حفرلوجيا
04/05/2004, 12:46 AM
سلام يالربع
أشغلتني جائزة نوبل لـ( الكشتات ) .. صرت أضربها أخماس بثمانيات ..
وهذا يرجع لأنني من جيل ( للأسف ) سبق وأشغلتهم في مرحلة من العمر ( رويات نجيب محفوظ ) .. ومرت قبل فترة قضية أشغلت صحافة مصر .. وبعد متابعتي لها فقدت الرغبة بأن أبقى على احترام بعض اللي كتبوا رويات .. مع أن الاحترام المقصود هنا ان كان موجود ا .. فهو بأثر رجعي وإلا اللحين الحمد لله على سلامة العقل والدين ( ولا نزكي أنفسنا ) .
والخلاصة إن أحد الكتاب بمصر ( فجر ) القضية عندما كشف في مذكراته إن نجيب محفوظ كان لعيب كورة وانه يلعبها يوم هو جذع ( متعري ) القدمين .:confused:
طبعا أتوقع ان واحد منكم يسأل هل المقصود نجيب محفوظ ماغيره ؟
نعم .. نعم ماغيره اللي فاز بجائزة نوبل لـ( الأدب ) لأنه صاحب رصيد من الرويات التي تحولت أكثرها لأفلام عربية كان المراهقون يشاهدونها بالخفاء ( يوم كان فيه حيا ومستحيا ) لكن اللحين ( الدشوش ) خلت كل شي ( شاهر ظاهر) :(, بحيث صارت الأفلام العربية القديمة ( اللي اللي ;) ) بمعيار هالوقت ( محتشمة ) والعياذ بالله .
اللي يبي يقول وش علاقة هذا بالكشتات .. أقول : صبر شوي .
أعود للقضية .. الطامة الكبرى ان ابن محفوظ دخل المعمعة ..
( وعلى طاري المعمعة تذكرت بيت لخلف بن هذال يقول
ومن الناس ثور أدرع معمعم ........ رد البهيمة لاتروح البهيمة ):good:
هالنجيب محفوظ من شرهته على رفيقه اللي يقول إنك ( تلعب متعري ) صرح للصحافة بقوله هذي بحق وانا كنت ألعب بكنادر- كرم من يقرأ-
وصارت ( الكنادر ) صدق أو لاتصدق .. قضية في بعض الصحف المصرية . راجع الرابط الموجود بصحافتنا .. في جريدة الرياض على العنوان :
حذاء نجيب محفوظ يثير جدلاً صحفياً في مصر (http://www.alriyadh.com.sa/Contents/17-02-2004/Mainpage/MIS_5581.php)
ومن هذه القضية استنتج ( رفيق لي ) ان جائزة نوبل ( مايبي لها شي ) مادام هذي علوم بعض اللي فازو بها . واستنتجت معه انهم لو عثروا بوصية نوبل انه قايل حطوا ( جائزة لأحسن كشات ) كان ياسلام ! بمعنى كل واحد بهالمنتدى ( مشرف , عضو , زائر ) يبي يحطون لجنة نوبل العين عليه.
وعلى فكرة اللي يفوز بجائزة نوبل ينال شهرة مع مئات الألوف من الدولارات تخلي الفايز يشتري ( همر طلبية ) بدل الكسرة اللي معه . ويصير إذا اتفقوا ربعه يكشتون بدل ما ( يقط ) له كم ريال مثلهم .. تصير قطته جيب آخر موديل ( يازين العز لو هو حكي ).
عاد اللحين نجي للزبدة أو التحذير :
لو فاز أحد المكشاتيين بجائزة نوبل ( قسم الكشتات ) , وجاك واحد علة ( نابول وهذي مالها علاقة بنوبل: يعني خاطوف أو ملقوف ) ومن منتدى يحتك .. وياكثر ( الربع ) اللي يحتكون هالأيام .. وهم ماهم قد الحكاك والمطازيز ..
فلو كتب الملقوف بمذكراته إن اللي فاز كان :
القدر الكاتم حقه ينسم .. أو
دسوس الايدين اللي بشنطة المعاميل من تأثير لطخ الدسم والقهوة والشاهي صايرة تقل خشب ... أو
شماغ البر حقه من تأثير ( النظافة الزايدة ) قالب اللون الأبيض إلى بني وإذا لبسه يصير تقل خروف أدعم .. وإذا تلطم هالذيب بشماغه تلطموا خوياه ليس تقليدا له ولكن من تأثير روايح ( البترول :p ) اللي بأطراف الشماغ .
عاد انا اقول : يامكشاتيين كل واحد يخطط من الآن على جائزة نوبل للكشتات مادام هذي علوم اللي فازوا بجائزة ( الأدب ) .
لكنني متأكد أن الملقوف لن يجد في هذا المنتدى الطيب واحد (متعري ) على طريقة صاحب جائزة الأدب.
