المساعد الشخصي الرقمي

مشاهدة النسخة كاملة : لاصحاب الخبره في ثلاجات الطمره (رايك يهمني )


ابوسعودد
14/03/2009, 10:17 AM
السلام عليكم ورحمة الله وبركاته وبعد
اخي المكشاتي رايك يهمني جدا جدا جدا حيث اني ساقوم بشراء ثلاجه الطمره ان شاء الله تعالى , واحترت بين هذي اللوحات من كل نوع .
لاتبخل علي برايك عن ايهم افضل وياليت يكون من واقع تجربه تحياتي للجميع .


http://www.mekshat.com/pix/upload03/images104/mk84370_altamrah.jpg




والسلام ختام


اخوكم/


ابو سعود
جوني100
14/03/2009, 11:03 AM
وعليكم السلام ورحمة الله وبركاته :
ثلاجة الطمرة ممتازة وعملية وخفيفة الوزن ومطلوبة يعني إذا شريت وبغيت تبيع ما تبلش بالبيع.


احترت بين هذي اللوحات من كل نوع.
لاتبخل علي برايك عن ايهم افضل وياليت يكون من واقع تجربه تحياتي للجميع .


http://www.mekshat.com/pix/upload03/images104/mk84370_altamrah.jpg


احترت بين هذي اللوحات من كل نوع ؟؟

اما بنسبة للرقم اللوحة (1) هاذي مقاس (40 لتر ) شفتها مع واحد من الزملاء لكن من الداخل صغيرة الحجم .
أما رقم اللوحة (2) هاذي مقاس (50 لتر) وأنصحك بقوة أن تشتريها وتوكل على الله وأجزم.
وللمعلومية أن الحجم الخارجي للثلاجة مافيه فرق بين (50لتر) و (40لتر ) إلا شي بسيط لاكن من الداخل أكيد فيه فرق.
أما رقم اللوحة (3) ما عندي أي معلومة عنها لاكن الشباب في المنتدى مايقصرون معك إنشاء الله.
وإذا جزمت على شراء ثلاجة الطمرة لا تأخذ إلا مقاس (50 لتر ):good:
وأنا مريت عليهم في محلهم الموجود بالغرابي في الرياض قبل شهرين أو ثلاثة أشهر وسألت عن سعرها وقالي (2800) ريال.
بس أنت ساكن بالقصيم :D تبي تلقاه عند السنيدي شايفه عندهم قبل شهر ، بس ما سألت عن قيمتها.

اخوك / جوني100
عاشق الغلبا
14/03/2009, 11:45 AM
هلا ابوسعوود ،،،،


عندي رقم 2 مقاس 80 شغاله زي الحلاوة ماشاء الله خفيفه تقدر تشيلها لوحدك ووذفه ،،،،

والصيانه موجوده في المحل وقطع الغيار متوفره اهم شيء ،،،، واذا بغيت تبيع ميه واحد

مستعد يشتريها ،،،،

لان بعض الثلاجات تمصعك وتكسر ظهرك اذا بغيت تشيلها ،،، ولان اذكر اساميها علشان

ما نعيب سلع الاخرين ونكسر سوقهم لاقدر الله ،،،،،

تقبل مروري ،،،،







وعلى دروب الخير نلتقي ،،،،،،،
كبسولة2
14/03/2009, 12:07 PM
الرقم 1 هي أفضل ثلاجة على الإطلاق وتبريدها سريع جداً

