مــمـوش الربيان والسمك & مقلوبة ربيان والسمك من أخت مبارك

[أخت مبارك]

السلام عليكم
سبحان الله وبحمدة سبحان الله العظيم
للزفرين فقط واللي يحبون الزفررررر
جمعت لكم كذا طبخة للسمك والربيان للزفر اللي يحبه قلبكم
وان شاء الله تعجبكم
((مشخول الربيان بالارز الاسمر))
وصراحه هالرز جربته يجنن بس مشكلته يقهر يبيله نص ساعه الى ساعه الا ربع
عشان يستوي وينضج
وهذي صورته
http://www.mekshat.com/pix/upload02/images100/mk106353_1924055003_63cdc335f6.jpg
الطريقه والمقادير
مقادير المشخول
كيلو ونص ربيان
ليمون اسود اثنين مقطعين قطع صغيره اولشي تكسر ثم تقطع باليد بشكل عادي جدا

نص فلفل اخضر رومي
3 حبة كبيره طماطم مقطعه مكعبات
1 بصله كبيره
ثوم وزنجبيل مطحونين
البهارات ، كركم ، فلفل احمر ، ملح ، بزار بحريني ، فلفل اسود مطحون ، كمون وكزبرة ناشفه اللي تجي مطحونين مع بعض ،، ملح

رز من خمس اكواب تقريبا الى ست حسب الرغبه
الطريقة
نحمس البصل مع الليمون الاسود مع شوي ماء فنجان تقريبا بدون زيت حتى يذبلون وينشف الماء نهائيا
وبعدين نضع الزيت ونضع الثوم والزنجبيل ونحركه حتى يذبل
ونحط جميع البهارات المذكورة ونحرك ونخليه شوي تحس تطلع ريحته تقوم
وبعدين نحط بقية الخضروات المذكورة ونحمس ونخليه على نار هاديه
نحط الربيان المغسول والمنضف على الخلطه اللي عملناها من شوي
بنفس الوقت في قدر ثاني
نسلق الرز مع البهارات الحب اللي هي فلفل اسود قرنفل دارسين وهيل من كلشي شوي
وبعد مايستوي الرز نشخله ونحطه على خلطة الربيان
ونسكر الغطا او نحط ورق قصدير ونسكر القدر زين ونغطيه بالمغطاه ونخليه على النار مدة نص ساعه على نار هاديه جددددددا
وبعدين نحط صحن على القدر ونقلبه او ممكن نغرفه بالملاس ماكو اي مشكله
يؤكل بالطريقتين
وان شاء الله تعجبكم الطبخه
............
((مقلوبة السمك))

http://www.mekshat.com/pix/upload02/images100/mk106353_mgloba.jpg


بالضبط نفس طريقة مشخول الربيان
بس اللي يختلف هو ان نبهر قطع السمك الكنعد بالثوم والزنجبيل والبزار والكركم والملح شوي عصير ليمونه
ونخليهم نص ساعه
بعدين نقليهم بالزيت تقريبا نص سوا
ونعمل الكشنه ونحط السمك وفوقه الرز ونخليهم على نار هاديه مدة نص ساعه فقط
...........
((مموش الربيان))
من يد الوالده ربي يحفظها

http://www.mekshat.com/pix/upload02/images100/mk106353_2577662670_9480a07735.jpg
كيلو ربيان مغسول ومنضف
اربع اكواب ارز
بصل مفروم
كزبرة مفرومه
نص فلفل رومي مقطع مكعبات
2 حب حر
حبه طماطم حسب الرغبه
فنيال ماش

هذا شكل الماش اللي اقصده


http://www.mekshat.com/pix/upload02/images100/mk106353_alim4067.jpg

او علبة لوبياء بنيه فاتحه نفس اللي تشوفونها بالصوره
واللي ماعنده ماش او مايحبه ممكن استخدام العدس البني اللي يستعملونه في عمل الكشري
يطلع يجنن وروعه
و
البهارات
بزار ثوم وزنجبيل مطحونين وكركم ملح فلفل اسود فلفل احمر
والبهارات الحب
هيل ودارسين وقرنفل وفلفل اسود ورق غار حسب الرغبه وثلاث حبات ليمون اسود
الطريقه
ننقع الماش مدة نص ساعه
بعدين نسلقه لما ينضج نشخله ونخليه على جنب
نكشن البصل والثوم والزنجبيل وجميع البهارات المذكوره وحط الربيان ونقلب بس ياخذ لون شوي
نضيف ماء حار والطماطم الحب حر والملح
ونغطي القدر مدة ساعه تقريبا حتى ينضج الربيان زين
بعدين نكشف القدر نحط الماش او اللوبياء والكزبره الخضرا والرز
ونخليه على النار حتى يجهز
وبالهناء والشفاء

