أحيان تصير معنا بالصيد مواقف لا تصدق (موقف شخصي) .. ادخل واكتب موقف طريف أو غريب !!!

[قناص 11]

بسم الله الرحمن الرحيم


السلام عليكم ورحمة الله وبركاته


رواد الخيمة البحريه كيفكم جميعاً ..


طبعاً لابد مايمر عليك يوم من الايام وانت بالبحر مواقف كثيره منها مواقف غريبه ومنها طريفه


ومنها خطيره لا سمح الله والله يبعد الشر عن الجميع


ابي بهالموضوع كل واحد يكتب شي طريف غريب حصل معه بالبحر


واعتبروها سواليف نسولف على بعض


انا ببدأ بسالفه غريبه ومضحكه صارت معي


طلعت بيوم من الايام للمجوه برأس الشيخ حميد المهم ارسلت الخيط بعيد بنص البحر


الكلام هذا حول الساعه 4 العصر وجلست اصيد على الشاطي السمك القريب والخيط اللي ارسلته عندي


رابط فيه علبه حتى اسمعه اذا تحرك <_ مخطط تخطيط هههههههههههههه


المهم شوي واسمع العلبه تنطلق ولا يردها على البحر وانطلق اسحب والا الثقل مو طبيعي


واجلس اسحب اسحب لين تخدرت يدي لأن الخيط ارسلته بعيد ويوم قربت والا هي بياضه حجم كبير


ويجيني نشاط ماهو طبيعي يوم شفتها هههههههههههههه


واسحب والغريب اشوف السمكة وجهها ماهو يمي اللي جاني ذنبها قلت وش فيها ذي تمشي بالريوص !!


واكمل سحب يوم قربت مرره اشوف لي خرم قدامها بكم متر وش جايبه مدري


قلت اكمل واسحب يوم جت البياضه عند تحت ابي اطلعها من المويا واسحب الخيط الا وهي تفلت


واترك الخيط والحقها الا وهي مقلعه مروحه ماقدرت امسكها باقي نشيطه اللي لحس مخي ان الخيط باقي بالبحر


واناظر الا والخرم يسحبني وانا اسحب الخيط .. وبعدها عرفت ان السنارة ماسكه الخرم


والبياضه مدري وش جابها شكل الخيط مسك ذنبها بسس ويوم طلعت انفك الخيط وحطت رجلها


المهم طلعت الخرم مقهور مع انه ماقصر شكله هو اللي تسبب بصيد البياض


ولو دريت ان السالفه كذا من اول تصرفت بس ماتوقعت كذا ابد .


وكانت حادثه غريبه وفريده واول مره تصير معي ..


ويالله نبي نشوف الاعضاء وش عندهم من مواقف


بانتظاركــم ..

[اااانور]

من جد غريبه وموضوعك شيق جدا الله يعطيك العافيه

الموقف الغريب الي شفته انا بأم عيني منظر الخرم وهو يطير فوق الما ويلتقط الطعم قبل ان يبتل منظر رائع وصعب يتكرر

شكر مره اخرى على موضوعك الحلو

[مجنوووون بحر]

حاجه غريبه والله اثنين في واحد
والا يمكن حقت فزعات تبغى تفك الخرم ورطت
انا احس ان البياض ملقوف انا مره طلعت بياضه ماهي كبيره ابو كيلو السناره ماسكه في خياشيمها من برا يعني لوحليت الخيط راحت مدري هي تتمسح فيها والا اش تسوي ......؟؟؟؟؟



مشكووووووووووووور على الموضوع الرائع

[بو علي العلوي]

ههههههه ...من جد ملقوف البياض...والله عندي مواقف وااايد بس ماتحظرني الان...

[التام]

موضوع جميل

يا جماعه انا في الشتاء بر والصيف بحر

ومع بداية الصيف انا معكم واذكر قصه لواحد من زملاء اخي كانو هو واخوي متشاركين في لنش

المهم الرجال يموت في شي اسمه البحر بس المشكله ما ينزل من النش لانه يخاف بعض الاحيان المهم دق على

اخوي ذاك اليوم بعد العشاء قله ابغاك تخاويني للبحر قله اخوي انا عندي شفت لليل مداوم المهم الرجال دور احد

ينزل معه البحر ما لقي المهم قال بنزل لحالي مشتاق لصيد مره الكلام يوم خميس والله وزبط العده والجلبان والسنانير وعدته والقهوه والشاهي والفصفص ونزل النش كان واقف في مرسى الهيئه في ينبع

شغل النش ونزل هو خايف انه يبعد والله ويزبط الجلب ويرميه والثاني والجو زي الحلاوه الى سمع صوت مو طبيعي

كانه واحد يبخ ريد والله ويقول وتعوذ من الشيطان والصوت يروح يقول وشوي ويبخ تحت رجلي يقول طير عقلي

يقول واعيد اتعوذ من الشيطان الرجيم واقراء اية الكرسي والمعوذات المهم الصوت كل شويه يزيد ويزيد

يقول واشخل البوت وعلى المرسى يقول حقين حرس الحدود استغربو لانه دايمن ينزلو بالعشره ساعات وزيها

المهم يقول والملم العده وعلى السياره يقول عند الاشاره والى الصوت معايه بس صوت اقوى من اول

يقول واطل على ثلاجه الشاهي ولا هي الي تطلع الصوت يقول والله والله اني رميتها في الزباله تكرمون من القهر

