سؤال عن وايرات السحب

[عا سبيل بر]

بسم الله الرحمن الرحيم

أخواني أعضاء مكشات

السلام علكيم ورحمة الله وبركاتة

أتمنى منمن لديه خبره أو دراية عن وايرات السحب ... أن يفيدنا بأفضلاها وكل ما يخصها ......الخ

تحياتي ،،،

[سرهيد]

السلام عليك

للآسف اغلب اللي في محلات الرحلات انواع ما تستخدم الا لمرة واحده

على العموم مرة كنت عند محلات الكبس ولقيت واحد قاعد يكبس واير ما ادري من وين اشتراه

طبعا قاعد يقبس اطراف كالكلاليب لكي تمسك في السيارة

تقبل احترامي اخوي الكريم عابر سبيل

[جهام القصيم]

وعليكم السلام مر برق الحيا في الرياض أو السنيدي في القصيم شف عندهم حبل ملفوف لف قيمتة 100 ريال احسن من الوير ينقطع عليك يعدمك 0 وفق الله الجميع

[سرهيد]

وعليكم السلام مر برق الحيا في الرياض أو السنيدي في القصيم شف عندهم حبل ملفوف لف قيمتة 100 ريال احسن من الوير ينقطع عليك يعدمك 0 وفق الله الجميع

نعم اخوي فعلا رأيت مثل هذا الحبل

ولكن اشوف ان حجمه كبير

تقبل احترامي

[بواسامه]

طع شوري
واكلمك من سابق تجربه
لاتاخذ لا سلسله ولا واير حديد
والسبب لخطورتهما لو انقطعت
خذ قماش السبته القويه
واحرص على الاصلي
واللي يتحمل 3 طن وفوق والطول حسب حاجتك
وركب الهوك انت وخذ الياباني وخل الصيني عنك
وانحش من اللي يجي جاهز وينباع بمحلات الرحلات ومحطات الطريق
يجيك مكبوس فيه هوكه او شنكاره فتراه ضعيف ويخون وقت الحاجه
تلقاها في شارع الريل
عند المحيميدي ولا ضيف الله

[دغيم1]

السلام عليكم ورحمة الله وبركاته
حياك الله أخوي
الواير أو السلسلة صحيح خطرة إذا أنطلقت من السيارة
ولكنها الأفضل إذا حسن التعامل معها
وعليك بالسلسلة الألمانية
أو الواير الجيد
شارع الريل لدى المحيميد أو ضيف الله أو اللحيدان
السبته القماشية جيدة إذا وجد الأصلي
تقبل تحياتي

[غربيل]

اخوي عابر سبيل انا شفت لك حبل سحب اصلي في محلات الرماية

http://www.mekshat.com/pix/upload03/images104/mk114196_89.jpg


يسحب الى 15000 kg واسترالي الصنع مضمون جربة وبتدعي لي..

[سيف الظفير]

Arb لا تتعداه يا القرم تراه اصلي وقوي ويسحب تريلة بدون مشاكل

[عا سبيل بر]

السلام عليك





للآسف اغلب اللي في محلات الرحلات انواع ما تستخدم الا لمرة واحده


على العموم مرة كنت عند محلات الكبس ولقيت واحد قاعد يكبس واير ما ادري من وين اشتراه


طبعا قاعد يقبس اطراف كالكلاليب لكي تمسك في السيارة


تقبل احترامي اخوي الكريم عابر سبيل





حياه أخونا الكبير أبو عبدالله


أول ما شفت ردك .. قلت بس جاك العلم من الخبير
وغريبه عليك أبو عبدالله ما سألت الرجال وأخذت صورة للواير



وعليكم السلام مر برق الحيا في الرياض أو السنيدي في القصيم شف عندهم حبل ملفوف لف قيمتة 100 ريال احسن من الوير ينقطع عليك يعدمك 0 وفق الله الجميع


جزاك الله خير أخوي جهام القصيم
أنا ودي بالأصلي إلي ما ينقطع ... وحبيت أعرف من أهل الخبرة في هالأمور من شقردية مكشات
ولا ودي أغامر في شي أخسر فيه فلوس ثم أشري الزين
وبخصوص السنيدي أنا كنت عنده الأسبوع الي فات وصراحه تولد لدي حس بأن ( السنيدي = الصين ) <<< مجرد أحساس

