وين أحصل ربلة البلف تبع السنيدي

[Magellan]

السلام عليكم

الكثير يواجه منا مشكلة إنقطاع ربلة البلف اللي مسويه السنيدي ويسوقه لنا عبر فروعه ووكلاه
وهو جاي بهذا الشكل
http://www.mekshat.com/pix/upload03/images108/mk11979_serheeed.jpg
عارف إن الصورة صغيرة ، بس تقوم بالواجب:p
وهي منقولة من موضوع سرهيد
والمشكلة أدور على الربلة السوداء ماحصلتها ،ياليت تدلوني على مكان بيعهن وأكون من الشاكرين

http://www.mekshat.com/pix/upload03/images105/mk11979_o-ring.jpg

[سرهيد]

السلام عليكم

اخي الكريم ما طلبت شيء ابشر بسعدك

بالنسبة لمحبس السنيدي للآسف فيه عيوب التنسيم

وقد اطلعت عليه من قرب واتضح لي مبدئيا ان المشكلة من الربلات فقط وجدت أن ربلاته مترهلة مع أن المحبس لم يستخدم واتمنى ان يكون السبب ذلك

هذا صورة للمحبس اللي تسأل عنه

http://www.mekshat.com/pix/upload03/images108/mk40450_img_0092%20[1280x768].jpg



وحقيقة بعد ان دخلت في سواليف الترهيم صرت اعرف بعض التفاصيل الاكثر عن الربلات وغيره

شف طال عمرك

فيه محلات للسيارات يبيعون صوف

ما لك الا تروح باللي تبي معك ويعطونك اي ربلة تركب على المحبس اللي تبي وهذه مجموعة من الربلات اللي عندي احتاجه لمسألة الصيانة ويجب ان تكون مع الجميع لأهميتها وحاجة الواحد لها .

http://www.mekshat.com/pix/upload03/images108/mk40450_dfsdfsdfsdf.jpg

مع ان محلات الغاز الغالب يكون عندهم عندهم

طبعا با دحمان عنده

والديره مقابل سوق الزل فيه بعض المحلات تبيع مثل هالربلات

انضح باستخدام النوع التالي

http://www.mekshat.com/pix/upload03/images108/mk40450_img_0005%20[1280x768].jpg

وموجود عند برق الحياء بـ 11 ريال عملي ومجرب وافتك من سالفة ربلة ما ربلة


لان الغالب في محبس السنيدي يخرب على طول ويشغلك بالتنسيم اللي قد يسبب مشكلة لا قدر الله

تقبل احترامي

[رفيع المقام]

ما شاء الله
يابو عبدالله


وش خليت؟ وش خليت؟


وفقك الله
.............................

[رزيم الرعد]

فيه ببريده محل لصيانة الكاتم وعدته ..

رحت لمه مره وصلحلي الربلات وشغله نظيف جداً ..


مكانه بالسوق ( القبة ) ,, قريب من محلات الذهب ..

[سوبر152]

فيه محلات متخصصة للرمان والسيل وعندها جميع المقاسات والأحجام بأسعار رخيصة جدا وتوجد بالقرب من ورش السيارات

[Magellan]

ألف ألف شكر يا أخواني
وخصوصا أبوعبدالله
ياسرهيد واليوم إن شاء الله موجه لبادحمان أو اليابس بالديرة
بصراحة هالبلف مقرف مايخذ يومين إلا وهو منقطع ولو بغيت تشتريه فهو غالي ...

شكرا رفيع المقام &رزيم الرعد

[سرهيد]

ألف ألف شكر يا أخواني
وخصوصا أبوعبدالله
ياسرهيد واليوم إن شاء الله موجه لبادحمان أو اليابس بالديرة
بصراحة هالبلف مقرف مايخذ يومين إلا وهو منقطع ولو بغيت تشتريه فهو غالي ...

