ابي شوركم في ملحق طين

[الشنه]

ابني الأن ملحق طيني ومحتار في المشب
احط مدخنه
او
احط نبر( فتحه في السقف )ومقاسها ما يقل عن 80 في 80 سم


انا اميل للنبر والي يميزه ان الضو تصير في طرف المشب وبعيده عن الوجار ودخانها يروح مع النبر واذا استدعى الأمر ركبت مروحة شفط


المدخنه
قليل من يظبطها ولا بد من تقريب الحطب لفتحة المدخنه وهذا يحرم الضيوف
من الجلسه قرب من الضو



ابي شوركم ومن فيكم جرب النبر وش ميزاته وعيوبه

[لاتكب البيالة]

صراحة انا ما عندي مشب لكن تبي نصيحتي حط على قولك منبر ازين واوسع صدر ويجلس حوله كثير
لكن ان جيت للمدخنة الطوب اللي يحطه اكثر الناس صراحة غثيثة لعدت اسباب
1 الضو ما يقرب حوله الا ثنين فقط
2 اذا خليت الضو باول المشب بيمتلي المكان دخان
واذا خليته باخر المشب عند الفتحة بتروح الحرارة
3 اذا حطيت مروحة شفط بتسحب الدخان مع الحرارة وبالمقابل يدخل عليك البرد
4والمدخنه بعد تضيق الحوش واذا خليته بالشارع بتغثك اذا كانت عند موقف سيارك
صراحة هذا اللي اشوفه من المدخنه
اما لا جيت للوجار او المنبر ما شفنا عليه شي وممتاز <<< يكفيك انه شغل الاولين وهم ابخص بالزين

[دغيم1]

وعليكم السلام ورحمة الله وبركاته
حياك الله أخوي
بيت الطين تراث وذكريات
وجميل في كل الأوقات
ومن وجهة نظري ضع منور أجمل ويمثل التراث القديم
مع وضع نافذة جانبية ومروحة شفط
مع رفع المنور قليلا حتى يكون ذا تهويه عاليه
مع تمنياتي لك ببيت طين دافء
وأن يعطيك خيره ويكفيك شره
تقبل تحياتي

[الناب]

بالنسبة لي أحسست أن المنور (نبر على قولتك) أفضل

وبإمكانك وضع فيه مروحة شفط وتشغلها إذا لزم الأمر

[ابو عمر النوح]

بالنسبة لي أقول إن النبر عملي و أوسع للمجلس و لكن انتبه له من عدة أشياء منها :

* المطر لا يدخل عليك المطر و يخرب فرشاتك و يخيس المجلس .
* لو تحط فيه شبك عشان ما تدخل عن طريقه الطيور و العصافير و تفرخ في المجلس خاصة إذا كان السقف عندك أثل أو أي نوع من الحطب أو الخشب . و ممكن تسقط القطط في المجلس عن طريقه .
و أسأل الله أن يبارك لك في المجلس و يعطيك خيره و يكفيك شره .

[الشنه]

الله يرحم شيبانكم
ويجزاكم الخير كله
ملاحظات جيده وراح اخذها في الأعتبار

بعد شوركم توكلت على الله وبحط نبر
وما خاب من استشار

[سرهيد]

السلام عليكم

هلا وغلا باخوي الكريم

ابشر بسعدك اخوي الكريم

انا عندي ابشرك غرفتين طين وحده في البيت وحده في الاستراحة وكلها ابشرك تصريف الدخان عن طريق نبر فوق الوجار مع مروحة دعم في حال كثافة الدخان

