
مناسب للطلعات الخفيفة ومناسب للعوائل
والله يوفقك .

[الوفي]

الله يعطيك العافية وماشاء الله عليك تغطيه مباشره


بالنسبة للرواق شفته يوم الخميس عند السنيدي في بريدة عارضينه قدام المحل

ومثل ماتفضل الأخوان هذا رواق حق (ستر) يعني للي معه عائلة ويبي ياخذ راحته

أما هبايب فلن يتحمل أبداً

وأشوف حبال طالعه من أطراف الرواق إلى الأرض ومثبته

أما بالنسبة للأسعار للأسف لم استطع الحصول عليها لأن عمال السنيدي كل واحد يرميني على الثاني

[ابوفهد 1]

بارك الله فيك أخوي منتعش

الرواق كفكرة ممتـــــــــاز..

لكن اعتقد إذا كان الهواء قوي ما ينفع حتى لو كان مثبت بحبال


تحيـــــــــــاتي لك

ابوفهد

[بن دويش]

مشكور والله رواق جميل وممتاز وعملي...

[ربع 91]

شكله خفيف وجميل


مشكورعلى الصور

[ابوهتان2007]

شكرآ لك مشرفنا على هذا الموضوع

[سطام vip]

ما شاء الله تبارك الرحمن

الله يعطيك العافيه مشرفنا الغالي

وصراحه الفكرة راااائعه وانا مع بعض الملاحظات على الرواق

يعني لو كان فيه تدعيم اكثر كان بيطلع احسن واحسن

المشكله انا كنت عندهم يوم الاحد الي راح ما شفتها يمكن ما انتبهت له

ع العموم يضل لكل منتج عيوبه ومميزاته

الف شكر لك على هالتقرير الرائع

ودمت بحفظ المولى

[sari961]

يعطيك العافيه اخوي ومشكور

[ابرهيم الدهمش]

الله يعطك العافيه

[AL-Hadbani]

كم سعره الله يحفظك

[إعصار]

لاهنت يالغالي ..

وهذا ميزة الصغر اذا تصفط .. ويفي بالغرض للعائلات .. والشغلات الخفيفة ..


لكنن لاهبت شمالية .. ماظن يزبن الا الرواق التقليدي .. بس اهم شي اطنابه حديد كله صبه وحده ..

مهو مثل خمام الغرابي ..

لاهنت على كل حال يامشرفنا الغالي ..

[كاشخ 24 ساعه]

بالله من سعر هذا يامنتعش وما هي مقاساته وشكرا لك

http://www.mekshat.com/pix/upload03/images101/mk7805_r008.jpg

[الخبوبي]

[quote=منتعش;2500183]

http://www.mekshat.com/pix/upload03/images101/mk7805_r001.jpg






أخي الغالي منتعش ,,

أشكرك كثيرآ على طرح هذا الموضوع حتى أعلمكم إني شريت هذا الرواق من السنيدي :D

كنت عند السنيدي يوم الأربعاء الفائت , وأعجبني هذا الرواق , خصوصآ للعائله فهو ساتر

صحيح إنه خفيف ,, لكن ممكن تعمله تثبيت مع الزواياء وبيكون قوي نوعآ ما

أخذت المقاس الكبير بـــ 175 ريال ,, وعملية تصفيطه سهله جدآ ولا يأخذ حيز في السياره

وممكن إستعماله خيمه بوضع طربال بلاستيكي فوقه وشده من الأطراف ولا أحلى


تحياتي للجميع ,, خبوبي بريده :D

[الغزال الشارد]

يعطيـــــــــــــــــك العافية

أخوي منتعش


فكرة سهلة وحلوة

ننتظر جديدك بارك الله فيك وفي جهودك

[منتعش]

حي الله الجميع


الوفي
أشكرك على المرور والتعليق
بارك الله فيك .

ابوفهد 1
هلابك ومرحبابك
وسرني مرورك الطيب
والله يوفقك .

رفرف 505
هلا وغلا بالمحب
ويعطيك العافية على المرور .

ربع 91
ما يحتاج خفيف مره
وهلابك .

ابوهتان2007
لا شكر على واجب
والله يوفقك .

سطام vip
نورت الموضوع بطلتك الحلوة
والله يوفقك .