طع شوري





واكلمك من سابق تجربه

لاتاخذ لا سلسله ولا واير حديد
والسبب لخطورتهما لو انقطعت
خذ قماش السبته القويه
واحرص على الاصلي
واللي يتحمل 3 طن وفوق والطول حسب حاجتك
وركب الهوك انت وخذ الياباني وخل الصيني عنك
وانحش من اللي يجي جاهز وينباع بمحلات الرحلات ومحطات الطريق
يجيك مكبوس فيه هوكه او شنكاره فتراه ضعيف ويخون وقت الحاجه
تلقاها في شارع الريل
عند المحيميدي ولا ضيف الله





جزاك الله أخوي أبو اسامه

بخصوص الهوك ... الحمد لله الددسن دبل يعني شنكارها جاهز
وصدقت أنا قصدي بالواير القماش مو الحديد ... بس وين الأصلي ومين يدلنا عليه
وصراحه خايف أشري ... الصين خلتنا نعد للمليون قبل نشري أي شي
شفت قبل فترة سيارتين باترول يسحبون لاند خافس في طين ( حول القصب ) وصراحه ما صدقة قوة تحمل الحبال من كثر تل السيارتين





السلام عليكم ورحمة الله وبركاته



حياك الله أخوي
الواير أو السلسلة صحيح خطرة إذا أنطلقت من السيارة
ولكنها الأفضل إذا حسن التعامل معها
وعليك بالسلسلة الألمانية
أو الواير الجيد
شارع الريل لدى المحيميد أو ضيف الله أو اللحيدان
السبته القماشية جيدة إذا وجد الأصلي


تقبل تحياتي




وعلكيم السلام ورحمة الله وبركاتة
جزاك الله خير
وعلى الوصف ... بس يقول المثل عط الخباز خبره لو أكل نصه
وأن شاء الله لا عرفنا الزين منها ... نصينا المحيميد و ضيف الله واللحيدان



اخوي عابر سبيل انا شفت لك حبل سحب اصلي في محلات الرماية






http://www.mekshat.com/pix/upload03/images104/mk114196_89.jpg



يسحب الى 15000 kg واسترالي الصنع مضمون جربة وبتدعي لي..





جزاك الله خير أخوي غربيل


ما تدري كم سعره لآن الرماية صراحه أسعارهم تشوي تريله دجاج مو دجاجه بس


--------------



أتمنى الأخوان الأعضاء يزودنا بصور للوايرات والحبال ونشوف تقرير مميز من أهل التميز


تحياتي ،،،

[ذيب الداهية]

الله يوفقك ..
بوير جيد ..
يعطيك العافيه
تقبل مروري

[العريني1]

ميزة السلسله انه ما تأخذ مكان ابد...
وبالنسبه للحبل ياخذ مكان كبير
لكنه خفيف..

على العموم انت ومزاجك...
اوصف لك محل متخصص بالوايرات والسلاسل..
مقر الدوريات الامنيه بالغرابي..الشارع الغربي...متوسطة طويق على يمينك...بعده مباشرة
محلات العثمان ..محل قديم ومتخصص

بالنسبه لي عندي سلسلة فولاذ؟؟؟؟
واحده5م والثانيه10م
في كيس صغير وتدخل تحت المرتبه

[f1502000]

السلام عليكم اخوي من واقع تجربة اذاتبي واير قماشي للسحب رح دور عند المحلات المخصصة للوازم الرافعات بشارع الريل عندهم نوعيات من الوايرات مخصصة لرفع الاوزان الثقيلة وذات جودة عالية بس يبي لك تولف لها شناكير والله يعينك على السعر بس الصراحة جودة افضل بكثير من اللي مخصصة لسحب السيارات..... وانت ذهين وتبي تعرف السبب

[لاتكب البيالة]

انا اشوف السلسلة ممتازة لكن يعيبة الثقل وبعض الخطورة
وانا اشوف ان الحبل الليف قوي وممتاز للسحب

وعندك السبته اللي نربط بط به فرش البر صراحه هذي قوية خاصة اذا رحت لخياط خليته يدبله لك 3 مرات وسويت له شناكر تطلع ممتازة وخفيفة وايضا رخيصة

[عا سبيل بر]

Arb لا تتعداه يا القرم تراه اصلي وقوي ويسحب تريلة بدون مشاكل


حياك الله أخوي سيف الظفير
قصدك مثل إلي برد أخونا غربيل
وشاكر لك مرورك الكريم



الله يوفقك ..




بوير جيد ..

