ممكن صور السحابه والبرد اللي كسر السيارات في الرياض عام 1416

[همايل برديه]

ياخوان ممكن احد يفزع لنا ويعيد نشر صورة السحابه الرهيبه ومقطع الفيديو الامطار الغزيزه والبرد اللي كسر سيارت في حي النسيم بالرياض واكون لكم من الشاكرين ارجوا من عنده هذا المقطع لايبخل علينا لن هذا المنتدى الشامخ الذي اتوقع ان جد فيه كل مايتعلق بالذكريات الجميل وسيوال الرياض عام 1416 واكون لكم من الشاكرين

[محمد عبد القادر]

أمس 23 مارس أعتقد أنه اليوم الذي حصلت به هذه الأمطار الغزيرة التي تجاوزت كميتها 60 ملم في الرياض ... ان شاء الله نشوف زيها وأحسن الأسبوع القادم

[همايل برديه]

أمس 23 مارس أعتقد أنه اليوم الذي حصلت به هذه الأمطار الغزيرة التي تجاوزت كميتها 60 ملم في الرياض ... ان شاء الله نشوف زيها وأحسن الأسبوع القادم


محمد عبدالقادر مشكور على مرورك والصور السحابه والبرد وجدتها في منتدى مكشات ولقد وضعها لاخ خالد العوض ولكن الروابط كلها ماتشغل ياليت عيد تجديد الروابط او وضعها من جديد لن مشتاقين للذكريات الجميله

[بدراان]

صور منقولة من النت


1 - مخرج 13



http://forum.te3p.com/uploaded3/102499_01192641051.jpg


2- طريق خريص ((نفق شارع إنكاس ))


http://forum.te3p.com/uploaded3/102499_01192641462.jpg



3- سيارة في بداية نفق إنكاس


http://forum.te3p.com/uploaded3/102499_01192641527.gif

[sohib]

هذه فيضانات الله يستر بستره ويحمانا منها

[ولد ابوي2009]

انا ما عندي صور بس بقولكم وش صار لي في ذاك اليوم الرهيب كنت طالع من المدرسه ايام الثانوي الا والجو رهيب قلت لخويي نطلع الثمامه حدنا الثمامه هههههه المهم طلعنا يمكن الساعه واحده الظهر رحنا حتى طعس التحدي قريب من محطة الخزامى تغدينا وكنت ماني متطمن لأن الوضع غير طبيعي طبعا كان فيه رش وامطار متوسطه وأشار علي صاحبي انا نرجع الرياض رجعنا وكان السحاب سبحان الخالق يكاد ينزل في الارض سحاااااب رهييييييب المهم وصلنا كوبري الفحص وكان جهة الغرب الجو مظلم وتوقفنا في الاشاره الا صوت الرعد يزلزل الارض حقيقه كان خوف ورهبه وكان الوضع يوحي أن السحابه سحابه عظيمه وادعس على السرعه بلحق اوصل البيت وسبحان الله في اخر لحظه قبل اوصل كوبري المعيزيله الكوبري اللي قريب من استاد الملك فهد بمئتين متر الا البرد ينزل حبات كبيره ومتقطعه قلت لصاحبي ما يبغالها نوقف تحت الكوبري ولا اله الا الله خلال ثواني شي رهيب الارض صارت ابيض في ابيض وبعد ما توقف المطر ونتحرك كأنك في صالة تزلج من البرد على الارض لا تشاهد الا البرد لا يوجد لا رصيف ولا غيره اللهم اعمدة الاناره مبينه من بين البرد كان البرد مغطي الرصيف ويمكن فوقه بنصف متر

[طير آلفلآء]

الله يعطيك العافيه
يا براان
مشكور وما قصرت على
الصورالجميله

[صلهامه]

اخ همايل برديه

اخذت هالصور من المنتدى قبل فترة طويله وهى من تصوير الاخ ابو على

http://www.rofof.com/img2/3fblsm24.jpg

http://www.rofof.com/img2/3qdufp24.jpg

http://www.rofof.com/img2/3qwlbv24.jpg

http://www.rofof.com/img2/3weash24.jpg

وتراها ايام الابيض والاسود يعنى الناس ما طاحوا بالتصوير

[ابو نواف المطرفي]

الله يرحمنا برحمته

[برق المخايل]