شكرا رفيع المقام &رزيم الرعد

انصح بالذهاب للديرة

لان هناك محلات عديدة وارخص بكثير من با دحمان

وان كنت تبغى الاكيد ونوع الربلة اللي تبي ومقاسها فما عليك الا الصناعية

دوار الخرج محلات الصوف بتلقى اللي يصلح لك

وان كانك قريب من الشفاء ابشر بفنجال قهوة تصليح اللي تبي وببلاش بعد :)

تقبل احترامي

[سطام vip]

والله هالبلف مشكلته مشكله عندي واحد جديد ما استخدمته الا مره

وثاني مره استخدمته يهرب اشتريت مثل الي يقول عنه اخوي سرهيد

ولحد الان ما جربته بس احسن ما فيه انه بدون حنفيه


عنديلك شور اخوي ماجلان

ليش ما تلغي المحبس وتسكره مكانه بمسمار والا بتلحيم

ويطلع دايركت افضل من هالمحبس الي يوهق

والله يسهل أمرك

ودمت بحفظ المولى

[المشكل]

أذا انت ببريده
رح لم شارع الصناعه
في محل الحماد والمحميد
في كل الي تبي يعني يطيح الي في الراس

[Magellan]

الله يعافيك يابوعبدالله
ماقصرت الله يسلمك وبصراحة مابعد ردك أي كلام
وأنا ودي بشوفتك يالغالي بس تراني من سكان الملز وقريب من الصناعيه القديمة
وتكفى لاتوديني للسويدي والشفا تراه قلبت راس عندي وش يطلعني من زحماتكم:D
وبصراحة عارف إن القطعه صغيرة بس ينقهر الواحد يشريها من برق الحيا ثم يرجع لهم يبي الربلة
يقولون ماعندنا إلا جديد وبـ11 ريال ، يعني معناتها كل اسبوع مداوم أخذ بلف جديد
ورحت كم محل غاز ومريت محلات قطع غيار سيارات وماحصلت أو تلقى شيء مو على قد المقاس
عموما أبسير على محلات الخراطة والصوف في القريب وإن شاء الله نلقى المطلوب
....
أخوي سطام مشكور على ردك ياعزيزي
وبصراحة فكرت تسكيرته بمسمار أو تلحيم ماجت على بالي
تعرف أنتم محترفين الشغله ماشاء الله عليكم
وأنا له فترة ما أستخدمته وجت على بالي أرجع لقز كوفيا هاليومين ولقيت هالمحبس يهرب
فقلت تغيير الربلة أسرع وأسهل بحكم إني ما أطبخ في المخيم إلا تصانيف ونهاية أسبوع...
أخوي سوبر152 مشكور على مرورك
أخوي الكريم المشكل بريده بعيده مانيب حولها
وبكره أسير على ديرتي الغاط إن شاء الله إن حصل وقت مريت السنيدي وأخذت منه كم بلف

[منــاكد]

اخوي ماجلان ابو عبدالله والأخوان ماخلو لأحد إجتهاد...

جابوا لك كل الحلول بيض الله وجيههم...

تحياتي للجميع...

.

[zedan2001]

والله أنا أعاني من نفس المشكلة وما قصروا الشباب الله يعطيهم العافية.

[ابوفهد 1]

أخوي بالنسبة لوصلة السنيدي



معروف عنها أنها تهرب لأن الربلة والنقاص لك عليها



محل البرية عمل لها ترهيم وذكر أن عليها ضمان لمدة (3) سنوات وسعرها بــ(15) ريــــال



وإليك صور للوصلة بعد الترهيم



http://www.albreah.org/up2/uploads/images/albreah.com-9a5f3254b1.jpg




http://www.albreah.org/up2/uploads/images/albreah.com-aecba5ed23.jpg




http://www.albreah.org/up2/uploads/images/albreah.com-6712e16f3c.jpg




http://www.albreah.org/up2/uploads/images/albreah.com-a055edf9cb.jpg