يعطيك العافيه
تقبل مروري





جزاك الله خير ويعطيك العافية على المرور الكريم





ميزة السلسله انه ما تأخذ مكان ابد...



وبالنسبه للحبل ياخذ مكان كبير
لكنه خفيف..


على العموم انت ومزاجك...
اوصف لك محل متخصص بالوايرات والسلاسل..
مقر الدوريات الامنيه بالغرابي..الشارع الغربي...متوسطة طويق على يمينك...بعده مباشرة
محلات العثمان ..محل قديم ومتخصص


بالنسبه لي عندي سلسلة فولاذ؟؟؟؟
واحده5م والثانيه10م


في كيس صغير وتدخل تحت المرتبه




جزاك الله خير
وشاكر لك حسن مشاركتك



السلام عليكم اخوي من واقع تجربة اذاتبي واير قماشي للسحب رح دور عند المحلات المخصصة للوازم الرافعات بشارع الريل عندهم نوعيات من الوايرات مخصصة لرفع الاوزان الثقيلة وذات جودة عالية بس يبي لك تولف لها شناكير والله يعينك على السعر بس الصراحة جودة افضل بكثير من اللي مخصصة لسحب السيارات..... وانت ذهين وتبي تعرف السبب


ماشاء الله الشباب كلهم متفقين على شارع الريل
جزاك الله خير أخوي f1502000



انا اشوف السلسلة ممتازة لكن يعيبة الثقل وبعض الخطورة





وانا اشوف ان الحبل الليف قوي وممتاز للسحب


وعندك السبته اللي نربط بط به فرش البر صراحه هذي قوية خاصة اذا رحت لخياط خليته يدبله لك 3 مرات وسويت له شناكر تطلع ممتازة وخفيفة وايضا رخيصة





جزاك الله خير أخوي لا تكب البيالة



--------------
كنت أتمنى من الأخوان إلي يملكون وأيرات حديد أو قماش ... الخ تزويدنا بصور لها
ومنمن لديه خبره في الوايرات أن ينورنا بما أعطاه الله منها


تحياتي للجميع ،،،

[AL-Hadbani]

عليك بالواير الجاهز تلقاه ب 35 ريال عند القاضي أو برق الحيا

ويتحمل 5 طن

[أبونهار]

فيه محل في الغرابي في الرياض متخصص وايرات حديد وسبت وكل شي اسأل عنه وهو الي بيعطيك الموجز وبعدين رخيص مره ويكبس لك الي تبي



وترا عنده سلاسل حديد صلب خفيفه وقويه وبتدعيلي

[أبو براك]

شاهد هالموضوع ان شاء الله يفيدك

http://www.mekshat.com/vb/showthread.php?t=59138

[ابو عمر النوح]

مساك الله بالخير أخوي عابر سبيل
بالنسبة لي أنا أستخدم سلسلة فصلتها في شارع الريل قبل أكثر من 10 سنوات و إلى الآن ما تغيرت كأن لي سنة مجهّزها . و لكن أهم شيء خذ السلسلة الأصلية لا تاخذ الردي . و مثل ما قالوا الأخوان ميزة السلسلة إنها قوية و لا تاخذ حيز ممكن تسقطها في أي مكان .
و عسى الله يبارك لك في اللي بتشتريه ، و تقبل مروري .

[ابومحمد vtc]

السبته الانجليزيه الي عند المحيميد ممتازه مره عن تجربه

[أبوالمثنى]

يا أخوان أريد وصف شارع الريل

لا هنتم

[طير شلوا]

اخوى ابو المثنى من وين تبى تجى لشارع الريل يعنى من خارج الرياض من اى جهه

[عا سبيل بر]

عليك بالواير الجاهز تلقاه ب 35 ريال عند القاضي أو برق الحيا

ويتحمل 5 طن


حياك الله أخوي الهواوي

ما أظن الجاهز بيكون معمر معي خاصه وبها السعر أكيد صيني

تحياتي لك ،،،

[عا سبيل بر]

فيه محل في الغرابي في الرياض متخصص وايرات حديد وسبت وكل شي اسأل عنه وهو الي بيعطيك الموجز وبعدين رخيص مره ويكبس لك الي تبي



وترا عنده سلاسل حديد صلب خفيفه وقويه وبتدعيلي

جزاك الله خير أبو نهار
قصدك محلات العثمان ... مثل ما ذكر أخونا العريني1..!!!
وجزاك الله خير على المشاركه
والله يوفقك دنيا وأخره




