جوائز حلوة لصاحب أول تقرير مصور لأمطار الخميس داخل هذا المثلث عفيف الدوادمي الرس [الأرشيف]

صالح الربيعان "برق السناف"

31/03/2009, 10:58 AM

إخواني الكرام أعضاء مكشات السلام عليكم ورحمة الله وبعد: تشير التوقعات الأولية بإذن الله إلى تواجد حالة عدم استقرار قوية يوم الخميس القادم الموافق 6/4 على المنطقة الوسطى وهذا ناتج بأمر الله ثم بتعمق المنخفض الحراري المداري الرطب ناحية الشمال بصحبة لسان علوي في طبقات الجو العليا مع تراجع المرتفع الآزوري00 وتعبيرا عن الفرحة بهذا الخير ونيابة عن أعضاء مكشات الكرام فقد رصدت جوائز متواضعة لصاحب أول تقرير مصور لمنطقة المثلث عفيف الدوادمي الرس بحيث يكون التقرير محصور بين طريق الرس ضرية عفيف أوطريق عفيف البجادية الدوادمي أو طريق الدوادمي نفي الرس والجوائز عبارة عن خمسة أنواع يختار منها النوع الذي يعجبه وسوف يتم تسليمه الجائزة بأقرب وقت بإذن الله والجوائز هي
1ـ ألف ريال
2ـ خروف نعيمي طيب جدا
3ـ جهاز جوال كمرة نوكيا
4ـ ساعة يد من نوع رادو
5ـ ددسن جدي موديل 69 نظيفه بس عيبها مابها ريوس والإستمارة مطوفة من 32 سنه وكانت مسيومة بمبلغ 986 ريال من أحد تجار الدولة العثمانية وترى صندوقها مجدد وأرضيته سراميك 000 وإذا كان التقرير المصور مصحوبا بالبرد ممكن نضيف على الجائزة كم جوز حمام 000 نسأل الله أن يغيثنا وأن يجمعنا وإياكم على محبته اللهم آمين 00 أخوكم أبو عبدالله [ وترى وقت التصوير محدد ياخوان وهو من طلوع الشمس يوم الخميس حتى قبيل الغروب من نفس اليوم]

خرائط المنطقة المقصودة :

http://www.mekshat.com/pix/upload03/images105/mk19960_lkklllkklllkk.jpg

للتكبير .. اضغط على الخريطة التالية

http://www.picamatic.com/show/2009/03/31/12/33/3106369_bigthumb.jpg (http://www.picamatic.com/view/3106369_al%20rass/)

تمت إضافة الخرائط
لتكتمل عناصر الموضوع
ثعل البرد

مكشاتي عنيزه

31/03/2009, 11:05 AM

فكره حلوه ومشجعه

الله يعطيك العافيه يابرق السناف

وبإذن الله تكون التوقعات أحسن من المتوقع

هاجس

31/03/2009, 11:06 AM

زين عطني موترك , موتري في الصيانه :d

مزون الصيف

31/03/2009, 11:08 AM

بيض الله وجهك يابرق السناف .. وان شاء الله نشوف التنافس على أول تقرير

برق المخايل

31/03/2009, 11:08 AM

ههههههههههههههههههه

الله يجيب الخير خبيرنا برق
وتراي ابي الددسن بحوم كبد الوكاله فيه :D واطلب فحص ههههههه

تحياتي

أبوعمر السليطي

31/03/2009, 11:12 AM

بارك الله فيك خبيرنا الغالي
وإن شاء الله سوف تنهال هذه التقارير
والجوائز قيمة
بس أبعطيك ألف ريال وفكنا من ددسن جدك:d

****

إشارة وبشرى من خبيرنا بحالة عدم إستقرار جميلة إن شاء الله
وبأسلوب شيق

تحياتي لك

سامي العنزي

31/03/2009, 11:13 AM

شكرا جزيلا لك اخي الحبيب ( برق السناف ) على هذا التشجيع

وان شاء الله الخير قادم .. والشباب فيهم الخير والبركه

ويبيضون الوجه .

