المساعد الشخصي الرقمي

مشاهدة النسخة كاملة : كبسة اللحم بالحليب واللبن (( صور))


ذيب البر
20/05/2004, 05:45 AM
السلام عليكم ورحمة الله وبركاته


اليوم ان شاء الله نبي نضبط كبستنا الي انتم خابرين بس بدل الماء نحط حليب ولبن يعني الماء ما نبي نشوفه إلا إذا خلصت الكبسه كان تبي تشرب مع الاكل ههههههههه

طبعاً ما أخفيكم الفرق بينها وبين الكبسة العادية إنها تحتاج طولة نفس شوي يعني ما تصلح للعجل تبي واحد مروق .......

أولاً قبل ما نبدأ هذي صورة بهاراتنا الي رايحين نستخدمها (( الخلطة السرية)) ههههههههه


http://rainfood.jeeran.com/DSC01406.JPG

ثانياً هذي صورة اللحم واحرص كل الحرص إنها تكون لحمة هرفي صغير لا يجيب لنا واحد لحمة عويد( بفتح العين و كسر الواو) ويقول وراها ما استوت باللبن


http://rainfood.jeeran.com/DSC01407.JPG

والآن نبي نبدأ طبختنا

نبدأ بالتكشين زي الكبسة العادية نضيف البصل للزيت ونبدأ بالتحريك باستمرار وعلى خفيف


http://rainfood.jeeran.com/1.JPG

إذا حسينا إن البصل بدأ يتغير لونه نضيف الماجي وبعض البهارات ويصير زي الي بالصوره يتغير لونه تمام وترى لونه يصير كذا لاتحسبونه احترق


http://rainfood.jeeran.com/2.JPG

بعدها طبعاً نضيف الطماط على البصل والبهارات والماجي

http://rainfood.jeeran.com/3.JPG

ونبدأ بعملية التحريك حتى تضبط عندنا الكشنة الي تشم ريحتها على بعد كيلو ههههههههههه
ولا ننسا اللومي الاسود او الليمون الاسود سمه الي تبي


http://rainfood.jeeran.com/4.JPG

ثم نبدأ الآن نضيف لحم الهرفي الي على كيفك ونحرك علشان اللحم يتشبع بطعم الخلطة السرية

http://rainfood.jeeran.com/5.JPG

http://rainfood.jeeran.com/6.JPG

يتبع
ذيب البر
20/05/2004, 05:59 AM
والآن بعد ما تأكدنا إن اللحم تشبع بالطعم الي على كيفك نبدأ نضيف اللحليب كأنك تضيف ماء بالضبط

http://rainfood.jeeran.com/7.JPG

ونخليه يغلي طبعاً زي الماء ولكن مشكلته يبي تحريك كل شوي علشان ما يتكون عندك رغوة

http://rainfood.jeeran.com/8.JPG

طبعاً المنظر الي بالصورة هذي تبي تشوفه كل شوي الله يعينك بس وسع صدرك وقصر للنار وحرك باستمرار



http://rainfood.jeeran.com/9.JPG


والان بعد ما نتأكد ان اللحم نضج تماماً نجي لإضافة الرز بس انا من رأيي وهذا الي انا اسويه
نضيف كمية من اللبن الرايب لانه في نوع من الحموضة ويعطي طعم خبااااااااااااااااااااال وهذي
صورة اضافة اللبن طبعاً الكمية لا تقل عن كأس

http://rainfood.jeeran.com/10.JPG


ثم الآن نضيف الرز

http://rainfood.jeeran.com/11.JPG

بعدها نترك ونغطيه وان حصل نكتمه بقصدير احسن لان المره هذي لا تخاف ماله رغوة بعد اضافة الرز وبعدها تبي تلاحظ ان الرز بدا يستوي وتشرب اللبن

