المساعد الشخصي الرقمي

مشاهدة النسخة كاملة : كيف استطيع ان اقذف السناره ابعد مايمكن باستخدام القصبة


الوعب
22/03/2009, 03:10 AM
السلام عليكم ورحمة الله و بركاتة


اخواني شريت لي سنارتين طول الوحده 120 سنتي يعني متر و شوي . صناعه جيده
والاستفسار هو اني ابي اقذف بالخيط و السناره و البلد ابعد مايمكن .. جربت كذا مره ولكن المسافه لاترضيني ..(بالخيط العادي اوصل ابعد)
طبعا جبت سناره قبل طولها 3 متر او اقل بشوي .. اوجعت ظهري من وزنها و صعوبتها.

الطريقه الي استخدمها حاليا .. اني ارفع الحديده الدائرية الي شكلها نص قوس الي في البكرة... و اضم الخيط باصابعي على القصبه و اتركه وانا حاذف .. ولكن ماتوصل للبعد المطلوب.

يهمني اوصل ابعد مايمكن لان كل ماوصلت ابعد صدت سمك اسرع و اكبر من المنطقه القريبه من السيف

وشكار لكم
ابو شهد جدة
22/03/2009, 08:59 AM
اخوي الوعب
وزن البلد وطريقة الرمي هي التي تحدد بعُد الرمي.
لأن كل ماثقل البلد كل مابعدت المسافه.
ومره على مره راح يتحسن الوضع.
اوسم
22/03/2009, 11:17 AM
صحيح كلامك يابو شهد وزن البلد مهم جداً وغير كذا 120سم قليل جداً وبتتعبك صحيح وزنها اخف من السابقه لكن ما بتوصل معاك مثل القصبات الطويله .وبالتوفيق للجميع
عاشق الشعري
22/03/2009, 01:07 PM
كلام اخوي ابو شهد واخوي اوسم صحيح واسمحولي اضيف انه لكل حجم قصبه مقدار معين من البلد لكي لا تنكسر فمثلا لو حط بلد (5) على قصبه متر ونص بتنكسر على طول لاكن لو حطها على قصبه 4وفوق ما راح تنكسر وبرضو الخيط له دور فمثلا لو حطيت خيط مقاس 60 بتروح ابعد من خيط مقاس 70 ولو يكون خيط حرير بيروح ابعد ولاكن قبل وضع الخيط حط في بالك قدرة الخيط على حمل حجم السمك فلكل حجم قدره معينه وان شاء الله يكملون الشباب على ما فاتني وتقبل تحياتي
dbdob
22/03/2009, 04:08 PM
الشباب ماقصرو على المعلومات لكن في نظري مقاس120ماتروح بعيد دور الاطول بتروح بعيد,,,,وحسب البلد((الثقل))له تاثيره برضوه,,,,انامبتدا مثلك لكن عليك بالصبر
حوات جده
22/03/2009, 07:02 PM
لازم الثقل يكون مقاس 2 او 1 ونصف والخيط 50 بس يكون مليان عالاخر هذي اهم الاشياء وان شاء الله بترميها ابعد مما تتوقع
هوا بحري
22/03/2009, 07:48 PM
وعليكم السلام ورحمة الله وبركاته


أخونا العزيز .... الشباب ما قصروا بالمعلومات الوافية
وعندي إضافة بسيطة وتهم كل من يصطاد بالقصبة وهي
عند أختيار القصبة ...اذا كنت تريدها لمسافات بعــيده
أختار القصبة المرنه وذات المقبض الطويل ويقصد بذلك
أي المسافة بين قاعدة القصبة ومثبت المكينة يكون طويل
لتساعدك في امساكها بمسافة متفرقة بين اليدين فتتحكم
بها وتأخذ حريتك بالرمي وهذه صورة لعدة قصبات بعدة
أطوال بالنسبة لمقبض القصبة (مبينه بالسهم الأحمر)
http://www.mekshat.com/pix/upload03/images106/mk57286_rods.jpg


تحياتي
باثفندر
22/03/2009, 10:58 PM
يمكن طريقة رميك خاطئة

بالنسبة للقصبة القصيرة الرمية الجانبية افضل بزاوية خفيفة على فوق .
مجنوووون بحر
22/03/2009, 11:40 PM
الاخوان ما قصروا جزاهم الله خير ولكن الى احب اقوله لك اخي الكريم انتبه لعيون الي حواليك اذا جيت ترمي السناره
RaSsAwY
23/03/2009, 02:43 PM
الاخوان افادوك وماقصروا ..

وفالك الصيد الوفير ..

تحياتي لك .