عندي فديو للبرد ولكن ما اعرف كيف انقله الى جهاز الكمبيوتر
وذاك اليوم اتذكره جيدا ولن انساه كنت بالتوجيهي كان خطير جدا صوت الرعود والبروق قومني من النوم
اول مابدى البرد كانت الابتسامه هذا كبرها شوي انقلبت مشاعر الفرح الى خوف وطلب الله الرحمه

[التريبي]

هذا مقطع فيديو لنفق تقاطع طريق خريص مع شارع خالد بن الوليد (انكاس)

http://up2.m5zn.com/download-2009-3-24-08-u2uwrtn7i.mp4

[صلهامه]

الله يجزاك خير يالتريبى على هالإضافه الموثقه

[عاشق الغيث]

الله يازين ذيك الايام وش ذكرك اخوي همايل برديه بذيك الايام الجميلة شوف الفرق بين عام 1416وعام 1430 في الناس والسيارات وغيرها عمر 14 سنة ذهبت من اعمارنا كاني لم انام الليل عن ذيك الايام

[Skyline]

ذكريات جميلة ،، ايام الدراسة الجامعية ،،
في مثل ذاك اليوم أكتشفنا حشاشة البنية التحتية للبلد ،، ما بقى نفق ما أمتلى بالماء وما ظل عمود ولوحة أعلانية الا وعملت كارثة ،،
نسأل الله أن يكفينا شر مثل ذاك اليوم ويعطينا خير الأمطار ويكفينا شره

[همايل برديه]

1 - مخرج 13



http://forum.te3p.com/uploaded3/102499_01192641051.jpg


2- طريق خريص ((نفق شارع إنكاس ))


http://forum.te3p.com/uploaded3/102499_01192641462.jpg



3- سيارة في بداية نفق إنكاس



http://forum.te3p.com/uploaded3/102499_01192641527.gif



الاخ بدراان مشكور على هذي الصور الحلووووه والجميله والذكريات التي لاتمحو من الذاكره وهذا العام الجميل الحافل بالامطار الغزيزه التي افتقدناها في هذي السنوات الاخيره تحياتي لك ولاهنت على هذا المجهود الطيب

[همايل برديه]

هذه فيضانات الله يستر بستره ويحمانا منها


مشكور اخوي على مرورك العطر ولاهنت

[الكونترولCONTROL]

الله يرحم بيجر اخوي طاح بالدائري من فوق الكوبري
كاشخ به و يتفرج فوق مخرج 11 و 12 !! ما تعشى هاكالليلة !
اللي يلقاه يا جماعة له هدية و هي ( التحويلة 9* )
النوع : الوطنية !!

[همايل برديه]

انا ما عندي صور بس بقولكم وش صار لي في ذاك اليوم الرهيب كنت طالع من المدرسه ايام الثانوي الا والجو رهيب قلت لخويي نطلع الثمامه حدنا الثمامه هههههه المهم طلعنا يمكن الساعه واحده الظهر رحنا حتى طعس التحدي قريب من محطة الخزامى تغدينا وكنت ماني متطمن لأن الوضع غير طبيعي طبعا كان فيه رش وامطار متوسطه وأشار علي صاحبي انا نرجع الرياض رجعنا وكان السحاب سبحان الخالق يكاد ينزل في الارض سحاااااب رهييييييب المهم وصلنا كوبري الفحص وكان جهة الغرب الجو مظلم وتوقفنا في الاشاره الا صوت الرعد يزلزل الارض حقيقه كان خوف ورهبه وكان الوضع يوحي أن السحابه سحابه عظيمه وادعس على السرعه بلحق اوصل البيت وسبحان الله في اخر لحظه قبل اوصل كوبري المعيزيله الكوبري اللي قريب من استاد الملك فهد بمئتين متر الا البرد ينزل حبات كبيره ومتقطعه قلت لصاحبي ما يبغالها نوقف تحت الكوبري ولا اله الا الله خلال ثواني شي رهيب الارض صارت ابيض في ابيض وبعد ما توقف المطر ونتحرك كأنك في صالة تزلج من البرد على الارض لا تشاهد الا البرد لا يوجد لا رصيف ولا غيره اللهم اعمدة الاناره مبينه من بين البرد كان البرد مغطي الرصيف ويمكن فوقه بنصف متر


