أخوكم مبتدئ... خبرتكم يا أهل الخبرة

[do7ayem]

السلام عليكم ورحمة الله وبركاته

اخوكم فايز العنزي . من الرياض.

وانا اعرفكم ومتابع لمنتداكم من زمان...

وأبي مساعدتكم ... ابغى اشتري عدة صيد (وش تنصحوني فيه بخصوص القصبة والخيط وخلافه) ومن وين اشتريها بالرياض؟

وخميس وجمعة للشرقية ... ابغى احسن مكان للصيد من الشاطئ!

تولعت بالصيد في مدينة الخفجي .... وكان شعور اصطياد اول سمكة لا يوصف

ومن يومها ادمنت على الصيد

لكن ما كان عندي عدة صيد وكلها كانت من الشباب بالخفجي كل ما جيت ويطلعون الصيد ياخذوني معهم

بالبداية ما كنت مقتنع باللي يسوونه بس عقب صيد اول سمكة ..... انسحرت بشئ اسمه صيد سمك

فزعتكم يالربع

اخوكم ان ما طلع للصيد بيوسوس

المطلوب :
1- محلات بيع ادوات صيد بالرياض.
2- أفضل أدوات الصيد من القصبات والخيوط وغيره. وايش اللي لازم يكون معي غير السنارة والطعم! والشاهي!:D
3- أفضل أماكن الصيد من الشاطئ بالمنطقة الشرقية.
4- أي شئ ينفعني وله فايده بوجوده معي اثناء الصيد.
5- أفضل أوقات الصيد

وشكرا لكم

وان شاء الله على ايديكم نصير من اشهر صيادي الاسماك في الوطن العربي مو بس الخليج :)

[ابو محمد رائد]

وعليكم السلام اخي فايز العنزي
وحياك الله
اخي حسب التجربة بالنسبة لصنارة
الصنارة ذات القطعتين افضل بكثير من الصنارة العادية وخاص في الرمي
ام بالنسبة للخيط فانا استعمل خيط من نوع ( سفكس 5او 6 )
هذا ما علم
وان شاء الله اكون افتك
وتمنيت ان اساعدك بالنسبة للمحلات ولكن

[حوات جده]

اذا جيت جده ان شاء الله بأعطيك تقرير مفصل

[وارث المراجل]

إنشاء الله مايقصرو الشباب

[عاشق الشعري]

انا انصحك تشتري من الدمام وبصراحه ما اعرف مكان في الرياض وفي الدمام انواع واشكال تختار اللي تبغى بالنسبه دامك مبتدئ انصحك خذ لك قصبه مقاس 3.5 او 4 وانواع القصبات في نوع gmc الزرقا حلوه جدا وفي نوع ابو عنابي هذي النوعين من افضل القصبات المرنه في السوق وذلك في الوقت الحالي
وبالنسبه للمكينه انصحك خذ مكينة بانكس مقاس 7000 رائعه وهذا النوع اذا خرب يتصلح مو زي المكاين الثانيه وانا لها معاي 4 سنوات وماشيه زي اللوز
وبالنسبه للخيط خذ لك مقاس 50 او 60 نوعه بق قيم او اي خيط ياباني او الماني ولا تنسى الإستاند اللي تثبت القصبه عليها
والاماكن الزينه في الدمام عند الفن تايم او جزيرة المرجان وفي راس تنوره الكورنيش والخبر الواجهه البحريه ورى ماكدونالد واي خدمه تحت امرك
وتقبل تحياتي

[do7ayem]

بيض الله وجيهكم وشكرا لكم

وبحط مواصفات العدة اللي بشتريها هنا طبعا اذا ما لقيت المواصفات اللي قال عليها اخوي عاشق الشعري

بس ان شاء الله نلقاها

تقبلوا خالص تحياتي
اخوكم

[dbdob]