والله الموفق .

مطارد البروق

31/03/2009, 11:14 AM

يعطيك الف عافية يابو عبدالله على هذة البشارة والله يتممة على خير ان شاء الله
طيب واللي يجبيلك سحابة اخضيرية كاسرة من الشمال الى الجنوب ومعة بررررد يحبها قلبك :p :D ;)
تعيطية الجوائز الخمس كلها مجتمعة اوكية يابرررق السناف قل تم :j تراني امزززح يالغالي انا يسدني الجائزة اذا جبت تقرير واعجبكم جميعا هذا بحد ذاتة جائزة يابعدي

بدوي جنوبي

31/03/2009, 11:17 AM

كل الجوائز طيبه
يا برق السناف :D

راعي الطلعات

31/03/2009, 11:20 AM

بس انا مابي غير الددسن :d

مشكوووور على الموضوع القيم والطيب

خارج السرب

31/03/2009, 11:21 AM

اعوذ بالله ياشباب ماهذا الكلام .......اللي يشوفكم يقول انكم انتم الذين تمشون السحاب وتسوقونه حيث شيتم ...... ياشباب لازالت هذي توقعات وحتى لو صابت وجاء السحاب يمكن مايامره ربي ولاينزل منه مطر

فلذالك لاتجعلواء تعلقكم بتلك الامور فقط دون الاعتماد والتوكل على امر الله

انا لاامانع في ان نعتمد على التوقعات ولاكن يجب ان نقرن معها قدرة الله وتصرفه في مخلوقاته

قلب السبع

31/03/2009, 11:21 AM

هلا والله ببو عبدالله
ابشر بالخير ان شاء الله
انا اعرف قصدك ليش بتوزع جوائز
من شان الحالة مافيها منخفض سطحي على شرق المتوسط

على العموم
الحالة رائعة جدا
وهي عبارة عن تواجد تيارات علوية بارده في طبقة 500 وموجوده على ارتفاعات 5800 و5700 متر
ونشاط للمنخفض المداري
وتدفق للرطوبه
وانخفاض لقيم الضغط على وسط وجنوب غرب الجزيرة العربية
وكذلك لوجود فوارق حرارية سنرى ان شاء الله
النشؤ المحلي والسحب الركامية الممطره
والرياح القوية الهابطة
والامطار القوية ولانستبعد نزول البرد بكثافة مع الامطار
الحالة قوية
ولكنها سريعه

بالنسبة للتقرير انا راح اصور
بس ابي الجائزة ددسنجدك 96

الغزال الشارد

31/03/2009, 11:35 AM

الله يعطيك العافية وبيض الله وجهك

نجد 2007

31/03/2009, 11:44 AM

يعطيك العافيه ابو عبدالله
وإن شاء الله تصدق التوقعات
ونأخذ خروفك ونذبحه على جال الغدير ونعزمك ونعزم النشاما في مكشات

سوبر152

31/03/2009, 11:48 AM

الخالدي11

31/03/2009, 11:48 AM

بيض الله وجهك

عطنا النعيمي مقدما
ويصير خير ان شاء الله

صالح الربيعان "برق السناف"

31/03/2009, 11:51 AM

ألف شكر أخوي أبو عبدالرحمن على وضع الخرائط

حرف

31/03/2009, 11:57 AM

بارق 305 الصمان

31/03/2009, 11:58 AM

هههههههههه
حلوه منك ياابرق السنااف
تحيااتي لك

أبوياسر12

31/03/2009, 12:00 PM

عز الله انك ما قصرت

شدوا حيلكم يالاحترافيين

ولا تنسون جمال التصوير والإخراج

ومشكور حبيبنا وبيض الله وجهك على ادخال السرور على الجميع

ولكم مني إن فزت بالجائزة الثانية نبغى طباخ سنع ونقول بالذبيحة في مكانها وحيا الله من حضر

والله الله على جزالة الطلي ..... شكراً لك مرة ثانية

nassir

31/03/2009, 12:00 PM

بارك الله فيك يابو عبد الله

اللهم ياحي ياقيوم برحمتك نستغيث اللهم انزل علينا الغيث ولا تجعلنا من القانطين

ثعل البرد

31/03/2009, 12:06 PM

ألف شكر أخوي أبو عبدالرحمن على وضع الخرائط

لا شكر على واجب يا أبوعبدالله

نخدمك ونتشرف بذلك طال عمرك

اسمح لي بهذه الإضافة على موضوعك الجميل والممتع ..

