مشكلتي مع البراونق....

[ابوجبر]

اخواني انا لدي مشكله في البراونق وهي .

انا اللي عندي طبعا ام خمس اذا حطيت فيه اكثر من وحده وعشقت روميت ماتبدل يعني القمع حق الفشقه الفاضيه يشير لازم احركه عشان يطلع والفشه الثانيه ماتدخل بيت النارالا لين احركه


وش السوات الله لايهينكم؟

[الوسم]

بحسب كلامك ومن دون صور

والله أعلم إن المشكلة عندك إن البندق تبي تنظيف وغسيل

[النشمى22]

أضم كلامي مع كلام أخوي الوسم -أنا معي نفس بندقك كنت أعاني مثل مشكلك والحمد لله نظفته وطلعت ممتازة

[الحراب]

انا أضن ان الشوزن ما تقط كل أنواع الفشق يمكن الفشق مالك 24 جرام أسأل كم ترمي ودير بالك ترمي فيها فشق أقوا من حدها

لاوم تعرف الشوزن حقك يتحمل فشق كم حجمة
واذا كان الحجم صغير ما تقطه

[ابوجبر]

اخواني انا انظفها داايم بس مايفيد الا اذا فيها طريقه معينه ياليت تعلموني وانا ارميها فيه اكثر شي 36 ج رقم 9

بس وش الحل

[ابوفهيدان]

اخوي دام كل خطوات الاخوان مجربها
شف الطريقة هاذي وهي انك تفك السبطانه وبتلقا اول السبطانه جنب بيت النار مسمارين تقول كنها انياب داب
اذا مكسورة او مختفية ترا الفشق ماراح يطلع بعد الرمي لازم تركب سن جديد
اما اذا هي موجودة ترا المنقاش اللي بالترباس اللي يقلص الفشقه ويسحبها من بيت النار تلقاه مايمسك
تلقاه علي الاقسام

[نديم همه]

اخوي ابو جبر
اذا الاطلاق اللي تستخدمه صفنته قضيفه {{ المنطقة الذهبيه قاعدة الطلقة }} تكون هي السبب
لان النتاش مايتمكن منها صح
جرب اطلاق صفنتها عريضه مثل rc الاسود 36
احيانا المشكله من نوع الزهاب لان البروانق فتحة بيت النار ماهي طويله وبعد ماتثور الطلقه يزيد طوله وتنشب في بيت النار تحيتي لك
وياليت اذا لقيت حل للمشكلة تفيدنا للاستفاده

[MSA-KSA]

أخوي وش نوع البراوننغ اللي عندك او عطنا لها صورة

[قانوص قديم]

وش نوع البراوننج اول شي اذا اوتو 5 احتمال يكون النتاش خربان ويبيله تبديل وداااايم يخرب بالبراوننج وفي مسمار لحبس الفشق داخل المخزن هم اذا خرب هم البندق تشكل

[ابوجبر]

مشورين جميعا

انا انارحت لمحل تصليح اسلحه قالي الابره اللي تضررب الفشق مكسووره هل هذا صحيح.؟
يقوول يبي لها تغيير ؟اغيرها؟

اما بالنسبه لنواعها فهي اوتو 5

يا اخوان وش الحل

[الوسم]

صلحها وتوكل على الله

ولا تنسى تاخذ الإبرة المكسورة

وتراها أنواع تبدأ من 200 ريال حتى 350 ريال

و الحمد لله !!

إذا عرف السبب !! بطل العجب

وأنتبة منها ؟؟

لأنك إذا ما صلحتها ممكن ترمي لوحدها بدون ما تضغط الزناد

يعني لا تستخدم حتى تصلحها

[ابوجبر]

اخوي اولا قالي السعر مع التركيب 150 ريال.

ثاني شي كيف اعرف انها مكسووره

[MSA-KSA]

مشورين جميعا

انا انارحت لمحل تصليح اسلحه قالي الابره اللي تضررب الفشق مكسووره هل هذا صحيح.؟
يقوول يبي لها تغيير ؟اغيرها؟

اما بالنسبه لنواعها فهي اوتو 5

يا اخوان وش الحل

وشلون الابرة مكسورة وهي ترمي ؟؟؟ اصبر لاتستعجل وتغير الابرة
المشكله حسب ما تقول انها ما تكمل عملية التلقيم وينشب الفارغ يعني الابرة انتهى دورها والبندق رمت
وحتى الناتوش من وجهة نظري انتهى دورة لأنه أخرج الفارغ من بيت النار
تقييمي للمشكله هو خلل بالقوة اللي رجعت فيها السبطانه .. شف وانا اخوك جرب هالاختبار
والبندق فاضيه وقفها بشكل افقي على الاخمص واضغط على السبطانه الى اسفل وضع اذنك بجوار الحاضن
اذا سمعت صوت أحتكاك قوي وغير طبيعي(حديد بحديد) فالله العالم الخلل بقطعه برونزيه بنهاية المخزن
فك الحاضن وتأكد من انها سليمه ووضعها طبيعي ونظيفه ومزيته بشكل خفيف
http://www.l5s.net/upjpg/T3q64394.jpg

