اسئله للصقارة فقط ...,.؟

[من.بادي الوقت]

السلام عليكم ورحمة الله وبركاته

اخواني انا ما اعرف شي فالصقور والصقارة
لكن فيه بعض الاسئله تدور في ذهني وحبيت انكم تجاوبون عليها
من باب اني ابي اثقف نفسي في هذا المجال واحتمال اني ادخل فيه

فيا ليت لو تجاوبون على اسئلتي ولا تتحاقرون الاسئله لاني وضعتها عن جهل وانا معلوماتي في الصقور اقل من ( صفر )

1- هل يشرب الصقر ماء .؟؟ وكم المقدار اذا كان يشرب ؟؟
2- اسمع ان بعض الصقاقير يشيل معه ريش اذا راح يقنص ليش هالريش يعني يجبر ريش الصقر اذا انكسر او ايش ؟؟
3- هل يمكن تعليف الصقر لحم كان مبرد او لحم كان مثلج ؟؟ او انه لازم يكون مذبوح توه وفيه دم ..؟
4- هل ياكل الصقر الجرذان والفيران ؟؟ لاني سمعت ان بعض الفصائل تاكل وبعضها لا لانها تعتبر لحوم نجسه او فيها امراض ..؟؟
5- هل ياكل الصقر الجراد وبعض الحشرات ..؟ وايش الحشرات اللي ياكلها ..؟؟
6- هل المقيض ضروري للطير ..؟؟ وايش يصير اذا ما وديته للمقيض ؟؟
7- هل يمكن قرنسة الصقر فالبيت ؟؟ وايش الفرق في انك توديه لمقيض صقور مخصص او تقرنسة في فيتكم ؟؟
8- ماهي طريقة تزاوج الصقور هل تتزاوج مثل الحمام يعني ( ذكر وانثى ) او ان طريقتها مثل الحيوانات اللي ذكر مع مجموعة من الاناث ..؟؟
9- هل تتعارك الصقور ؟؟ وماهي الاسباب ؟؟
10- هل الصقور تهاجم الاطفال ..؟
11- هل يتضرر نظر الطير او عيون الطير ويصير ما ينفع للطلع او ينقص نظرة وهل الطيور او الصقور تختلف عن بعضها في قوة النظر ؟
12- وش معنى كلمة ( تدهل ) هل هي تعويد الطير عليك ؟؟ او معناها بالتفصيل ..؟
13- هل يمكن ابتكار طرق اخرى لتدريب الطير غير ( الملواح ) او تجارب اخرى ؟؟
اتمنى الاجابة ولي عودة مع اسئلة اخرى

وشكراً

[صقار الأسياح]

السلام عليكم ورحمة الله وبركاته

اخواني انا ما اعرف شي فالصقور والصقارة
لكن فيه بعض الاسئله تدور في ذهني وحبيت انكم تجاوبون عليها
من باب اني ابي اثقف نفسي في هذا المجال واحتمال اني ادخل فيه

فيا ليت لو تجاوبون على اسئلتي ولا تتحاقرون الاسئله لاني وضعتها عن جهل وانا معلوماتي في الصقور اقل من ( صفر )

1- هل يشرب الصقر ماء .؟؟ وكم المقدار اذا كان يشرب ؟؟ نعم يشرب مقداره بسيط
2- اسمع ان بعض الصقاقير يشيل معه ريش اذا راح يقنص ليش هالريش يعني يجبر ريش الصقر اذا انكسر او ايش ؟؟ ممكن للتوسير اذا كان خبير بس ما اعتقد بيوسر بالمقناص وممكن ريش الدعو
3- هل يمكن تعليف الصقر لحم كان مبرد او لحم كان مثلج ؟؟ او انه لازم يكون مذبوح توه وفيه دم ..؟ لا يلزم ان يكون توه مذبوح لاكن لايكون بارد لانه يمرض الطير
4- هل ياكل الصقر الجرذان والفيران ؟؟ لاني سمعت ان بعض الفصائل تاكل وبعضها لا لانها تعتبر لحوم نجسه او فيها امراض ..؟؟ نعم تأكلها ولاكن ليس بكثره يعتي ما تكثرها عليها وممكن بعض الطيور ما تأكلها
5- هل ياكل الصقر الجراد وبعض الحشرات ..؟ وايش الحشرات اللي ياكلها ..؟؟ لا
6- هل المقيض ضروري للطير ..؟؟ وايش يصير اذا ما وديته للمقيض ؟؟ ممكن يموت مع حرارة الجو والمقيض لازم
7- هل يمكن قرنسة الصقر فالبيت ؟؟ وايش الفرق في انك توديه لمقيض صقور مخصص او تقرنسة في فيتكم ؟؟ يمكن في البيت اذا جهزت له مكان لاكن المقيض يكون فيه اهتمام اكثر
8- ماهي طريقة تزاوج الصقور هل تتزاوج مثل الحمام يعني ( ذكر وانثى ) او ان طريقتها مثل الحيوانات اللي ذكر مع مجموعة من الاناث ..؟؟ ليست مثل الحمام صعبه جدا ولا تحدث بسهوله فيه اماكن تفريخ تكثر في الامارات
9- هل تتعارك الصقور ؟؟ وماهي الاسباب ؟؟ اذاكانت صنيعه يعني سمين لاتتعارك واغلب تعاركها على العلف
10- هل الصقور تهاجم الاطفال ..؟ لم يحدث معي ولم اسمع به
11- هل يتضرر نظر الطير او عيون الطير ويصير ما ينفع للطلع او ينقص نظرة وهل الطيور او الصقور تختلف عن بعضها في قوة النظر ؟ نعم يضعف النظر والطيور تختلف انظارها واقواها الحر
12- وش معنى كلمة ( تدهل ) هل هي تعويد الطير عليك ؟؟ او معناها بالتفصيل ..؟ نعم تعويده عليك والمسح على صدره
13- هل يمكن ابتكار طرق اخرى لتدريب الطير غير ( الملواح ) او تجارب اخرى ؟؟ ممكن بالحمام او اي حاجه تعشيه عليها ويتعود عليها
اتمنى الاجابة ولي عودة مع اسئلة اخرى