توقعات فجر الخميس بمشيئة الله
من الموقع النرويجي
http://www.mekshat.com/pix/upload03/images105/mk19960_jgjgjgjgjgjgffff.jpg

توقعات بعد ظهر الخميس بمشيئة الله
http://www.mekshat.com/pix/upload03/images105/mk19960_jgjgjgjgjgjgjfffddf.jpg

توقعات بعد مغرب الخميس بمشيئة الله
http://www.mekshat.com/pix/upload03/images105/mk19960_jgjgjgjgjgjgfffgggggggf.jpg

والله أعلم

محمد الشاوي

31/03/2009, 12:12 PM

الله يعطيك العافية يابو عبدالله

الحين جدك موافق على التبرع بالددسن ولا من غير شور !! :p

وياليت صورة للسيراميك لأن ذوقي صعب :cool:

يارب انشوف الجرير والرشا يمشن من الجال للجال

يالله ياكريم ..

سلمت على هذه البشائر ياخبيرنا المميز .

سعد777

31/03/2009, 12:12 PM

ههههههههه اضحك الله سنك يابو عبدالل

وكانت مسيومة بمبلغ 986

وش معني 86 ريال بالضبط

ومالي حض معكم انا في الرين منتم بحولي ولا نتشرف بالمسابقه معكم

أبورهف

31/03/2009, 12:12 PM

تسلم والله يا أبا عبدالله
إن شاء الله نشوف الخير على جميع الديار
وهذه صورة للتوقعات للأيام القادمة على القصيم
وبداية الخير بإذن الله يوم الخميس
http://www.mekshat.com/pix/upload02/images100/mk16889_all).jpg

صوت المطر

31/03/2009, 12:18 PM

ههههههههههههههههههه أضحك الله سنك يا أبو عبدالله

والله ما ألومك على هذه الفرحة وهذا التشجيع

لنا فترة وحنا طيح فراشين لا ذي ولا بنت الذي

والحمد لله على كل حال

أبن حرب

31/03/2009, 12:18 PM

ما شاء الله

أكيد الحالة من النوع القوي ..
إذا ظهر المثلث الذهبي ..
وكتب الحاله أبو عبدالله ..
إن شاء الله ..
لا تأمن السيل ...

ننتظر تقارير الأخوان في ذيك الديار ..
والله يتمم على خير ....

تركي98

31/03/2009, 12:27 PM

هههههههههههههههه الله يوسع صدرك بالعافيه يابوعبدالله
طيب واللي ساكنين في الرياض مالهم جوائز؟؟

ولا ماحولنا شي من التوقعات؟

مريوس قدام

31/03/2009, 12:38 PM

تعال وش تقصد ان ددسن جدك ما بها ريوس هو جدك الله يغفرالله راعي خيال هههههههه
طيب وان كان الخيال الطيب في ذيك اللحظه بمكان غير الي انت حددت يا ابو عبدالله وكان قوي وفرش الأرض برد اظنك تبي تقلع العالم وتستفرد انت بالخيال القوي انتبهوا يا اخوان لايدهويكم ابو عبدالله هههههه

صالح الربيعان "برق السناف"

31/03/2009, 01:37 PM

أهلا بـ برق السناف ...

ليست غريبة عليك هذه الجوائز :good: ...

تبي الصراحة الجائزة الخامسة شي ولا معها كم جوز حمام والله يا ني ضحكت ضحك الله لا يوريك :D :D ...

عندي سؤال ..

س / ليش حددت هذه المنطقة بالذات ؟؟!!

تقبل تقديري ...