http://rainfood.jeeran.com/12.JPG


والان تشرب تماماً واصبح جاهز ولم السفرة الله لا يهينك

http://rainfood.jeeran.com/13.JPG

وسموا وحياكم الله وبالصحة والعافية ولاحظ لون اللحم متغير من اللبن ومطعم فيه

http://rainfood.jeeran.com/14.JPG





على فكرة واحد من الشباب قالي جربه بالكاتم بس خفت ما يضبط


تحيااااااااااااااااااااااااااااني
أبو تركي القطامي
20/05/2004, 06:24 AM
السلام عليكم ورحمة الله وبركاته
أخوي ذيب البر
ماشاءالله يعطيك العافيه على الشرح الوافي لهذه الطريقه
التي كادت أن تندثر
فجزاك الله خيراً
أبوسعد
20/05/2004, 07:09 AM
مشكور ياأخوي
وأظن أن هالطبخه
عند الشوام يسمونها (منسف)
ويحطون معها خبز شراك
ذيب البر
20/05/2004, 08:32 AM
هلاااااااااااا اخوي ابوهنا القطامي ويعطيك العافية على مررورك على الموضوع

هلابك ااخوي ابو سعد كلامك صحيح مية مية عند الاشوام واهل الاردن طبعاًً

اشهر ناس في الاكله هذي بس يستخدمون نوع ممتازمن الحليب اظنه مجفف ويعطي

نكهة غير شكلة بس انا ما عندي ذا الحليب:p

صرت استخدم الحليب العادي مع اللبن
ابو ســــاره
20/05/2004, 09:26 AM
مشاء الله عليك يا ذيب بصراحة اكله كايفه بالحيل .
بس تدري بخير،،،،
انا ابجيب الحيمات وانت عليك الطبخ وش رايك .
واذا قضينا ابقول انعم الله عليك:D :D :D
الضاري
20/05/2004, 12:20 PM
الله يعطيك العافية أخي ذيب على هالطبخة..

لكن عندي بعض الأسئلة..

س1/ أشوف قوطيين واحد بيبسي والثاني سفن أب... طبعا واحد لك .. لكن الثاني من لة ؟؟؟

س2 / وشلون الأمن بالبيت بعد الطبخة عساة مستتب بينك وبين المعزبة.. عقب ما خربت المطبخ وأحرقت القدر؟؟؟

س 3/ كم مدة هذة الطبخة بالقدر الكاتم ؟؟
هل نضع نفس الوقت للحليب واللبن مثل الماء

أخيراً .. بالهناء والعافية

تحياتي للجميع
أيمن
20/05/2004, 01:07 PM
تسلم يافنان ..
والله شوقتنا للطلعة والطبخ والنفخ والتشتشة :)
هالحين وش يجيب لي طلحة أسوي تحتها الغداء ..
سلمت يمينك، ومطرح مايسري يمري ..

تحيتي
ذيب البر
20/05/2004, 02:49 PM
هلااااااااااااااااااااااا بك اخوي ابو سارة

مشكور يالغالي على المرور وجب الحميمات وابشر بسعدك

=======

الضاري ههههههههههههههههههههههه

عز الله انك دقيت على الوتر الحساس لاني الان تذكرت الي صار يوم الطبخة

من هوش وصجة;) ولجة;)

وعلى فكرة ترى الببسي لي يعني السفن من توقع يبي يصير له اكيد من ضمن

الرضاوة لاني بصراحة حست عليها المطبخ
بس خل عنك يوم ذاقت الطعم تغير كل شي وراح الزعل:D :D

اما مدة الطبخ يالغالي بالكاتم ما جربتها وبصراحة خايف منها احس انها بالقدر العادي

الذ بكثير

مشرفنا الغالي ايمن يشرفنا مرورك وعلى فكرة في ذا الحر لا تحرص على طلاح

ولا غيره الاسبوع الماضي طلعنا للضبان ذبحنا الحر مافيه غير الشتاء

والامطار الله يجيبها

تحيااااااااااااااااااااااااااااااااااااااتي
راعي الغــتمه
21/05/2004, 07:01 PM
يعطيك العافيه على الطبخه وتسلم والله