ولد ابوي انا اتذكر ذلك اليوم كنت اللعب كوره في حي البديعه بالرياض قبل المغرب جاءت ساحبه قادمه من الغرب كان شكلها مرعب ومعها رياح قويه جدا لدرجه الجميع خرج من الملعب وركبنا السيارات وجاء مطر شديد جدا مع حبات من البرد لكن ليس بحجم اللي سقط على النسيم وبعد هدوء العاصفه الممطره توجهة للمنزل في حي السويدي ووجدت لمبات السور الخارجي تكسرت من البرد كان يوم لا ينسى حيث غزارة الامطار التي تواصل ثلاثه ايام

[طارق]

تفضل اخي الكريم حمل المقطع التالي من موقع يوتيوب ×××××××



http://www.×××××××.com/watch?v=9Ch48zTksO8

[وادي غران]

الله المستعان .. الله يكفينا الشر.

صور خطيرة ليوم مميز جداً ولحظات رعب عاشها سكان العاصم الحبيبة.

[التريبي]

الله يجزاك خير يالتريبى على هالإضافه الموثقه



وانت كذلك يا اخي صلهامه الله يجزاك خير

المقطع هذا انا نزلته من النت وثم اعدت تحميله مره ثانيه ليشاهده الأخوان هنا .

وعندي فلم من تصويري لسيول ذيك الأيام مدته اكثر من ساعه سوف احاول تنزيله هنا ان شاء الله

[ارض الحجون]

الله و اكبر رجعتنا 14 سنة ورا :
الموقف اللي صارلي مع الوالد :
هذا يا طويلين الاعمار كنت طالع مع الوالد نشوف بيتنا كان عظم وقتها يوم طاح البرد كنا تحت كبري العروبة حاليا عند برج المملكة والسيارات موقفه والطريق واقف والماء بداء يملاء الكبري اخبره غطى الانوار حقت الجيب الوالد كان معه جيب 84 تويوتا وكنا انا و الوالد بنطلع على الجمس موديل 95 ماله 7 شهور من طلعناه من الجميح بس الحمد لله طلعنا على الجيب ..مالكم في الطويلة احنا الان تحت كبري العروبة و يتخذ الوالد اصعب قرار وهو انه يطلع من تحت الكبري عشان الكبري بداء يمتلي ونمشي الين وصلنا الجريسي والا الموية مغطية السيارات ولا قدرنا نكمل وفي هاذي اللحظة بداء البر ينزل كبر حجم المشمش و القزاز الامامي كان فية شطب و البرد ما قصر كمل على الباقي وينكسر القزاز الامامي وبداء المطر يدخل علينا في السيارة ونرجع انا و الوالد في اخر السيارة و الموية بدات تملاء السيارة والحمد لله وقف البرد و المطر والسيارة عيت تشتغل و يجيك واحد الله يجزاه خير معه شاص ويسحب الجيب الصالون الين وقفه عندي الجريسي ....وهاذ ا اللي اتذكره .....تحياتي ...

[همايل برديه]

الله يرحمنا برحمته

ابونواف المطرفي

مشكور على مرورك واللهم امين

[همايل برديه]

الله يعطيك العافيه
يا براان
مشكور وما قصرت على
الصورالجميله

طير الفلا مشكور على مرورك

والله يعافيك

[همايل برديه]

اخ همايل برديه



اخذت هالصور من المنتدى قبل فترة طويله وهى من تصوير الاخ ابو على


http://www.rofof.com/img2/3fblsm24.jpg


http://www.rofof.com/img2/3qdufp24.jpg


http://www.rofof.com/img2/3qwlbv24.jpg


http://www.rofof.com/img2/3weash24.jpg



وتراها ايام الابيض والاسود يعنى الناس ما طاحوا بالتصوير



الاخ صلهامه مشكور على هذ الصور الحلوووووه والجميل وبارك الله فيك ويعطيك العافيه واذا كان عندك صورة للسحابه المرعبه والبرد الله لايهينك تنزلها ويعطيك الله الف عافيه

[بيق مان]

موضوعك اخوي اشعل الذكريات
اتذكر اني كنت مداوم ذاك اليوم وخرجت بعد المغرب وفي الطريق شعرت بأن سيارتي البيوك اصبحت بوت (مركب بحري ) وليست سيارة الى درجة اني فقدت بعض القطع من اسفل السيارة بعد تفقدها عند وصولي للبيت:D

