المساعد الشخصي الرقمي

مشاهدة النسخة كاملة : يا اخوان اانا عندي سؤالين اتمنى الدخول والاجابه عليهن:)


شاهين الميلان
01/03/2009, 09:33 AM
السلام عليكم ورحمة الله وبركاته
كيف حالكم؟
يا صقاره.. انا عندي سؤالين ياليت تجوابون عليهن.
الاول/كيف اميز بين الحر والجير لأني شفت اثنين وبصراحه ماعرفت اميز بينهن وكلهن الوانهن ابيض؟
الثاني/فترت القرنسه وش اسوي بالطير والظاهر باقي عليها شهر او شهرين وانا والله مدري وش اسوي بالطير اخاف اتركه يقرنس عندي واتبهذل بريشه؟واذا قرنس وانتهى متى يطلع الريش؟
شاهين الميلان
01/03/2009, 10:24 AM
18 الي دخلو ولا واحد رد مهم
طير الهقاوي
01/03/2009, 11:16 AM
من ناحية السؤال الاول واضح وضوح الشمس الحر الاصيل من الجير والفرق شاسع بذكر البعض الاول الحجم اثنين الريش ثلاثه البوز اربعه حظات الريش من الاسفل اربعه الصدفه لشوارب البوز تصير بالغالب لونها عند الجير بيضاء ونا من سؤالك الله العالم انك تخالطة عليك التفريخ من الاصيل وليس الجير من الحر الاصيل والتفريخ يغلط ناسن كثير اما من ناحية جير وحر اصيل فالفرق واضح
ومن ناحية القرناس انا بنصحك نصيحه منها مقرنس طيرك ومنها مرزقه لاحد عباد الله ود طيرك الى احد المقيضات الي عندك اقريب وربطه وريح بالك وذا كمل قرناسه تعال ونقله وتقبل مروري

طير الهقاوي
@قرناص@
01/03/2009, 11:21 AM
طير الهقآوي ماقصر..

وبخصوص المقيض وين موقعك وبندلك لمقيض طيب

ووش نوع طيرك..؟

وبالتوفيق
شاهين الميلان
01/03/2009, 12:14 PM
من ناحية السؤال الاول واضح وضوح الشمس الحر الاصيل من الجير والفرق شاسع بذكر البعض الاول الحجم اثنين الريش ثلاثه البوز اربعه حظات الريش من الاسفل اربعه الصدفه لشوارب البوز تصير بالغالب لونها عند الجير بيضاء ونا من سؤالك الله العالم انك تخالطة عليك التفريخ من الاصيل وليس الجير من الحر الاصيل والتفريخ يغلط ناسن كثير اما من ناحية جير وحر اصيل فالفرق واضح
ومن ناحية القرناس انا بنصحك نصيحه منها مقرنس طيرك ومنها مرزقه لاحد عباد الله ود طيرك الى احد المقيضات الي عندك اقريب وربطه وريح بالك وذا كمل قرناسه تعال ونقله وتقبل مروري

طير الهقاوي


يعطيك العافيه يابعد حيي بس كم مدة قرنسة الطيور الطبيعيه؟


طير الهقآوي ماقصر..

وبخصوص المقيض وين موقعك وبندلك لمقيض طيب

ووش نوع طيرك..؟

وبالتوفيق

يابعدي انا بالرياض وطيري شاهين لكن بغيت أسألك هالمقيض هذا انا ماعندي علم عنه
لكن لو كان عندي حر او اي نوع ثاني ياليت تدلني على اكثر من مقيض؟
وتقولي الزين منهن
@قرناص@
05/03/2009, 03:24 PM
هلا اخوي

آعتذر عن التآخير.. وما انتبهت لردك!

آخوي تقدر تقرنسه عندك ان شاء الله..

يحتاج غرفه3*3 ومروحه ومكيف صحرآوي..

الارض تكون رمل الطعس..

رآجع المواضيع المثبته وبتحصل عن المقيض وعن محلات المقيض

بالرياض

بالتوفيق
عاشق المقناص3
05/03/2009, 11:32 PM
أفادوك الشباب
..@القناص@..
06/03/2009, 03:43 PM
مثل ماقال طير الهقاوي انشهد انه ماقصر ..
فيه فرق اخوي بالجحم بين الجير والحر ..