هذي قطعة خاصة بالاحتكاك اسمها " bronze friction biece" قطعة الاحتكاك البرونزيه
من الممكن انها تعيق حركة السبطانه في دخولها للمكينه وتضعف قوتها فلاتتمكن المكينه من قذف الفارغ وبالتالي تلقيم طلقه جديدة
أو من الممكن انها سليمة ولكن السبرنق حول المخزن ضعيف ولا يعيد السبطانه مكانها بالقوة اللازمة لذلك ينشب الفارغ
فقط رأي بدون خبرة سابقه والله يوفقك

[ابوجبر]

مشكوور اخوي على الطريقه وانا سويتها مافيه صوت حديد. البندق نظيفه

وش السوات؟

[MSA-KSA]

سؤال ثاني علشان نفصفص المشكله
اذا وضعت طلقه واحدة فقط ورميت .. هل تقذف الفارغ بشكل طبيعي أو ينشب ؟؟؟

[وافي 00]

اشرط على المحل بعد التجربة ..... ولاتعب نفسك

[ابوجبر]

اصلا انا اذا حطيت وحده ورميت خلاص البندق تفتح وتطلع الفشقه عاادي المشكله اذا كان اكثر من وحده

[MSA-KSA]

اصلا انا اذا حطيت وحده ورميت خلاص البندق تفتح وتطلع الفشقه عاادي المشكله اذا كان اكثر من وحده
طيب كم ضغط الفشق المستخدم ... وهل جربت غيرة واستمرت المشكله؟؟

[ابوجبر]

المستخدم 32 جرام

رقم 9

وماجربت غيره

[MSA-KSA]

جرب 36 ج
فشقتين فقط دبرهم فقط للتجربه .. انا ما ازال اعتقد ان المشكله بالحلقه البرونزيه
واذا فيه امكانيه تصورها مقربه "اقصد الحلقه البرونزيه"
لأن لها وزنيه للضغوط الخفيفه ووزنيه للضغوط العاليه _ حسب موقع براونينغ

[قانوص قديم]

الوزنيه تصير اذا البندق ماجنوم اذا لايت مالها علاقه الوزنيه المشكله صعب حلها بالكلام اذا ماتشوف بعينك جربت فشق ثاني غير فشقك اخاف حايشته رطوبه ومنتفخ وفي عندك حابس الفشق بالمخزن تلقاه مسمار على جنب البندق شوفه مو راخي

[MSA-KSA]

الوزنيه تصير اذا البندق ماجنوم اذا لايت مالها علاقه الوزنيه المشكله صعب حلها بالكلام اذا ماتشوف بعينك جربت فشق ثاني غير فشقك اخاف حايشته رطوبه ومنتفخ وفي عندك حابس الفشق بالمخزن تلقاه مسمار على جنب البندق شوفه مو راخي

أخوي قانوص اخونا ابو جبر يقول اذا كان بالبندق فشقة وحدة ترمي وتحذف الفارغ من احسن ما يكون
مشكلته اذا كان بالمخزن فشق ... فينشب الفارغ
يعني الطلقة الجديدة تزاحم الفارغ قبل ما ينحذف
وهذي من وجهة نظري خلل في ارتداد السبطانه الى الماكينه او رجوعها الى مكانها الاصلي بالسسته
وعلى اي حال فالصورة يا أخ ابو جبر مهمة لمحاولة فهم الخلل

[قانوص قديم]

في مسمار يحبس الفشق داخل المخزن هذا اذا خرب مايعطي البندق مجال تلفظ الفارغ يحذف الفشقه على القفشه مع اي اهتزاز او رجه وهذا المسمار او المفتاح موجود على جنب البندق فيه براغي جرب شد عليهم تر اذا كان خربان او راخي يعفس رمي البندق

[ابوجبر]

اخوي الصوور اللي تبيها بالضبط وشوو؟

[MSA-KSA]

اخوي الصوور اللي تبيها بالضبط وشوو؟

ولا عليك امر فك الحاضن وصور نهاية السبرنق من جهة الفوهة وتكون صورة مقربه

[الجمرة]