وشكراً


اتمنى افدك حسب ما اعرف وقابل للصواب والخطا

[أبو فهد العيد]

يبيلك تقلط عندي ونتقهوى جميع ونفصفصها حبه حبه,,
لان بعضها كود نتكلم,,,, ماينفع كتابة,

[صقار الأسياح]

يبيلك تقلط عندي ونتقهوى جميع ونفصفصها حبه حبه,,
لان بعضها كود نتكلم,,,, ماينفع كتابة,


ابو فهد وش رايك باجاباتي تنفعني ملاحظتك

[لعّاب المنايا]

السلام عليكم ورحمة الله وبركاته

اخواني انا ما اعرف شي فالصقور والصقارة
لكن فيه بعض الاسئله تدور في ذهني وحبيت انكم تجاوبون عليها
من باب اني ابي اثقف نفسي في هذا المجال واحتمال اني ادخل فيه

فيا ليت لو تجاوبون على اسئلتي ولا تتحاقرون الاسئله لاني وضعتها عن جهل وانا معلوماتي في الصقور اقل من ( صفر )

1- هل يشرب الصقر ماء .؟؟ وكم المقدار اذا كان يشرب ؟؟
*نعم يشرب الصقر الماء ويكون شربه للماء وقت المقيض والصفري والشتاء تلاحظ إن الطير قل شربه للماء وأحيانا يطول ما يشرب ماء فتره طويله لإنك تعطيه مويه ولايبغاها ..
2- اسمع ان بعض الصقاقير يشيل معه ريش اذا راح يقنص ليش هالريش يعني يجبر ريش الصقر اذا انكسر او ايش ؟؟
*ممكن تقصد ريش التوسير وهذي يكون دائما مع الصقار القديم اللي يعرف يوّسر الطير وهو ريش الطير اللي حذفه بالمقيض وطلع بداله جديد يآخذون القديم قيما لو أنكسر الجديد وسروهـ فيه ,,
3- هل يمكن تعليف الصقر لحم كان مبرد او لحم كان مثلج ؟؟ او انه لازم يكون مذبوح توه وفيه دم ..؟
*مبرد أو مثلج مافيه مشكله حتي يكون ليّن يعني تطلعه من الثلاجه حتي يلين وبعده تعلف الطير وليس شرط إنك يكون توهـ مذبوح وفيه دم إلا بعض الطيور اللي يتنكر على صاحبه لازم تسوي له بعض الإغراءات بحمام ودم عشان يرجعلك ,,
4- هل ياكل الصقر الجرذان والفيران ؟؟ لاني سمعت ان بعض الفصائل تاكل وبعضها لا لانها تعتبر لحوم نجسه او فيها امراض ..؟؟
*نعم الصقر يآكل الجرذان والفيران وهي وجبه شهيه ولذيذه ومحببه للطير ,,
5- هل ياكل الصقر الجراد وبعض الحشرات ..؟ وايش الحشرات اللي ياكلها ..؟
*نعم يآكلها شف الطير وهو على وكره ومرت من عنده حشرات مثل القبانه والخنسانه نزل من وكره وأكلها او بعض الحشرات الصغيره اللي أحيانا تشوفها عند اللمبات الطير يآكلها ..وليش يآكلها بعضهم يقول إن الطير يحتاج لحمضيات مع علفه وبعضهم يقول أفضل للروباجه والعيادات تقول لأ الحشرات تجيب له ديدان بالمصران.
6- هل المقيض ضروري للطير ..؟؟ وايش يصير اذا ما وديته للمقيض ؟؟
*نعم المقيض ضروري للطير لإن الطير مايطير بالقيض بالحر بالفتره هذي الطير يحتاج لعنايه وبنفس الوقت تبديل ريشه لابد إن الطير يآخذ راحته بالعلف ووجود وسائل التهويه الشعبيه او الحضاريه الحاليه ,,
7- هل يمكن قرنسة الصقر فالبيت ؟؟ وايش الفرق في انك توديه لمقيض صقور مخصص او تقرنسة في فيتكم ؟؟