حياك الله ياخوي حرف وقد اخترت هذه المنطقة نظرا لأن موقعها متوسط وقريب من معظم أعضاء مكشات وسهل جدا تغطيتها بصور الرادار نظرا لوقوعها بالقرب من رادار الدوادمي والرياض والقصيم

راعي الحزم

31/03/2009, 01:57 PM

بارك الله فيك يابو عبد الله وهذه أعتبرها بشارة من نوع آخر وبطريق غير مباشر بشرك الله بالجنة

عموما اهتمامك بأعضاء مكشات سر تميزك لاحرمنا الله منك ومن علمك

بالنسبة لي أنا ماأبي الا النعيمي امممممممممممممممممممممم ابذبحه عند شعيب يمشي
إن شاء الله

http://www.kashtah.com/4images/data/media/1/DSC03719.JPG

زخ المطر

31/03/2009, 02:01 PM

ههههههههههههههههه
أضحك الله سنك ياأبوعبدالله
والله قبل ماأسجل قالولي أن فيه عضو منسم ورهيب شكله أنت :p
بشر يالغالي عسا الأمور على جلاجل زينة

زخ المطر

31/03/2009, 02:02 PM

اتمنى تثبيت الموضوع
وتكون متابعة الحالة في هذا الموضوع الي بيكون شيق بوجود عضو كبير مثل برق السناف :good:

رحال الحجاز

31/03/2009, 02:13 PM

شكرا لك خبيرنا برق السناف على هذا التشجيع
ليتني من ذيك المنطقه
ابي الددسن ههههههه:D

نسائم الربيع

31/03/2009, 02:23 PM

يا جماعة لا يوهقكم أبوعبدالله تراه ما حدد المكان هذا إلا أنه أقل حظا وفرصة في هطول المطر من غيره ، يبي الواحد منكم يروح لها المنطقة عشان يحصل البشارة ثم يتبين أن المطر والبرد في غيرها ، انتبهووووا . :D :p :D

تراي أمزح :j

nasser04

31/03/2009, 02:34 PM

اكثر من الاستغفار يابرق .

اللهم لاتؤاخذنا بما فعل السفهاء منا .

ديم نجد

31/03/2009, 02:55 PM

:d:d:d
الله يقلع بليسك ياأبوعبدالله
والله يقر عيونا بشوفة السحاب الثقال وبالمطر المبارك
أنا مع راي أخوي زخ المطر أتمنى متابعة الحالة في هذا الموضوع

grdan

31/03/2009, 03:51 PM

الله يعطيك العافية يابو عبدالله
من شان الددسن نويت اروح هاك الديار جعلها للسيل
لكن خايف تروحنا هناك وما نشوف إلا عج مثل أيام المنخفض السطحياللي طاف :j

ابرهيم الحربي

31/03/2009, 04:10 PM

شارك يابو عبد الله عللى التشجيع

الله يوفق الجميع

*خالد العتيبي*

31/03/2009, 04:26 PM

.
.
:p
يا مال العافية يا أبو عبد الله .. بارك الله فيك .. كل الهدايا رائعة

وبإذن الله تعالى تهطل الخيرات على أي مكان كان فهو أمر يفرحنا

والجميل أن الظروف ملائمة هذه المرة والحمد لله حتى ولو كانت سريعة نوعا ما

.
......
.

أعيد وأكرر كل الهدايا رائعة :
ما عدا الددسن ليتنا نسلم منها لأني خابرها نكبة ما هي هدية :j

بارك الله فيك يا أبو عبد الله وبإذن الله ينعم الجميع بالخيرات من رب العالمين

تقبل مودتي

عبدالرحمن الغامدي

31/03/2009, 04:45 PM

فكرة بالمرة حلو يعطيك العافية أخوي برق السناف
نفسي في الددسن عموما اللي ياخذة الله يعطية خيرة ويكفية شرة

الاصفر البراق

31/03/2009, 04:53 PM

طبعا كل هذا تحت مشيئة الله سبحانه

مراويح نجد

31/03/2009, 06:01 PM

هههههههههههههه
أضحك الله سنك أبو عبدالله
وش ها المحفزات شكلي بستعد من اللحين :D

هذه صور الجوائز ولا بو عبدالله
(من باب التوريط)

