المساعد الشخصي الرقمي

مشاهدة النسخة كاملة : صوره المحرك باطبلون الاند مولعه وش الحل


صلفيق
15/04/2009, 01:38 PM
السلام عليكم ورحمة الله وبركاته عندي نور المحرك بالطبلون مولعه وش حله الله لا يهينكم السياره لاندكروزر gxr 2004
mhm-191
15/04/2009, 02:05 PM
هذا والله العالم انه جنزير المكينه ( سير بداخل المكينه )
وهو يغير كل 150000كيلو
والظاهر انك من يوم شريته ما غيرته....
صلفيق
15/04/2009, 02:17 PM
داخل المكينه ولا خارجها ومشكور اخوي
صلاح الدين
15/04/2009, 02:18 PM
السير داخلي اسمه سير التيمن ... أو التايمنق بلت

Timing Belt
صلفيق
15/04/2009, 02:33 PM
طيب اكيد ياشباب لانه يحتاج فك المكينه والموتر يمشي زي الجلاوه بس هالمبه المولعه بالطبلون مزعجتني
mhm-191
15/04/2009, 03:17 PM
اكيد .. انا توني مغير سير الكامري قبل اسبوعين.
وترى بعض الناس تهاون في تغييره حتى انقطع داخل المكينه( وراح شراء مكينه من التشليح )
بعدي مو انت اول واحد يفك السير تراه شي ضروري لسلامه موترك
انت رح للورش واهم يعطونك العلم 100%100
بالتوفيق..
باوزير
15/04/2009, 03:22 PM
اذا سيارتك gxr السير الي في المكينة ما يتغير لانه حديد بس الvxr يتغير لانه سيره بلاستيك كم ماشي الموتر
ممنوع اللمس
15/04/2009, 03:22 PM
رح افحصه كمبيوتر افضل من التوقعات
الوسم
15/04/2009, 03:27 PM
لمبة المكينة تولع من حاجات كثيرة

منها فلتر الهواء وإنقطاع عداد الكيلو ولزوجة زيت المكينة وهذي حاجات بسيطة

ممكن تولع إذا كانت طرمبة الزيت ضعيفة أو ذراعها الميكانيكي ملتوي نتيجة ضغط على المحرك أكثر من اللازم

وشور من شار عليك ومن خلال تجربة رح للضحيان في الصناعية وأطلب كشف كومبيوتر

وأطلع علية وأعرضه على ميكانيكيين ممتازين وخذ رأيهم في الأعطال

وقرر بعد هالكلام تصلح في الوكالة أو خارجها وعلى فكرة إذا صلحت األأعطال الميكانيكية داخل الوكاله

تحصل على ضمان ستة أشهر من العمل والقطع الكهربائية ثلاثة أشهر

ترى يمكن يقولون أنه يبيله تصفيه والتصفية تغيير جميع الفلاتر والبواجي وأسلاك البواجي

والله يكتب لك ولنا الصالح المبارك
مزون الصيف
15/04/2009, 03:27 PM
الفحص أفضل أخوي .. :good:
يحيي بن حمد
15/04/2009, 03:33 PM
???????????????
صلفيق
15/04/2009, 03:56 PM
مشكورين علي المعلومات هذي والله يعطيكم العافيه بس وين بالصناعيه الفحص كمبيوتر عشان اروحله بالضبط وش اسم الورشه
رجل كريم
15/04/2009, 09:47 PM
شوف الكتيب حق الوكالة ..

عادة تولع لمبة المكينة اذا كان فيه خلل في النظام الكهربائي او المحول الحفاز او كهرباء وحساسات الجيربوكس ومنظم الهواء للمكينة .. شيك الكتيب لانه يوضح لك بشكل افضل .
ابوبحه القصيم
15/04/2009, 10:09 PM
سلام عليكم اخوي الغالي افصل اصابع البطاريه وخرها عن البطاريه لمدة عشر دقايق وتعيد برمجه السيارة والدليل الساعه تغير تصير على 1200 وان شاء الله تروح وهذي طبيعي اما اذا ما راحت اللمبه الافضل تفحص يمكن يكون فيه خلل وعادة ما يكون شي بسيط فيوز او حساس والله اعلم
ابو نوره 2006
16/04/2009, 02:26 AM
حساسات ..............................................
ناصر97
16/04/2009, 03:15 AM
الله العالم اسلاك البواجي لرتخت تولع النبه
صلفيق
18/04/2009, 11:03 AM
مشكورين اخواني علي الردود والمقترحات لاكن كشفت عليه كمبيوتر وطلع حساسين خربانات قيمة الواحد منها 1200 ريال يعني اثنين 2400 من غير التركيب وش الحل غاليات مره عندكم حل غيره
علي عبد الله
18/04/2009, 04:50 PM
انا طلع في سيارتي vxr2 2003 نفس المشكلة وغيرت t-belt بعد 150000كم عند الوكالة وكلفني 1500ريال.
انصحك غيرة قبل يعدم عليك المكينة.
االديحاني
18/04/2009, 08:48 PM
ال جي اكس ار لاتفك مكينته لان جنزيره حديد مايخرب
الوسم
18/04/2009, 11:29 PM
يا أخوي صلفيق !!!


وين كشفت كمبيوتر على السيارة فيه ؟؟؟


في الوكاله ؟؟ ولا 000 برى الوكالة ؟؟

وبعدين حاول تسأل ؟؟؟؟

وين ها الحساسات الخربانة فيه ؟؟

وماذا يرتبط عملها فيه من أجهزة السياره ؟؟
هل هي للقير ؟؟ للمكينة ؟؟ للبخاخات مستوى الزيت ؟؟ مستوى المويه ؟؟ للدينمو ؟؟ للوسائد الهوائية
تكلم معهم علشان تتأكد صح من معلومة الكشف بالكومبيوتر


تأكد !!! من ضمان التصليح بأن لا يقل عن ثلاثة أشهر للقطع الكهربائية وستة أشهر للقطع الميكانيكية 0


وطالب بالقطع المستبدلة 0


وإن حصل تدخل في الورشة وتشوف الفحص بعيييييينك


وفية حل ولاكنه بدون ضمان


ألا وهو أنك تقول لهم عطوني أرقام القطع الخربانة وأنا أجيبها لكم


وخذ لك فرة على بعض الموزعين ومنهم مايز ومنيف النهدي والبازعي وقارن الأسعار


وإذا شفت فرق يستاهل أشترها من برا الوكالة !! هذا الكلام إذا كنت فاحص في الوكالة


أما غيرها فلا تصدقهم


فــ بحكم خبرتي البسيطه ،، لا يوجد برنامج الفحص لل6 سرندل في غير الوكالة


لا يلعب عليييك ( أجنبي ) ويقول لك شو علييييييييه إحنا بنصلحها


ثم يغير بواجي وأسلاك وفلتر هواء ولا تكلفه الشغله 500 ريال ويجيب لك فيشين منطولات في أقصى ورشته ويقول لك 000 هذولي الحساسات الخربانه ويدفعك ما لا يقل عن 2500 ريال وهو ما تكلف غير 500 ريال


آمل إفادتنا بما تم معك!!


ما تدري !!! يمكن تصير هذي المشكلة مع غيرك ويستفيد من تجربتك فيها
حيدر الو
20/04/2009, 06:23 PM
هل جربت تفصل البطارية ...................نصيحة مجرب