المساعد الشخصي الرقمي

مشاهدة النسخة كاملة : محلات تفصيل على مزاجك ؟!


سحب ركامية
07/03/2009, 03:24 AM
السلام عليكم ورحم الله

اخواني المكشاتيين .. اتمنى منكم تضعون بعض المحلات المعروفة بالتفصيل الخاص بالرحلات ( تفصيل اغطية وزي كذا.. وليس خيام ) .. طبعاً تفصيل على مزاجك ..

اخبر فيه محل يفصل في حي الريان مقابل سكن الكلية التقنية .. لكنه فلسع ؟!

وواحد قال لي ان فيه محل حول مقبرة النسيم .. بس وين بالظبط ما أدري


يعني بصراحة ودنا نرف لناكم محل بالرياض .. عشان الواحد وده يفصل شيء على مزاجه

قفلة : فكونا من الغرابي :d


والسلام
atamami
07/03/2009, 09:11 AM
مرحبا اخوي سحب ركامية
والله الفكر جيدة ... وكما تفضلت فان محلات الغرابي يضربون في السعر
والواحد يزمل للمشوار
سجل عندك محلات (( عند حراج ابن قاسم ) لديهم امكانية للتفصيل حسب الطلب
----
تحياتي
وصل وجفا
07/03/2009, 12:33 PM
هلا اخوي بالنسبة للمحل اللي مقابل كلية المعلمين محل البرية أنتقل لموقعة الجديد
وأنت داخل من مخرج 14 بأتجاه الشرق يجيك حرف T هذا شارع عنيزة رح يمين
وأول أشارة تواجهك لف يمين بأتجاه الغرب شارع الزبير بن العوام يجي المحل على يمينك على طول
والثاني محل برق الحيا وأنت داخل من مخرج 15 بأتجاه الشرق ديور مع ثاني اشارة وارجع للغرب يجي على يمينك كبير وواضح وفيه بشمال الرياض محل ذيب الصحراء مقابل الهرم اللي عند العويس
والمحلات واجد لكن ماودنا بالأطالة أكثر من كذا
اتمنى يكون وصفي واضح
ذيب الداهية
07/03/2009, 01:12 PM
فكونا من الغرابي :

ليش يالغالي فكونــــــــــــا من الغرابي

أفضل أماكن تفصيل .. أنبغيت الجد

ولمعلوميتك ..يجون زباين ..من الكويت ..والأمارات ..وقطر ..عشان يفصلون ..في الغرابي ..

أن بغيت الزين محلات الغرابي ... ون بقيت ..الردي.. الي ينلعب .. عليك.فيه ..واجد في الرياض

تحياتي .............
AL-Hadbani
09/03/2009, 01:01 PM
أنا أشوف الغرابي زين بس رص على نفسك شوي وفر لك كم محل وكسر رأسهم يعني


كاسر لأن البنقالي عنده قاعده ((( يرفع السعر علشان تكاسر ثم يبيع قبل لا تمشي ويقول بالحرف الواحد


خلاص صديق شيل مافيه مشكلة خسارة انت زبون >>>>>>ملعوب علينا
عاشق السيل
09/03/2009, 01:22 PM
هلا اخوي بالنسبة للمحل اللي مقابل كلية المعلمين محل البرية أنتقل لموقعة الجديد



أخوي وصل وجفا ،، الرجال يسأل عن محل اسمه (( الرواق )) لأنه مقابل سكن الكلية التقنية وليست كلية المعلمين ،، وفعلا المحل نقل ولا أدري وين راح !!! ومشكور على مجهودك ،،،


أخوي سحب ركامية ،، مدامك بحي الريان أنصحك تروح لحبيبي ( عبدالحميد ) هذا بنقالي فاهم جدا بالتفصيل والحركات اللي تبيها على مزاجك وأسعاره مناسبة جدا ،، وتلقاه في محل اسمه اليوسف للخيام بشارع الإمام الشافعي ،، إذا خليت مستشفى اليمامة على يمينك وأنت متجه شمال تجيك محطة على يمينك ارجع مع اليوتيرن اللي بعد المحطة ويصير وجهك جنوب وبعد مية متر يجيك المحل على يمينك ،،

وبالتوفيق يالغالي ......