المساعد الشخصي الرقمي

مشاهدة النسخة كاملة : يا مرحبا باللي عن الدار قد غاب 0000000 رجع كما سيلن مشى في شعيبه


يوسف الخليفة1
06/03/2009, 01:18 PM
يا مرحبا باللي عن الدار قد غاب=رجع كما سيلن مشى في شعيبه
يسقي ضما الخافي من زهور واعشاب=في داخل عروقن تسافى جذيبه
يا مرحبا باللي على اللغز وثاب=قرمن اليا سدد يجيد الضريبه
لفيت يالخيال والبيت لك طاب=قسمن بنيته ما بدت به معيبه
حقيقه ارويها ولا نيب كذاب=دليت اهوجس بالشكوك الرهيبه
هقيت من بالي تحاليل واسباب=وابحث عن ردودن جديده تجيبه
وجميع الاعضا فاقدينك والاحباب=واكبودنا يالقرم زايد لهيبه
حتى ربع مكشات واضيوفن اجناب=كلن يخيلك صار مثل الرقيبه
قمنا انتشاور راعي الشور ما خاب=وش نفعل وبيتن سرا عنه ذيبه
قلنا نصك القسم وانفك الاطناب=باسباب من نفقد بالالغاز طيبه
لكنك هلالن اليا غاب ما عاب=يرجع بدر ليل الدياجي وضيبه
ينير لمنه سجى الليل ما شاب=مثل السحابه كود يرجع صبيبه
وانا احمد اللي يا فتى الجود لك جاب=الواحد المختص في علم غيبه




( أبو عبد الله )
مسيرs
06/03/2009, 02:07 PM
صح لسانك وسلم بنانك كريم أنت تفقد إخوانك!
والخيال يستاهل كل إقوالك وفاز بكل الوانك!!
الخيال2006
06/03/2009, 03:15 PM
اخوي ابو عبد الله عاجز عن التعبير صراحة اعذرني


مااقول الا صح صح لسانك يالغالي على هالقصيدة الجزلة والاستقبال الحار


وهذا كرم منك ابو عبد الله الله يرفع مقدارك ويجزاك خير ويطول عمرك


لو اني الصراحة تراي دون هالقصيدة الرائعة , فيه من اخواني بهالخيمة ماهو احق بكثير مني بل كلهم مني واطيب وهذي ليست مبالغه.
ولكن هذا كرم وجود وطيب منك بارك الله فيك.
وانا عاجزعن رد جمايلك ولكني أخ لك بحائل ماحييت ان شاء الله
ولك مني كل تحية وتقدير...
برق القصيم
06/03/2009, 10:03 PM
صح لسانك شاعرنا المتالق دوما ابوعبدلله وعزالله انك عبرت عن مشاعر كل اعضاء هالخيمه المباركه بهالقصيده اللي كلها درر
ويستاهل اكثر مديرنا الغالي والحمد لله على سلامته
الخيال2006
07/03/2009, 02:48 PM
صح لسانك شاعرنا المتالق دوما ابوعبدلله وعزالله انك عبرت عن مشاعر كل اعضاء هالخيمه المباركه بهالقصيده اللي كلها درر
ويستاهل اكثر مديرنا الغالي والحمد لله على سلامته


هلا وغلا باهل القصيم كلهم يابرق القصيم والله يسلمك ويجزاك خير

وشكرا على صدق مشاعرك النابعة من اصالة معدنك

بارك الله فيك
يوسف الخليفة1
09/03/2009, 09:16 PM
صح لسانك وسلم بنانك كريم أنت تفقد إخوانك!
والخيال يستاهل كل إقوالك وفاز بكل الوانك!!

صح بدنك أخي مسير وسلمت وبارك الله فيك
يوسف الخليفة1
09/03/2009, 09:17 PM
اخوي ابو عبد الله عاجز عن التعبير صراحة اعذرني



مااقول الا صح صح لسانك يالغالي على هالقصيدة الجزلة والاستقبال الحار


وهذا كرم منك ابو عبد الله الله يرفع مقدارك ويجزاك خير ويطول عمرك


لو اني الصراحة تراي دون هالقصيدة الرائعة , فيه من اخواني بهالخيمة ماهو احق بكثير مني بل كلهم مني واطيب وهذي ليست مبالغه.
ولكن هذا كرم وجود وطيب منك بارك الله فيك.
وانا عاجزعن رد جمايلك ولكني أخ لك بحائل ماحييت ان شاء الله

ولك مني كل تحية وتقدير...


صح بدنك أخي العزيز الخيال 2006 وبارك الله فيك وتستحق أكثر من هذا وفي الجميع البركة ولك احترامي
يوسف الخليفة1
09/03/2009, 09:19 PM
صح لسانك شاعرنا المتالق دوما ابوعبدلله وعزالله انك عبرت عن مشاعر كل اعضاء هالخيمه المباركه بهالقصيده اللي كلها درر
ويستاهل اكثر مديرنا الغالي والحمد لله على سلامته

أخي الفاضل برق القصيم صح بدنك ورفع الله مقدارك وحفظك ورعاك ولك تقديري والشكر الجزيل