هههههههههههههههههههههههههههه

موقف فلم مو موقف

تقبلو تحياتي

[الوسمي44]

:D
موقف مثير وعجيب وممتع اشكرك كل الشكر

[عاشق الشعري]

يعطيكم العافيه يا شباب على هذه المواقف الجميله
وحبيت اشارك معكم بموقف حصل على واحد من اخويانا ومنها الواحد ياخذ الحيطه والحذر
خوينا حسن صاد قرش ابو مطرقه طبعا بالقصبه وصورة القرش مو جوده في احد مشاركاتي المهم صاده من الشاطي وحجمه كبير وكانت المنطقه مردومه بالصخور وخوينا فوق الصخور المهم لما قرب القرش من الصخور وبعد مشاده متعبه نزل واحد من الشباب وشك الخطاف في خياشيمه ويبغى يسحبه طلع نص القرش ونص باقي في البحر الا وزنه ثقيل ماقدر يسحبه قام ونزل واحد من الشباب على شان يساعده مع نزول الثاني وكانت الصخور مبلوله من المويه زلقت رجله وطاح ومع طيحته فتحت رجوله وصار فم القرش في الوسط بين رجول الرجال والله اللي سلم وما حول على رجله واسف على الإطاله
وتقبلو تحياتي

[قناص 11]

انور .. هلا بك منور

فعلا دايم اشوف هالمنظر روعه من جد

لاهنت يالغالي على المرور ..

[قناص 11]

مجنون بحر .. هلا بك

والله واحد من الشباب بعد صادها بعينها على قولتك لقافه ههههههههههههههه

يعطيك الف عافيه على حضورك .. لا عدمتك

[قناص 11]

بو علي العلوي

يكفي حضورك وتشريفك يالغالي لا عدمتكـ

[قناص 11]

أجل الدفايه هههههههههههههه حرمته الصيد

من جد موقف يفطس ضحك

التام .. مرورك وحضورك الاجمل يالغالي .. لا هنت

[قناص 11]

الوسمي 44

كل الشكر لك انت على حضورك وتواجدك

لاعدمتك ..

[قناص 11]

عاشق الشعري

الحمد لله على سلامة خويك من جد موقف مرعب لا يحسد عليه

الله يعافيك اخوي على تشريفك .. لا عدمتك

[أتش]

اسعد الله ايامك اخوي
والله موضوع جميل ورائع
على الاقل الواحد يفتكر الذكريات ويضحك معها
بس العفو والمعذره منكم لاني والله لاافتكر الان اي موقف اخوكم من كثر المشاغل والهموم مايجمع
بس حبيت اشاركم بهدا الموضوع الجميل وضحكت كثير مع تلاجة القهوه
وتقبلو مروري

[البركان]

أجل الدفايه هههههههههههههه حرمته الصيد

من جد موقف يفطس ضحك

التام .. مرورك وحضورك الاجمل يالغالي .. لا هنت






من جاااااب سيرة الدفايه طال عمرك


الراجل يقول الثلاجه بتاعة الشاهي


سلامات

[قناص 11]

حياك الله اخوي اتش

تواجدك يكفي .. لاعدمناك

[قناص 11]

من جاااااب سيرة الدفايه طال عمرك



الراجل يقول الثلاجه بتاعة الشاهي



سلامات


هلا بك اخوي البركان .. والله اخذتني العاده ما اقول لها غير دفايه الشاهي

وبعدين دفايه ثلاجة كلها واحد .. لاهنت على المرور .

[درع الجنوب]

قناص 11 + التام + عاشق الشعري

ألف ألف شكر على هذه المواقف الجميل الله يعطيكم العافية ويحفظكم وربي ما يحرمنا منكم

بس موقف التام يفطس من الضحك ههههههههه الرجال كتم الثلاجه وبعدين هو أصلاً خايف
وأتوقع أنه كره البحر في ذيك الليله وما عاد راح يطلع لوحده
ههههههههههههههههههههههههههههههههههه

[المصعلي]

السلام عليكم ورحمة الله
حقيقة قصة الثلاجة ( الدفاية ) جميلة وياكثر الوساوس اللي تجي الواحد في البحر خاصة إدا كان وحده
وأدكر في إحدى المرات رحت مع اثنين من اخوياي للبحر واحد منهم ماعمره دخل للكسارة
وأصر على الدخول برغم أن الموج كان عالي حتى بعد الفجر المهم دخلت أنا واياه ويوم وصلنا قمت رميت الجلب وهو كان ماسك الفلين (اللي فيه اللعف والعدة ) جاتني سحبة وطلعت معي شاقة طولها أزود من نص متر عاد الأخ كان متفاجئ وخاصة مع حركتها فقمت بقطع راسها وعدلت فيه السنارة ورميته بعد الكسارة طبعا مع الموج رجع فرميته مرة ثانية
وثالثة وفي المرة الثالثة وأنا أعدل السنارة فيه يقوم يطبق على أصبعي الإبهام !!! ولا بغى يفك إلا بعد كسرته بالزرادية!! مخلفا لي جرح وصار الدم ينزل بغزارة وطبعا رجعنا للشاطئ - وسط سيل من كلمات الاعتدار من خويي - خوفا من ظهور الغير مرغوب فيه ( قرووووش ) لأن الكسارة تتخللها مداخل .

آمل أن تحوز القصة على استحسان الأحبة في المنتدى