..........
((مموش الكنعد))

http://www.mekshat.com/pix/upload02/images100/mk106353_3330089934_f85d5f2ce8.jpg

تقريبا نفس طريقة مموش الربيان
بس اولشي نبهر السمك بالبهارات المحببه لديكم مع الثوم والزنجبيل الطازج
ونخليه نص ساعه بعدين نقليه بالزيت نصف سوا
ونعمل الكشنه نفسها اللي عملناها بالوصفه السابقه للمموش
وبعدين ننزل السمك وفوقه الماء الحار ونخليه تقريبا فقط عشرين دقيقه
ثم نحط الرز ونكمل باقي الطريقه نفس الطريقه السابقه
وان شاء الله تعجبكم الطبخات وبالهنا والشفا
ملاحظة مهمه : اي تعليق غير لائق ومزعج سوف يتم حذفه من قبل المشرفين
ولاتنسوني بدعواتكم الطيبه
بالتوفيق للجميع

[محبه الحرمين]

مشكوره اخت مبارك جزاك الله خير ... الله يسعدك

[رٍسِـــلآنٍ ٱلدُفُــٱع]

http://www.mekshat.com/pix/upload02/images100/mk106353_3330089934_f85d5f2ce8.jpg



الله اقوى يانصيبي وانا وش بيدي كل ماعدلت واحد يميل الثاني <<<< الي مايعرف الكنعند ماراح يفهم حالتي

الرز وش نوعه ابو بنتين ؟ بصراحه الارز المتين الذ في الكبسات والمشاخيل


اقل مايقال ابداع وخاصه في التتبيلات والبهارات ..... اقترح يعطونك لقب الشييف اخت مبارك ولا وش رايكم ؟

[وادي الريمة]

ماشاءالله شغل متعوب عليه جعله بالعافيه انشاءالله

[The Diver]

طبخات رائعة من عضوة مبدعة..
مشكووورة على هذي المواضيع الحلوة..

[رعد المدينة]

ماشاء الله

طبخة رائعة جدا :good:


:good2: :good2: :good2: :good2: :good2:

[الصخري - تبوك]

http://www.mekshat.com/pix/upload02/images100/mk106353_1924055003_63cdc335f6.jpg

بصراحة وبدون زعل ..!!!
































ابداااااااااااااااع + رووووووعة ..!
تسلم يدينك يا شيف اخت مبارك ..,,
شكلي بتغداء روبيان اليوم :D

[الــفــيــصــــل]

مشاء الله وش الزين كفو يا أخت مبارك دئما مبدعه بصراحه شي عجيب سيف فود معتبر


الشكر والتقدير

[وارث المراجل]

ماشاء الله الله يخليكي انت ووالدتك امين تسلم يدك

[دهران]

الأخت الكريمة / اخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


وننتظر المزيد من هذه الطبخات الجميلة .


وتقبلي أعذب تحية .

[أخت مبارك]

شكرا للجميع نورتوا
الارز المستخدم في الطبق الاول هو اللارز الاسمر

باقي الاطباق نستعمل دايم رز باب الهند
ورز كوهينور

[ناصر البداح]

ماشاء الله وننتظر المزيد

[السرالكبير]

سامحك الله اختي الكريمة(اتعبتي الطباخين من بعدك)..........وسامحك الله(فلقد آذيتي بطوننا واشغلت عقولنا بهذا الفن من الطبخ البديع).......ولقد قلت لزوجتي تعالي وشاهدي هذه الطبخه (فاحمرت عيناها ورمقتني بنظرات قوية ومخيفة).......فما كان مني الا لطفت(الجو قليلا)بكلمات معسولة وحنونة.........ثم اخبرتني انها(تجيد الطبخ بأفضل من ذلك) فقلت لها اذن (الميدان ياحميدان)ويبدو انني سأعيش ايام رخاء وسعادة قادمة بفضل ماتفضل الله به عليك اختي الكريمة من (فنون الطبخ وعلومه)........لله درك ودر من انجبك(انت موهوبة وخلوقة ونافعة وصالحة)......اتمنى لك العيش في طاعة الله
ورزقكي الله الجنة ومن تحبين.......وفقك الله وسدد خطاك