شاهد هالموضوع ان شاء الله يفيدك



http://www.mekshat.com/vb/showthread.php?t=59138



وافي أخوي جمبازي
وجزاك الله ألف خير ... بس المشكله أن الموضوع صار أكثر حيره
أنا ودي بالقماش بس أخاف أنه ما يدوم معي
والسلسه أخاف تنطلق ثم يصير شي مو زين
هههه مره أقول القماش والثانية أقول السلسله :o
ولا فيه تقرير وأفي بالصور عنها جميع يبرد الكبد ويرسيك على بر


مساك الله بالخير أخوي عابر سبيل
بالنسبة لي أنا أستخدم سلسلة فصلتها في شارع الريل قبل أكثر من 10 سنوات و إلى الآن ما تغيرت كأن لي سنة مجهّزها . و لكن أهم شيء خذ السلسلة الأصلية لا تاخذ الردي . و مثل ما قالوا الأخوان ميزة السلسلة إنها قوية و لا تاخذ حيز ممكن تسقطها في أي مكان .
و عسى الله يبارك لك في اللي بتشتريه ، و تقبل مروري .

جزاك لله خير على النصيحه أخوي أبو عمر النوح
والله يبارك لك في مالك


اخوى ابو المثنى من وين تبى تجى لشارع الريل يعنى من خارج الرياض من اى جهه

أنت وصف من طريق الملك فهد أو أي شي واضح ومعروف للجميع

--------

آآآآآآآآآآة يا سرهيد
تحياتي للجميع

[أبوالمثنى]

الله لا يهينك من الدايري الشرقي أو الشمالي

[عاشق وسم]

السلام عليكم ورحمة الله وبركاته


أنا جربت سبته من نوعيه القماش وهي ممتازه جدآ وعمليه مررررررة


بس بتجي بدون شناكير يبيلك تشتري شناكير ممتازه ولا تشتري إلا الشناكير الطيبه


لأن إذا كان معك سبته صح وشناكير مشي حالك ما إستفدنا شي !!


أما الوايرات أنصحك إبعد عنها لأنها تنكبك في وقت الشدايد (( خصوصآ في الـتــنــتــيــل ))

وتلقى هالسبت وأمثالها من الطيبات عند شارع الريل محل الفانوس وغيره


والصور بإذن الله اليوم ولا باتسر لأني مشغول متى ما فضيت نزلت الصور


وإعذرنا على القصور يا خوي عا سبيل بر
أخوك : عاشق وسم

[الصمصامه]

جميع وسائل السحب والنتل خطيرة وتقتل وقد اطلعت على صور لسيارات قتل فيها اشخاص بسبب انفلات الوسيلة او انخلاع الجزء الذي ثبتت فيه حيث تحولت الاطراف الحديده الى قذائف في بعض الصور اخترقت الغماره وقتلت الراكب،لذلك يجب التعامل معها بجديه وحذر، وفيما يلي بعض النقاط المهمه:
1-معاينة الوسيلة والتأكد انها غير متضرره.
2-وضع قماش كفرشه او بطانية في منطقة الوسط بين الساحب والمسحوب لان ذلك يؤثر في قوة انطلاق الوسيلة ويؤثر في مسارها في حال انقطاعها او انقطاع الجزء المرتبط بالسيارة، اعلم ان ذلك يبدو غريبا لكن حقيقة علمية تدرس للمتخصصين.
3- ابعاد الركاب عن السيارات لمنطقة امنه.
4-فتح كبوت السيارة التي تسحب في اتجاه الخلف.
5- في حال استخدام مكينة سحب السياره يتولى ترتيب الواير وتشغيله شخص واحد لتفادي قطع اليد بسبب عدم التنسيق.
6- ايضا عند استخدام مكينة سحب السيارة دائما نبقي على ثلاث لفات على البكره وذلك كحد ادنى.
7-التدرج في عملية السحب بحيث تشد الوسيله ومن ثم تبداء عملية السحب على ان يتم ذلك بعد التنسيق والتخطيط قبل الشروع في عملية السحب في حال وجود سائق في كل عربية.
8- استخدام بكرة وسيطة من خلال ربطها حول شجرة او صخرة..ومن ثم تمرير وسيلة السحب من خلالها...بحيث يكون هناك زاوية بتسعين درجة بين وسيلة السحب والمسحوب يضاعف قوة السحب.
9- من المهم معاينة كل الوسائط المستخدمه سلك، هوك ،بكره، جزء التثبيت في السيارة، حيث ان العطب في الغالب سيصيب الجزء الاضعف.

