مشكلة ولله الحمد وانحلت ؟وللعبرة،،

[w4m]

السلام عليكم ورحمة الله وبركاته وصبحكم الله بالخير يالربع
في احد سفراتي عن طريق البر وكان معي gps وبدون مقدمات عطاني الجهاز (لاتوجد اشارة للاقمار) وحاولت كذا مرة ولم يشبك على القمر ولكن بفضلا من الله ثم طرق المملكة العربية السعودية بوجود اللوحات الارشادية كان الامر سهلا واخير ذهبت للوكيلا وعمل برمجة جديدا للجهاز والان شغال تمام وهنا للعبر لا تعتمد على الجهاز اعتماد كلي يمكن يحدث له اي عطل ومن ثم ينقطع بك الطريق ، واسف على الاطالة.

[عاشق بيكال 153]

الحمدلله على السلامه وكلامك واقعي خاااصه اللي يعتمدون على الجوال في البران خطييييييييير

[المميـز]

انا كشت مره للصمان وكنت معتمد على الله ثم على جوالي

وفي يوم الجمعه الصبح نويت المشيه للخط

ويوم شغلت الجوال

وافتح برنامج جارمن اللي انا محمله وهو اخر اصدار

تفاجأة بأنه يطلب مني تثبيته من جديد !!!!! :eek:

كأني توي منزله على الجهاز وأول مره استخدمه !!

الصراحه تعجبت من اللي صار

والحمد لله كان معي GPS3 ولكن ايضاً يوم فتحته لقيته ماسح كل الاحداثيات اللي
انا مخزنها عليه وماهي جديده علي هالحركه منه لاني قد سألت
عن مشكلته وقالوا لي يبي له ذاكره

مالكم بالطويله

اشوا ان خويي معه برنامج جارمن في جواله ومثبت احداثيات الخط

والحمد لله طلعنا بسلام

ولكن من بكره دق علي وقالي جوالي سوا مثل سواة جوالك !!!

قلت دامنا بالديره بكيفه :)

وهذا افكر في شراء جهاز جارمن نوفي لأني اشوفه مع العالم في الصمان بكثره

وهذا يدل على اثبات جدارة الجهاز

[ربيع الشمال]

الحمد لله على السلامه اخي الفاضل ..

ايه هذا قارمن الجوال راعي سوابق وحركات اجرامية

دايم يسويها معي ومع كثيراً من الشباب

خل اعتمادك على الله ثم على البدائل المضمونه

واتبع الارشادات الخاصه بالرحلات البريه

مثل اعلام الاهل او احد الاصحاب بوجهتك

ولاتنسى تسوي تصدير للمواقع المخزنه بالقارمن دائماً

من باب الحيطه والحذر ...

والحافظ الله سبحان