استفسار ياجماعة عن الصمان

[hany316]

سلام عليكم

بطلع الصمان يوم الاربعاء ان شاء الله هل الربيع فيه ولالا راح وقته

بعدين انا اشوف اغلب الكشاته كل سيارته جيوب واخوكم مامعه الا دسن وكامري

هل السيارات اللي ذكرت تدخل الي فياض الصمان ولالا؟؟

للمعلوميه سبق ورحت من اسبوعين على كامري وكرهت نفسي انواع التغريز

ولا وصلت للفياض اللي ابيها

ارجو التكرم والرد على الاستفسارات

وشكراً

[سعد ناصر]

ياأخوي اغلب فياض الصمان تقدر توصلها بالسيارتين اللي ذكرت صحيح هناك بعض الاماكن الوعرة والغراز البسيط بس تقدر تأخذ مسار آخر.وبالنسبة للربيع نعم هناك فياض لازالت تحتفظ بجمالها .
مع تمنياتي لك برحلة سعيدة .

[hany316]

جزاك الله خير اخوي ابوناصر

[خيال النعام]

توكل على ربك ورح الصمان
خذ الددسن
1 - منفاخ هواء
2 - اثنين او ثلاثة أخوياء
3 - كم لوح خشب ( من احدالعمائر )
4 - شيول (كريك )
5 - امش مع الخط المستخدم
6 - إذا رحت ثم رجعت إنشاء الله عقب على موضوعك هذا بعودتك سالم و بالصور غانم 0

[الشاطر ماطر]

اخوي الربيع الحمد لله موجود اما بالنسبه للسياره فبعض الفياض تقدر تروحلها بالسياره والبعض الاخر يمكن تغرز وتطلع وفي بعض الفياض داخل البر 20 او 30 كيلو بر فهاذي اكيد ماتصلاها بالكامري الابعد جهد وتعب شديد وما تحمل تروح لها اتمنى اني افتدك انا والاخوان الباقين تقبل مروري

[سوسة حطب]

الحين ربي معطيك ددسن تقول كامري توكل على الله بس وخل عنك الكلام الربوع أنا وبعض الشقردية شرواك هناك

[وحيد الصحراء]

اقول جهز الددسن ولا عليك ان شاء الله امورك بتتيسر والددسن ابو الجمايل وانا اشوف بعض اصحاب الحلال على ددسن وفي عروق الدهناء ماشاء الله يدخل اماكن ما يدخلها الجيب ويطلع زي الحلاوه بدون اي تغريز

الله يوفقك في مكشاتك الوعد هناك يوم الاربعاء تشوف لي في احد الفياض

[hany316]

توكل على ربك ورح الصمان
خذ الددسن
1 - منفاخ هواء
2 - اثنين او ثلاثة أخوياء
3 - كم لوح خشب ( من احدالعمائر )
4 - شيول (كريك )
5 - امش مع الخط المستخدم
6 - إذا رحت ثم رجعت إنشاء الله عقب على موضوعك هذا بعودتك سالم و بالصور غانم 0

الله يجزاك خير اخوي

[hany316]

اخوي الربيع الحمد لله موجود اما بالنسبه للسياره فبعض الفياض تقدر تروحلها بالسياره والبعض الاخر يمكن تغرز وتطلع وفي بعض الفياض داخل البر 20 او 30 كيلو بر فهاذي اكيد ماتصلاها بالكامري الابعد جهد وتعب شديد وما تحمل تروح لها اتمنى اني افتدك انا والاخوان الباقين تقبل مروري


الله يجزاك خير اخوي

[hany316]

الحين ربي معطيك ددسن تقول كامري توكل على الله بس وخل عنك الكلام الربوع أنا وبعض الشقردية شرواك هناك


شرواك الطيب

الله يجزاك خير على مرورك والوعد هناك باذن الله

[hany316]

اقول جهز الددسن ولا عليك ان شاء الله امورك بتتيسر والددسن ابو الجمايل وانا اشوف بعض اصحاب الحلال على ددسن وفي عروق الدهناء ماشاء الله يدخل اماكن ما يدخلها الجيب ويطلع زي الحلاوه بدون اي تغريز

الله يوفقك في مكشاتك الوعد هناك يوم الاربعاء تشوف لي في احد الفياض

الله يجزاك خير اخوي والوعد هناك باذن الله

الله يعين ندور لنا ددسن نستاجره

[سهيل تميم]

ابد توكل على الله ورح

اهم شي تكون عارف مدخلك مع الزفلت علشان ماتضيع لا بغيت تطلع

وانا شايف مره فورد فكتوريا بفيضه ناسي اسمها يمكن داخل الصمان يمكن ب 20 كيلو

لا كن السيارة الصغيره بيفككها المطناج

[راعي دسمه]

توكل على الله الددسن اخت الجيب ولاغنات عنها اذا صارو الكشاته واجد
خذا اخوياك من من ينشدبهم الضهر وتوكل على الله
ولاتنسى الدعاء الفياض 90 بالميه تاصلها اي سيارة اذا ماخفت عليها من البطانيج