المساعد الشخصي الرقمي

مشاهدة النسخة كاملة : والدتي تسلم عليكم وتقول ماتخبرون لنا مكان كشته قرب الرياض


الوافي للأبد
02/04/2009, 12:41 PM
السلام عليكم ورحمه الله

كيف حالكم يالنشاما

عساكم طيبين ومن الله قريبين

العلم سلامتكم يالغانمين

اخوكم في الله بندر من الطائف.

الوالدة الله يطول في عمرها لها مراجعه بمستشفى الملك خالد للعيون بالرياض، فقالت

ياولدي اليا خلصنا ان شاء الله بناخذ يوم ولا يومين نتمشى

في مابقى من ربيع ، ، فقلت ابشري

على خشمي جعلني فداك.

وانا تورطت لاني بأدل زين بالرياض ماعدا روضه خريم قد جيتها قبل 3 سنين

وادلها زين لكن مدري بقي فيها شيء،المطلوب ياخوان:

مكان كشته قريب من الرياض يعني لحدود 100 كم مهوب مشكله واهم شي ان المواتر

الصغار توصل له لاني معي فورد.

يستحسن وجود النفل او الخزامى <<< يتشرط :j

فتكفون ابي فزعتكم .
كشات الرياض
02/04/2009, 01:04 PM
روضة الخفس قريبة من الرياض 110 كيلو شمال

طريقها من كوبري الجنادرية طوالي وتخلي الجنادرية على يمينك وتقريبا 70 كيلو وتجيك الروضة على يمينك
الوافي للأبد
02/04/2009, 01:10 PM
روضة الخفس قريبة من الرياض 110 كيلو شمال

طريقها من كوبري الجنادرية طوالي وتخلي الجنادرية على يمينك وتقريبا 70 كيلو وتجيك الروضة على يمينك


الله يرحم شيبان عقبوك ياطير شلوى،،، مادري جيتها قريب وشلون ربيعها وهل هي قريبه من

الزفلت.

تقبل تحيتي.
الوافي للأبد
02/04/2009, 08:42 PM
وينكم يالربع ، ماتبون العجيز تدعي لكم.
رحـ R ـال
02/04/2009, 09:12 PM
الا عندك المحلية حلوة ونفود صغيرة او المزاحمية
الوافي للأبد
02/04/2009, 09:29 PM
الا عندك المحلية حلوة ونفود صغيرة او المزاحمية

الله يبارك فيك اخوي ، بس ماقلت وين المحليه هذي وعساها مربعه ان شاء الله.

بالنسبه للمزاحميه ووين بالظبط.
احساس شاعر
03/04/2009, 06:07 AM
الله يعافي ويشفي والدتك ووالدات المسلمين
فيه روضة الخفس مثل ماقال لك الرجال وانت على خريص تترك محطة الخزام على يسارك كانك تعرفها وتمسك دربك سيدا من المحطة تقريبا 50 الى 55 كيلو والمحطة من الرياض 60 تقريبا
يعني المسافة كاملة من 100 الى 110 كيلو وهي مسافة معقولة والمكان طيب وتوصل له سيارات صغيرة بالراحة
وفيه خريم بس انا فيها الاسبوع اللي راح وفيها خضار خفيف مرة الله المستعان راح الربيع من الغبار والشمس
بس لو تبي تروح لها باقي فيها ربيع واتوقع زاد شوي من الامطار الاسبوع اللي راح وامطار الاسبوع هذا

وبالتوفيق ان شاء الله وخل الوالدة تدعي لنا لاتنسى.
صياد المجمعه
03/04/2009, 01:01 PM
والله انا انصحك انك تروح لروضة الخفس انا جاي منها قبل يومين والله انه تشرح النفس بس المشكله الناس فيها واجد
رحال حقل
03/04/2009, 02:21 PM
ان شاء الله انه رحله سعيده والله معكم ..