[مدورالصمان]

بارك الله فيك ... لكن هل يوجد في الرياض ؟

[عبدالرحمن305]

اخوي مشرفنا الغالي منتعش
الله يبيض وجهك على الرواق المبتكر
فعلا يستحق الشراء خفيف الحمل صغير الحجم وعدد الاطناب قليل
والله يطول عمر اخونا الغالي ومشرفنا دهران على التغطيه الحلوه
لكم تحياتي وتقديري

[الناب]

يعطيك العافيه أخي العزيز/ منتعش

ننتظر وكيل السنيدي في الدمام يوفر لنا هالرواق

رواق جميل وفكرته رائع
ما قلت لنا هل شريته ؟ هل جربته؟

[منتعش]

حي الله الجميع



sari961
الله يعافيك ويوفقك .


ابرهيم الدهمش
الله يعافيك ويحفظك .


هواوي F150
الكبير بـ 175 ريال المقاس 3.20م×3.20م بإرتفاع 1.50م
الصغير بـ 145 ريال المقاس 2م×2م× بإرتفاع 1.50م


إعصار
هلابك ومرحبابك
وأشكرك على المرور .


كاشخ 24 ساعه
المقاسات والأسعار تختلف بالنسبة للمقطورات ( القلص )
والسعر فيه 8.999 ريال - 9.800 ريال حسب الطلب والإضافات .


الخبوبي
على البركه والله يعطيك خيره ويكفيك شره
وياليت تفيدنا بتجاربك معه أثناء طلعاتك .


الغزال الشارد
أهلين وسهلين بالغالي
وسرني مرورك الطيب
والله يوفقك .


مدورالصمان
ما أتوقع وصوله للرياض
يبيله فترة ويوصل إن شاء الله .


عبدالرحمن305
هلابك ومرحبابك
وأشكرك على عباراتك الطيبة
والله يسعدك .


الناب
نورت الموضوع بطلتك الحلوة
للأسف لم أجربه
ولكن إن شاء الله قريباً .

[محمد بن سعيد]

ما شاء الله تبارك الله بصراحة شيء

[مخاوي قناص]

تسلم بارك الله فيك رواق رائع وخفيف بس انا مريتهم في بداية الاجازه

لم اشاهده اخي ابومعاذ نبي نعرف السعر لطول 10 متر الله لايهينك ياغالي

تقبل مروري

مخاوي قناص

[أبو راكان]

مشكور على التغطية والمتابعة لموضوعك
اشيد بالفكرة الممتازة
ولاكن لا نسلم كل افكارنا لسنيدي لكي ينفذها لنا
لماذا لا يقوم كل منا بتطويره او اي شيء غيره بنفسه ولا ننتظر السنيدي او غيره يطوره لنا
صدقوني لكل منا ملكة ابداع وابتكار وهبها الله له فلنستغلها
ما احلى المتعة بعد ان تطور اي شيء بنفسك او تصنعة او تبتكره
جربوا الابتكار والتطوير بانفسكم ولا تبخلوا على منتدانا بعرض ما انجز
يقول المثل ( لا تصطاد لي السمكة بل علمني كيف اصطادها)
تحياتي للجميع

[مقلع الرمث]

والله انشاء الله بكراء ابروح لمهم وابطقلي واحد طيب انشاء الله

[لاتكب البيالة]

مشكور على التغطية والمتابعة لموضوعك
اشيد بالفكرة الممتازة
ولاكن لا نسلم كل افكارنا لسنيدي لكي ينفذها لنا
لماذا لا يقوم كل منا بتطويره او اي شيء غيره بنفسه ولا ننتظر السنيدي او غيره يطوره لنا
صدقوني لكل منا ملكة ابداع وابتكار وهبها الله له فلنستغلها
ما احلى المتعة بعد ان تطور اي شيء بنفسك او تصنعة او تبتكره
جربوا الابتكار والتطوير بانفسكم ولا تبخلوا على منتدانا بعرض ما انجز
يقول المثل ( لا تصطاد لي السمكة بل علمني كيف اصطادها)
تحياتي للجميع

كلام كبير يكتب بماء الذهب

[قولد]

الله يعطيك العافية شكله ممتاز ويكفيك صغر الحجم
وجزاك الله خير

[ابو مشعل2]

مشكور والله حلو
ويستاهل

[العتل]