[أخت مبارك]

شكرا لك اخوي الغالي والكبير السر الكبير نورت الصفحه صراحه
وانا اشهد اكيد ام العيال تعرف تطبقها وطبعا كل شخص يختلف طبخه عن الثاني
والله يبارك فيكم ويسعدكم
ومرسي عالكومنت الطيب نورت ياهلابك

[طحنون]

أخت مبارك قسم بالله اني مسوي ريجيم ولا هزتني الصور
لاكن السعابيل ماقدرت اصيطر عليها
وكل ماشفت النك ( اخت مبارك )
توهقت
الصور محفوظه عندي لين ينزل الوزن الى الطبيعي ههههههههههه

[ناجز]

مشاء الله شغل زين
واكل لذيذ
الرز الاسمر هو الحساوي وين احصله
الله يجزيكي خير

[dheem]

عساك تسلمين على الطبخات الزينه

ويسلم الوالده ويبقيها

[شويحط]

والله كلام دوووووووووووووووبه كلام كبير يا اخت امبارك الله يستر على كيبوردات المشاهدين من تقاطر سعابيلهم بصراح مسكته الطبخه

[أخت مبارك]

شويحط
الله يقطع بليسك ضحكتني وايد اليوم
يعطيك العافيه على مرورك الكريم نورت ياهلابك

شكرا لكم اخواني على تواجدكم نورتوا

اخواني اليوم رحت السوبر ماركت شفت انواع الارز الاسمر ولقيت ارز اسمر من تلدا
بس ماعمري جربته
اخوي ناجز الرز الحساوي ماعرفه ماعمري استعملته هو يختلف وايد يكون اغمق من اللي انا استعملته
وهذا الرز الاسمر اللي استعملته في مشخول الربيان هو ينباع بالكيلو
واضن الكيلو ب 3 ريال
ويوجد في السوبر ماركت جهة البقوليات والبهارات
وتكون حبته متينه شوي
والله ماعندي حاليا مخلص والا كان صورته لكم
بس هو شكله يشبه الرز المصري نفس الحجم والطول
بس انه مخطط بالبني
وشكرا لتواجدكم

[ERIC7]

يعطيك العافيه كنت باسئل عن الرز لاكن الردود اللي قبل وضحت كل شي
ماقصرتي وجوعتينا وحنا شبعانين
من تميز الى تميز في الاكلات والمواضيع
بالتوفيق

[abnbtota]

رووووووووعة اخت مبارك
طبخة زفرررررر على الكيف ..
بانتظار جديدك دائماً

[اماراتي بطران]

اخت مبارك مشكورة ..... :mad: :mad: كل ما اشوف مواضيعج .. احسد مبارك

واقول ليتني مكانك يا مبارك :eek: او حتى صديق مبارك :) انا اشهد انج طباخة

يا اختي :no: :no: :no: = واحد زفر :j استحملي :confused: شوي

[أخت مبارك]

تسلم اخوي ايريك نورت ياهلا بك
تسلم اخوي ابن بطوطه كلك ذوق
تسلم اخوي اماراتي بطران
عالكومنت الطيب نورت ياهلابك
والله يرزقك زوجه سنعه تعرف تطبخ
احسن مني

[اماراتي بطران]

:no:


تسلم اخوي اماراتي بطران
عالكومنت الطيب نورت ياهلابك
والله يرزقك زوجه سنعه تعرف تطبخ
احسن مني

كومنت يعني شنو :confused: عن السب :o بس ما اعتقد القى !