[همايل برديه]

عندي فديو للبرد ولكن ما اعرف كيف انقله الى جهاز الكمبيوتر
وذاك اليوم اتذكره جيدا ولن انساه كنت بالتوجيهي كان خطير جدا صوت الرعود والبروق قومني من النوم
اول مابدى البرد كانت الابتسامه هذا كبرها شوي انقلبت مشاعر الفرح الى خوف وطلب الله الرحمه


برق المخايل مشكور على مرورك وياليتك تشوف احد الاخوان يساعدك في تنزيل شريط الفيديو برد الرياض عام 1416 ذلك اليوم التاريخي اكون لك من الشاكرين

[الربذي]

الله يرحم بيجر اخوي طاح بالدائري من فوق الكوبري

كاشخ به و يتفرج فوق مخرج 11 و 12 !! ما تعشى هاكالليلة !
اللي يلقاه يا جماعة له هدية و هي ( التحويلة 9* )
النوع : الوطنية !!

هههههههههههههههههههههههههههههه
ههههههههههههه بطني بطني تحويلة 9
الله يوسع صدرك ذكرتني ايام كنا ثلاثه قاطين ببيجر انا لي الرقم 3 ههههههههههههه
وبعدين زانت الظروف واشنريت بيجر اخخخخخخخخخخخخ واذكرني فرحان فيه ياانا مخفه فرحان ببيجر
طيب وش قلت لك انه عندي للحين ذكريات من عام1416 هههههههههههههه مشتريه غالي اغلى نوع .................................................. ...........

[قلبي معاكم]

والله موضوع خطير . طبعاً انا ما اذكر . شي . من الي كانت . لاني كنت صغطوط . . هههههههه لكن نتابع الموضوع . .

[الغزال الشارد]

الله يعطيكم العافية

[همايل برديه]

هذا مقطع فيديو لنفق تقاطع طريق خريص مع شارع خالد بن الوليد (انكاس)

http://up2.m5zn.com/download-2009-3-24-08-u2uwrtn7i.mp4

التريبي مشكور على المقطع وبارك الله فيك الذي ذكرتنا في تلك الايام الجميله والرائعه ليت الزمن والماضي الجميل يعود

[همايل برديه]

الله يجزاك خير يالتريبى على هالإضافه الموثقه




صلهامه اخونا التربي يشكر على مجهود والشكر موصل لك على تعليقك

[همايل برديه]

تفضل اخي الكريم حمل المقطع التالي من موقع يوتيوب ×××××××





http://www.×××××××.com/watch?v=9Ch48zTksO8


طارق مشكور على ردك الطيب وتعليقك وياليت اخوي تتاكد من الرابط لنه مهوب شغال والله يعافيك

[همايل برديه]

وانت كذلك يا اخي صلهامه الله يجزاك خير

المقطع هذا انا نزلته من النت وثم اعدت تحميله مره ثانيه ليشاهده الأخوان هنا .

وعندي فلم من تصويري لسيول ذيك الأيام مدته اكثر من ساعه سوف احاول تنزيله هنا ان شاء الله


التريبي مشكور على ردك وتوجاوبك معنا يااخوي ليت تعيد تنزيل هذا المقطع مره اخرى لن الكثير لم يشاهد هذا المقطع لنه مقطع نادر وفيه من الذكريات الجميله التي لا تنسى خصوصا في وقتنا هذا الذي يمر علينا جفاف عسى الله يرحمنا برحمته واكون لك من الشاكرين اخي الكريم ان متاكذ ان الكثير لم يشاهد هذا المقطع ليتك في اقرب وقت تنزل والله يوفقك

[سوبر152]

اللهم سقيا رحمة لاسقيا هدم ولا غرق ولكن إخواني الحذر الحذر من الوقوف تحت الكباري النازلة والتي تكون مجمع للسيل بعد ذهاب السحب والله يبعدنا عن الأخطار جميعا ويرزقنا الأمطار العمييييييييييييييييييييييمة إنه جواد كريم

[_ابو_ناصر_]

وانت كذلك يا اخي صلهامه الله يجزاك خير

المقطع هذا انا نزلته من النت وثم اعدت تحميله مره ثانيه ليشاهده الأخوان هنا .