يقول المثل ( لا تصطاد لي السمكة بل علمني كيف اصطادها)
ياسلام عليكم يابو راكان يعطيك العافية على ذا الحكمة

[gxr2001]

مشكور اخوي ويعطيك العافية

[الساهر20]

يارجال مامثل الرواق العادى افضل بكثير اما بخصوص بعض المنتجات ماودك تتوهق فيها شريت خيمة من السنيدى وكشت فيها واول يوم رقدت بجنبها اتعبتنى فى البناء وحلفت انى لااجدعها واليوم الثانىركبتها بعد ثلاث ساعات من الجهد مع اربع شباب واكسر احد اطرافها وربطناه بحبل وبعدها قلت توبه اجرب شي جديد خيمه وعامود افضل من الموجود حتى لو صارت ثقيلة لكن اضمن من شي ماتعرفله الخيمة اسمها الصحراء

[الناب]

وصلت اليوم لمحل القناص في الدمام

وسعر المترين 155 ريال

[مسامرالليل]

سلمت يديك يابو معاذ
ولاحرمنا الله من جديدك
والحقيقة رواق جميل ويصلح لجلسات الطعام وخصوصا للعوائل
وان كان يعيب عليه ارتفاعه فلو كان ارتفاعه فى حدود المتر والنصف اعتقد ازين
وقد يقوم السنيدي باجراء تعديلات عليه مستقبلا
وافضل مافى الرواق انه يتصفط وخفيف الحمل وصغير الحجم
ولاياخذ حيز فى السيارة

محبك : ابو ثامر

[منتعش]

حي الله الجميع


محمد بن سعيد
هلابك وأشكرك على المرور .

مخاوي قناص
هلا وغلا بأخوي الغالي
الأسعار ذكرتها في الردود السابقة
وليس عندهم إلا مقاسين
3.20×3.20×1.50م السعر 175 ريال
2×2×1.50م السعر 145 ريال


أبو راكان
أنت :good:
وكلام سليم وجميل عافاك الله ورعاك ووفقك .


مقلع الرمث
الله يعطيك خيره ويكفيك شره .


لاتكب البيالة
صدقت يكتب بماء الذهب .


قولد
يامراحب بالحبيب
الميزة صغر الحجم ولا يأخذ مكان بالسيارة .


ابو مشعل2
لا شكر على واجب
والله يوفقك .


العتل :good:


gxr2001
الله يعافيك .


الساهر20
الله يعينك ويوفقك .


الناب
الزيادة 10 ريال
مسافة الطريق والشحن .


msamer
يامليون هلا وغلا بأخوي الغالي والمحب
ونورت الموضوع بردك الجميل وعباراتك الأجمل
بارك الله فيك والله يوفقك ويحفظك ويرعاك .

[yos999]

من زمان وانا ابحث عنه

[ابو نواف المطرفي]

يعطيك العافيه ... شكله حلو

[( الزاهر )]

منتعش واسمح لي ازهم عليكم بهذي الطريقة ..... الحقيقة ماقصرت ونحتاج مثل هذي الفكرة بجدة على البحر وبالطائف وقت الزحام بالصيفية .... والله ماتدري وين تجلس عائلتك لو معك غداء والا عشاء .... يا انك تحتار وين توديهم .... وهذا الزين ماياخذ حيز بالسيارة وجميل .... لكن السؤال المهم يالزين .... المدادات التي بداخل القماش من النوع التي مثل البلاستيك وطريقة تصفيطة كيف ... هل هي سهله ...... سامحنا من عشمنا فيكم يالمكشاتية تسلمون ويسلم مكشات واللي صمم مكشات ... الله يجزاكم كل خير .... آمين ...

[أبوعمر1]

رواق رهيب والعيب الوحيد أنه لا يتحمل مع وجود الهواء حتى لو تم التثبيت تبقى

مشكلته السفيلة كيف تثبتها لكن لو أن السنيدي جعل له بطانة في الأسفل

حتى تدفن في الرمل لكان أفضل بكثير

[منتعش]

حي الله الجميع كلن بأسمه


أخوي الغالي: زاهر الشيخي
هذا الرواق سهل الفك والتسفيط وشكله عند التسفيط مثل شماسة السيارات الدائرية
عبارة عن اسيام سهلة الثني
ومناسب جداً لطلعات العوائل وخاصة مثل ما قلت عند البحر .