احسن منك ,,, ما اظن :mad: :mad: مشكورة وكثر الله خيرج

اختي الطيبة ,, لا تحرمينا من يديدج:)

[عرق دقله]

الله يعطيك العافيه

[بيق مان]

الله الله الله على الزفرة
تسلم الايادي يأخت مبارك
أبدعتي كعادتك
شكلي بترك الجهاز الحين وعلى سوق السمك عِدل .. مشتهي سمك هاليومين وكملتي الناقص الله يجزاك خير. :eek:

[نايلات11]

يقول واحد من الشيبان بيض الله وجهك ما با ليد حيله

زماننا اوله جوع وآخره حجبه

فعلآ شغل متكتك

[جلعوط]

يسلمو هالديات ويعطيك الف عافيه امممممممممممممممممم شهويتينا وذبحتينا من الجوع وش هالشغل وتعزموننا انشاء الله:p

[أخت مبارك]

شكرا للجميع تسلمون نورتوا

[سطام vip]

ما شاء الله تبارك الرحمن

يامال العافيه اخت مبارك

صراحه دوووم مميزه في طبخات ومواضيعك

الف شكر لك على ما تقدمينه

في انتظار الجديد منك

وتقبلي مروري وردي

دمتي بحفظ المولى

[النفيظ]

حياكي الله اخت مبارك أنا قبل فتره بزعت يعني توهقت وشريت الرز الاسمر ربصنا الرز نصف ساعه حسب التعليمات وطبخناه مانفع ملينا كل شوي نزوده ماء بس مانجح ابي الطريقه لوتكرمتي وأشكر مرورك على موضوعي

[shaheen70]

طبخ مميز من أخت مبارك وهذا الأبداع وشغل عدل وتسلم الأنامل وتستاهلين الخمس نجوم :) http://www.mekshat.com/pix/upload02/images100/mk106353_mgloba.jpg




]

[الكروان2009]

ماشاء الله وننتظر المزيد

[أخت مبارك]

اخوي النفيط مرحب
تراه موشرط نص ساعه يعني ممكن الرز مرات انواع
ويحتاج مدة اطول للنضج
يعني انت لو تبيه تسوي بالماء فقط حط كميه من الماء وخليه يستوي من نص ساعه الى 40 دقيقه على نار وسط
وبعدين تشخل الرز
اما اذا كبسه ماانصحك تسوي كبسه من الرز الاسمر لانك بتوهق به

وبس هذا اللي اعرفه

[عاشق الموطن]

الله يعطك العافيه اخت مبارك على هذا الابداع والله يخليك لعين (ن) ترجيك

[nassir]

بارك الله فيك شي طيب

[راعي مالحة]

أخت مبارك قسم بالله اني مسوي ريجيم ولا هزتني الصور
لاكن السعابيل ماقدرت اصيطر عليها
وكل ماشفت النك ( اخت مبارك )
توهقت
الصور محفوظه عندي لين ينزل الوزن الى الطبيعي ههههههههههه
http://www.mekshat.com/pix/upload02/images100/mk106353_1924055003_63cdc335f6.jpg

بالهناء والشفاء
ماشاء الله روعة الله يهنيكم

[العرفات]

ماشاء الله تبارك الرحمن

اخت مبارك الله يعطيك العافيه طبخات ولااحلي منها عساكي علي القوه ومشكوره

تحياتي

[أمطار الخريف]

يا ملا العافيه يا اخت مبارك
شغل عدل ماشاء الله تبارك الله

[الربذي]

تصلحين مديرة شركه دعائيه حاطه موضوعك في موضعي
تسلم يمينك يااخت مبارك بس انا والروبيان ماحنا اصحاب
لكن شغلك شغل عدل

[احمدوعبود]

ماشاء الله عليك ابدع مستمر

[أخت مبارك]

تسلمون اخواني نورتوا مرحبتين

[الغزال الشارد]

ماشاء الله تسلمين اخت مبارك وبيض الله وجهك مبدعة.مبدعة.مبدعة

[طير آلفلآء]

الله يعطيك العافيه

[جواثا]

سامحك الله اختي الكريمة(اتعبتي الطباخين من بعدك)..........وسامحك الله(فلقد آذيتي بطوننا واشغلت عقولنا بهذا الفن من الطبخ البديع).......ولقد قلت لزوجتي تعالي وشاهدي هذه الطبخه (فاحمرت عيناها ورمقتني بنظرات قوية ومخيفة).......فما كان مني الا لطفت(الجو قليلا)بكلمات معسولة وحنونة.........ثم اخبرتني انها(تجيد الطبخ بأفضل من ذلك) فقلت لها اذن (الميدان ياحميدان)ويبدو انني سأعيش ايام رخاء وسعادة قادمة بفضل ماتفضل الله به عليك اختي الكريمة من (فنون الطبخ وعلومه)........لله درك ودر من انجبك(انت موهوبة وخلوقة ونافعة وصالحة)......اتمنى لك العيش في طاعة الله
ورزقكي الله الجنة ومن تحبين.......وفقك الله وسدد خطاك

