ابي حل لمشكلتي

[عاشق الفـــــــيّ]

السلام عليكم ورحمة الله وبركاته

ياخوان انا عندي استراحه ( مخيم دائم ) مشكلتي اني باليوم اذبح من عقرب الي 4عقارب

غير الحشرات الثانيه مثل الشبث والخنافس اسمع من الناس يقولون رش زيت محروق

حول المكان وناس تقول ديزل وناس تقول ازرع رشاد واحترت فقلت مافيه

اللي منتدى مكشاتنا يمكن مرة هالمشكله على احد الاعضاء ويعرف حل لها

تقبلو تحياتي ,,,,,

[المنتظر]

اخوي عاشق الفي
بعد التحيهوالاحترام

عليك بالدجاج خله حولي المخيم

لانه ياكل العقارب والخنافس...............

وسبق شفت واحد مجربها وسالته فعطاني السبب لكثره العقارب


فلا اوصيك كثر الدجاج وراح تشوف النتيجه

وتقبل تحياتي.........................:light:

[صقر]

السلام عليكم

هناك عدة طرق للتخلص من العقارب منها وضع خندق وملئه بالزيت .. ومنها وضع شبكة صيد صغير دائري حول مكان الجلسة (سمعت فيها)..

أنا أذكر واحد في الشمال يطلع يتصيد فري ووقته في عز القيض وهذا الوقت هو وقت نشاط العقارب فكان يأخذ معه صيصان (صغار الدجاج ) وواذا اقتربت العقرب أو الشبث يصدرن صوت استنكار فيقوم فيجدها فيقتلها..

والسلام عليكم...

[ابو شكاع]

ننتظر المزيد من التجارب

هالموضوع يهمن انا بعد

اعتقد انه فيه مبيدات خاصة ومؤثرة

هلابك

ولاهنت

[ابولينه]

عندك حلين وان شاء الله انك تتخلص منها
الاول : على قول اخوى المنتظر الدجاج في النهار .
والثاني : اذا حولق قفاند اجمعلك كم واحد وهي مثل العسه في الليل وان شاء الله انها
فعاله واقوا من كثير من المبيدات .
والسلام

[خشم الحصان]

تلاخ الغالي
عاشق الفي
السلام عليكم
اخوي من الصعب انك ترتاح في البر من هالمنكدين العقارب والشبث ولكن عندي تجربه بسيطه بس مدري هي تعجبك وهي تحت التجربه الان وهي عباره عن شبك حق المشاتل الاخضر تلقاه في شارع سلام عند حقين الزرعه
وهوانواع عموم خذ ارتفاع متر والطول علي مزاجك ثم ياخيي خذ اصياخ حديد علي طول متر وعشرين سنتي متر وربط الاسياخ في الشبك وحطه دار مدار علي مكان الجلسه والشبك خفيف جدآ وفي الظهر تقدر تحطه زي المضله وهوانوع منه مايحجب 70 في الميه من اشعة الشمس وفيه اقل واذا نجحت معك التجرله فعلمني خلنا نتساعد ونفتح محل حق كشتات
اخوك
خشم الحصان

[عاشق الفـــــــيّ]

السلام عليكم ورحمة الله وبركاته

مشكورين ياخوان على التجاوب وعلى الحلول صدقوني انا ماذكرت هالمشكله

ألا وانا زايع العافيه الحلول اغلبها انا مسويها بخصوص الدجاج وشرايكم ان عندي

مكينة تفريخ :D يعني الدجاج ماله والي عندي موجود بنهار عال العال مشكلتي لاغابت الشمس ورقد

الدجاج و المبيدات مهو معقول ابكافح البر اللي حولي كله :( الاستراحه لااستطيع ان

اصكرها لازم اخليلي واجها مفتوحه للعلم اني مصكر الجهات اثلاث في الشبك الزراعي

الخضر والله ان اللي ذكرتوه انا مسويها من زمان الا الخندق الزيت والله مدري عنه

الله لايحرمنا من ارائكم وحلولكم

انا في انتظار راعي الحل :rolleyes:

تقبلو تحياتي,,,,,

[خشم الحصان]

الاخ الحبيب
عاسق الفي
السلام عليكم
شف اخيي اذا كنت سويت كل هالسويا ولا به نتيجه وش الله حادك سو مثل راعي المثل يامقيط خذ رشاك
بعها ورتح:D ادري انك تبي:mad: علي بس وش تبيني اقول:confused:
اخوك
خشم الحصان

[مدلّه الرعيان]

السلام عليكم ورحمة الله وبركاته

الاخ / عاشــق الفــــــيّ ، ياخوي ما حدّ الله ، ابعد عن الدّاب وشجرته، شوري عليك ، اسمع نصيحت اخيك / خشم الحصان ، قبل فوات الآوان والندم .
وتقبل تحياتي ،،،،،

اخوك / مدلّه الرعيان

[بدوي متحضري]

السلام عليكم ورحمة الله وبركاته
أخوي عاشق الفي
أولاً الله يعينك ويكفيك شر كل شر
ثانياً : عليك بالقطاوة ( جمع قط أو قطة ) جيبها للإستراحة ففيها عدة فوائد أولاً فيها أجر ثانياً تأكل كل مايدب على الأرض ومنها مايزعجك ثالثاً تقتدي بالصحابي الجليل أبو هريرة :):):)

[تواق]

ياخوي انا شفت واحد عازمنا في استراحه وراش حولها ديزل وسئلته ليش قال العقارب كفاكم
الله شره والمسلمين
جرب حبيت افيدك بلي عندي

خشم الحصان مدله الرعيان انتم علامكم امتحنتو الرجال بيع بيع فيه شي بينكم ليكون شريطيه اراضي
ههههههههههههههههههههههه


اخوكم / تواق

[alberk]

السلام عليكم ورحمة الله وبركاته

سمعت سالفه عند واحد من الربع يقول ان امه طلبت منه يصيد لها ورل و بعد ما صاده ذبحته العجوز و قطعته و ربطة على كل طنب من اطناب البيت قطعه و يقول هذا اخر علمنا العقارب و الديبان و الشبث

و واحد من الشيبان عند الابل يقول كان قريب من مراحانا ورل و لا هو يغثي علينا و لا نشوف عقارب او ديبان او شبث و لا ايات قارشه و مرتاحين لين سير علهم واحد من الربع و قامو البزارين (من زود البركه و ذبحو الورل) و بعده يقول الشيبه معا رقدنا الا فوق السقس او في حوظ الموتر

[ابو ســــاره]

بالنسبة للديزل طريقته تجيب مواصير اربعة بوصة اقل ازود على كيفك وتقصها من النصف من بداية الفتحة الي الي الفتحة الثانية بحيث تكون على شكل احواض طويلة تفرشة حولين الاستراحة طبعاً تحفر لها بحيث تكون متوازية مع الارض انا ما قد جربتها بس شفتها عند شباب حاطينا حولين دكه ويقولون ما يقربهم ولا نمله وفيه حاجة ثانية حاطها ولد عمن لي بس تراها غريبة اشوي وهي مجمعن لها كم ادعلج بالاستراحة ويقول منضفات المكان من كل الحشرات .
ملاحظة / ادعلج = قنفد شوكي