ومن مميزاتها أنها تبرد أقوى من غيرها ومجربه مع كثير من الشباب ويمدحونها

وتبرد حتى وإن كانت السيارة مع مطبات وتمشي مع جلد

أما البقية تفصل مع المطبات وتطلع هواء حار للخارج داخل الغمارة

والناس مزاجات
ابوسعودد
14/03/2009, 01:12 PM
على حسب ماشفت انا ان رقم واحد ثقيله شوي مقارنه مع رقم 2 و 3 والشي الثاني مافيها مكان تبريد كلها تثليج وهي المانيه المانيه
اما رقم 2 و 3 فهي خفيفه وفيها مكان تحط فيها الاشياء اللي ماتبيها تثلج يعني مكان منعزل عن التثليج وهي المانيه صينيه وكل هلانواع وارد الطمره
بس انا والله احترت في جوده اللوحات بغض النظر عن حجم اللتر .
مزيد من الاراء والردود والتفاعل نبي منكم يالمكشاتيه
ابوسعودد
15/03/2009, 12:24 AM
للرفع لمزيد من الاراء والتجارب
ابوسعودد
15/03/2009, 09:53 AM
للرفع ..........
مجالس الرجال
15/03/2009, 03:45 PM
انا معي سلمك الله رقم 3 ممتازة
وعموما الطمره ماتاكل كهرب اشبكه على البطاريه الاضافيه واطفي موتري من المغرب واشغله
بعد تقريبا 14 ساعه والتبريد من افضل مايكون
ابوسعودد
16/03/2009, 08:36 AM
للرفع لمزيد من الاراء والاقتراحات
سيف الظفير
16/03/2009, 11:13 AM
السلام عليكم ورحمة الله وبركاته وبعد
اخي المكشاتي رايك يهمني جدا جدا جدا حيث اني ساقوم بشراء ثلاجه الطمره ان شاء الله تعالى , واحترت بين هذي اللوحات من كل نوع .
لاتبخل علي برايك عن ايهم افضل وياليت يكون من واقع تجربه تحياتي للجميع .


http://www.mekshat.com/pix/upload03/images104/mk84370_altamrah.jpg




والسلام ختام


اخوكم/


ابو سعود





يالقرم ياليت تمر على الرماية في التحلية بالرياض او بحي العقيق


عندهم ثلاجات مصنوعة لهم ولها 3 مراوح تجميد والمكاين امريكية او ايطالية

ويشهد الله ان مواريها تمام بالحيل من شكلها الخارجي الصلب جداً وقوتها


وتجمد الى 20-

وهي اعتقد بـ 1850 ريال وعلى ضمااااااان
الكرك الاكحل
17/03/2009, 02:18 AM
اتواقع رقم 2 افضلهم لكثرته مع الناس والله اعلم
يحيي بن حمد
17/03/2009, 02:28 AM
رقم (2)جبرتها حصلتها حساسه خاصة لراعي المطبات بدت تفوت تشتغل متى ما بغت وتطفئ ما تدري عنها>تجربه خاصة بي.<<<
ابوحديجان
17/03/2009, 09:53 PM
رقم واحد لانها الماني الماني ليست مثل الانواع الثانية الماني صيني والصيني كثيره الخرابات خصوصا لوحه المفاتيح الالكترونية
زايد بن بدران
18/03/2009, 07:07 AM
ابوسعودد
السلام عليكم
على حسب الموتر اللي معك وانا خوك كان معك صالون انا انصحك برقم واحد وذفه وزينه
اما اذا كان معك حوض خذ رقم 2 تيربوا
تقبل مروري
arrow
18/03/2009, 07:30 PM
بسم الله

اخوي ابو سعود....

انا اخذت ثلاجة الرماية اللي يقول عنها سيف الظفير .....اعجبتني,,صناعة صينية تقنية المانية,,عليها اسم الرماية وضمان سنة,,,

مر على الرماية وشفها يمكن تعجبك,,,,,

انا توي اخذتها فمااقدر اقيمها,,,,,

الان قاعد اسوي تجربة وتقرير عنها وان شاء الله يشوف النور قريبا اذا نجحت التجربة ونقدم شي جديد يخدم المكشاتية ..........

بالتوفيق للجميع ......
ابوسعودد
24/03/2009, 06:23 PM
الله يعطيكم العافيه جميعا على مشاركاتكم وارائكم