السلام عليكم ورحمه الله وبركاته

اخوي السر الكبير واذا اخوك الفقير الى ربه ماعنده زوجه يصور الطبخه ويوديها للمطعم ويقولهم اتحداكم تسوون لي زي هالموش بالربيان والسمك.
تسلم يمينك والله يااخت مبارك.... عندي احساس ان مبارك دب من كثر الاكل الي تطبخينه وش رايك اصير لك اخو بالسلف لمده شهر عمليه تسمين وارجع بعدها عند امي...امزح

تحياتي

[أخت مبارك]

يا جواثا
ياريت لو تفسر لي معنى اسمك
ياريت مبارك ياكل الاكل اللي نسويه دايم
مرات ياكل عن خاطره بس وعن خاطرنا
مبارك اكله صحي نوعا ما
وتسلمون على تواصفكم نووورتوا

[علكه لامي]

يسلموا ادياتك كذا الطبخ والافلا

[ẤℓqηαṣṤ ««•]

مشاء الله عوافي أخت مبارك من مقلوبه ربيان الى مقلوبه دجاج وأتوقع انك دخلتي على موضوعي نفس الاسم لاكن الطعم والشكل يختلف كثير تحياتي والى الافضل.

[جواثا]

يا جواثا
ياريت لو تفسر لي معنى اسمك
ياريت مبارك ياكل الاكل اللي نسويه دايم
مرات ياكل عن خاطره بس وعن خاطرنا
مبارك اكله صحي نوعا ما
وتسلمون على تواصفكم نووورتوا

السلام عليكم ورحمته وبركاته
بالنسبه لمعنى اسمي «أول جمعة (http://ar.wikipedia.org/wiki/%D8%B5%D9%84%D8%A7%D8%A9_%D8%A7%D9%84%D8%AC%D9%85% D8%B9%D8%A9) جمعت في الإسلام بعد مسجد رسول الله (http://ar.wikipedia.org/wiki/%D8%A7%D9%84%D9%85%D8%B3%D8%AC%D8%AF_%D8%A7%D9%84% D9%86%D8%A8%D9%88%D9%8A) ، في مسجد جواثا»، وهو قائم حتى الآن ويقع شرق قرية الكلابية (http://ar.wikipedia.org/w/index.php?title=%D9%82%D8%B1%D9%8A%D8%A9_%D8%A7%D9 %84%D9%83%D9%84%D8%A7%D8%A8%D9%8A%D8%A9&action=edit&redlink=1)، إحدى القرى الشرقية (http://ar.wikipedia.org/w/index.php?title=%D8%A7%D9%84%D9%82%D8%B1%D9%89_%D8 %A7%D9%84%D8%B4%D8%B1%D9%82%D9%8A%D8%A9&action=edit&redlink=1) في الأحساء.

تحياتي

[العتين]

ماشاء الله .. تبارك الله
تقرير رائع وصور أكثر من رائعه

[أبوتركي 999]

يعطيك العافية يأخت الرجال المناعير

[ابو عزيز1961]

الله يخارجنا -منظره رائع --اجل وش لون الطعم
الله يعطيك العافيه اختي

[ابوصالح1399]

مشكوره ياخت مبارك على الاطباق الجميله والى الامام ننتظر الجديد

[أخت مبارك]

تسلم اخوي جواثا على التفسير
نورت
هلابكم جميعا اخواني شاكره لكم مروركم الكريم نورتوا زارتنا البركه ياهلا

[صحيح]

ماشاء الله صراحة يشهي مره

[AL-BIJADY]

مشكله الواحد اذا دخل وهو جوعان :(

يعطيك العافيه ابداااع


تحياتي

[هاوية الرحلات]

سلمت يمناج اختى ويعطيج العافيه على ها الطبخات الزينه

[أخت مبارك]

شكرا للجميع نورتوا ياهلا

[ناصرالفهد]

الله يعطيك العافية على الطبخه
وبي العافية عليكم

[اااانور]

الله يعطيك العافيه
واضح ان الخبره تتكلم

[أخت مبارك]

تسلمو ن اخواني وخواتي على تواجدكم نورتوا
الله يعافيكم يارب