[الصمصامه]

:j جميع وسائل السحب والنتل خطيرة وتقتل وقد اطلعت على صور لسيارات قتل فيها اشخاص بسبب انفلات الوسيلة او انخلاع الجزء الذي ثبتت فيه حيث تحولت الاطراف الحديده الى قذائف في بعض الصور اخترقت الغماره وقتلت الراكب،لذلك يجب التعامل معها بجديه وحذر، وفيما يلي بعض النقاط المهمه:
1-معاينة الوسيلة والتأكد انها غير متضرره.
2-وضع قماش كفرشه او بطانية في منطقة الوسط بين الساحب والمسحوب لان ذلك يؤثر في قوة انطلاق الوسيلة ويؤثر في مسارها في حال انقطاعها او انقطاع الجزء المرتبط بالسيارة، اعلم ان ذلك يبدو غريبا لكن حقيقة علمية تدرس للمتخصصين.
3- ابعاد الركاب عن السيارات لمنطقة امنه.
4-فتح كبوت السيارة التي تسحب في اتجاه الخلف.
5- في حال استخدام مكينة سحب السياره يتولى ترتيب الواير وتشغيله شخص واحد لتفادي قطع اليد بسبب عدم التنسيق.
6- ايضا عند استخدام مكينة سحب السيارة دائما نبقي على ثلاث لفات على البكره وذلك كحد ادنى.
7-التدرج في عملية السحب بحيث تشد الوسيله ومن ثم تبداء عملية السحب على ان يتم ذلك بعد التنسيق والتخطيط قبل الشروع في عملية السحب في حال وجود سائق في كل عربية.
8- استخدام بكرة وسيطة من خلال ربطها حول شجرة او صخرة..ومن ثم تمرير وسيلة السحب من خلالها...بحيث يكون هناك زاوية بتسعين درجة بين وسيلة السحب والمسحوب يضاعف قوة السحب.
9- من المهم معاينة كل الوسائط المستخدمه سلك، هوك ،بكره، جزء التثبيت في السيارة، حيث ان العطب في الغالب سيصيب الجزء الاضعف.

[طير شلوا]

اخوى ابو المثنى وصف شارع الريل من الدائرى الشرقى مخرج 17 الاتجاه غربا وبعدها
اشاره اولى وثانيه وبعدها نفق مستمرا بأتجاه الغرب اشاره ثالثه ورابعه وخامسه من تحت الجسر تتجه بأتجاه الشمال الغربى محاذى للجسر لاتتجة ليمين الاشاره بل على طول على اليمين قليلا من بعدها الاشاره السادسه اوالاشاره السابعه تأخذ اليمين جميعهم يؤدون الى الشارع المطلوب بعدها عند اول اشاره تكون فى وسط شارع الريل على اليمين وعلى اليسار ومحلات الوايرات على ما اذكرها يسار الاشاره الاولىمن الاشاره السادسه اوعلى يمين الاشاره الاولىمن الاشاره السابعه ويفتحون شمال امل اننى لم اتعبك بكثرة ترديد الاشارات

[سيف الظفير]

انتبه من الوايرات السنيدي تراها كلها صينية

[عا سبيل بر]

احب أن أشكر جميع من شارك معنا في الردود على موضوعنا هذا


وبما أن أغلب الشباب كانت أرائهم وتوجيهاتهم لي بالذهاب لشارع الريل ... فكان لي مشوار بالأمس لهاذا الشارع
واقتناعي بالسبته بأنها أفضل من الواير والسلسله ... كان سؤالي في المحلات عن السبته فقط


ووجدت بعض المحلات التي تبيع سبت السحب ... وكان معضمها صيني وسعودي وأماراتي


( 1 )


http://www.mekshat.com/pix/upload03/images106/mk84403_9 (5).jpg


( 2 )


http://www.mekshat.com/pix/upload03/images106/mk84403_9 (6).jpg


وهنا لم أكلف نفسي عنا السؤال عن أسعارها ... ليقيني بعدم جودتها


وشد نظري سبته ملاسى تختلف عن الباقي وهي رقم واحد في الصورة التالية ولم أجد جواب شافي لمصدر صناعتها


( 3 )


http://www.mekshat.com/pix/upload03/images106/mk84403_9 (4).jpg
8888
ورقم أثنين كانت صناعة أماراتية .... وجميعها كانت بدون شناكر