مع احترامي لاراء الشباب البوارديه
انا صارت لي مثل هذي المشكلة مع احد بنادقي بنادق البلجيك البراووننق
طبعا اذا قامت تشكل البندق وترمي فشقه وفشقه لا هذا من المنظم اللي يكون في جنب البندق وهو يكون في الجهه اليسرى من البندق ومعروف اسمه لدينا الخد يمكن يبي له وزان او انه مكسور فيبغي لك تغيره وسعره يتراوح من 150 -200 ريال

[عشقي دحروج]

السلام عليكم ورحمة الله وبركاته

انا اللي اعرفه انك اذا عودت البندق على ضغط معين وترمي فيه واجد لما تجي ترمي ضغط اقل ما تحذفه

مثال اذا كنت ترمي ضغط 36 واستمريت على الحال فتره وتعودة البندق عليه

وجيت تبي ترمي ضغط 32 او اقل ما راح تحذف الفارغ لان السبرنج تعود على الضغط العالي

ويمكن مع الابتعاد عن ال36 وتعويدها على ال32 احتمال ترجع لطبيعتها وتحذف

واتوقع لو تجرب ضغط 36 غرام الحين رايح تحذفه مثل الحلاوه لانها تعودة عليه

بالتوفيق

[عاشق أمل]

اذا ما انحلت مشكلتك شف بقول لك شي

انا حصلت معي مشكلة في بلجيكية ام شجرة من ضربة من السيارة في مطاردة القطا

المشكلة نفس مشكلة بندقيتك فيه مسمار يمسك اجزاء الاتوماتيك وانكسر وتحرك الاتوماتيك وصار به ميول من امام المخزن

ترمي وتمسك الفشق واحيانا تحذف وتردف الطلقات

شف فيه مسمارين بنفس الحجم يمين ويسار فكهن وتأكد من سلامتهن .

واذا مسكور بدله

[براوينغ]

السلام عليكم .. كيف حالك اخوي ابوجبر عساك طيب وماعليك ان شاء الله بنتحل المشكله مافيه مشكله الا لها حل
وانا بقول لك اولاً نظف البندق اذا هي نظيفه البندق وصارت تشكل غير الفشق اللي ترميه لأن اذكر رميت بفشق نوع براونينق 24 قرام حايشته رطوبه كان تعيس جداً لابعد الحدود لدرجة ارمي فشقه والظرف الفارغ يعلق ببيت النار واقعد اعشق البندق يدوي نفس حالتك ,, وارمي بفشق ثاني وترمي معاي 100 % واذا رميت فشقه لحالها من نوع الفشق هذاك يرمي عادي بس المشكله لاصار اكثر من فشقه ,, فـ غير نوع الفشق يمكن حايشته رطوبه ،، واذا ما نفع معاك تغيير الفشق يمكن من المنظم ولكن قبل كل شيء تأكد من شغلتين ( الفشق + نظافة البندق ) اذا تأكدت من هالشغلتين وللحين البندق تشكل معاك اتوقع المنظم مثل ماقالوا الاخوان ,, وبالنسبه للمحل اللي قال لك اغير الابره ؟ هذا مع احترامي ما يفهم ؟ الابره مالها شغل لان البندق ترمي .. الابره اذا كانت منكسره ماراح تثور الفشقه بمعنى ( تشكـّل او تكـّذب ) ،، بس انت مشكلتك انها ماتحذف الفارغ ,, وانا اقول جرب فشق ثاني ,, و80 % من الفشق حايشته رطوبه لان حصلت لي هالمشكله من قبل ,, واتمنى اني افدتك اخوي

[القداااااح]

سلام عليكم

[القداااااح]

يا راعي البروونق يقول اسال مجرب لا تسال طبيب انا طوول حياتي ما استعمل الا البرووونق وانا اشووف انها افضل شوووزن كا رمي واصابه لكن عيبها قطعها غاليه انا ابي اقوولك طيرقه وجربها رصاص ار سي لا تستعمله لان بروونق ما تنضمه ثاني شي عرب المخزن اربع وابدا افلك ولقم بدووون ما تطلق اذا نظمت معك مضبووط هذا يعني ان اللسان والملاقيط اووكي المشكله تكون في الجهاز وذاذ ما نضمت معك وتحس انها تلك في الرفع هذا اللسان واذا لسانها مضبووب البلا عندك في الملاقيط وقبل كل شي تاكد من امان المخزن الي هو حاجز الطلقات اذا كان مرتخي شد عليه وتقبل كل تحياتي وياليت تفيدني بعد الطريقه الي قلتها لك

[وقت]

فادوك الاخوان

[تميم2222]

هلا بك اخوي ... نظفها قبل ....واذا كانت البراوننق اللي معك .. من القديمات ام شجره وfn حسب علمي تعض بفشق ابو غزال واللي نفس مقاس طول فشقه( ابوغزال) .... اما اذا كانت من الموديلات الجدد فاكيد فيها مشكله