بس عندي سؤال

الحليب اي نوع او فيه نوع معين يكون ممتاز للطبخه

وتقبل تحياتي

اخوك

راعي الغــتمه
العنكبوت
21/05/2004, 07:55 PM
شكراات ذيب البر

الصراحه توي متعشي وجعت مره ثانيه

واحب اقولك اني دايم بالكاتم لا صرت ابي اطبخ

رز عنبر احط مع الما للرز كوب رويبه لاجل النكهه

ويزبط ولااا احلى

تحياتي
ذيب البر
22/05/2004, 12:05 AM
هلااااااااااااااااااااا اخوي راعي الغتمة

اشكرك على المرور بس الحليب اتوقع اي نوع ينفع ما فيه مشكلة

بس احرص على اللبن وكثر لانه فيه حموضة ويطعم اكثر بالاكل


هلاااااااااااااا اخوي العنكبوت

فعلا الرويبة مع الرز عموما تطعم واتوقع مع العنبري اكثر

تحيااااااااااااااااااااااااتي
عليان الليل
22/05/2004, 12:53 AM
ياقلبي اللي يوجعن..
ذكرتن الطلعات وايام الفلات
وشهيتنا ... ريحة الكشنه طلعت لي من ورا
الشاشة ...
بس صراحة ابدعت ... صدق انك حست
مرير الفرن وقلبت المطبخ... لكن طباخ
الله يعطيك العافية..
تحياتي..
* ضب *
22/05/2004, 07:50 AM
ما شاء الله باين عليك محترف طبخ :good: .. تنافسني:D

لكن (تشرب) لبن بعد( اكل) البن صعبة شوي:confused:

وبالهناء والعافية

ولك تحياتي
((( الحر)))
22/05/2004, 08:04 AM
:good: :good: :good: :good:
اخوي ذيب البر بارك الله فيك.... وعندي سوال لو سمحت...؟؟؟

كم المده الي يطبخ فيها اللحم وهو على النار الهادية .... وهل هو مثل الماء او يبي وقت زياده؟؟؟

تحياتي............اخوك........((( الحر)))...........ابومحمد...!!!
ذيب البر
22/05/2004, 09:17 AM
مشرفنا عليان الليل هلاااااااااا يشرفني مرورك

فعلاً ايام الطلعات لها ذكريات جميلة لاتنسى الله يجيب الربيع والمطر

وعلى فكرة الحوسة لابد منها مع الاكلات الحلووووووووه الي زي هذي:D

========
هلاااااااااااا اخوي ضب هذا وقتك والله ووقت قنصك :p

صدقني مرورك اسعدني

==========

هلا باخوي الحر وبارك الله فيك انت بعد واخوانا الموجودين والمسلمين اجمعين

المدة يالغالي الي يطبخ فيها اللحم ازود شي بسيط من الماااااء وبإمكانك تذوق

اللحم قبل اضافة اللبن والرز بس زي ما قلتلك اللحم لابد يكون هرفي صغير

بس الله يعنك على رغوة الحليب يبيلها متابعة

تحيااااااااااااااااااااااااااااااااتي
شباط
22/05/2004, 11:40 AM
تسلم يا ذيب البر على الطبخه
صراحه طبخه تستاهل عليها الشكر ونحن بانتظار المزيد من الطبخات من يديك
ذيب البر
22/05/2004, 04:51 PM
هلااااااااااااااااااااا بك اخوي شباط

اشكرك على مرورك وابشر بسعدك ان شاء الله


تحيااااااااااااااااااااااااااااااتي
مسافر
22/05/2004, 05:26 PM
'طبخة تجم الريق وتستاهل عليها
الف شكر شوقتنا للطلعات والرحلات
لكن ميخالف ابسويها بالبيت وابجرب
لكن اخاف يقالي :no2: :D

مشكور مرة اخرى
اخوك مسافر
ذيب البر
23/05/2004, 12:02 PM
الشكر والله لك يامسافر على مرورك

وسو الطبخة ان شاء الله ما رايح يقالك الا كل علم طيب

بس لا تحوس عليهم المطبخ


تحيااااااااااااااااااااااااااااااااااااااااتي
بــرق الشمال
23/05/2004, 12:58 PM
ماشاء الله لبن مع الرز ولبن باالسفره اخاف اسويها وانام اسبوع...
الى اقولك ماتبي نفتح انا واياك مطعم:D ...............
على العموم الف شكر لك اخوي ذيب البر على هاالطبخه الجميله
ذيب البر
24/05/2004, 11:43 AM
اخوي برق الشمال هلااااااااااااا بك

اشكرك على المرور والمطعم ذا الايام ما يؤكل عيش :(

تحياااااااااااااااااااااااااااتي
laith
27/05/2004, 12:49 PM
السلام عليكم ورحمة الله وبركاته

عشت " ياذيبان "

شغل سنع ورواقه ... ولاعليه كلام ...... بالنسبه للطعم مانقدر نحكم بالهواء ...