هلا اخوي
انامن الرياض ولافيه مكان يذكرلبيع عددالصيد الاعندالفالح اللي في البطحاء اذكره زمان
افضل مكان في البنقله في جده فيه محل اسمه الامين مره الشباب اللي فيه محترمين جدا وينصحونك بالشيء الطيب ,,,,الشرقيه فيه على كورنيش الخبر,,,,وبالنسبه لهافمون يذكرون شاطيء تالا,,,وبالنسبه للدمام جزيرة المرجان ,,,واذا عندك معلومات عن اماكن في الشرقيه افدنا فيه لان الشرقيه قريب من الرياض
ولك تحيتي,,,,

[قبقب مشعاب]

هلا والله اخوي وابن عمي في وقت واحد
اول شي ابي اعرف وين الموقع الي انت تصيد فيه في الخفجي
ثاني شي انا والله مااعرف اصيد في العصا هذا ولا عمري استعملتها استعمل الخيط بس
وثالث شي مافيه محلات في الرياض عشان المعدات البحريه
ومعى تمنياتي لك بالتوفيق
وخلينا متواصلين

[الفنك]

يا اهل الشرقية افيدوه بارك الله فيكم

[do7ayem]

هلا والله اخوي وابن عمي في وقت واحد
اول شي ابي اعرف وين الموقع الي انت تصيد فيه في الخفجي
ثاني شي انا والله مااعرف اصيد في العصا هذا ولا عمري استعملتها استعمل الخيط بس
وثالث شي مافيه محلات في الرياض عشان المعدات البحريه
ومعى تمنياتي لك بالتوفيق
وخلينا متواصلين

المهلي ما يولي

وبالنسبة للمكان اعرف اسمه الجسر وهو فعلا جسر من الاسمنت على طريق الكويت
قبل الجوازات يمكن بـكيلو متر او اقل

ويشرفني طال عمرك التواصل

[do7ayem]

هلا اخوي
انامن الرياض ولافيه مكان يذكرلبيع عددالصيد الاعندالفالح اللي في البطحاء اذكره زمان
افضل مكان في البنقله في جده فيه محل اسمه الامين مره الشباب اللي فيه محترمين جدا وينصحونك بالشيء الطيب ,,,,الشرقيه فيه على كورنيش الخبر,,,,وبالنسبه لهافمون يذكرون شاطيء تالا,,,وبالنسبه للدمام جزيرة المرجان ,,,واذا عندك معلومات عن اماكن في الشرقيه افدنا فيه لان الشرقيه قريب من الرياض
ولك تحيتي,,,,

المهلي ما يولي اخوي
وشاكر لك تفاعلك
بالدمام والخبر ما اعرف غير اللي انت قلت
بس ان شاء الله اذا لقيت شئ او عرفت اماكن جديدة بحطها لك هنا

وبالنسبة للخاص شكرا لك .. وصل
بس ما قدرت ارد لان ردودي ما وصلت 50 :D
شكرا لك

[do7ayem]

يا اهل الشرقية افيدوه بارك الله فيكم

شكرا لك وبارك الله فيك اخوي :)

[قناص 11]

شف يالبناخي

حسب نوع السمك مثلا الشعور حجم كبير خيط مقاس 70 أو 80 حلو صنارة مقاس 6

السمك اللي اصغر من الشعور اللي وسط يعني خيط 60 أو 50 صنارة مقاس 8 أو 9

وانت شطارتك .. بس اهم شي دامك تولعت بالسمك الصبر .. والركادة زينه لاتكون عجل

بالنسبة للاماكن بالشردزيه مالي خبره .. تعال الشمال حيا الله .. وانا ادلك

[نيزو]

السلام عليكم أنا من الرياض ويوجد في البطحاء عمارات الراجحي أكثر من مكان لبيع أدوات الصيد لكنهم غير متخصصين يعني في الدور الثاني من العماير يبيعون اكسسورات وكريمات وأشياء من هذا القبيل لكن عندهم بعض الأدوات وإذا أخذت ماكينة خذ الفايكنج الكوري أصلي ونظيفة لكن فاصل معهم في السعر لأنهم يقولون شيء مبالغ فيه لكن انت وشطارتك معهم وإذا تبي أي مساعدة هذا جوالي 0507294884 وكمان عندهم خيوط وطفاحات ورصاص وسنناير وكل شيء، وكذلك عند العامودي في شارع الستين لكن تشكيلة فقيرة نوعا ما أرجو أن أكون أفدتك وأي استفسار أنا بالخدمة

