المساعد الشخصي الرقمي

مشاهدة النسخة كاملة : استفسار بخصوص زيت وفلتر القير الاوتوماتيك


a6lak_wa7ed
07/03/2009, 01:19 AM
السلام عليكم ورحمه الله وبركاته

مساكم /صبحكم الله بالخير والمسرات

أخواني مااطول عليكم بس عندي استفسار بسيط عن زيت وفلتر القير الاتوماتيك لجيب لاند

كروزر gxr متى اغيرهن ؟ وهل يحتاج ميكانيكي لتغييرهن؟




وشكراً
حسين السبيعي
07/03/2009, 03:39 PM
السلام عليكم ورحمه الله وبركاته



مساكم /صبحكم الله بالخير والمسرات


أخواني مااطول عليكم بس عندي استفسار بسيط عن زيت وفلتر القير الاتوماتيك لجيب لاند


كروزر gxr متى اغيرهن ؟ وهل يحتاج ميكانيكي لتغييرهن؟





وشكراً

مرحبابك اخي العزيز انصحك بتغيير فلتر زيت القير كل 12000 الف كيلو حتي يطول عمر القير واحسن اختير المهندس لن عدم تركيب الفلتر بشكل غير صحيح يسبب تهريب الزيت مما يتسبب في اتلف القير وعليك شراء فلتر وزيت اصلي بنفسك والمتابه اثني التركيب وعدم الثقه في المكنيكي
واطي الجمرة
07/03/2009, 04:18 PM
12000 قليل مره؟؟
بالنسبه للكامري لدي اغيره كل 50000 كيلو زيت وفلتر مع بعض
AMAZ
07/03/2009, 05:07 PM
الله يسلمك يغير كل 50 الف طبعا ياخذ 6 لتر زيت . حاول انك تغيره عند ورشه متخصصه صيانه الجربكسات افضل لانه لا يوجد له وجه لكن يجي له سليكون والسليكون وزنه صعب حيث ان الغير متخصص ممكن انه يزود الكميه مما يسبب دخول السليكون إلى داخل كرتير القير او يقلل الكميه ويسبب تهريب .
a6lak_wa7ed
08/03/2009, 12:04 AM
أخوي hnjhhg جزاك الله خير على ردك , والوكالة قالوا لي تغير كل عشرين الف بس

مادخلت مزاجي لان الفلتر يبيله وجه وحوسه مهب مثل فلتر زيت المكينة سنة تفكها وتشدها

على كيفك , فما اتوقع انه قطعه استهلاكية لانه لو قطعة استهلاكية كان المهندسين اخترعوا

طريقة بحيث يكون فك الفلتر وتركيبه سهل شوي.

اخوي ترا مب معنا كلامي اني اكذبك او مااقتنعت بكلامك بس هذا اللي كان يدور براسي

وخلاني اسأل .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

اخوي واطي الجمرة جزاك الله خير على ردك , بس اتوقع ان قير الجيب يختلف عن قير

السيارات الصغيرة لان فيه دبل وهذا توقع انا ماعندي علم

مشكور مرة اخرى

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

اخوي AMAZ جزاك الله على الرد , يعني 50000 معقولة شوي رغم اني كنت اتوقع

اكثر من كذا , وبالنسبة للفني تعرف واحد ممتاز بالرياض لاني مريت على كذا بنشري و

كلهم يقولون ايه نغيره بس انا مااقتنعت لانك ماتدري من الصاحي فيهم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

بانتظار اراء باقي الشباب والله يعطيكم العافية
xozxo
08/03/2009, 06:15 AM
اخي الكريم عندي في اكس 2004 الوكاله تقول لاتغييره امل منك مراجعة الوكاله وعدم الذهاب لاى من الخبرا اليمنين في المشاحم هذا قير اذا خبط الله يعينك
a6lak_wa7ed
08/03/2009, 05:03 PM
أخوي xozxo مشكور على ردك بس المهندس حق الصيانة يقول لي تغيره كل 20000

الف وانا حسيت انه يلعب علي لان سوقهم تخبر هاليومين راكد وشكلهم بيطلعون حرتهم

بقطع الغيار
a6lak_wa7ed
09/03/2009, 07:12 PM
مازلنا بانتظار اراء باقي الشباب
أبو راكان
09/03/2009, 07:41 PM
غيرة كل خمسين الف
xozxo
09/03/2009, 08:46 PM
أخوي xozxo مشكور على ردك بس المهندس حق الصيانة يقول لي تغيره كل 20000




الف وانا حسيت انه يلعب علي لان سوقهم تخبر هاليومين راكد وشكلهم بيطلعون حرتهم


بقطع الغيار

اخي الكريم لم اقتنع بكلامه فاطلعني على منشور من من الشركه المصنعه يحث على عدم تغيير الزيت الخاص بالقيروالسياره مشت معي فوق120000 وبعتها مافيها اي شي
a6lak_wa7ed
10/03/2009, 04:46 PM
أخوي xozxo الف الف شكر على تجاوبك معي وجزاك الله الف خير

