تسجيل الدخول

مشاهدة النسخة كاملة : جير حر جير شاهين 8/7 الي اصحاب الخبرة


بوغلب
13/04/2009, 11:01 AM
السلام عليكم ..
الخلطة هذي عجيبة رهيبة ...
87.5 جير و 12.5 حر أو العكس ... وايضا تنطبق علي الشاهين
والأعجب بالأمر اني واجهت رجال عندة 8/7 جير حر بشاهين!! شكل الطير ابيض ولافيه اي ماريه من مواري الشواهين "بالشكل" ولكن بالدم والفعل!
أخواني اصحاب الخبرة افيدونا افادكم الله بمعلومات اكثر عن الخلطة ومدى نجاحها واذا توفرت الصور بعد
وجزاكم الله خير
ياس البوادي
13/04/2009, 11:27 AM
الصور الله لا يهينك
ياس البوادي
13/04/2009, 11:31 AM
8/7 هذه الخلطه قريبه من البيور وهذا يعني ان الطير يمتاز بالسرعه الفائقه ولكن لا تخلوا من العيوب حيث انه لا يستطيع مقاومة الحرارة ولكن كلما اشتد البرد زان الطير
شاهين الميلان
13/04/2009, 06:11 PM
والله مالي علم بهالموضوع وما قصر البوادي اظن انه عطاك علم
gyrefalcons
13/04/2009, 08:47 PM
ايجابة على استفسارك.
8/7 تعني = الام 4/3 ملقحينها ب بيور جير الانتاج يطلع 8/7
8/7 الانثاء تتزاوج مع تبع جير شاهين الانتاج يطلع = جير حر من جير شاهين

" وسلامتك"
المري
14/04/2009, 06:55 AM
بيض الله وجهك ياجير فالكون على التوضيح وماااااقصرت وتسلم على المرور

اخوك - المري
خالد الأول
14/04/2009, 07:56 AM
اخوى بو غالب / بعد التحية
أعتقد الخلطة المذكورة واللة أعلم حسب التالى وهو إجتهاد منى :

الأم ( جير x حر ) اى 50/50 ملقحينها بـــ تبع بيور جير = والناتج 3/4 جيرحر
والخطوة الثانية

الأم 3/4 جير حر ملقحينها بـــ تبع شاهين = والناتج 7/8 جير حر شاهين او مايسمى مصطلحاً فى مزارع الإنتاج بـــ gps اى (gyr x pere x saker ) ....ولك تحياتى ،،،،
أبو رداد
14/04/2009, 08:28 AM
الله يحيك اخوي
ماقصروا الاخوان في التوضيح
وهذه الخلطه يسموها 7/8 سوبر مكس والله اعلم
محمد الفهيد
14/04/2009, 08:35 AM
تعددت الخلطات والطير واحد

الخلطات تنزل وترتفع حسب الدم والنقاوه (البيور)
يعني 7/8 جير حر هو عباره عن جير حر 3/4 مهجن مع بيور جير سواء كانت الام بيور او الاب
وبعدها
نفس الخلطه مع الشاهين يعني جير شاهين 50% يتهجن مع بيور جير انثى او ذكر والغالب انه ذكر
وبعدها الانتاج 7/8 الجير حر سواء قرموشه او وافي يتزاوج مع 7/8 جير الشاهين والاغلب انه ايكون تبع

والخلطات هذي ناجحه بس انا صادفت منها عيوب وهي كبر الطير وحرارة الشاهين وايكون الطير خفاق ومش راكد.
تحياتي للجميع
بوغلب
14/04/2009, 10:00 AM
السلام عليكم ...
الله يجزاكم خير ياشباب
ياس البوادي .. شاهين الميلان .. gyerfalcons .. المري .. خالد الأول .. أبورداد و محمد الفهيد و كل (ن) بأسمه وعلى كل من علق او أضاف لنا معلومة نستفيد منها
والله النية أن شاء الله تعالى الموسم الجاي أن الله احيانا معاكم جير شاهين/حر 8/7 بس مايكون كفاخ خفاق
والله يرزقنا ويرزقكم... والله المستعان
صقار قديم
17/04/2009, 03:51 PM
السلام عليكم

الاخوه الكرام للتوضيح لا يوجد طير 7/8 جير حر شاهين !! حيث لا جدوى من انتاجه

اساس تسمية 7/8 هي عملية حسابية كالتالي
كل 1 صحيح = 8/8 أي ثمانية أثمان و مفردها ثُمن .

فاذا تحقق التهجين بنسبة سبعة أثمان من نوع معين بقي ثُمن واحد للنوع الاخر عندها تكتمل العمليه و يكون الناتج واحد صحيح.

الدارج سبعة اثمان جير + ثُمن حر بنوعية الذكر و الانثى، و كذلك سبعة أثمان الجير + ثُمن شاهين بنوعية.

السوبر مكس هو تهجين صقر مهجن مع اخر مهجن بنوع اخر بحيث يكون ال 1 الصحيح مقسوما على :

1/4 + 1/4 + 1/2 أو 33.33 + 33.33 + 33.33 أو 3/4 + 1/8 + 1/8

مثال جير تبع50% / جير حر 50% = 75 جير + 12.5 شاهين + 12.5 حر


و قس على ذلك ....


تحياتي
بوغلب
19/04/2009, 12:22 PM
الأخ صقار قديم
جزاك الله خير على هذا التوضيح القيم
العود&& الازرق
19/04/2009, 06:47 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فارس طيء
20/04/2009, 01:30 AM
السلام عليكم
هذا جير شاهين في جير حر والناتج يطلع 50% جير 12.5% شاهين 12.5% حر جاني بكندا من احد المزارع والحقيقه ما جازت لي الفكره لكن يوم شفت الجناح تغيرت علومي وسعره مناسب لكن عيبه حرارته الزايده يهد على اي شي ومن ضمنها المغفور له القرناس الي راح غلطة بسبته ههههههه الله يعوضنا باخير منهم الثنين
بعض الصور اول ما جاني وعشان كذا راص عمره والباقيه قبل لا يضيع على صلال وفيه ريشه!!!
اسف طولت عليكم لكن ودي تلقون النظر وتستفيدون بدون قصور باحد لكن عالم التهجين غريب عجيب والعذر والسموحة
تحياتي

http://www.mekshat.com/pix/upload03/images107/mk62480_1.jpghttp://www.mekshat.com/pix/upload03/images107/mk62480_2.jpg

http://www.mekshat.com/pix/upload03/images107/mk62480_3.jpghttp://www.mekshat.com/pix/upload03/images107/mk62480_4.jpg

http://www.mekshat.com/pix/upload03/images107/mk62480_5(1).jpghttp://www.mekshat.com/pix/upload03/images107/mk62480_6.jpg
بوغلب
20/04/2009, 10:11 AM
السلام عليكم ...
فارس طيء جزاك الله خير على الصور الطيبة والله يعوض عليك ..
بالنسبة لحرارة الطيور للعلف شي طيب ولكن بعض الأخوان قالو ان الحراره الزايده تولد طير كفاخ خفاق يزهقك عيشتك ... ولكن تقدر انك تغدي الطير عقب مقناص الصبح اذا ماصار فيه نصيب للصيد ومايصير العصر الا الطير جاهز مرة ثانية للهدد!
والله الموفق