المساعد الشخصي الرقمي

مشاهدة النسخة كاملة : غــــدراء ...


راعي شاحوف
14/03/2009, 08:12 PM
مساكم الله بالخير جميعاً .. العذر والسموحه على الغيـــبه الطويــله ... وجايب لكم صورررة لسلقه مهدينيها واحد من الربع ويمدحها والسلقه طيبه طيبه طيبه بالحيل ... وانا والله طلبها مني واحد من العيال يبي يقنصبها وعطيته السلقه ويوم جت من مقناصها والا والسلقه معطوووبه يدها تلووح منكسره ... وقلت احط صووورتها عشان تشووفون الغبينه ... وقلت مالي الا اخذ من جراوتها وهل تنصحوون اخذ من عيالها والا اخليهن..:mad:


http://up2.m5zn.com/photo/2009/3/14/09/xfm2eyhvr.jpg/jpg

http://up2.m5zn.com/photo/2009/3/14/09/2wg2admch.jpg/jpg
عثمان المطيري
14/03/2009, 08:28 PM
لأحول ولاقوة الا بالله

رجلهآ وش فيهآ ؟؟

وانصحك تشبي منهآ ان كآن فعل مزبووووط ,,
مدامع الحر
14/03/2009, 08:40 PM
مشكور بس كنها سلقه في بقيق صح او لا مشبه عليها
راعي شاحوف
14/03/2009, 08:57 PM
رجلها سليمه اخوووي عثمـــان لكن يدها اللي يمين مكسووووره وجابره غلط يعني عاثمه ... واخووي مدامع السلق واجد ويتشابهن لكن هذي ماعمرها طبت الشرقيه وانا اخووك ... والله انا ماشفت فعلها للحين الرجال اللي اهدانيها يقوول ارنبها ماتمغط ظهرها ورفيقي اللي قنصبها يمدحها مدح طيب... والله واعلم وانا اخووك ... ويمكن اغلب شباب الرياض يعرفوونها وا شافوو فعلها ... الله لايهينكم على كل حال >>> اخووي عثمان شاكر مرورك >>> اخووي مدامع شاكر مرورك ...
ابو تمام
14/03/2009, 09:05 PM
السلقه من شكلها طيبه كان فعلها زين شب منها
abo fahd 06
15/03/2009, 02:20 AM
لا حول ولا قوة
بس السلق ما شالة عليها طول ضهر ومالك الا انك تشبيها ...
واحرص على الذيخ الطيب
شهاب حايل
15/03/2009, 03:58 AM
لآحول ولآقوة إلا بالله

اخوي نصيحه انك تحآول تعالجهآ وانشاء الله ترجع احسن من اوٍل
السلقه من الصورة باين انها طيبه والفعل انت ادرى وعلى كلآـمك تطربك بالمقناص
GX_V8
15/03/2009, 08:37 AM
الله يعوضك با اللي اخير منها
تقبل مروري
راعي شاحوف
15/03/2009, 01:13 PM
ابو تمــام ــــــ>> السلقه على كلام راعيها طيبه وانشاء الله يجيب الذيخ الطيب ومرورك اسعدني
ابو فهـــد ــــــ>> الله يسمع منك اخوووي والله يكتب اللي فيه الخير ... ومرورك شرفني
شهاب حايل ـــ>> السلقه جبرت يدها ثلاث مرات وفكت التجبيره واللحين قاعد استخدم علاج موميــان عشان تجبر بسررعه .. نورت الموضوع بردك ..
Gx الله يجزاك خير ــــ>> ومرورك اسعدني
والله لا يهينكم على كل حال ...
عبدالله هدد
15/03/2009, 01:13 PM
السلام عليكم ورحمة الله


الله يكوون بعونك يالعصيمي ,, والنصيييحه اذا مثبت فعل السلقه


شبببه علىى سلووقي طيب والله يرزقك الي اطيب من الام

من ناحييييييييتي ابشر بالعوض يالطيب

تحياتي,,
أبو فيئ
15/03/2009, 01:23 PM
السلام عليكم ... أخوي راعي شاحوف .. السلقه ماشاء الله عليها بين عليها الاصاله والطيب .. وانصحك انك تعالجها وان شاء الله اناه بتتحسن وتاكل من صيدها بالعافيه وفالها الظبي السبوق..... وان كان ودك تشبيها تراها طيبه بعد ... واحرص دايم انك تدور الذيخ الطيب اللي يستاهل من يشبي منه ..... والله يطرح لك فيها البركه .... وانا لله وانا اليه راجعون ........ وتقبل مروري.......
نفاج
16/03/2009, 12:48 AM
السلقه طيبه ومثل ميقلون الي شافو فعلها أنها طيبه دور
لها ذيخ زين وأشب وتوكل على الله