القضاع
19/05/2004, 03:37 PM
السلام عليكم ورحمة الله وبركاته
سافرت مره مع صديقي الى الامارات على كابرس 89 وعندما وصلنا قبل ابوظبي بحوالي 200 كم ولعت لمبة الدينمو وكانت الساعه 12 ليلا . عرفت اننا ابتلشنا لكن دعيت ربي اننا نوصل لو قريب عند ابوظبي لكن دعوتي لم تستجاب فمشينا تقريبا 30كم فاذا بالبطاريه تضعف تدريجيا لان النور شغال واذا طفيته مانشوف شى لا وزيادة الخير انه كان فيه ضباب قوي وكل شوي اضرب بريك وتضعف البطاريه حتى وصلت على الخط الاحمر وقالت السياره وقف على جنب خلاص تعبت. ونوقف غصب على الطريق ظلام وضباب مانشوف شي ولا معنا عده الا الاشتراك. ونقعد ناشر ولا احد عطانا وجه حتى صارت الساعه 3 صباحا. ويجيب لنا الله شباب من الاحساء شقرديه (شرواكم) معهم سيارتين كابرس 92 م كل سياره فيها اربعه ومعهم ميكانيكي الله يجزاهم خير ويفكون بطاريتي يبون يركبونها على سيارتهم بدون مايطفونها يوم فكوا الاصبع احترق الدينمو حقهم والله البلشه صرنا سيارتين الحين. المهم خلينا البطاريه واخذنا البطاريه الثانيه والسياره طافيه وعطيناها اشتراك من السيارتين مع بعض ومشينا مسافة 40 كم ووقفت سيارتهم وبدلنا البطاريه من سياراتهم لكن ماتعبت زين ومشينا مسافة 30كم ووقفت سيارتنا وبدلنا البطاريه مع البطاريه الزينه ومشينا مسافة 20كم ووقفت سيارتهم وبدلنا البطاريه وعلى هالحال حتى وصلنا دبي وكانت الساعه 10 صباحا واخيرا خربت السياره الصاحيه وطفت بس الحمدلله مافيها بنزين لكن عبيناها ومشينا للشارقه وصلحنا الدينموات على حسابنا وهذا اقل شي نقدر نقدمه لهم. ادري طولت عليكم لكن حبيت اعلمكم ماساتي لاخذ العبره. لو انك متعطل ومر عليك خويك ماراح يسوي اللي سووه معنا الشباب كان يقول لك خل السياره وتعال بعدين بالسطحه.
سافرت مره مع صديقي الى الامارات على كابرس 89 وعندما وصلنا قبل ابوظبي بحوالي 200 كم ولعت لمبة الدينمو وكانت الساعه 12 ليلا . عرفت اننا ابتلشنا لكن دعيت ربي اننا نوصل لو قريب عند ابوظبي لكن دعوتي لم تستجاب فمشينا تقريبا 30كم فاذا بالبطاريه تضعف تدريجيا لان النور شغال واذا طفيته مانشوف شى لا وزيادة الخير انه كان فيه ضباب قوي وكل شوي اضرب بريك وتضعف البطاريه حتى وصلت على الخط الاحمر وقالت السياره وقف على جنب خلاص تعبت. ونوقف غصب على الطريق ظلام وضباب مانشوف شي ولا معنا عده الا الاشتراك. ونقعد ناشر ولا احد عطانا وجه حتى صارت الساعه 3 صباحا. ويجيب لنا الله شباب من الاحساء شقرديه (شرواكم) معهم سيارتين كابرس 92 م كل سياره فيها اربعه ومعهم ميكانيكي الله يجزاهم خير ويفكون بطاريتي يبون يركبونها على سيارتهم بدون مايطفونها يوم فكوا الاصبع احترق الدينمو حقهم والله البلشه صرنا سيارتين الحين. المهم خلينا البطاريه واخذنا البطاريه الثانيه والسياره طافيه وعطيناها اشتراك من السيارتين مع بعض ومشينا مسافة 40 كم ووقفت سيارتهم وبدلنا البطاريه من سياراتهم لكن ماتعبت زين ومشينا مسافة 30كم ووقفت سيارتنا وبدلنا البطاريه مع البطاريه الزينه ومشينا مسافة 20كم ووقفت سيارتهم وبدلنا البطاريه وعلى هالحال حتى وصلنا دبي وكانت الساعه 10 صباحا واخيرا خربت السياره الصاحيه وطفت بس الحمدلله مافيها بنزين لكن عبيناها ومشينا للشارقه وصلحنا الدينموات على حسابنا وهذا اقل شي نقدر نقدمه لهم. ادري طولت عليكم لكن حبيت اعلمكم ماساتي لاخذ العبره. لو انك متعطل ومر عليك خويك ماراح يسوي اللي سووه معنا الشباب كان يقول لك خل السياره وتعال بعدين بالسطحه.