اعذرني .. ماني من الديره .. ولا دليتك .. بلمكان ..

واخواني ماقصرو .. معك ..

تحياتي
القلب المحروم
03/04/2009, 02:29 PM
عليك بروضة نورة بس بعيده او روضه التنهات
حوالي 200 وشوي بس
رووووووووووووووووووووووووووووووووووعه
الوافي للأبد
03/04/2009, 11:04 PM
الله يعافي ويشفي والدتك ووالدات المسلمين
فيه روضة الخفس مثل ماقال لك الرجال وانت على خريص تترك محطة الخزام على يسارك كانك تعرفها وتمسك دربك سيدا من المحطة تقريبا 50 الى 55 كيلو والمحطة من الرياض 60 تقريبا
يعني المسافة كاملة من 100 الى 110 كيلو وهي مسافة معقولة والمكان طيب وتوصل له سيارات صغيرة بالراحة
وفيه خريم بس انا فيها الاسبوع اللي راح وفيها خضار خفيف مرة الله المستعان راح الربيع من الغبار والشمس
بس لو تبي تروح لها باقي فيها ربيع واتوقع زاد شوي من الامطار الاسبوع اللي راح وامطار الاسبوع هذا

وبالتوفيق ان شاء الله وخل الوالدة تدعي لنا لاتنسى.

بيض الله وجهك ورحم الله والديك. عز الله انك ماخليت شيء لنا نسأل فيه كفيت ووفيت

يالغالي.

وابشر بالدعوات الطيبه .
الوافي للأبد
03/04/2009, 11:07 PM
والله انا انصحك انك تروح لروضة الخفس انا جاي منها قبل يومين والله انه تشرح النفس بس المشكله الناس فيها واجد

الله يسعدكم جميعا الظاهر انكم متفقين على الخفس، شوركم وهداية الله.
الوافي للأبد
03/04/2009, 11:08 PM
ان شاء الله انه رحله سعيده والله معكم ..

اعذرني .. ماني من الديره .. ولا دليتك .. بلمكان ..

واخواني ماقصرو .. معك ..

تحياتي

ابيض وجه يارحال حقل ،، يكفي طلتك بالموضوع يالغالي،
الوافي للأبد
03/04/2009, 11:10 PM
عليك بروضة نورة بس بعيده او روضه التنهات
حوالي 200 وشوي بس
رووووووووووووووووووووووووووووووووووعه

تسلم ياخوي، هذي بعيده والله علي، الظاهر انا بنتجه يم الخفس ان الله اراد.
اسهيل
03/04/2009, 11:11 PM
على حسب كانك في الشرق رح للخفس وكانك في الغرب او الوسط رح للمزاحمية او نساح او الخرارة
الوافي للأبد
03/04/2009, 11:14 PM
على حسب كانك في الشرق رح للخفس وكانك في الغرب او الوسط رح للمزاحمية او نساح او الخرارة

تسلم يغالي والله يعافيك انا تقريبا شمال شرق والظاهر النيه يم الخفس .
ترانكس
04/04/2009, 12:30 AM
اخوي نصيحه رح لروضة خريم جنان على طريق الشرقيه مخرج الرماح تقريبا تبعد111 كيلو
عنزي نعام
04/04/2009, 12:32 AM
عندك خريم والخفس !

كلها زينة وأنا أقول خريم أفضل تتميز بالشجر وفيها ربيع خفيف مازال موجود وخصوصاً مع المطر هذا بتصير تفتح النفس توكل على الله ورح لخريم الخفس أرض مستويه مافيه ولا شجرة يشوفك القاصي والداني والخفس بعض المداخل فيها غراز قوي لكن خريم كل مداخلها زينه ..
عنزي نعام
04/04/2009, 12:36 AM
طبعاً خريم طريق الدمام ثم تاخذ مخرج رماح وتبتل لما تشوفها على اليمين ..

