قرية مهجورة
13/04/2009, 03:39 PM
السلام عليكم ورحمة الله وبركاته
كيف الحال سعاكم بخير المهم لانطووول عليكم بالكلام
القصيده:
على ذكرى الزمان الي مضالي هل دمع العين
تذكرت السنين الاوله والدمع همالي
يلج ابداخلي ذكر ربوعي والزمان الزين
وفكري من هموم القلب وصدوف الزمن خالي
يورى في عيوني مجلس الشايب وبيت الطين
مداهيل الرجال الي لهم بالطيب منزالي
مجالسهم مجالس لشجاعة والكرم والدين
تنومس راعي الطالة وتغبن كل بطالي
ماهي مثل المجالس ذا الزمان الي قبوله شين
مغير السالفه وسط السياسة واسهم المالي
اخذت ابسجتي ساعة بعد مافقت مدري وين
زواني هم قلبي عقب جيت الدار بلحالي
غدت عيد النخل صرعا وطاح السور والبرجين
تصدع وانهدم جنبه وزرنوق اللزا مالي
ولاباقي سوا السدرة والاثله تبكي الماضين
مع البركة وبرجستن حديد مصدي بالي
.تكلم عن زمان راح يوم المد عن عشرين
تريد ابه الثنا مادورت به قرش وريالي
زمان راح مايمكن يعود ودق فيه البين
انا مالي سوا الذكرى ولوهي كدرت حالي
الايادار وين اهل الكرم والابة الوافين
صورهم في عيوني واين ماوجهت تبرالي
الاياوقتنا الي سم حالي فوق عشر اسنين
على فقد النشاما كل غالي يتبعه غالي
بكيناهم بدمع حرق الجفين والخدين
ولوكان البكا مارد لي عمي ولاخالي
انا وقفت من فوق القبر عقب العصر ياحسين
علامة الحزن فوق الوجيه وصرت مهتالي
اسولف مع هجوسي وانشد الخاطر بحين وحين
زمان اول لحقته صدق ولا هو يورالي
بكينهم وحنا ندري انا عقبهم ماشين
تر دنيا الفنا ميقاف منزال وترحالي
الا يالايمي خل الملامه واترك التخمين
انا شاعر واعبر عن شعور دق في بالي
الشاعر:عبد العزيز أحمد الشمري
بواسطة:قرية مهجورة تحياتي::)
كيف الحال سعاكم بخير المهم لانطووول عليكم بالكلام
القصيده:
على ذكرى الزمان الي مضالي هل دمع العين
تذكرت السنين الاوله والدمع همالي
يلج ابداخلي ذكر ربوعي والزمان الزين
وفكري من هموم القلب وصدوف الزمن خالي
يورى في عيوني مجلس الشايب وبيت الطين
مداهيل الرجال الي لهم بالطيب منزالي
مجالسهم مجالس لشجاعة والكرم والدين
تنومس راعي الطالة وتغبن كل بطالي
ماهي مثل المجالس ذا الزمان الي قبوله شين
مغير السالفه وسط السياسة واسهم المالي
اخذت ابسجتي ساعة بعد مافقت مدري وين
زواني هم قلبي عقب جيت الدار بلحالي
غدت عيد النخل صرعا وطاح السور والبرجين
تصدع وانهدم جنبه وزرنوق اللزا مالي
ولاباقي سوا السدرة والاثله تبكي الماضين
مع البركة وبرجستن حديد مصدي بالي
.تكلم عن زمان راح يوم المد عن عشرين
تريد ابه الثنا مادورت به قرش وريالي
زمان راح مايمكن يعود ودق فيه البين
انا مالي سوا الذكرى ولوهي كدرت حالي
الايادار وين اهل الكرم والابة الوافين
صورهم في عيوني واين ماوجهت تبرالي
الاياوقتنا الي سم حالي فوق عشر اسنين
على فقد النشاما كل غالي يتبعه غالي
بكيناهم بدمع حرق الجفين والخدين
ولوكان البكا مارد لي عمي ولاخالي
انا وقفت من فوق القبر عقب العصر ياحسين
علامة الحزن فوق الوجيه وصرت مهتالي
اسولف مع هجوسي وانشد الخاطر بحين وحين
زمان اول لحقته صدق ولا هو يورالي
بكينهم وحنا ندري انا عقبهم ماشين
تر دنيا الفنا ميقاف منزال وترحالي
الا يالايمي خل الملامه واترك التخمين
انا شاعر واعبر عن شعور دق في بالي
الشاعر:عبد العزيز أحمد الشمري
بواسطة:قرية مهجورة تحياتي::)