هذي بعض الصور للغرفة التي لدي


http://www.mekshat.com/pix/upload02/images67/mk40450_bet2.jpg




وهذي صورة من الداخل




http://www.mekshat.com/pix/upload02/images67/mk40450_bet.jpg



http://www.mekshat.com/pix/upload02/images74/mk40450_teen4.jpg



http://www.mekshat.com/pix/upload02/images74/mk40450_teen5.jpg



http://www.mekshat.com/pix/upload02/images74/mk40450_teen6.jpg


http://www.mekshat.com/pix/upload02/images74/mk40450_teen7.jpg


http://www.mekshat.com/pix/upload02/images74/mk40450_teen8.jpg



http://www.mekshat.com/pix/upload02/images74/mk40450_teen9.jpg



http://www.mekshat.com/pix/upload02/images74/mk40450_teen10.jpg



http://www.mekshat.com/pix/upload02/images74/mk40450_teen11.jpg



== يتبع

[سرهيد]

http://www.mekshat.com/pix/upload02/images74/mk40450_teen12.jpg









وهذي صور لغرفة الضوء اللي في البيت طبعا اصغر واقدم




http://www.mekshat.com/pix/upload02/images74/mk40450_teen2.jpg


http://www.mekshat.com/pix/upload02/images74/mk40450_teen3.jpg



http://www.mekshat.com/pix/upload02/images74/mk40450_teen.jpg
وهذي مكينه الضوء
http://www.mekshat.com/pix/upload02/images74/mk40450_teeen2.jpg

صورة جانبية

http://www.mekshat.com/pix/upload02/images74/mk40450_teeen3.jpg


صورة وباين فيها دريشة داخلية ولو تدقق تجد ان الدرريشة من الطراز القديم وقد تعمدت ذلك

http://www.mekshat.com/pix/upload02/images74/mk40450_teeen4.jpg

وهذا صورة لنبر يختلف عن السابقة لان هذا صورة اللي في البيت والسابق اللي في الاستراحة ولاحظ الصورة التالية للدريشة من الخارج كيف شكلها

http://www.mekshat.com/pix/upload02/images74/mk40450_teeen7.jpg



http://www.mekshat.com/pix/upload02/images74/mk40450_teeen5.jpg


لاحظ كيف صفة الجريد مع شكل الخشب وفيه السرج

http://www.mekshat.com/pix/upload02/images74/mk40450_teeen6.jpg


انصح اذا انت لم تبدأ بوضع الغرفة ان ترفع السقف ، فكل ما ارتفع السقف فكل ما كان تصريف الدخان اسهل

وان حصل تضع درايش جانبية تحت السقف تتحكم في فتحها وتسكيرها انت فهذا سيساعد في خروج الدخان بسهولة جدا

تقبل احترامي

اخوك

ابو عبدالله

[قاصد الصمان]

ابني الأن ملحق طيني ومحتار في المشب
احط مدخنه
او
احط نبر( فتحه في السقف )ومقاسها ما يقل عن 80 في 80 سم


انا اميل للنبر والي يميزه ان الضو تصير في طرف المشب وبعيده عن الوجار ودخانها يروح مع النبر واذا استدعى الأمر ركبت مروحة شفط


المدخنه
قليل من يظبطها ولا بد من تقريب الحطب لفتحة المدخنه وهذا يحرم الضيوف
من الجلسه قرب من الضو



ابي شوركم ومن فيكم جرب النبر وش ميزاته وعيوبه


أن كان انت ساكن في الرياض حياك الله تفضل عندي وأفيدك في ما سألت عنه من خلال التجربة اللي مريت بها في هذا الأمر وتشوف هذا على الواقع

http://www.albrari.com/vb/uploaded/3268_01238163354.jpg

ويكون التواصل من خلال مراسلتي على الخاص

[راعي الرمشا]

