مندي ولاصار مندي

[هوليووود]

السلام عليكم
ياشباب انا امس شريت برميل مندي مجهز بترومين المهم ما دفناه يعني لما جمر النار وضعنا الرز والدجاج فوقه وحطيت قصدير تحر الغطاء ثم الغطاء وفوقه بلكه المهم بعد ساعه فتحنا لقين الجمر اسود طافي والرز بموية والدجاج ما تغير حالته مع ان الجمر كان كويس وش السبب هل هو بسبب انه حنا ما دفناه او حنا كتمناه بقوة ياليت احد يفيدني لان حنا نبي نجرب ثاني مرة اليوم وجزاكم الله خير

[جزاء الشمري]

يمكن ماحطيتو حطب كافي ..... لازم جمركثير وقوي بدون لهب .

[خلف الشمري]

انا حدث معي نفس الشي والسبب انكم مادفنتوه مادم ليس بداخله فخار فيجب عليك ان تحفر لدرام وتدفنه هناك انواع من درامات المندي محشوه من الدخل بالفخر هذلا لايحتاج الى دفن اما ادرام العادي فيجب دفنه واما الكتم فهو ضروري ليخرج لك طعم المندي صح

[هوليووود]

اي نعم ما دفناه وياليت اشوف ردود اكثر

[saadqc]

لا بد يحصل لو مره فشل الدنيا ميب كلها نجاح ههههههههههه

واااااااااااااثق

بالتوفيق

[عاشق السيل]

وعليكم السلام ورحمة الله وبركاته ،،

1 ـ من الطبيعي إن الجمر يطفى ويصير فحم أسود والسبب إن الأكسجين انقطع عنه فلا تشيل هم ،،
2 ـ إذا كان البرميل غير مدفون فهو معرض لفقدان الحرارة بشكل سريع وبكذا لايمكن يستوي المندي ،،
3 ـ لاتستخدم غير حطب السمر ولابد يكون كثير ،،
4 ـ انتظر الحطب حتى يصير كله جمر ،،
5 ـ أو مايجمر الحطب على طول حط أغراضك قبل يخف هيجان الجمر ،،
6 ـ ضع قدر الرز مرتفع عن الجمر وبعدين علق اللحم أو الدجاج ،،
7 ـ احكم تغطية البرميل بنفس طريقتك بوضع القصدير ثم الغطاء ويفضل الدفن بالرمل ،،

وبكذا أضمن لك أفضل النتائج وبالتوفيق يالغالي ،،

بس أهم شي لاتنس تعزمنا !!!!!!

[مدمن.]

اخوي اذا ما كان داخل البرميل فخار لزم يندفن وشكر

[الاداري]

لابد من دفن البرميل العادي

[الطرفاوي@]

البرميل يلزمه دفن لانه يضيع الحرارة وبسرعه يطفى الجمر

[مجازف2010]

اخوي اترك الكسل عنك واحفر لك حفرة زينه وسقط البرميل فيها لا تخلي طالع منه شي الا تقريبا 10 سم وتشب حطب كثير اذا كان لحم ومتوسط اذا كان دجاج واذا جمر نزل القدر وصف اللحم على الشبك الي جاي مع البرميل وسكر الغطاء وحط خيااش رز فاضيه مرشوشه بموويه وادفنه واذا كان دجاج اقل من ساعة واذا لحم تيس من ساعة ونص الى ساعتين

وذا ما تبي التعب هذا كله حفر ودفن وحطب خذ لك فرن مندي على غاز تراه مريح جدا والطعم نفسه ولا يفرق اي شي بل بالعكس صحي ونظيف اكثر من البرميل

تحياتي لك

[حكيم الرياض]

اخوي اترك الكسل عنك واحفر لك حفرة زينه وسقط البرميل فيها لا تخلي طالع منه شي الا تقريبا 10 سم وتشب حطب كثير اذا كان لحم ومتوسط اذا كان دجاج واذا جمر نزل القدر وصف اللحم على الشبك الي جاي مع البرميل وسكر الغطاء وحط خيااش رز فاضيه مرشوشه بموويه وادفنه واذا كان دجاج اقل من ساعة واذا لحم تيس من ساعة ونص الى ساعتين

وذا ما تبي التعب هذا كله حفر ودفن وحطب خذ لك فرن مندي على غاز تراه مريح جدا والطعم نفسه ولا يفرق اي شي بل بالعكس صحي ونظيف اكثر من البرميل

تحياتي لك
مسيك بالخير يالغالي xxx الفرن بالغاز ودي بـــــه
يــاليت ياطيب الفالــي xxx تذكر لنا الفرن وينهوبه؟

[الوايلي100]

ادفر البرميل وكثر الحطب ( اي حطب )

[هوليووود]

الف شكر لكم

[ابونايف الروقي]

الدنيا تجارب المره الثانيه اعزمني وانشاء الله يضبط معك ههههههههه

اخي لازم تدفن البرميل عشان ما يفقد الحراره ولازم يصير جمرك حي يعني ما تحط في البرميل شي وباقي فحم ..

ولا تنسى ان تكتم البرميل بعد ما تحط اللحم عشان ما يطلع منه حراره او هوا ..

[حوات جده]

ما شاء الله الشباب خبرة معلمين

[الغزال الشارد]

ماشاء الله عليكم اساتذه الله يعطيكم العافية ويكثر من امثالكم الله يحفظكم

[الثائر]

كنت أسوي المندي بالطبليات الخشبية واستخدمها كـ حطب وكان يطلع ولا ألذ!!
الخطأ في عدم دفن البرميل لأن الجمر راح يطفأ مهما كان نوعه! لكن دفن البرميل يأخر طفيته أكبر قدر ممكن ,

[دهران]

http://www.mekshat.com/pix/upload02/images97/mk17809_sahamtahat.gif


الرجاء قراءة هذا الموضوع قبل كتابة أي مشاركة .

(http://www.mekshat.com/vb/showthread.php?t=139477)