*ممكن ليش لأ بس لابد من عنايه فائقه ,,المقيض الصقور المخصص ناس مهتمه بالشي هذا وعارفه طريقة التعامل مع الطير أثناء المقيض ,, في بيتكم إذا صقار قديم وفاضي ولا عندك شي بالصيف قيّض ببيتكم ,,
8- ماهي طريقة تزاوج الصقور هل تتزاوج مثل الحمام يعني ( ذكر وانثى ) او ان طريقتها مثل الحيوانات اللي ذكر مع مجموعة من الاناث ..؟؟
*تزواج الصقر دائما يكون بالطبيعه بالخلاء وفيه بعض المزارع الآن تتزاوج فيها الصقور وموجوده بدول الخليج وأوروبا ,,
9- هل تتعارك الصقور ؟؟ وماهي الاسباب ؟؟
*نعم تتعارك أحيانا على العلف او أحيانا غيرة بعض الطيور على بعض خاصة إذا كان فيه طيرين متوالفه ودخل عليهم واحد ثالث ,,
10- هل الصقور تهاجم الاطفال ..؟
*نعم كان عندي جير بيور كنه بعير من كبرهـ وهو على وكرهـ وشاف بنت أختي تحبي قدامه تل عليهاوتقطعت كبدهـ وهو يطلبها ..
11- هل يتضرر نظر الطير او عيون الطير ويصير ما ينفع للطلع او ينقص نظرة وهل الطيور او الصقور تختلف عن بعضها في قوة النظر ؟
*كبر سن الطير يضعف نظرهـ وإختلاف نظر الطير بين بعض أختلاف كبير فيه بعض الطيور يطلع لسافات قريبه كيلو او كيلوين وبعضها 6 كيلو مثل طير الشاعر عبدالرحم العطاوي اللي قال فيه
وطيري اللي مايتاوق ليا شاف..لامن طلب فالطلع تل وعطيته
إن كوبر الحفان ماهو بخوّاف..والطايره ماقط عنها دعيته
12- وش معنى كلمة ( تدهل ) هل هي تعويد الطير عليك ؟؟ او معناها بالتفصيل ..؟
*التدهيل إنك تمسح بكفك على الطير من وجهه وعاتقه ومنطحه من الأعلى إلى الاسفل وهو تعويد الطير على صاحبه ,,
13- هل يمكن ابتكار طرق اخرى لتدريب الطير غير ( الملواح ) او تجارب اخرى ؟؟
*نعم هناك وسايل كثيره منها الطياره ومنها إنك تفك له حمام او تتيب لك حمامه وترفعها للطير ,,
اتمنى الاجابة ولي عودة مع اسئلة اخرى
أتمنى إني أفدك ولا قصور بباقي الأخوان وأبرك الساعات تواجدك معنا ,,

وشكراً

ــــــــــــــــــــــــــــــــــــــ

[الدباغ كحيلان]

اسلام عليكم ورحمة الله وبركاته
ردود اخوي صقار لسياح كلها وافيه ولاكن بضيف بعض انقاط
1- من ناحية العلف تنويع العلف للطير ضروري خاصه في المربط يأكل الجرذي والجربوع والفار البري
ويسمونه الصبيحي والفري المجمد بعد تذويبيه ولبيض وياكل الجراد لانها صارت معي وبغا يضيع
الطير بسبب الجراد
2-اما من ناحيت النضر فينقص النضر عند تقدم سن الطير اذا تعدا 13 سنه يبدا يقصر نضر الطير تدريجي
3-المقيض ضروري لانها فترة تغيير ريش الطير بالكامل ولازم يرتبله المكان المناسب اذا بتقيضه عندك





http://www.mekshat.com/pix/upload/sign/images/mk115313.gif (http://www.mekshat.com/pix/upload/sign/images/mk115313.gif)

[صقار الخبر]