[do7ayem]

شف يالبناخي

حسب نوع السمك مثلا الشعور حجم كبير خيط مقاس 70 أو 80 حلو صنارة مقاس 6

السمك اللي اصغر من الشعور اللي وسط يعني خيط 60 أو 50 صنارة مقاس 8 أو 9

وانت شطارتك .. بس اهم شي دامك تولعت بالسمك الصبر .. والركادة زينه لاتكون عجل

بالنسبة للاماكن بالشردزيه مالي خبره .. تعال الشمال حيا الله .. وانا ادلك





تسلم يالبناخي على هالنصايح

واقرب مكان لنا الشرقية والا نتشرف والله يالبناخي

شكرا وهذا العشم فيك

[do7ayem]

السلام عليكم أنا من الرياض ويوجد في البطحاء عمارات الراجحي أكثر من مكان لبيع أدوات الصيد لكنهم غير متخصصين يعني في الدور الثاني من العماير يبيعون اكسسورات وكريمات وأشياء من هذا القبيل لكن عندهم بعض الأدوات وإذا أخذت ماكينة خذ الفايكنج الكوري أصلي ونظيفة لكن فاصل معهم في السعر لأنهم يقولون شيء مبالغ فيه لكن انت وشطارتك معهم وإذا تبي أي مساعدة هذا جوالي 0507294884 وكمان عندهم خيوط وطفاحات ورصاص وسنناير وكل شيء، وكذلك عند العامودي في شارع الستين لكن تشكيلة فقيرة نوعا ما أرجو أن أكون أفدتك وأي استفسار أنا بالخدمة

بيض الله وجهك
فعلا لقيتها بمركز الرياض التجاري بالبطحاء خلف عمائر الراجحي ( محلات مو محل تبيع ادوات صيد)
ومثل ما قلت اسعارهم خيالية لدرجة اني اشتريتها بفرق 100 ريال عن السعر اللي طلبه اول ما جيت له

السنارة لقيت صيني بس ممتازة ومرنة لكن طولها 4 متر ما لقيت اكثر من كذا

والمكينة كوري مثل ما قلت وهي احسن الموجود هناك اصلا

والخيوط ما تنفع ابد ابد ابد ولا باقي الادوات تنفع .. بس الاهم والمهم الصنارة والمكينة لقيتها زينة واخذتها

شكرا لك

وبحاول اوريك صورة المكينة

[do7ayem]

طلب من المشرفين والقائمين على الموقع

لو تثبتون موضوع تخصصونه للمبتدئين مثلي احسن ما نتعب وحنا ندور بالمواضيع والمواقع
يكون شامل كل شئ عن صيد السمك (رؤوس أقلام)

لاني بعد ما تجولت بالموقع لقيت كثير مواضيع مثل موضوعي كلها لمبتدئين مثلي تستفسر عن اشياء يتكرر السؤال عنها باكثر من موضوع

بينما اذا دخل اي مبتدئ او دخلت بيوم من الايام ابي اسأل عن شغلة مثلا سنارة خيط طعم غيره القاه بالموضوع الخاص بالمبتدئين
ولما يكون مثبت ما راح احد يتعب ويدور بمواضيع سابقة

المهم تكون وسيلة الوصول للموضوع سهلة من خلال تثيبته
وغير كذا ما نزعجكم باسئلتنا بمواضيع مستقلة لكل سؤال
ويكون موضوع المبتدئين بنفس الوقت رد لاستفساراتهم ومساعدتهم باي شئ يواجهونه

مجرد اقتراح.. اتوقع راح يثري الموقع

وتقبلوا خالص تحياتي