طبعاً المكان الزين ورا يعني لين أقبلت على الروضة المكان الزين خلف الروضة أبتل شوي ثم تجيك محطه بنزين تعداها شوي ثم أدخل يمين رح قدام وأنت متياسر مره لما توصل الشبك وحاذه يعني تقريباً حول شبك مخيم الملك
أبونايف...
04/04/2009, 12:41 AM
الله يشفي والدتك وماتشووف شر

اذا تبي شوري روضة الخفس زينه

والسيارات الصغيره تدخله

وصفه ياطويل العمر

خريص وجه للجنادربه

وسيد الين ماتجيك محطة خزام على يسارك خذ اغراضك منه لان اخر محطة تبي تجيك

لكن فيه محطات ثانيه لكن مهب على دربك

خل محطة خزام على يسارك وسيد حدود ال 60 كم

بيجيك مفرق الصمان على يمينك سيد بعد المفرق ب بحدود ال 5 كم تبي تشوف الروضه على يمينك

وان بغيت رقمي لو احتجت شي انا حاضر
جبل راف
04/04/2009, 12:52 AM
ماشاء الله على برك بوالدتك
اقول يابن الحلال خل والدتك تنتبه لعيونها بالبر وانا مااقدر افيدك مااعرف شي بالرياض الا القليل
الله يطول بعمر والدتك
بر الوالدين
04/04/2009, 01:02 AM
بالنسبة لـ روضة خريم أنصحك ما تجيها تبي تتعب من شيل الأغراض مسافة طويله

عندي إن الخفس أفضل

أو عندك طال عمرك مكشات طيب جنوب الرياض و وصفه سهل على هالرابط

http://www.mekshat.com/vb/showthread.php?t=173621
السنع كله
12/04/2009, 01:22 PM
عليك وعليها السلام 00اعانك الله على برها والاحسان اليها 00 وترى ماسويت سوي بك 00وغير ك معلم 00ووالله انك كبرت في عيني جعلك للتوفيق والعافية وكثر الله امثالك 00روضه خريم وخاصه شمالها زينه وفيها ظلال لان الشمس حارة والخفس ممتازة لكن لاظل فيها
سيل المعاني
12/04/2009, 01:58 PM
الله يعطيك العافية ويخليلك الوالدة ويعينك على به وتكفا حبلي راسة والله اني اتمنى ان الوالدة موجودة لو تبين افربه العالم كله ابركه من ساعة عموما الاخوان ما قصروا
وفوا وكفوا وفيه مكان قريبن بالحيل بس ما فيه ذاك الربيع لكن ميزته القرب وسهلن بالحيل وفيه طلاح وهو جنوب الرياض يعني على طريق الخرج ومعروف بالزويليات قبل التفتيش على اليمين فيه شيعيب وطلاح
او بعد التفتيش يجيك مزارع الوادي تطلع مع الطريق الزراعي 3 او 4 كم راح تجيك نفد صغيرة على اليمين ...
اخوك ابو عبدالله....
الآسيف2
12/04/2009, 02:43 PM
روضة الخفس قريبه وزينه وتصلح تروح لها بموترك
ذهب
13/04/2009, 11:33 PM
السلام عليكم ..

أخي الغالي : الوافي للأبد

أولا :: أسأل الله الكريم رب العرش العظيم أن يشفي والدتك ...

ثانياً : كان المواعد ما فات ...

طلبتك طلب .. تكفى لاترده

انكم اتظيفون عندنا أنت والوالده .. ومالك إلا من يتمشى بكم مع أسرتي ..
ونمر الربيع والشعبان والأودية القريبة للرياض ..
ووالله أنها أبرك الساعات اللي نخدمك ووالدتك ... فيها

رجاء ثم رجاء ... لا ترد طلبي ...........

أنتظر ردك على الخاص .. أو على بردي
mogaheed@hotmail.com (mogaheed@hotmail.com)