وبعدها وجدت سبته هولندية عريضة طولها 8 أمتار بـ 125 ريال .... بدون شناكر
وفضلت الأنتظار لحين مشاهده Arb
( 4 )


http://www.mekshat.com/pix/upload03/images106/mk84403_9.jpg


( 5 )
وهنا صورة مقربة للمواصفات .... صورت الصناعه بس مدري وين راحت :p


( 6 )


http://www.mekshat.com/pix/upload03/images106/mk84403_9 (1).jpg


وهنا سبته هولندية أصغر من سابقتها في العرض 10أمتار بـ 55 ريال ... يقولون للدينات


( 7 )


http://www.mekshat.com/pix/upload03/images106/mk84403_9%20(2).jpg


ويوجد بها شناكر جاهزة


( 8 )


http://www.mekshat.com/pix/upload03/images106/mk84403_9 (3).jpg


وفي الأخير أتمنى من جميع الأخوان ذكر صناعة السبت التي يملكونها
وأن شاء الله راح أمر الرماية للوقوف على سبته arb


تحياتي ،،،

[نيسان 807]

يسعد مساكم
أخوى عابر سبيل خذلك سلسله أصلية ورح انت فصله وصدقني راح ترتاح لانها الاقوى لكن والاهم الحرص ثم الحرص وقت التركيب وهي معي منذو فتره طويله ومعجبتني

[ERIC7]

والله انا من خلا تجاربي في الاعمال الشاقه مافيه للتحمل مثل وايرات الستانلس ستيل لاكن مشكلتها تبي مساحه وهذي سهله ولاكن اذا انعقدت ماتنفك لو تطامر ومن ناحية الوزن اخف من السلاسل لعلي اصورها لكم واحاول انزلها في المنتدى مع اني ماقد نزلت صور

[MNH]

وايرات اللي تجي مع ونش الوكاله او زيها

[الصمان 2]

الواير : خطير جداً .... اذا انقطع ... يؤذي من حوله .


مزعج .... اذا تنتش .... يجرح اليد .


يأخذ حيز في لفه .



:



من واقع تجربة

خذ سلسلة أصلية ( 80 ) قريد


8 ملم


http://up.arabsgate.com/u/4452/4097/58050.jpg



:


وفصل لها جراب ...




http://up.arabsgate.com/u/4452/4097/58049.jpg
.




:



وللمزيد ....... راجع الرابط :


http://www.mekshat.com/vb/showthread.php?t=179810&page=3











.

[احمش]

بالنسبة للسبته رقم واحد بالصورة

http://www.mekshat.com/pix/upload03/images106/mk84403_9%20(4).jpg

هذي عندي لها اكثر من خمس سنوات بس الي عندي لونها ابيض ( سابقاً الحين صار لونها قريب من الأسود من الكرف )

وكل من شافها سئلني من وين شريتها

خذها ولا تخاف عليها من انها تنقطع ولو كنت راعي تنتيل

[كاريزما2]

اخوي اذا تبي شيء قوي انا شريت واير من شركه تبيع لوازم الجيش الامريكي بالكويت بقيمه عشرين ريال تقريبا ولا شيء المبلغ ونفعني اسحب بواخر مافي مشكله وطوله 5 امتار طلعت فيه لاند كروزر بطين لدرجه البدي ضارب القاع ومستحيل يطلع وقبله جربنا خمس وايرات كلهم تقطعوا مثل ماقالك اخوي اللي تباع بالمحطات وغيرها والواير اللي عندي مصنوع من خيوط تشبه الخيش او الوبر شيء قوي يمكن يطيح صدام الموتر وهو مستحيل ينقطع وشريت منهم بطاريه للسياره كفاله عشر سنوات مصنوعه من الجل ولها رؤوس فوق وتحت يعني ماتتعطل وتركب علي جميع السيارات ومصنوعه من ماده غريبه شبيهه بالجل قيمتها بحدود الجديده منها 900 ريال وانا اخذتها مستعمله 200 وهذي البطاريه لهمر الجيش الامريكي

[الحربي حاتم]

بلشنا في كثرة الأنواع والغش وإنعدام الذمة والجودة

[الرماية]

يتوفر لدينا أفضل أنواع وايرات السحب

سبتة
من شركة ARB الاسترالية العريقية

للتفاصيل هنا
http://www.mekshat.com/vb/showthread.php?688925

و

http://www.wata.cc/up/2015/10/files/w-25fd8e4848.pdf

و

http://www.mekshat.com/vb/showthread.php?672132