[شين بس مملوح]

الله يعطيك العافية

[نهار الوقت]

مشكور أخوي على المعلومات

[hassankoc]

كم متر وكم الوزن وكم المده يستغرق لوضعه وحمله وهل ينفتح من الجهه الذي اريدها

[أيوب العواجي]

أنا شريت واحد مقاس
3.20×3.20×1.50م
وفكيته وماعرفت أصفطه يا ليت أحد يعلمنا طريقة التصفيط بالصور
الفزعة يالربع الفزعة من مشرفنا منتعش
لأني في الطائف
ولكم جزيل الشكر

[جير دبي]

الله يعطيك العافيه 000

[قنيص غير]

الله يعطك العافيه

[الشبل الغضنفر]

كم سعره؟ به مقاسات؟ متوفر بالرياض ؟ يوم شفت مزاياه قلت أكيد بيطير شكله مرره خفيف

تقبل مروري تحياتي للجميع

[العودالازرق]

شكله خفيف يمكن ما يصمد امام الرياح

[وادي الرمة]

http://www.emoticons-plus.com/emoticons/anime/fun2/Emoticons-plus.com%20-%201300.gif http://www.emoticons-plus.com/emoticons/anime/fun2/Emoticons-plus.com%20-%201300.gif
http://www.emoticons-plus.com/emoticons/anime/fun2/Emoticons-plus.com%20-%201300.gif http://img214.imageshack.us/img214/397/94829814ga2.gif http://www.emoticons-plus.com/emoticons/anime/fun2/Emoticons-plus.com%20-%201300.gif

[النتاوي]

كم سعر الرواق ..

وجزاكم الله خيرًا ..

[النتاوي]

كم سعره؟ به مقاسات؟ متوفر بالرياض ؟ يوم شفت مزاياه قلت أكيد بيطير شكله مرره خفيف

تقبل مروري تحياتي للجميع

ننتظر الاجابة من الزملاء :)

[مخلب الحر]

الفكرة حلوة

ولكن به عيييب كبيرررر

وهو انوه ينسفط اذا هبت الرياح او الهواء لانوه خفيييف

والله يعطيك العافية

[-الساري-]

يعطيك العافيه أخي العزيز/ منتعش

[ابو ريان1881]

شفت الرواق مع واحد بالدمام عند البحر وكان هناك هواء شديد ومااستطاع يقاوم ولا يصح الا الصحيح الرواق المعتاد الي موجود فيه اعمده

وتقبلوا مروري

[برق الشمال A]

الله يعطيك العافية ماقصرت

[سعود وبس]

أنا شريت واحد مقاس

3.20×3.20×1.50م
وفكيته وماعرفت أصفطه يا ليت أحد يعلمنا طريقة التصفيط بالصور
الفزعة يالربع الفزعة من مشرفنا منتعش
ولكم جزيل الشكر



نفس الوضع توهقت به ما عرفت أصفطه
وش السواة؟

[سديراوي نت]

أنا شريت واحد وما استفدت منه لخفته.. غير انه مكتوم.. فنصيحتي لا احد يشتريه..
وبالنسبة لطويه.. اصفط الجهات الأربع بحيث تكون واجهة وحدة.. بعدين اوقف في النص فوق الرواق بعدين تقدم خطوة وامسك مقدمة الرواق للخلف وادعس عليها برجلك ثم لفه مثل ما تلف شماسة السيارة.. اتمنى اني افدتك..

[jgjc]

السلام عليكم

هلا والله اخوي ابو معاذ

ما شاء الله الفكره حلوة في سهولة التركيب

[ساري بريدة]

شكرآ لك مشرفنا

[عاشق الجمس78]

يعطيك العافيه

[أسير المساري]

خفيييييييييييييييييييييف مرة واتوقع مافي امل يثبت بالهوى لابحبال ولا غيرها

[سعود وبس]

أنا شريت واحد وما استفدت منه لخفته.. غير انه مكتوم.. فنصيحتي لا احد يشتريه..
وبالنسبة لطويه.. اصفط الجهات الأربع بحيث تكون واجهة وحدة.. بعدين اوقف في النص فوق الرواق بعدين تقدم خطوة وامسك مقدمة الرواق للخلف وادعس عليها برجلك ثم لفه مثل ما تلف شماسة السيارة.. اتمنى اني افدتك..