وعندي فلم من تصويري لسيول ذيك الأيام مدته اكثر من ساعه سوف احاول تنزيله هنا ان شاء الله

تعبنا و حنا نحتري المقطع :)

[همايل برديه]

من باب تلطيف الجو واعادة الذكريات الجميله نرجوا من الاخوان الذين وعدونا بتنزيل الفلم كامل عن السحابه المدمره برد الرياض عام 1416 التكرم واعاده تحميل الفلم في موقع مكشات لني اعلم ان الكثير منا لم يشاهد هذا الفلم الجميل والذكريات الاكثر من رائعه

[عاشق الغيث]

في ذيك الايام كان الوالد هناك ومعه جيب لاند كروزر 95 وكان عنده شغل في الرياض
يقول ضربتنا برديه كسرت زجاج السيارات واقتلعت اللوحات والمظلات الموجوده في معارض النسيم
وتكسرت السيارات يقول دخلت المحطه بسرعة وسلمت السيارة كلها ماعدا الاصطب الخلفي الايسر

[علي الجوال]

هذة عبارة عن صور

في المرفقات

[صقرالعرب2007]

الله المستعان آآآآآآآآآآآآآآخـ

ولله انه ذيك الايام محفوره حفر في الذاكره لا تنسى... أذكر الوالده والوالد والاخوان بمساحة البلاط يدفون البرد من مدخل الرجال ويطلعونه برا بالحوش كان على المغربيه كذا,,,

وذكر الوالد الله يحفظه طلع من البيت يركض وخر الددسن كان توه شاريه موديله 93 زي الـ 2007 الحين ماله الا 3 سنوات وخره من تحت الشجره ووداه بعيد عن البيت عند سور الجيران,,,

وذكر اني قمت من بكرا الصبح ونا بالحوش اشوف واجهة البيت عليها آثار من البرد واضحه وما صدقت انه من عمايل البرد البارح,,

وطلعت برا بالشارع وشفت الشجره طايحه الي ابوي وخر الددسن عنها.. ولله اني فرحت وقتها حسيت ان الله انقذ سيارة ابوي ونا صغير كنت باولى ابتدائي وقتها

الله يا زين ذاك اليوم بالنسبه لي ونا بالبيت واشوف الاهل مختبصين ونااااسه,,,


ولله موضوعك وسيع صدره رجعلنا الذكريات وكلن قام يسولف

يعطيك العافيه

[ضمد التمور]

مشكور اخوي يعطيك العافيه

[الهجهوج]

مشكور اخوي على الذكريات الرائعة السنة هذي وبتاريخ 3-4-2009 وقت المراويح حصل نفس ذكريات ذيك السنة بس باختلاف الموقع غرب الرياض قليلا نواحي قنيفذاء جنوب مرات وشمال الجلة وتكسرت السيارات والحلال انواع الفلوق والرعيان كذلك اللي ما حولهم مكان يتخبون فيه ...اما عن ذكريات ذيك السنة فكان عمي معه نيسان سفاري 94 توه شاريه ورايح لمستشفى العيون يراجع ويوم انتهى الخيال وشاف السيارة الا سبحان الله ما فيها مكان ما هو ملتوي والقزاز كله متهشم ... مع العلم ان سحاب ذاك اليوم كان كله ينشي من ناحية الشمال وما يمشي مثل باقي السحاب من الغرب للشرق ...

[برق المدى]

جتنا مواتر الرياض فالحجاز منقّرة من على البدي ,, شي يخوف
لو انه آدمي تحت البردية يمدية مات

[صقرحايل]

الله وكبر ياذيك الايام والله كنها امس انا علقت عند كبرى الكليه الامنيه ولاطلع الموتر الابعد3ايام بس يازين هذيك الايام يازين الانفس يازين البر يازين الاكل يازين الخووه
يازين كل شى حتى اشى الى ماهو زين هذاك الوقت يازينه الحين
سقاء الله ذيك الايام بس

[همايل برديه]