السلام عليكم....اذا تسمح لي افيدك في غرفة الطين .....اتوكل على الله وابداء:
1-النبر او الفتاش اجمل وعوده للتراث اكثر.....
2- المدخنه مافيها متعة شبة الضو مثل الفتاش لان ضوها مسكر عليها بحديده والعبره في شوفة اللهب و الجمر مايدفي مثل الشعله....
ملاحظات يجب الاخذ وهي :
1-رفع السقف اكثر يجعل الدخان ارفع من مستوى الشخص الواقف لان مافيه نار بدون دخان..
2-عمل المشب بحيث يكون المقهوي يقدر يمد الفنجال للضيوف بيمينه(يكونون الجالسين جنبه على يمينه).
3-تغطيه الفتاش بقطعه خشب او صاج حديد على مقاس الفتحه يكون التحكم بأغلاقها وفتحها بواير بالقرب من القهوي..شباب الضو..
4-عمل بيت الحطب خلف المقهوي بحيث يمكنه من اخذ الحطب من قريب ولايحتاج يطلع من الغرفه ويلغحه البراد وهات يازكمه.
5-تمديد سلك كهرب عند الفتاش احتياط يمكن تفكر تحط مروحة شفط مستقبلا ويكون تشغيلها من عندك قريب..
أخيرآ مرحبآ بك عندي انت والقراء تشوف المكتوب على الطبيعه..

[تناهيت]

هلا بك اخوي الكشاف افضل بواجد ونا اخوك والشباب افادوك بخصوص مميزاتة و ما يتعبك الا عند الشبة الأولة واذا علقت الضو خلاص امورك زينة ،،،وبالنسبة للمطر انا حليت المشكلة بوضع مظلة صغيرة على مقاس الفتحة ورافعها متر ونص من حد الفتحة في السقف ولكي اعطي مجال للكشاف ان يتسكر براحتة ومن الممكن تغلف الشينكو بجريد كديكور ،،والحمد الله لم يؤثر ذلك على خروج الدخان مع اني كنت متخوف من المظلة ولم اثبتها الا بعد ما جربت وشفت انسيابية خروج الدخلن اتمنى فهمت علي ونا اخوك واهم شي لا تنسى محل للحطب تراه ضروري جدا ومنظرة رائع وكل ما صار عريض افضل من ان انه يكون بالطول وانصحك ترفع الكشاف عن مستوى سطح السقف بمتر ليؤدي دورة بشكل |أفضل..تحياتي تناهيت

[يحيي بن حمد]

الطين وخل بالك ارفع السقف قدر ما تقدر

[الذئب الشبعان]

صباح الخيررررررر

شكرا اعضاء مكشات والله انكم افتوني ونا ان شاء الله بعد سنه ابعمر البيت لاكن الان ملحق طين

وهذا من فضل الله ثم فضلكم وجزا كل اعضاء مكشات الف خير

[حكيم الرياض]

تكفون يا شباب أبي فزعتكم لا عدمناكم :
عندي استراحه في الرياض وناوي إن شاء الله أبني فيها ديوانية طين وودي تنصحوني بشخص متخصص ومجرب ممكن يبنيها لي تراي والله محتاج فزعتكم ، وهل من الأفضل بنائها من البلوك ثم تغطيتها بالطين يعني تلييسها بالطين ؟ أوتكون كلها من الطين من البداية من غير بلوك ، أفيدوني الله يحفظكم ويرعاكم ،،،

[سهم الجنوب]

اشكرك اشكرك الف

[وادي الريمة]

مرحبا بك ياخوي(الشنه)بالنسبه للنبرمزاياه كثيره ومنها تستفيد من لهب الضو اكثر من المدخنه وتدفيء جميع من في المجلس وكذلك تطبخ على اللهب ولا يستهلك حطب مثل المدخنه ويكون منضر الضو اجمل اذا كانت في وسط المجلس....ولاكن بشرط ان يكون سقف المشب رفيع وحبذا ان يكون هناك فتحات على جانبي المشب في الاعلى لكي تضمن خروج الدخان نهائيا ويجب ان تضع مروحة شفط تكون على جانب النبروحبذا ان تكون في الجهه الجنوبيه لانها ضروريه عندما يكون هناك امطار وانت مغلق النبر تشغل المروحه التي في جنب النبر...والاولين الله يرحمهم لا تعقبهم في شيء حاطين نبر...واتمنى ان تستفيد والله يهون عليك.