اعزم .. ونشوف كيف يكون.. !!:D :D :D :cool:
مهيلان
28/05/2004, 01:15 PM
مشكور اخوي على الموضوع
من سوء حظي انني قرات الموضوع الساعه 2 ظهرا ماتغديت ولا افطرت وحتى العشاء البارح ما تعشيت ....!!
ويوم شفت الموضوع قمت اتصدد واقول حسبي الله عليك يا ذيب البر ( هودا وأته ) !!

سلام عليكم
ذيب البر
28/05/2004, 06:02 PM
هلاااااااااااااااااااا بك اخوي ليث


الله يعطيك العافية على مرورك وياهلا ومرحبا بك في اي وقت نتشرف

=============

اخوي مهيلان اشكرك على المرور

ياطويل العمر خلك مثلي دايم ما ادخل خيمة الطبخ الا وانا شبعان

تحيااااااااااااااااااااااااااااتي
بوكبر
01/06/2004, 08:08 PM
السلام عليكم ورحمة الله وبركاته كيف حالك أخي الكريم ؟مشكور على هالطبخة الزينه ونبي منك طبخة المندي
ذيب البر
07/06/2004, 04:02 PM
يا هلا بو كبر اشكرك حبيبي على المرور والرد

وابشر بسعدك ان شاء الله في اقرب فرصة


تحيااااااااااااااااااااااتي
ابو زيد
13/06/2004, 11:50 AM
يا خوي ياذيب البر ما تخاف الله فينا...


ماتقول ذولا مساكين.....


جايز(ن) لك تعذيبنا...


المسلم أخو المسلم ومن الحقوق أنه ما يقهره ولا يفجع قلبه ولا ينكد عليه...
وأهم شىء يطعمه لو قطيعه....


سلمت يمناك....وبالهناء والعافية وجعل مهابيطه العفاااااااا...

شكراً ياباشا....أقول عندك فكرة عن المعذبه...ياليت تفيدنا...!!!



تقبل تحيات أخيك... المكشنه والمبهرة والمبزرة والمفلفلة...فمان الله,,,
معمرها
13/06/2004, 12:17 PM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( ذيب البر ))))


شـــكـــراُ
نقا هشال
13/06/2004, 01:05 PM
يعطيك الف عافيه

وجعله مداخيل العافيه

شغل نظيف لاهنتووووو
بروق الوشم
14/06/2004, 06:07 AM
السلام عليكم ورحمة الله وبركاته

بالهناء والعافية اخوي ذيب البر
أخوي ذيب البر الى حد وضع اللحم يزينها زيناه لكن بعد وضع اللبن ماضنيت لاني منيب اشرب اللبن فكيف وضعة مع الرز



أخوك : بروق الوشم

تحياتي
سنـــــــــام
17/06/2004, 01:48 PM
عندى سئوال الله لايهينك
أنا أفضلها على الدخل عقب ماتحمسهن وينزل الدسم قبلها تكون مبهر المزيج وبعدها تضيف الحليب أعتقد يبى يصير طعمهن ولاأروع .... عفوا أنا نسيت السئوال ياااخى جوعتنا الله يهداك :)
سئوالى يقول لونبدل الحليب بالبن أظن يصير أحلى ولاوش رايكم ؟.
ذيب البر
18/06/2004, 05:35 AM
اخواني ابو زيد معمرها نقاهشال

