امطار القصيم 19/3/1430هـ

[يوكن]

بشرونا يأهل القصيم عن المطار حساها طيبة ؟؟؟؟
تكفون نبي نجي رمال الثويرات وين مكانها بضبط وكم كيلو من الرياض وهل باقي فيها مويه تستاهل إنا نجي نوسع صدورنا فيها تكفون لاتبخلو علينا بالمعلومات شاكراً ومقدراً لكل من يسعفنا بأي معلومة ؟؟؟؟؟؟؟؟

[mms]

نرجوا من لدية خبر يفيد يوكن وله الشكر

[السنع كله]

تعال وابشر باللي يسرك المسافه شمال الرياض بحدود 300كم باقي غدران( وحساك)عازم بس

[يوكن]

إنشاء انا جازمين والخميس الماضي جينا على طريق القصيم حوالي 250كيلو بعدين رجعنا المجمعة فيها غدران سبحان الخالق ونبي هالسبوع نشوف اخر مصب وادي الرمة في الثويرات حسب مانسمع بس مااحد اعطانا وصف الطيرق إلى هناك --- شكل أهل القصيم مايبون اهل الرياض يجونهم نخبرهم اجاويد وكرام بس مادري هالمرة وش السالفة يمكن العج مئثر عليهم امزح ههههه ؟؟؟؟؟ ارجود المساعدة ولكم جزيل الشكر .

[منسدح بحوض نخله]

حياك الله ولو يابعدي

ماتبي تدل نفود الثويرات او مجمع الماء اللي انت تبيه

لاجاك مفرق الشماسية بعدا بيجيك موقف على يدك اليمين (موقف تريلات)
أدخله وبلتقى شبك قدامك وفيه بوابه بجمب برج الجوال

أفتحه وأدخل وابدء بمباراة الخط لين تخلص من النفود ويجيك المجمع الماء

سوا رحت يمين او يسار الخط كلهن ماء

على فكره يقولون وانا مارحت له انه فيه ارض ربيعه زين ويمدحونه والدخول له نفس مدخل برج الجوال وتقوم بمباراة الخط لين تفوز اثنين صفر أقصد لين تجيك الارض الطينه اللي فيها الماء

بعدين تخلي الماء يسارك وتباريه لين تجيك

يقولون والله اعلم مسافته عن الخط مابين1إلى 4 كيلو انا ماني متأك بالضبط بالمسافة

وابشر بعزك

[مكشات414]

حياك الله أخوي يوكن ..
الماء اللي تذكر في نفود الثويرات مازال موجود ولكن كل أسبوع يتناقص عن الأسبوع اللي قبله ..
والماءعلى جزئين شيء تشوفه على يسار السريع وأنت قادم من الرياض إلى القصيم مثل ما وضح أخوي منسدح بعد ما تتعدى مخرج الشماسية وينتهي النفود واللي على اليمين أظن أنه ناشف ولا يصلح ..... والجزء الثاني في العوشزية التابعة لمحافظة عنيزة ...

[يوكن]

الله يجزاكم خير اجل إنشاء الله هالسبوع جايك يالمليون قصدي جايك ياوادي الرمة نفسي والله اشوفك واسلم عليك واشوف وش سويت في اخوان في القصيم شاكر لكم تعاونكم ؟؟

[ضب الصمان]

الحمدالله على السلامه

[computer 0099]

تباشرنا خير يوم شفنا العنوان.وآخرته طلع استفسار!!!!!!!!!

[يوكن]

تباشرنا خير يوم شفنا العنوان.وآخرته طلع استفسار!!!!!!!!!



وسع صدرك يرجال والله الي جاء الاقصيم هسنة من المطر يكفيها 25 سنة حسب كلام بعض المحللين في الرياض ما جانا ولاشي احمد الله يرجال ، والا ؟؟؟؟؟؟؟؟؟؟؟؟

[اسير الغضا]

يااستاذ يوكن ان كنت ودك تطافش بالمايهه رح للكسر ولا العوشزيه

[العود&& الازرق]

الحمد الله على السلامه بدون تعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

[عاشق الهيلا]

انشاء الله مايقصرون معك الربع

[ربيع النفود]

انشاء الله فادوك الاخوان

[نسيم الققصيم]

المكان وضحوه لك الاخوان رحلة موفقة

[جبل مشرف]

انشاء الله مايقصرون معك الربع

[يحيي بن حمد]

اسأل عن( روضة اللغف )(مهنا) شرق الربيعيه او العوشزيه شرق عنيزه الماء فيهما الى الان

[يوكن]

بارك الله فيكم ماقصرتو وهذي عوايدكم كماعهدتكم اشكر كل من شارك أوحتى أطلع على الموضوع ؟؟؟؟؟؟؟؟؟؟ لا تبخلو علينا واحنى تحد الخدمة والمساعة , انا كنت في المجمعة والله فيه وادي مليان موية وخضار منظر يرد الروح لايفوتكم ؟؟؟؟؟ شكر مرة اخرى ولكم تحياتي .