مشاهدة النسخة كاملة : يا ملاك الباثفاندر . استشارة
متفائل أبوعمر
16/04/2009, 09:27 AM
السلام عليكم ورحمة الله وبركاته
أرحب بكل من شرف موضوعي بالزيارة والمشاركة
:)
ــــــــــــــــــــــــــــــــــــ
الموضوع باختصار : أنا ناوي أغير سيارتي ، وحاط عيني على الباثفاندر 2004-2005
ولكن سمعت كلام من بعض الشباب أنه يشرب البنزين شرب ، وقطع غياره يقولون نار شابه
وبعضهم يقول إنه ينهد ويتفكك بسرعة
:confused:
ــــــــــــــــــــــــــــــــــــ
يا ملاك الباثفاندر ، أو من جرب الباثفاندر
أفيدوني بأبرز عيوبه
ولكم مني جزيل الشكر
:)
ابوعبدالله678
16/04/2009, 02:43 PM
شف هالرابط فيه كل حاجه
http://www.mekshat.com/vb/showthread.php?t=156827 (http://www.mekshat.com/vb/showthread.php?t=156827)
escape_man
16/04/2009, 03:05 PM
الراحة - المتانة - الجودة - القوة - السرعة
كل هالاشياء وانا اخوك وبشكل عام لابد لها من مقابل
الباث فايندر 6 سلندر فلابد يكون فيه فرق بسيط بصرفية البنزين
عزمة ممتاز - جيب ومواصفات الراحة فيه شبيهه للسيارات الصفيرة مثل المكسيما والكامري وبالنسبة لي فهذه اكبر ميزة رغبتني في اقتناءه ..
قطع غياره متوفرة ويمكن التركيز الدائم للاصلاح يكون على الفحمات وهذا راجع لطريقة استخدام السائق للفرامل ..
من عيوبة .. قربعة الباب الخلفي وهذي عامة لكل السيارات الي فيها باب كبير وينفتح للاعلى
يصرف زيت .. وهذي ايضا لقيتها قبله بالمكسيما والباترول .. عيب عام بجميع سيارات نيسان ..
وابشرك حتى التويوتا الجديد يصرف ..
عيب كبير ومؤرق جداً .. مسامير الثلاجة بالقير الاتوماتيك من موديل 2003 الى 2005
انا طاحت على والموتر جديد واستخدامة نظيف جداً ولا عمره تعدى المزفلت او اخذته لرحلة بريه
صرت باي رحلة ومعي عيالي امسك بيدي على قلبي لين ارجع للديرة
باقي المشاكل مثل الحرارة والدبل اسمع فيه ناس تشتكي منها ولكن لله الحمد ماصادفتها
متفائل أبوعمر
16/04/2009, 03:35 PM
مشكور أخوي أبو عبدالله على الرابط
ـــــــــــــــــــــــــــــ
أخوي بن غييثات
أشكرك على سعة صدرك وردك المفصل
بس ما عطيتني الراي
تنصحني أشتري باثفاندر أو أدور غيره
ومشكلة الثلاجة أنا مافهمتها ، متعود على القير العادي :D
هل لها حل ؟ :confused:
حيدر الو
16/04/2009, 05:38 PM
السيارة تجمع مواصفات ممتازة ولكن عليك بسيارة نظيفة لان اللي معاه سيارة زي الباثفيندر مستحيل يبيعها الا اذا كان فيها عيوب
بانثر2005
16/04/2009, 11:09 PM
مشكله الثلاجه لها حل
وحلها يكلفك فقط 400 ريال وتريح راسك
لأن المسمار إذا طاح علطول توضيب مكينه
بالعموم سياره بصراحه شريتها وبعد ما شريت وإستعملت حبيتها
بس دور النظيف وإلي ما مشا كثير
اليوم كنت في معارض النسيم شفت باث 2005 قير عادي بدون فتحه وبدون جلد ماشي 92 ألف ما شاء الله الله يبارك لراعيه
مسيوم منه 54 ألف ريال
escape_man
17/04/2009, 02:43 AM
ابوعمر
قبل لا انصحك باقتنائها او لا .. لازم اعرف امكانياتك المادية .. هل انت راعي بر ولا خط ولا ديره
عندك عائلة او عزابي ..
على العموم .. كان تبي رايي الشخصي .. اذا معك قريشات فاشتر برادو واذا ميزانيتك ماتسمح فالباث سيارة معقولة وجيده
هذي وجهة نظري .. والكذب خيبة .. لو كان معي زود قريشات كان جنبت الحمراني واي سيارة يجيبها الحمراني
امبراطوور
19/04/2009, 02:48 PM
اذا انت حبيب ولانت راعي جلد بالموتر دوس وكرف
خذه فهو جيد شبابي وعائلي جيب وصغيره
ومافيه صرفيه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir