الطير يجي على الملواح مره وحدة

[صقار الأسياح]

ياشباب انا عندي طير حر لو تدعيه على الملواح من مسافة كيلو واكثر يجي بحراره لاكن مايلعب على الملواح وبعدين يجي مرتفع وإذا قرب شلع بالسماءوكبس على الملواح بقوه واذا سحبت الملواح اخاف يكبس بلارض ويتضرر ولا يلعب على الملواح يجي مره وحده وش اسوي به

[ابو فهيد.]

والله لو اننا اول الوقت اقولك شنذره

[افزعواله]

انشاء الله يفيدونك الربع من ذوي الخبره

[صاحب نوماس]

اخوي صقار الاسياح



هذا الطير معلم زي كذا وهذا يقولون عنها صقارة الشيوخ


انا كان معي طير بيتي كان يجي على الملواح مرة والا مرتين ثم وقع


هناك حلين الاول : تتركة كذا وتجردة بالحمام بالهدد

الثاني : تطمرة ثلاثة ايام ثم تدعية

اما قولك انة يضرب بالارض الطير يعرف عمرة ماراح يعور نفسة وبعدين اذا ضرب بالارض مرة يتأدب


ماراح يضرب مرة ثانية

اتمنى افتيتك...............

[إبن علي]

الأخ صقار الاسياح 0000والله لاني صاير اعرف من اخواني الاعزاء في المنتدى000000000شدن الموضوع لانها صارت معي هالسنه الطير بكر وجاني هديه من رجال شرواكم مالك بالطويله مثل طريقة طيرك يجي لومن بعيد على الشلو ولا يلعب ومثل ماتفضل اخوي نوماس جردته اول الوقت بالحمام 000وطاح بانقل وتنكر والطيور مهي سوا الوكاد تفرغتله قبل الربطه وطمرته عن العلف يومين وقمت اليا اقبل على الشلو الطير ماخليه بالقاع اوميبه بسبب طويل لين جسر الطير على الشلو وقام ينشه بالهوا ويلعب عقب خامس يوم ولا انا ميس انه يلعب كل ايام تدريبه وهو يوقع عندي ويجي يحجل ولا اعطيه الشلو انسره على يدي ياما ابشرك ضبط وربطناه 0ويمكن من الأخوه الصقاقير من عنده حل افضل واعرف وتقبلوا تحياتي

[صقار الأسياح]

بيض الله وجيهكم

[الرقعي]

حول انك اول مره يقبل عليك عطه الوح وفي اليوم الثاني لعبه مرتين وعطه واليوم الثالث خمس وعطه واليوم الربع عشر وعطه راح تلحظ تغير كبير في الطير وراح يلعب معك لعب طيب وتقبل تحياتي

[طلال ابن خلف]

وعليـكم السلام
اخـوي تدري هذي الميزه حلوه قول ليـش.. مالحضت انه اذا هديته لالصيده يطقهـا ويروح فووق حيل ويرجع يكبسهـا
هذا عندنـا والله نفس الطريقه يجيك من فووق من شدت مايجيك من فوق الصراحه الي يلاعبه يخاف واخر شي مات الطير اي والله
عـأد بدع بالكرواين العـام

[مافي حل يغير الطريقه.. الا انك تهده من بعيد اكثر من كيلو ونص اكثر اول مايجي تعطيه الملواح جذي تجرده ]ٍ
[ دير بالك لا يضرب الارض ترا يتكسر ]

[الامبراطوري]

وعليكم السلام
انا كان عندي طير حر سوا نفس المشكلة
وبعد فترة لقيت حل لهذه المشكلة000000
00000وهو سلمك الله انك تلوحله بحمامة حية 000000
خله يلعب ثلاث مرات وعشه وبكره كثف التلويح وبهالطريقة ان شاء الله راح يلعب على الملواح
وشكرا0000

[الربذي]

يازين الطير واللعب فيه
كنت ماعير الصقور اي اهتمام ولااعرف عنها الا اسمها
الا في احد الايام في حائل في المهرجان التراثي بالمغواة واحد صقار ومدرب المهم كان يلعب بالملواح
وكنا قريبين منه يمكن 15متر واصقر اول مره اشوفه يطير على الطبيعه وصراحة كبير وكان ينزل على الملواح بسرعه ويرتفع عنا يمكن قبل ان يصلنا بمتر وصوته قوي طبعا وحيفته قويه وتصدقون انه نزل على الملواح اكثر من عشرين مره او اكثر حتى المذيع يقول عطه فطرة كبده 0هههههههههههه
ولاحد الحضور يقول والله لين ماشهر وتركك ماهو صقر من العصر وانت تلعب عليه بجناح حمامه
لا واسلاك الكهرب يدخل من بينهن مايصدمهن وسرعته خياليه

وبعدها صرت اضرب تحيه لصقر والصقاقير
وصرت احبهن مره وشكلي ابي اقتني احدهم يوما ما ان شاء مولاي سبحانه وتعالى ..............

[الربذي]

انشاء الله يفيدونك الربع من ذوي الخبره
يااخي الكريم ان شاء الله تكتب هكذا ان شاء الله

لانه يتغير المعنى .........