1ـ ألف ريال

http://www.mekshat.com/pix/upload03/images108/mk25474_555.jpg

http://www.mekshat.com/pix/upload03/images108/mk25474_555.jpg

2ـ خروف نعيمي طيب جدا

http://www.mekshat.com/pix/upload03/images108/mk25474_99999999.jpg
3ـ جهاز جوال كمرة نوكيا

http://www.mekshat.com/pix/upload03/images105/mk25474_555555555.jpg

4ـ ساعة يد من نوع رادو

http://www.mekshat.com/pix/upload03/images105/mk25474_666666.jpg

5ـ ددسن جدي موديل 69 نظيفه بس عيبها مابها ريوس والإستمارة مطوفة من 32 سنه وكانت مسيومة بمبلغ 986 ريال من أحد تجار الدولة العثمانية وترى صندوقها مجدد وأرضيته سراميك

http://www.mekshat.com/pix/upload03/images108/mk25474_get-10-2008-nte6vmxs.jpg

دمعة الجمل

31/03/2009, 08:34 PM

مشكور أخوي برق سناف ومبروك مقدما لصاحب التقرير

أبــوريـــان

31/03/2009, 08:45 PM

الله يعطيك العافيه يابو عبدالله

شكلي ابي اخذ لي اجازه :rolleyes:

واطق لي خيمه بين عفيف والرس

يمكن نفوز بالجوائز القيمه:D

عاشق الضباب

31/03/2009, 08:45 PM

فكره حلوه

وان شاء الله نشوف الصور والتقارير من كل منطقه

بارك الله فيك

a1Ruwais

31/03/2009, 08:53 PM

موضــــــــــــوع رائع
ومثـــــــــــــــــــــــــــــير
والله يتممهــــــــــا على خير

ترابيع

31/03/2009, 09:04 PM

يالله يا رب انك ما تخيب رجاهم يا كريـــــم

اسأل الله ان يعم الخير بلادنا و بلاد المسلمين عامة

و انا من ناحيتي للاسف بعيد عن دياركم .. لكن لكم واحد ن يتواصل معكم بالتقارير من ديرتي
ثـــــــــــــــــــــــادق

بقي ما ننسى الاستغفار و التضرع لله عله سبحانه ان يرحمنا برحمته

بارق رمان

31/03/2009, 10:38 PM

الله يعافيك اخوى ليته يجينا مطر انا اعطيك الف ريال هههه

معشى الذيب*

31/03/2009, 10:53 PM

الله يعطيك العافيه يابرق السناف

عبدالله الصالح

31/03/2009, 10:56 PM

حياك الله يابرق السناف

ان شاء الله ياددسن جدك تتصير من نصيبي

والوعد الخميس ان شاء الله :D

:: اخوك المُبشر ::

نايف الحربي

01/04/2009, 04:20 AM

سؤال

متى تبداء مسابقة مثلث القصيم حايل المدينه======<:d :) :d

khalid 2008

01/04/2009, 04:48 AM

الله يرحم جدك أن كان متوفي ويعطيه العافيه أن كان عايش

بصراحه لفت نظري أن الريوس خربان , ذيبان والله جدك مايمشي غير قدام

الف الف شكر لك على التشجيع والله الله ياشباب بالتقارير

الصايخة

01/04/2009, 06:55 AM

انا اعرف قصدك ليش بتوزع جوائز
من شان الحالة مافيها منخفض سطحي على شرق المتوسط

عز الله ان هذا الي جاء في خاطري من شفت الموضوع واسم الكاتب

وفي الاخير كل شي مقدر من رب العباد سواء فيه منخفض او مافيه

الفاو

01/04/2009, 12:40 PM

يعطيك العافية يا ابو عبدالله ومن اللهفة والتفاؤل بهذه الحالة بمشيئة الحي القيوم ، ودي اروح انام من هالحين إلى باكر ...

