أصحاب الخبره في الجموس القديمه

[مرودن]

السلام عليكم ورحمة الله ،

يالربع

انا عندي جمس قديم بالسبعينات
له فوق 30 سنه طايح والصندوق حقه اكله الصدا من داخل

طبعاً الصندوق ملبس صاجه حديد
وتحتها الخشب شد البلد

انا واجهت صعوبه في تجديد الصندوق
بحكم ان الحديد اللي بين الخشب اللي جاي بالطول ماكله الصدا

وش الدبره يالربع ؟؟

هل اذا عالجت الصدا ولبسته حديد بيأثر على قيمته مستقبلا ؟؟

وهل اذا بغيت اسويه خشب زي شد البلد بيصير مكلف وكيف الطريقه

لان الحديد اللي بين الخشب زي ماذكرت عدمان


تكفون افيدوني انا بلشت بالصندوق



في انتظار المشوره من ذوي الخبره في مجال الجموس القديمه

[ابوفهيدان]

اذا موترك رفرف ترا بسيط موضوعك
انا عندي مصفح 1976وارضية خشب وجنني لين ركبت له ارضية مصفح موديل 86 حديد وارتحت
بس الرفارف مالها ارضية من الوكالة حديد
تري الشغله سهله والحديد اللي بين الخشب متوفر وتراه يستخدم بكثرة وماهو شرط للمواتر بس اهم شي ركب الخشب البلجيكي الزيتي لانه مايتعفط من الشموس والمياه وتراه غالي
اذا انت من الكويت بدلك علي واحد فنان بس غالي حول 2500 ريال

[مرودن]

لا والله يالذيب منيب حول الكويت

انا بالرياض

وجزاك الله خير على المعلومه "الخشب البلجيكي"

بس الحديد اللي بينه وين القاه ؟ وش يستخدم فيه عشان اكون بالصوره

عافاك الله ياذيبان

[مطلق السلمان]

أخي العزيز مساك الله بالخير أن كنت في المساء وصبحك الله بالخير أن كنت في الصباح أنت ومن يقرأ من الأخوة الأعضاء أو الزوار الموضوع سهل جداً وخاصة أنك من أهل الرياض.

بالنسبة للقواطع الحديد اللي بين الخشب في صندوق الونيت عندك أنا أول مرة أسمع أنها تصدي !!! وخاصة أنت من منطقة الرياض هي نادراً ما تصدي عزيزي الحل تروح لتشليح الحاير وبتلقى جموس قديمة طبعاً القواطع الحديد ما تختلف من موديل 1976 وحتى 1987م روح التشاليح وأشتر القواطع بتحصلها ما هي مصديه وركب خشب جديد وإذا القواطع تبي تصبغها أصبغها على صبغة الموتر إذا الموتر حمر أصبغ القواطع حمر وإذا بيج أصبغها بيج وهكذا أمل أني أفتك إفادة طيبة.

أخي العزيز اللي علق على الموضوع وقال أفضل خشب خشب بلجيكي في الكويت ومنك نستفيد وين عنوان المحل وفي أي منطقة في الكويت ويفضل الأسم إذا تكرمت للأستفادة.

مع أطيب تحياتي وتقديري لكم جميعاً

أخوكم / مطلق السلمان

[مرودن]

ونعم اخوي مطلق

ماقصرت يالذيب ،

لكن ناس قالوا لي رح للصناعية وفصّل تفصيل !

التشليح حل افضل
بوركت يالذيب

الحدايد ان شاء الله موضوعها منتهي

بس الخشب !
انصحونا يالربع

[مرودن]

للرفع

أرجو مشاركة الاخوان ذوي الخبره في الجموس الرفرف 74 بالتحديد

[ابوفهيدان]

اسمحلي اخي الكريم علي التاخير لاني كنت كاشت
الحديد يستخدم للارضيات وهو لتسكير الفتحات بين الخشب عامتا كابواب الكراجات وارضيات ملاعب الاطفال والجسور المستخدمة بالحدايق انا نفسك اول كنت احسب انه للمواتر وبس
اسال عنه عند محلات الخشب والنجارة والديكور بيفيدونك
واللي سال عن المحل وموقعه
المحل بالشويخ الصناعية
دوار الاكسجين اخذه وانت متجه غرب ولما تجيك لفه علي اليسار اخذها ثم اخذ يسار ورح وجهك شرق
اخر محل علي يمينك فيه باكستاني يشتغل بتبديل خشب الحوض وعنده حديد قواطع وعنده خشب

[مرودن]

ابو فهيدان

يالذيب تكفى وضح لي اكثر

[مرودن]

اخوي وصفك بالكويت وانا ابي بالرياض الله يرضالي عليك

ماقصرت يالذيب

[الاسطورة351]

أخي العزيز مساك الله بالخير أن كنت في المساء وصبحك الله بالخير أن كنت في الصباح أنت ومن يقرأ من الأخوة الأعضاء أو الزوار الموضوع سهل جداً وخاصة أنك من أهل الرياض.

بالنسبة للقواطع الحديد اللي بين الخشب في صندوق الونيت عندك أنا أول مرة أسمع أنها تصدي !!! وخاصة أنت من منطقة الرياض هي نادراً ما تصدي عزيزي الحل تروح لتشليح الحاير وبتلقى جموس قديمة طبعاً القواطع الحديد ما تختلف من موديل 1976 وحتى 1987م روح التشاليح وأشتر القواطع بتحصلها ما هي مصديه وركب خشب جديد وإذا القواطع تبي تصبغها أصبغها على صبغة الموتر إذا الموتر حمر أصبغ القواطع حمر وإذا بيج أصبغها بيج وهكذا أمل أني أفتك إفادة طيبة.

أخي العزيز اللي علق على الموضوع وقال أفضل خشب خشب بلجيكي في الكويت ومنك نستفيد وين عنوان المحل وفي أي منطقة في الكويت ويفضل الأسم إذا تكرمت للأستفادة.

مع أطيب تحياتي وتقديري لكم جميعاً

أخوكم / مطلق السلمان

السلام عليك ورحمة الله وبركاته
اصحاب التشاليح يقولون نبيعك الصندوق كامل وهذا اذا حصلت صندوق نظيف:rolleyes:
انا كنت قبل اسبوعين في الحاير وحصلت بالصدفة في احد التشاليح خمس جموس رفارف مسقطة لوحاتها موديلات 77و78و79
وعلى بوية الوكالة :good2:ومافيها صدا والبدي مدقدق على خفيف بس الشهادة لله كل اغراضها كاملة ماتتحتاج الا لسمكرة فنان واعادة صبغ للتجديد.........:Dشطحة:D
اتفقت مع الرجال ارجع له واشتري صندوق كامل ولكن للاسف راح عن بالي ادفع عربون للصندوق بحكم كثرة الجموس وكلها اسبوع وارجع احمله لاني جاي من الدمام لكن للاسف :(ماحصلت ولا سيارة وسئلته يقول جانا زبون وشرا الجموس كلها (الجمل بما حمل)
الحين عندي موتري في الورشة ومتوقف الشغل على فواصل الحديد الي بين الخشب ياليت لو تدلوني عند من تتفصل او وين احصلها جديدة لان الموتر متوقف بسببها (صندوق رفرف قطع3500)
الله لايهينكم يالربع