السلق عشق
16/03/2009, 01:17 AM
السلام عليكم ورحمه الله وبركاته
صبحكم الله بالخير
انا اول موضوع لي انزله في منتدى مكشات
وبصراحه بقولكم سالفه صارت لي انا سلمكم الله دق على واحد من الشنبات وقال ان عندي لك ذيخ يعجبك انشاء الله وجب السلقه عندي علشان يشبيها الذيخ وعاد انا اللي اطير من الفرحه لاني من زمان ادور على ذيخ
وعاد انا اللي مسوي مفاجأه له واشيلها من استراحتنا واوديها لاستراحات تقع في حي المصانع جنوب الرياض
واول مانزلتها دخلتها الحوش وسكرت عليها الباب الساعة 3 الفجر وطلعت واروح لبيتنا .
ويوم رحت لبيتنا ماادري حسيت ان فيه شي واورح للاستراحه اللي هو حوش طبعاً الساعه 7 الصباح
تصدقون لقيت السلقه حافره اللي عند الباب وطالعه وانا اللي امسك رأسي مو مصدق اللي صار
واسأل حارس الاستراحه
واقولها انت شفت سلقه يقول انا قمت الساعه 4 ونص الفجر ومافيه شي
يعني السلقه طلعت بسرعه تبي تلحقني وبس ، وانا اللي اروح اسأل الاستراحات من صبح الله واقولهم عن مواصفاتها وكل شي وكل واحد يقول ماشفت شي
وجاني واحد ووقف بجنبي ويقول لي مواصفات السلقه حقتي وانا اللي من جد بغيت احب رأسه واقولها تكفى وين شفتها ويروح يوديني للمكان اللي شافها فيه يمكن 2 كيلو ونص عن استراحتنا ونزلني وقال انه متأخر عن الدوام ويبي يلحق وانا من الفرحه قلت له ماقصرت ومشكور والله يعطيك العافيه واقعد انادي واصفر لها واي شي ابيها تسمع بس صوتي لانها تعرفني بصوتي لكن لا جدوى وانا اللي تضيق فيني الدنيا واطقها كعابي للاستراحه
يمكن قعدت امشي 10 دقايق وبيني وبينكم تعبت وانا امشي وكل مااشرت لااحد ماوقف لي الى يوم جاني واحد ماقصر ويوديني عند استراحتنا واخذ سيارتي واقعد ادور والمشكلة توي شاري سيارة والله جديده وخايف عليها ولعيون هالسلقه لعنت ابو سيارتي انواع التراب والحصى حتى والله نور الواطي طفا ماادري ليه من نفسه خبط
المهم ماعلينا وتصدقون اقعد ادور الى الساعه يمكن 11 الظهر حتى اللي معي نايم من زمان وعاد انا مواصل من امس ويوم دريت انها ضاعت تقفلت الدنيا بوجهي واورح للبيت وانام من ضيقه الصدر وقمت العصر وتزيد الطين بله وضاعت كل اثباتاتي وكل شي يمكن 8 بطاقات في بوكي وتقفل الاخلاق من جد اولهم السلقه والثانية الاثباتات الشخصيه وبنفس الوقت ماخليت مكان الا ودورت عليه نفضت كل شي ولكن بالطقاق لقيتهم طايحين عند باب الاستراحه وزين حس ان نفسيتي طابت شوي .
على العموم كان عندنا عزيمة يوم الخميس واورح لمها واحضر واذكر فيه واحد له استراحه بنفس الاستراحات اللي حولنا واسأله واقول له انت ماشفت سلقه كذا وكذا وهو اللي يقول لي انه طالع من الاستراحه بالليل على ثنتين 2 ويقول شفتها جالسه عند الاثل بلحالها وانا اللي ماتعشيت على طول سحبت على ام العشا علشان اشوفها وارجع دون جدوى ولا حصلت ولا شي ويوميا اروح ادور وماالاقى شي واخرتها اليوم رايح ولا لقيت شي بعد
لكن الله لايهينكم من شافها اول يعرف احد بالمكان اللي هو استراحات المصانع يسأل عنها
وعلى فكرها لونها بني خفيف وفيها سواد خفيف في بطنها وتراها ساحليه وعمرها سنه ونص وعليها ربطه بنيه بعد
واللي تبونه من معلومات انا حاضر فيها
وياليت الاقها لانها من جد عزيزة علي مررررره :( :(
ومااعندي الا هي وهذه المصيبه اني بشبيها من ذيخ لكن لعلها ماجت باللي ابي والله يكون بالعون
واسف على الاطاله وعلى الهمجيه بالاسلوب :j
صبحكم الله بالخير
انا اول موضوع لي انزله في منتدى مكشات
وبصراحه بقولكم سالفه صارت لي انا سلمكم الله دق على واحد من الشنبات وقال ان عندي لك ذيخ يعجبك انشاء الله وجب السلقه عندي علشان يشبيها الذيخ وعاد انا اللي اطير من الفرحه لاني من زمان ادور على ذيخ
وعاد انا اللي مسوي مفاجأه له واشيلها من استراحتنا واوديها لاستراحات تقع في حي المصانع جنوب الرياض
واول مانزلتها دخلتها الحوش وسكرت عليها الباب الساعة 3 الفجر وطلعت واروح لبيتنا .