Albdr

01/04/2009, 02:12 PM

مشكوووووور والله يعطيك العافيه يالغالي ...الله يرزق المسلمين ويعم الخير ان شاء الله

السمح

01/04/2009, 02:48 PM

ليت إني حول المنطقة المشار إليها علشان أشارك في المسابقة
أبوعبدالله : أنا ما أبي إلا الددسن المبلطة بالسيراميك :d
***
حياك وبياك وأسعد الله جميع أوقاتك بالمسرات والبرديات
مثل ما أدخلت السرور والابتسام على الكثير من القلوب

تحياتي

راشد ولد سعد

01/04/2009, 03:10 PM

متشوقين لصوركم

عبدالله العلاج

01/04/2009, 03:23 PM

والله فكره رائعه جدا ومشجعه كذلك

عاد انا جوالي خربان فرصه

عزيزي عسى الله يجيب الخير ويعم بنفعه البلاد والعباد

مكشات

01/04/2009, 03:50 PM

تسلم أبو عبد الله
على هذا التحفيز الرائع
:good: :good: :good:
وأدعو الله أن يتمم علينا هذه التوقعات الجميلة
وأن يجعلها أمطار خير وبركة
،،،
بارك الله في جهودك
وجعلها في موازين اعمالك الصالحة

القصيعة

01/04/2009, 04:17 PM

.
.

حياك الله يأبو عبـــــدالله

والله يبشرك بالخير

الصراحة كل جائزة أحسن من الثانية

خصوصاً الجائزة الخامسة .. الصراحة مغرية

خصوصاً أني سبق وشفت مواصفاتها وصورها في خيمة السيارات :D

بالتوفيق للجميع

.
.

خليف حمود

01/04/2009, 06:59 PM

تكفون لا احد يشارك ولكم على يمين ان فزت بم سيراميك:D
لاخليها برمائية
واركبكم كلكم واعطيكم دورات
وش قلتوا
تكفون قولو تم :good:

شكرا يابرق السناف على التحفيز وطرح هذه الجوائز القيمة

صالح الربيعان "برق السناف"

01/04/2009, 08:49 PM

تكفون ياشباب مكشات همتكم بكرا بإذن الله عسى ربي يتمم على خير ترانا عطشاااااانين تقارير مصورة عن أمطار الخير

@ براق الليل@

01/04/2009, 09:16 PM

ابو عبدالله أبشر بالتقارير الطيبه
لكن تنصحني أمسك أي طريق

صالح الربيعان "برق السناف"

01/04/2009, 09:43 PM

ابو عبدالله أبشر بالتقارير الطيبه
لكن تنصحني أمسك أي طريق

طريق الرس نفي ممتاز بس أهم شئ يصير معك محمول على شان تنزل الصور بأسرع وقت وإن شاء الله مايخيب الله رجانا

ثعل البرد

01/04/2009, 10:29 PM

يا رب تكون الجائزة الأولى من نصيبي :)

هذا آخر تحديث للموقع النرويجي
لنفس المنطقة المذكورة
توقع مساء يوم الغد الخميس 6 / 4 / 1430 هـ

:::

http://www.mekshat.com/pix/upload03/images108/mk19960_hga1.jpg

خوي الساري

01/04/2009, 10:47 PM

ياجماعه اللي ياخذ الطلي لايخلينا يعزمنا بهالأجواء الطيبه000000

بدراان

01/04/2009, 10:51 PM

كفوو يا أبو عبدالله . . قول وفعل :)

الصلبوخي

02/04/2009, 04:03 AM

الله يجزاك الجنان والعتق من النيران اخي الغالي برق السناف

وفكرة رائعة يالغالي وبيض الله وجهك يالغالي

ونسأل الله ان يغيثنا الغيث المبارك النافع

وان شاء الله نشاهد التقارير على صفحات هذه الخيمة الرائعة

ومن جميع المناطق بإذن الحي القيوم

بس بعيد علينا يالغالي ومافينا شدة على مسك الخطوط :D شيبان يالله حسن الختام

اللهم اغثنا اللهم اغثنا

حفظك الباري ورزقت الحواري