1- هل يشرب الصقر ماء .؟؟ وكم المقدار اذا كان يشرب ؟؟ ايه يشرب انت حط له بالفنجال وهو يشرب شوي بس
2- اسمع ان بعض الصقاقير يشيل معه ريش اذا راح يقنص ليش هالريش يعني يجبر ريش الصقر اذا انكسر او ايش ؟؟ مش كلهم لكن بعضهم
3- هل يمكن تعليف الصقر لحم كان مبرد او لحم كان مثلج ؟؟ او انه لازم يكون مذبوح توه وفيه دم ..؟لو كان توه مذبوح او هو يذبحه ازين من المثلج لكن لازم يروح الثلج منه و يصير دافيه حنا نعطيه سمن ليس لحم
4- هل ياكل الصقر الجرذان والفيران ؟؟ لاني سمعت ان بعض الفصائل تاكل وبعضها لا لانها تعتبر لحوم نجسه او فيها امراض ..؟؟ مالك لوا الصقر ياكل الفيران و كل انواع الصقور
5- هل ياكل الصقر الجراد وبعض الحشرات ..؟ وايش الحشرات اللي ياكلها ..؟؟ لا ما ياكل حشرات
6- هل المقيض ضروري للطير ..؟؟ وايش يصير اذا ما وديته للمقيض ؟؟ شي اكيد اهم شي المقيض ولكن تقدر تقيضه انت
7- هل يمكن قرنسة الصقر فالبيت ؟؟ وايش الفرق في انك توديه لمقيض صقور مخصص او تقرنسة في فيتكم ؟؟لا هو يقرنس بالحاله لكن المقيض اكثر ملاحظه منك و اكثر اهتمام
8- ماهي طريقة تزاوج الصقور هل تتزاوج مثل الحمام يعني ( ذكر وانثى ) او ان طريقتها مثل الحيوانات اللي ذكر مع مجموعة من الاناث ..؟؟ (((((((((((((( مدري والله )))))))))
9- هل تتعارك الصقور ؟؟ وماهي الاسباب ؟؟ مش دايم الصقور فيها نخوه لبعض
10- هل الصقور تهاجم الاطفال ..؟ شدعوه !!!! يمكن اذا الطفل ازعج الصقر و يمكن لو الصقر وحش
11- هل يتضرر نظر الطير او عيون الطير ويصير ما ينفع للطلع او ينقص نظرة وهل الطيور او الصقور تختلف عن بعضها في قوة النظر ؟يتضرر ما قد سمعت لكن في طيور قوت عينها اقوى من الباقي
12- وش معنى كلمة ( تدهل ) هل هي تعويد الطير عليك ؟؟ او معناها بالتفصيل ..؟ لا يعني تفك وحاشته تعويد الطير عليك يسمى تربيب
13- هل يمكن ابتكار طرق اخرى لتدريب الطير غير ( الملواح ) او تجارب اخرى ؟؟ مافهمت و الطير تعلمه على المولواح مو ما يتعلم الى على المولواح
اتمنى الاجابة ولي عودة مع اسئلة اخرى

وشكراً[/quote]

[من.بادي الوقت]

السلام عليكم ورحمة الله وبركاته
انا اشهد انكم كفيتو ووفيتو وبيض الله هالوجيه على هالردود الطيبه
وما يجي من اهل الطيب الا الطيب
مع بعض الاختلافات في الاجابات لكن هذا ما يمنع ان كل شخص يشوف الصقارة من طريقه وهذا شي يحق له وهذا ما يفرق الصقارين عن بعض ولو كل الصقارين على خط واحد ما كان فيه احد يتعلم مثل ما سئلتكم

اخوي الكريم صقار الأسياح بيض الله وجهك وما قصرت ومشكور على سرعة الرد ولا عدمتك
اخوي الكريم أبو فهد العيد الله يعطيك العافية ودعوتك مقبولة وان شاء الله اني في يوم من الايام ضيفك وانتظرني ...
اخوي الكريم لعّاب المنايا بيض الله وجهك على هالاجابات الشافيه والمفصله وما قصرت والله يسمح درب هالوجه الطيب

اخوي الكريم الدباغ كحيلان ما قصرت على الاجابات والله يعطيك العافية

اخوي الكريم صقار الخبر بيض الله وجهك وسمح الله دربك وانا اشهد انك وافي


بيض الله وجيهكم جميع وان شاء الله فيه اسئله ثانيه بطرحها بعد فترة وانتم صقارة وما تعودنا من اهل الطيب الا الطيب

[هشام سيد]

افادكم الله على المعلوملت القيمة . لاتنسو الصلاة على النبى.

[أبو فهد العيد]

ابو فهد وش رايك باجاباتي تنفعني ملاحظتك

العين ماتعلى على الحاجب وانا اخوك.
وماعندي زود على كلامك ,
وافي يالقرم

[شلوان999]

مساء الخير على الجميع الاسأله واجد دخت غار ارب الربع يفيدونك دمتم