ويوم رحت لبيتنا ماادري حسيت ان فيه شي واورح للاستراحه اللي هو حوش طبعاً الساعه 7 الصباح
تصدقون لقيت السلقه حافره اللي عند الباب وطالعه وانا اللي امسك رأسي مو مصدق اللي صار
واسأل حارس الاستراحه
واقولها انت شفت سلقه يقول انا قمت الساعه 4 ونص الفجر ومافيه شي
يعني السلقه طلعت بسرعه تبي تلحقني وبس ، وانا اللي اروح اسأل الاستراحات من صبح الله واقولهم عن مواصفاتها وكل شي وكل واحد يقول ماشفت شي
وجاني واحد ووقف بجنبي ويقول لي مواصفات السلقه حقتي وانا اللي من جد بغيت احب رأسه واقولها تكفى وين شفتها ويروح يوديني للمكان اللي شافها فيه يمكن 2 كيلو ونص عن استراحتنا ونزلني وقال انه متأخر عن الدوام ويبي يلحق وانا من الفرحه قلت له ماقصرت ومشكور والله يعطيك العافيه واقعد انادي واصفر لها واي شي ابيها تسمع بس صوتي لانها تعرفني بصوتي لكن لا جدوى وانا اللي تضيق فيني الدنيا واطقها كعابي للاستراحه
يمكن قعدت امشي 10 دقايق وبيني وبينكم تعبت وانا امشي وكل مااشرت لااحد ماوقف لي الى يوم جاني واحد ماقصر ويوديني عند استراحتنا واخذ سيارتي واقعد ادور والمشكلة توي شاري سيارة والله جديده وخايف عليها ولعيون هالسلقه لعنت ابو سيارتي انواع التراب والحصى حتى والله نور الواطي طفا ماادري ليه من نفسه خبط
المهم ماعلينا وتصدقون اقعد ادور الى الساعه يمكن 11 الظهر حتى اللي معي نايم من زمان وعاد انا مواصل من امس ويوم دريت انها ضاعت تقفلت الدنيا بوجهي واورح للبيت وانام من ضيقه الصدر وقمت العصر وتزيد الطين بله وضاعت كل اثباتاتي وكل شي يمكن 8 بطاقات في بوكي وتقفل الاخلاق من جد اولهم السلقه والثانية الاثباتات الشخصيه وبنفس الوقت ماخليت مكان الا ودورت عليه نفضت كل شي ولكن بالطقاق لقيتهم طايحين عند باب الاستراحه وزين حس ان نفسيتي طابت شوي .
على العموم كان عندنا عزيمة يوم الخميس واورح لمها واحضر واذكر فيه واحد له استراحه بنفس الاستراحات اللي حولنا واسأله واقول له انت ماشفت سلقه كذا وكذا وهو اللي يقول لي انه طالع من الاستراحه بالليل على ثنتين 2 ويقول شفتها جالسه عند الاثل بلحالها وانا اللي ماتعشيت على طول سحبت على ام العشا علشان اشوفها وارجع دون جدوى ولا حصلت ولا شي ويوميا اروح ادور وماالاقى شي واخرتها اليوم رايح ولا لقيت شي بعد
لكن الله لايهينكم من شافها اول يعرف احد بالمكان اللي هو استراحات المصانع يسأل عنها
وعلى فكرها لونها بني خفيف وفيها سواد خفيف في بطنها وتراها ساحليه وعمرها سنه ونص وعليها ربطه بنيه بعد
واللي تبونه من معلومات انا حاضر فيها
وياليت الاقها لانها من جد عزيزة علي مررررره :( :(
ومااعندي الا هي وهذه المصيبه اني بشبيها من ذيخ لكن لعلها ماجت باللي ابي والله يكون بالعون
واسف على الاطاله وعلى الهمجيه بالاسلوب :j