الله يعطيك العافية
فكيت أزمتي معه

[اصيل نجد]

بارك الله فيك يامشرفنا على النقل الجميل تحياتي لك

[الشعله 105]

شكرآ لك مشرفنا

[أبرق الحيا]

شكرا لك وبارك الله فيك

[جومانشي]

الرواق كا فكره رائعه ولكن ليس عملي لخفة قماشه

ينفع في مكان كالبحر بشرط عدم وجود هواء او رياح قويه

ويوجد منه مقسات

[وهج الحياة]

يعتبر غطاء ساتر فقط وليس رواق حاجز

[مكشات المدينة]

الله
يوفقك
ويبارك فيك

[بن معدل]

يعطيك العافية

[mshraf]

السلام عليكم

الأخ منتعش

ابسألك اخوي عن القلص اللي في اول صورة اللي فيه خزان الماء المربع .
بكم سعر القلص !؟

وشكراً ..

[رفيق الطيبين]

عز الله انه ما ينفع بريااال اخذته وليتني ما اخذته

هستر بي في البر ومااامعنا الا هو باز به على بالللى رواااق كفووو طلع من جنبهااا ذالرواق

[الفريح1]

هذا الرواق جابوه للحريم يوم كنا في مزدلفه وقت الحج بصراحه من افشل منتجات السنيدي خفيف ولا يثبت صح

[مغلي]

اذكر قد شفت فديو لتصفيط خيام صغيره مثل الرواق السريع
.
.
الله العالم انها باليوتيوب

[يوسف الزعيم20]

مشكور والله يعطيك العافية

[alcobra2000]

الله يعطك العافيه يامشرفنا على النقل اطيب

[العصلاني 10]

مشكور على نقل الفكرة مع انه ودنا تطور اكثر

[جواد النفود]

يشغلك بالصوت وتصير الهرجه له..!!
ما مثل الرواق القديم ابو طنابات غير بأوضاعه على كيفك.

[كاتم الشكوى]

الله يعطيك العافية

[العضيد 7788]

http://www.mekshat.com/pix/upload03/images101/mk7805_r002.jpg


الحقيقة انه رواق ممتاز

يصلح حمام

لأنه الواحد لما يبغا يجلس ويحط رواق
ما يبغاه يكون مسكر مع كل الجهات

ولا وش رايكم

[بيارق 312]

بارك الله فيك

[مغلي]

الان
المقاس الكبير غير متوفر بجميع معارض السنيدي

[الربيعية 50]

ارجو من الأخوان في محلات السنيدي الاهتمام بالجودة حيث أن الملاحظ رداءة منتجاتهم في الآونة الأخيرة وشكرا لصاحب الموضوع

[نداء النفود]

مشكووووووووووور
يعطيك العافيه

[ع العمرو]

شكرا جزيلا أخي العزيز منتعش

[hassankoc]

هل يوجد منها بالكويت او حتى الخفجي او الدمام؟

[ذبذبات]

جزاكم الله خير وبارك فيكم

[ابورايف]

تقرير رائع كروعتك
تسلم يمينك
ننتظرجديدك
تقبل مروري وردي

[عبدالله العامر3141]

مشكوررررررررررررررررر

[RahalOutDoor]

أنا أستخدمة للحريم لا بغن يصلن

[الحربي حاتم]

شكله جدا سيئ

[اهم ثاني واحد]

لو عدل عليه
بحيث يكون له اطناب من الزوايا تحت مع حبال الشد الي فوق

[قناص المحميه]

صراحه ماله اي داعي

حلات البر مده نظرك
والجلسه بدون حواجز
تشرح الصدر

[قناص المحميه]

وبالنسبه للعوايل
الرواق العادي مكفي وزياده

مانبي نحشرهم برواق مربع كأنه حوش

[الشاص 2]

شكلة ممتاز بس زي مافالو الاخوان فيه مقاسات وكم سعرة

[DOHIM]

مايصمد امام الرياح بالذات بالبر لكن فكرته كويسه ويصلح بالمنتزهات العائلية مثل الحدائق العامة والبحر

[قناص مزاجي]

ماينفع جربته مره وتركته في مكانه يطير مع الهواء

[tiger74]

يعطيك العافية

[mahdi40]

السلام عليكم
وين الاقي هذا الرواق في المدينة او مكه