وانا اخوك اللي خلاني اوسوس ان المهندس نفسه يوم جيته تشييك الالف قال لي ان تغيير

زيت القير عند 50000 ويوم جيته هالايام بس اسأله , تغيير كلامه وقال لي لازم تغيره

كل 20000 الف ولا تتأخر عليه لان امكن يخبط عليك القير ومن هالكلام (حركات تبهير)
طويلب علم
10/03/2009, 05:00 PM
اخي الكريم لم اقتنع بكلامه فاطلعني على منشور من من الشركه المصنعه يحث على عدم تغيير الزيت الخاص بالقيروالسياره مشت معي فوق120000 وبعتها مافيها اي شي
مع ابن أختي جي أكس آر 2004 وانعدمت الكلتشات وقالوا الوكالة إن السبب هي عدم تغيير زيت القير والفلتر ؟!
فمن يؤكد لنا الخبر من مصادر أخرى ؟
a6lak_wa7ed
11/03/2009, 12:03 AM
أخوي طويلب علم حياك وزادك الله من العلم , ونفع الله بعلمك

هنا الكلام انا ماابي عقب سنتين يخبط علي القير وانا بمقطعة بوسط البر واتحسف واقول

ليتني مغير الزيت
Magellan
11/03/2009, 12:39 AM
نظام القير الأتوماتيكي يحتاج لفهم طبيعته وعمله ...
فالزيت يدخل بين التروس وكل ماصار قديم كل ماشال معه رايش
لذلك إذا إحترق الزيت يبدأ هالرايش يلعب بالزيت ويثقل لزوجته وبالتالي تنعدم الكلتشات
ولذلك بعضهم ينصحه بعدم تغيير الزيت ،لأن الفني إكتشف معه رايش واجد فيقول أمش عليه لين يخبط مره كامله وتغير كلتشاته .....
طبعا أن ماقد جربت ياباني أتوماتيك ، بس معي شفر تريل بليزر أغيره كل 50000 كلم، يفك الصاجه اللي تحت ثم يكب الزيت وينظف المغناطيس بالبنزين ، ثم يجيب الوجه ويحط عليه سيلكون وياخذ الفلتر ويركبه ثم يحط الكارتير ويثبته بمساميره وكلها 200 ريال شامله قطع غياره وحق يده وأي محل يسويه،،
طبعا لابد إن يكون له عيار من فوق عشان يصب الزيت ثم ، وبعده لازم تشغل الموتر وتعطيه نمره قدام ثم ورى ثم يقيسه ويزيد لو ناقص لين يصير العيار بين min و max ،،
طبعا فيه سيارات مختومة عياراتها فوق فهذي مشكلتهم مشكله يبيلهم مكاين عشان ضخ الزيت وماتلقاها إلا في محلات الكبار أو الوكالة ...

طبعا كل فترة أفتح كبوت موتري وأسحب العيار وأشوف لون الزيت وأشمه لو تغير قبل 50000 بسبب الجور أغيره على طول،،


أتمنى إن شرحي مفهوم
a6lak_wa7ed
11/03/2009, 02:15 PM
اخوي Magellan بيض الله وجهك وغفر الله لك ولوالديك ونفع الله بعلمك وزادك

بس هل تعرف ميكانيكي مضبوط ولا اروح للوكالة اغيره
طويلب علم
11/03/2009, 05:34 PM
أخوي طويلب علم حياك وزادك الله من العلم , ونفع الله بعلمك

هنا الكلام انا ماابي عقب سنتين يخبط علي القير وانا بمقطعة بوسط البر واتحسف واقول

ليتني مغير الزيت
بارك الله فيك
ولأجل ما ذكرتَ أخبرت بقصة ابن أختي لئلا تقع مثله .
والحقيقة أنا أغير زيت سيارتي من 40- 50 ألف.
a6lak_wa7ed
12/03/2009, 02:23 PM
يعني حسب رأي الشباب اشوف الاغلبية يقولون عند 50000 ولا فيه احد عنده رأي ثاني
Magellan
12/03/2009, 05:38 PM
اخوي Magellan بيض الله وجهك وغفر الله لك ولوالديك ونفع الله بعلمك وزادك

بس هل تعرف ميكانيكي مضبوط ولا اروح للوكالة اغيره

والله ياخوي لو تشوف الورشة اللي غيرت الزيت إن تعافها ، ومن الجنسية اللي أنت خابر ملو الصناعيه الله يفكنا منهم ...
وقلت عندك ضمان ، قال: ياخي أنا أغير الزيت يعني ماراح أسوي شي ثاني
قلت:توكل على الله وإن شاء الله مايصير إلا كل خير
والحمد لله الأمور تمام ...
لكن إذا ولابد وأنا من الناس اللي أكره شي أروح للوكالة لدرجة إن موتري غيرت بكرة السير وهو على الضمان عند هندي من كرهي لكلمة وكالة ، فأنصحك المحلات المشهورة اللي توضب القيور ،عارفين الشغل وأكيد إنهم فاهمين ..
وأمس كنت واقف على جكسار لواحد من الزملاء وأشوى كان فيه عيار فوق ورى المكينة على اليمين لذلك سهل تغييره ..
بالتوفيق :)
a6lak_wa7ed
14/03/2009, 01:41 PM
بيض الله وجهك اخوي Magellan (http://www.mekshat.com/vb/member.php?u=11979) وماقصرت والله يجزاك الجنة ووالديك