اشكركم على المرور والرد

اخوي سنام لو نبدل الحليب باللبن اخاف ما تضبط خصوصاً ان لبنا الله بالخير

يمكن مع اللبن الطبيعي افضل


اخوي بروق الوشم تصدق عاد الي محليها اللبن وجرب وشف


تحيااااااااااااااااااااتي
الطباخه
16/11/2004, 03:49 AM
روووووووووووووووووووووووووووووووووووووووووعه
ماشاء الله عليكم ..والله الرجال فنانين حتى بالطبخ ..والصراحه انا مستانسه طحت على هالمنتدى الرائع لان من زماااااااااان ابي اتعلم المندي والكبسه والبخاري :bounce: :bounce: :bounce:

بس اخوي ممكن تقلي على الخلطه السريه ..واذا ماتبي تقولها لاحد طرشها لي برساله خاصه ..ويعطيك ربي الف عافية :good2:
راعي الكيف
18/11/2004, 07:01 AM
ياساتر ياربي !!!!!!!!

لبن بالاكل ولبن معه وفوق هذا و ذاك ببسي !!!!؟؟!!؟!؟!؟

والله ياشيخ اقترح انك تسمي هالاكلة (( أكل اللي ما عنده نية يطلع من البيت هاليوم )) :p :p :p

بارك الله فيك تراي امزح واحب المزح وشكل هالاكلة طعيييييييييييييييييييييمة وحاااااااااااااااانطة بالحيل ...

ماقصرت يا بعدي على هالمشاركة الطيبة ....

أخوك
راعي الكيف
ابو سعد
الربذي
18/11/2004, 01:39 PM
تقبل الله صيامكم وقيامكم ونصر الله اخواننا المجاهدين في سبيل الله بكل مكان
اخي الذيب
ممكن تقول بالتفصيل
وش هي الابزار الي استعملت
ليمون ولكن الباقي غير واضح
فقط ننتظر الرد لانك جوعتنا
والف شكر اخي
الربذي
18/11/2004, 01:40 PM
وينك اخي ذيبان
الطباخه
19/11/2004, 01:07 PM
ويييييييييييييييييييييييييييييييينك
tabuki
20/11/2004, 08:16 PM
السلام عليكم ورحمة الله

الاكله مجربة بس مشكلتها تسبب الادمان و مستشفى الامل ما يعلج مثل هالدمان

لمعلوماتكم المنسف ما يدخل فيه لا بصل و لا بندوره ( طماطم ) ولا بهارات بس قريبا ان شاء الله رح اعطكيم الوصفه
نيتروجين xp
30/11/2004, 03:02 AM
الله يعطيك العافية على الطريقة الحلوة


أحمدك يا رب على النعمة

تخيلوا بيوم من الأيام آكل من زي هذي الكبسة

فعلاً طريقة غريبة جداً جداً

الا إذا استبدلت الحليب واللبن بمااااااااااااااااااااااااااااااااااء

وتقبلوا تحيات أخوكم
:::::المجتهد:::::
عوج
06/12/2004, 09:22 PM
ترا هاذي المطرسة
الله يعافيك وبصحة وعافية
slamah
06/12/2004, 11:47 PM
اخويه ذيب البر شكرا على الكبسه اللذيذه ولوإنها على لبن خلفات كان أفضل أما بالنسبه لكلام ابوسعد إنها منسف فهذا غير صحيح لأ ن المنسف لايخلط اللحم والرز أثناء الطبخ يطبخ اللحم أو الدجاج مع البهارات وبعد الإستواء يوضع عليه اللبن والأفضل أن يكون لبن الربيع أولبن من الاردن إسمه جميد أو يمرس مريس ويوضع أما الرز فيطبخ لوحده
3:16
12/12/2004, 08:32 AM
?


وش رايك تتقهوى عندي في ملحق بيتكم بعد صلاة العشاء :looney: << واحد داخ من زين الطبخه



تسلم على هالشغل الظفر
ضغط عالي
14/12/2004, 10:07 AM
الله يسامحك ياذيب البر ,وييش سويت فينى والله بهدلتني على الصور الكبسة وشوقتني لطعمها واشهد انك راعي بر لان الصحن الى بجنبه قوطيين البارد ودى اصور معاه :p
عليك بالعافية يالغالي