اشكرك جميع من مر هنا واشكر لكم تعليقاتكم وردكم واعادة الذكريات الجميله بالنسبه لي انا اذكر في ذاك اليوم كنت من هواة الكره وكنت االاعب في ملاعب الحواري مع الزملاء وقبل المغرب بقليل وكنت في حي البديعه وشاهده سحابه شكلها مخيف قادمه من الغرب وكانت تتمركز قوتها شمالا وهبت علينا رياح قويه جدا حتى خرجنا من الملاعب وركبنا السيارت وجاء بعدها مطر غزيز جدا وحبات من البرد لكن حجم البرد كان صغير في حي البديعه لكن في حي النسيم كانت العاصمه اعنف واقوي حيث تساقطت الاشجار واللوحات الاعلانيه الكبيره وتساقط معها برد بحجم كبير جدا حتى تهشم السيارت وكسر الزجاج وحتى البودي السيارت كان اثار ظرب البرد فيه واضح بشكل كبير جدا يعني تضررت السيارت بشكل كامل تشوف السياره كانها ظرب بمطرقه من حديد من قوه ظرب البرد وكبر حجمه

[مسحب الضبان]

الله اكبر ايام جميلة كانت تلك السنه اخر سنه لي في الجامعه وانا الان معلم من 12 سنه والملك اصدر امر بعدم الدوام في اليوم التالي لتلك السحابه

[نجم حفرالباطن]

بارك الله فيك

[Alsmo]

السلام عليكم

اذكر هاذيك الأيام زين

انا من متابعين الطقس والغيم وأخبار الأمطار والنشرات الجوية من يوم كان عمري 12 سنة والأن عمري 29 سنة

كنت من متابعين حسن كراني في النشرة الجوية واذكر هاذيك الغيمة زين على الرادار كان بداية النشوء من شرق مكة او الطائف وكانت سحابة كبيرة جدا تقريبا غطت المنطقة الوسطى كلها

وكنت وقتها في حفر الباطن اترقب وصول لو جزء بسيط منها بس وقتها ماجانا الا رش بسيط جدا

اعتقد الأمطار كانت مو بس على الرياض... امتدت الى المجمعة والأرطاوية حتى القاعدة العسكرية في حفر الباطن كنت الاحظ سداها

ياليت من الأخوان يعطينا صور من الرادارات للغيمة

[مشتاق للمطر 2]

مشكورين على المعلومات

[همايل برديه]

السلام عليكم جميعا احد الاخوان البارحه نزل فيديو في 21 11 1430 من اخراج خالد العوض فيديو كامل على السحابه والبرد اللي كسر السيارت لكن بسرعه كبيره تم حذف الموضوع من قبل الاداره ولا ادري ماهي الاسباب ارجوا من الاداره الموقره اعاده نشر المقطع الذي ينتظره الكثير واللي عنده المقطع ارجوا اعاده نشره ولكم تحياتي

[همايل برديه]

احد الاخوان البارح نزل المقطع فيديو كامل وكان النك حقه نسيته لكن كاتبه انقلش يقول انه الفيديو من اخراج خالد العوض نزله امس الساعه عشر في الليله وحذف المقطع في نفس اليوم الساعه 12 تقريبا ولا ادري ماهي الاسباب اتمنى من الاداره الاجابه والتوضيح عن اسباب الحذف حيث لم اتمكن من تحميله لوجود خطاء والكثير منا يتمنى مشاهده هذا المقطع ولكم تحياتي

[ذيب الافلاج]

اخوي حمل من هالرابط
http://www.4shared.com/file/14895850...40/__1416.html (http://www.4shared.com/file/148958508/56704840/__1416.html)

[همايل برديه]

ذيب الافلاج مشكور وبارك الله فيك وان اشهد انك ذيب على اسمك ومقصرت اخوي وجاري التحميل والله يعطيك الف عافيه

[ذيب الافلاج]

ماسوينا شي وانا اخوك

واجبنا ........

[M2W2M]

السلام عليكم ورحمة الله وبركاته
أنا أذكر وقتها كنت في أسواق العويس في شمال الرياض في محل أقمشة نسائية وشوي إلا تدخل علينا هاذيك الحرمة وهي ماسكه على راسها يصب دم من آثار حبات البرد اللي أصابتها وأذكر وقتها أخذت لي كرتون من كراتين البضائع كبير الحجم وحطيته على راسي من خروجي من محل الأقمشة لين وصلت لسيارتي في مواقف السوق طبعاً لا تسألون عن السيارة لأن مافي شبر فيها ماصار منقر تنقير من حبات البرد.