وبعدين مع مشاكل القارمن.....يعني ما فيه حل

[abadee]

السلام عليكم ورحمة الله وبركاته

عندي جهاز 176 سى

لكن عندي بعض المشاكل

1- التراك عندي يخزن خط من نفسه يوصل طوله لسافات بعيده يعني لو شغلت الجهاز في الرياض وطفيته في بنبان وعاودت تشغيله في تمير الاحظ انه يسوي خط من بنبان الى تمير

بعدين هذا الخط مستقيم

ولا يمكن حذفه

2-عندي خرائط الصحراء الاصدار 11
ولكن الاحظ فرق كبير في الطرق المخزنه في الشريحه وبين التراك المرسوم في الجهاز
فهل الخطاء في خرائط الصحراء ام في وضعية الجهاز
علما ان الجهاز مظبوط كما في شرح اخينا السمح في موضوع سابق w 84

وارجو من الاخوه المشاركه
خاصة الاخ السعلو ومحبوب الجميع المسئولين عن خرائط الصحراء

والله يحفظكم

[الخبير]

السلام عليكم
مثل ما تعرف الأجهزة هذي غبية نوعاًَ ما يعني تقدر تلعب عليها، فحركة إنك تشغله في الرياض ثم في بنبان ثم في القصيم أو تمير يبي يحط لك خط مستقيم لأنه يعتقد إنك طرت من الرياض لبنبان وثم القصيم وتقدر تحل المشلكة هذي إلى منك نقلت التراكات للكمبيوتر احذف النقاط إلي ما تبيها.

بالنسبة لمسألة الخطوط في خرائط الصحراء 11 وبين الخطوط الأصلية في الجهاز، إذا شغلت الجهاز ومشيت على طريق القصيم مثلاً تبي تلقاك توازي الخط ولكن منت عليه، قام السعلو ومن معه مشكورين بأخذ تراكات لنفس الخط ( سافروا عليه هم بنفسهم أو احد من الشباب ) وثبتوها على الخرائط. لذلك تلقى في خرائط الصحراء إنك تمشي على الخط بالضبط.

[abadee]

السلام عليكم ورحمة الله وبركاته

مشكوووور اخوي الخبير على المعلومات
وابغى اسئلك
كيف احذف النقاط إلي ما ابيها ؟؟؟ مع العلم ان عندي برنامج ماب سورس

الشي الثاني
يمكن خرائط الصحراء الاصدار الاخير مشى الحال معها في شمال الرياض

لكن انا رحت للجنوب
وبالتحديد ابها والخميس
والقا الفرق تقريبا 800 متر الى 1 كلم بين المسار الي مرسوم في التراك وبين خريطة الشريحه


اكررشكري لك
والله يحفظك

[الخبير]

السلام عليكم ورحمة الله وبركاته
في برنامج الماب سورس رح للتراكات ثم اختر التراك إلي تبي وإضغط الزر اليمين، رح لتراك بروبرتيز.
تجيك لسته بعدد النقاط إلي في التراك، اختر احد النقاط ( بس ظللها ) ثم فيه زر على يمين تحت مكتوب شو اون ماب. يبي يوديك للنقطه تمام.
شف النقاط إلي ما تبيها وسو لها حذف.

[محبوب الجميع]

السلام عليكم ورحمة الله وبركاته
الاخ الكريم abadee اشكرك على طرح مثل هذه الملاحظات والتي هي محل اهتمامنا حتى تخرج خرائط الصحراء دقيقة جدا في جميع المسارات في جميع مناطق مملكتنا الحبيبة وسبب ما قلت وجود اختلاف في طرق المنطقة الجنوبية عدم توفر من يغطي هذه المنطقة في الاصدارات السابقة
وابشرك وجميع الاعضاء ان الاصدار الثاني عشر كان الاهتمام بالطرق وخاصة المنطقة الجنوبية لقرب العطلة الصيفية وذهاب اكثر المواطنين الى المناطق الجنوبية ووجود من يزودنا بالتركات من الاعضاء وغير الاعضاء اضافة الى تغيرات كثيره في هذا الاصدار .
قريبا جدا ستجد ما يسرك في الاصدار الثاني عشر وتقبل تحياتي