[حكيم الرياض]

ألف شكر أخي الغالي سرهيد على ردك على الخاص الله لايحرمنا منك يالغالي،،،

[سرهيد]

ألف شكر أخي الغالي سرهيد على ردك على الخاص الله لايحرمنا منك يالغالي،،،

ما طلبت الا بحث من حقوقك علي بما انك من رواد مكشات طال عمرك

وتامر على اخوك بأي شيء يخص غرفة الطين بحكم خبرتي في الامر

وحاضرين للطيبين شرواك

[العتين]

جزاكم الله خير
على المعلومات المفيدة

[فتى البرية]

السلام عليكم يا اخوان
انا عندي سؤال
انا عندي ملحق صغير مدري يكفي احطه طين ولا لا نبي مشورتك
الملحق مساحته 14 مترمربع واطواله 3,5 في 4امتار
عطونا رايكم وجزاكم الله خير

[ابولولو]

السلام عليكم يا اخوان

انا عندي سؤال
انا عندي ملحق صغير مدري يكفي احطه طين ولا لا نبي مشورتك
الملحق مساحته 14 مترمربع واطواله 3,5 في 4امتار

عطونا رايكم وجزاكم الله خير

اخوي حطه وتوكل علي الله المساحه معقوله انا حاط 3في 4 واحمد ربي اني حاطه هو الان جلستي بالصيف والشتاء صح ودي بااكبر بس مساحه الحوش هي الي تحكمني وحط السماوه بالسقف اوالمنور علشان المدخنه متاخذ مكان ويصير من جوه وسيع تراء ملحق الطين يوسع الصدر بالحيل ولاتغير رايك ابدا من واقع تجربه للخيام والملاحق العادي موفق خيرحبيبي

[فتى البرية]

يعطيك العافيه اخوي ابو لولو

وما قصرت فاذا ما فيها كلافة عليك ياليت اذا تقدر تحط صورللملحق علشان الواحد يقدر يتصور حجمه بشكل اوضح
واذا امكن من زوايا علشان يبان زين
ومشكوور مره ثانيه وانا في انتظارك
وانتظار باقي الاعضاء

[ابولولو]

ابشر وانا اخوك بس عط سداح فرصه وان كنت مستعجل حياك القهوه تحتريك بالملحق وشف علي الطبيعه جوال 0505520333

[ابو ريان1881]

اخوي ابفيدك حاجة الملحق الصغير اثبت جدارة بالنسبة للجالسات عندي ملحق تم تصميمه بشكل صغير جدا طولة ثلاثة وستين في مترين وثمانين ولا اروع منه وانشاء الله تزورني وتشوف بعينك حطيت فرش من التراث ومساند ومدخنة وانتظر زيارتك لي ولك مني كل تقدير واحترام
انا بنتظارك على الخاص

[الجذع المتحرك]

ماشاء الله تبارك الله
تحيرون اللي ما يتحير
كل مشب احسن من الثاني
الله يوفقكم

[عاشق الفرعه]

ودنا بالصور عشان يسهل الفهم والتطبيق

[GMS]

جعلكم على القوه

[طلولي]

نبر( فتحه في السقف )ومقاسها ما يقل عن 80 في 80 سم[/COLOR][/SIZE][/CENTER]


[مبروك مقدما اهم شي أيكون السقف عالي اقل شي خمسه متر ولا تحط فتحه في السقف حط فتحتين اعلي الجدار الي خلف المعزب وركب عليهن مراوح سفط حديد وركب بالمفتاح ديمر وهذا شي امجرب ومرفق خيرSIZE=4]انا اميل للنبر والي يميزه ان الضو تصير في طرف المشب وبعيده عن الوجار ودخانها يروح مع النبر واذا استدعى الأمر ركبت مروحة شفط[/SIZE]


المدخنه
قليل من يظبطها ولا بد من تقريب الحطب لفتحة المدخنه وهذا يحرم الضيوف
من الجلسه قرب من الضو



ابي شوركم ومن فيكم جرب النبر وش ميزاته وعيوبه[/QUOTE]