استفسار مهم لأصحاب الخبرة

[القناص السري]

السلام عليكم


يالربع انا فيه واحد من الزملاء اخذ له سلق من راعي حلال ما يعرف في السلق شيء وكان مربيه وحاطه عند الغنم ولا يعرف واخذه منه خويي ولكن السلق كبير مو جرو ولا يعرف شيء في الصيد والرجال كلمني يبي يعرف كيف يدرب السلق عالصيد ومثل ما انتم عارفين السلق ما يعرف فالصيد شيء وهو سلق سوري وبغينا نحطه مع سلقه كفو يتعلم منها لكن الذكر طلع تفكيره ثاني ما يبي الصيد يبي الانثى ;)
والسلق عنيد وضربه راعيه الجديد ضرب الله لا يوريك حسيت انه بيصير افدغ ورحمته قلت اذا عندكم خلفيه يالربع ما نستغني عنكم


وبيض الله وجيهكم


ملاحظة

السلق عارف معنى اركب وانزل من السيارة هذا اللي عرفنا منه

[أبو حثل999]

لا تضربه وهو يصيد بعدين ميداني الصيد

اديت الي علي والباقي على =الشباب

أبو حثل999

[ابو تمام]

المشكله ان السلوقي كبير والكبير صعب تدريبه اهم شي تهده مع سلق متدربه على كم جربوع وهو بيتعلم منهم اذا طرد معهم زين

ممكن تنزل صورة للسلوقي ؟؟

دمت بود

[الشبح455]

يالغالي خله يحطه بشبك لحاله ويغطيه ولحد يشوفه غير راعيه الجديد يعني خله هو اليوكله وكل شي لمدة سبوع او سبوعين يعني لين متتعود عليه السلقه واذا تعودة عليه خلاص يزين طبعها وليضربها ابد واذا ضربها خله يضربه خفيف عشان متجفل منه واذا علا الصيد هي كبيره وايات شي تبي تشوفه قدامها يركض تبي تلحقه اكيد الا اذا كانت ماهي سلقه ولا الغريزه فيهن كلهن وهي الطرد

ارجو اني اكون افدة تقبل مروري

[قناص جواثا]

ماقصرو الاخوان ودي افيدك بس بايش مدري

[الزير الخطير]

السلوقي الكبير صعب تدريبه
واهم شي ماتضربه
هذا الي عندي

[القناص السري]

الف شكر اخواني ماقصرتوا عالافادة

[السلق عشق]

انا عندي واحد عمره يمكن 8 شهور لكن المشكلة ماشفت منه غريزة طرد
حطيت قدامه ارنب __ قعد الارنب يتمشى قدامه وهو ماسوا له شي وجبنا سلوقي ثاني وقعد يطرد الارنب ويصايح السلوقي يبي الارنب وسلوقينا ماسوا شي ماكن فيه احد قدامه
تقدرون تقولون نفس مشكلة القناص السري
ارجو الافاده الله لايهينكم

[شهاب حايل]

السلام عليكم




يالربع انا فيه واحد من الزملاء اخذ له سلق من راعي حلال ما يعرف في السلق شيء وكان مربيه وحاطه عند الغنم ولا يعرف واخذه منه خويي ولكن السلق كبير مو جرو ولا يعرف شيء في الصيد والرجال كلمني يبي يعرف كيف يدرب السلق عالصيد ومثل ما انتم عارفين السلق ما يعرف فالصيد شيء وهو سلق سوري وبغينا نحطه مع سلقه كفو يتعلم منها لكن الذكر طلع تفكيره ثاني ما يبي الصيد يبي الانثى ;)
والسلق عنيد وضربه راعيه الجديد ضرب الله لا يوريك حسيت انه بيصير افدغ ورحمته قلت اذا عندكم خلفيه يالربع ما نستغني عنكم


وبيض الله وجيهكم



ملاحظة



السلق عارف معنى اركب وانزل من السيارة هذا اللي عرفنا منه

وعليكم السلآـم والرحمهـ

يبيلك تطلعه مع سلق متدربه مرتين او 3 او 4 او بالكثير 5
وبعدها خلآـص السلوقي يصير مايحتاج واذا مكانك بحايل او حولها ابشر بالمساعدة




انا عندي واحد عمره يمكن 8 شهور لكن المشكلة ماشفت منه غريزة طرد
حطيت قدامه ارنب __ قعد الارنب يتمشى قدامه وهو ماسوا له شي وجبنا سلوقي ثاني وقعد يطرد الارنب ويصايح السلوقي يبي الارنب وسلوقينا ماسوا شي ماكن فيه احد قدامه
تقدرون تقولون نفس مشكلة القناص السري
ارجو الافاده الله لايهينكم


هذا طال عمررك يبيله يذوق دـم الصيد ومافيه حرارة صيد عالموم يبيلك تطلعه كم طلعه مع سلق متدربه وبعدها انشاء الله راح اول مايشوف شي يتحرك مثل ارنب او جربوع راح يهد عليه واذا انت حول حايل ابشر بالمساعدة

[الصارم1]

الله يعينكم

بس عليكم بالجرابيع

[ذيب عتيبه]

السلام عليكم ورحمه الله


الله يكون في عونك يالغالي ماأقدر أني اشرح لك السالفه يبيلها تطويله شوي .. لكن أن كنت حول الرياض ابد ابشر باللي يعاونك راسلني خاص



بالنسبه لك يالسلق عشق .. غريبه يالغالي

الجرو يطرد وقدامي الجرابيع ولاتعوق معه لدرجه انه يعني يدلك انه متمرس عليها يطردها ويلعب بها بيده !!

لكن اسمعني يالغالي .. الجرو اربطه فالحوض والا ركبه معك فالغماره قدام وخذ معك سلق .. وأطلع جربع .. وخله يشوف بعينه السلق تطرد الجربوع والا الارنب .. اربع خمس طلعات وان حاول ينزل لاتخليه .. وكل ماطرحت السلق شي ذكه وامسح على خشم الجرو من الدم .. وبعد كم طلعه فك الجرو مع السلق .. وبتشوف مايسرك ان شاء الله




وان مانفعت الطريقه ابشر والله بالعوض .. عطني علم بس بالجوال

[السلق عشق]

تسلم والله ياذيب عتيبه وماقصرت ولايهونون الاخوان
وتقبلوا مروري