وسلامتكم
أشغلتني جائزة نوبل لـ( الكشتات ) .. صرت أضربها أخماس بثمانيات ..
وهذا يرجع لأنني من جيل ( للأسف ) سبق وأشغلتهم في مرحلة من العمر ( رويات نجيب محفوظ ) .. ومرت قبل فترة قضية أشغلت صحافة مصر .. وبعد متابعتي لها فقدت الرغبة بأن أبقى على احترام بعض اللي كتبوا رويات .. مع أن الاحترام المقصود هنا ان كان موجود ا .. فهو بأثر رجعي وإلا اللحين الحمد لله على سلامة العقل والدين ( ولا نزكي أنفسنا ) .
والخلاصة إن أحد الكتاب بمصر ( فجر ) القضية عندما كشف في مذكراته إن نجيب محفوظ كان لعيب كورة وانه يلعبها يوم هو جذع ( متعري ) القدمين .:confused:
طبعا أتوقع ان واحد منكم يسأل هل المقصود نجيب محفوظ ماغيره ؟
نعم .. نعم ماغيره اللي فاز بجائزة نوبل لـ( الأدب ) لأنه صاحب رصيد من الرويات التي تحولت أكثرها لأفلام عربية كان المراهقون يشاهدونها بالخفاء ( يوم كان فيه حيا ومستحيا ) لكن اللحين ( الدشوش ) خلت كل شي ( شاهر ظاهر) :(, بحيث صارت الأفلام العربية القديمة ( اللي اللي ;) ) بمعيار هالوقت ( محتشمة ) والعياذ بالله .
اللي يبي يقول وش علاقة هذا بالكشتات .. أقول : صبر شوي .
أعود للقضية .. الطامة الكبرى ان ابن محفوظ دخل المعمعة ..
( وعلى طاري المعمعة تذكرت بيت لخلف بن هذال يقول
ومن الناس ثور أدرع معمعم ........ رد البهيمة لاتروح البهيمة ):good:
هالنجيب محفوظ من شرهته على رفيقه اللي يقول إنك ( تلعب متعري ) صرح للصحافة بقوله هذي بحق وانا كنت ألعب بكنادر- كرم من يقرأ-
وصارت ( الكنادر ) صدق أو لاتصدق .. قضية في بعض الصحف المصرية . راجع الرابط الموجود بصحافتنا .. في جريدة الرياض على العنوان :
حذاء نجيب محفوظ يثير جدلاً صحفياً في مصر (http://www.alriyadh.com.sa/Contents/17-02-2004/Mainpage/MIS_5581.php)
ومن هذه القضية استنتج ( رفيق لي ) ان جائزة نوبل ( مايبي لها شي ) مادام هذي علوم بعض اللي فازو بها . واستنتجت معه انهم لو عثروا بوصية نوبل انه قايل حطوا ( جائزة لأحسن كشات ) كان ياسلام ! بمعنى كل واحد بهالمنتدى ( مشرف , عضو , زائر ) يبي يحطون لجنة نوبل العين عليه.
وعلى فكرة اللي يفوز بجائزة نوبل ينال شهرة مع مئات الألوف من الدولارات تخلي الفايز يشتري ( همر طلبية ) بدل الكسرة اللي معه . ويصير إذا اتفقوا ربعه يكشتون بدل ما ( يقط ) له كم ريال مثلهم .. تصير قطته جيب آخر موديل ( يازين العز لو هو حكي ).
عاد اللحين نجي للزبدة أو التحذير :
لو فاز أحد المكشاتيين بجائزة نوبل ( قسم الكشتات ) , وجاك واحد علة ( نابول وهذي مالها علاقة بنوبل: يعني خاطوف أو ملقوف ) ومن منتدى يحتك .. وياكثر ( الربع ) اللي يحتكون هالأيام .. وهم ماهم قد الحكاك والمطازيز ..
فلو كتب الملقوف بمذكراته إن اللي فاز كان :
القدر الكاتم حقه ينسم .. أو
دسوس الايدين اللي بشنطة المعاميل من تأثير لطخ الدسم والقهوة والشاهي صايرة تقل خشب ... أو
شماغ البر حقه من تأثير ( النظافة الزايدة ) قالب اللون الأبيض إلى بني وإذا لبسه يصير تقل خروف أدعم .. وإذا تلطم هالذيب بشماغه تلطموا خوياه ليس تقليدا له ولكن من تأثير روايح ( البترول :p ) اللي بأطراف الشماغ .
عاد انا اقول : يامكشاتيين كل واحد يخطط من الآن على جائزة نوبل للكشتات مادام هذي علوم اللي فازوا بجائزة ( الأدب ) .
لكنني متأكد أن الملقوف لن يجد في هذا المنتدى الطيب واحد (متعري ) على طريقة صاحب جائزة الأدب.
وسلامتكم