استفسار عن محل يوزن الدربيل

[قرناس نجد]

الله لا يهينكم ابي افضل محل يوزن دربيل على الخرازة بس غير الرماية لاني شريت الدربيل من عندهم

لكن الوزن حقهم ما عندك احد ابي محل ما عليه الكلام يوزن الدربيل على القريب والبعيد


الله لا يهينكم

[عاشق الغلبا]

ياغالي مايحتاج محل اوزنه انت بنفسك ،،،

اشتر اوراق اصابات الاهداف من اي محل ( الهدف- الرماية - الرميح ....الخ )

وجب لوح من الفلين متر في متر ولزق الهدف في وسطه ،،،

بعدين لابد انك تحدد المسافة اللي بترمي صيدك فيها ،،،

مثل 70او80 تقريباً

وارم رميه تجريبيه ،، وشف وين الطلقة راحت عن الهدف

النقطة السوداء اللي بالدائرة الورقية ،،

بعدين درج القرص اللي على الدربيل اذا كان فوق نزله تحت

واذا كان يمين رده يسار وبالعكس حتى تصيب الهدف

الموضوع بسيط مايحتاج محل او خلافه ،،،

ملاحظة /

اذا وزنت على 80 متر مثلاً تقدر ترمي من 60الى100 متر بدون تغيير

الوزن حسب الدربيل اللي معك ونوع البندق ،،،


اتمنى ان اكون افدتك ولو بالقليل ،،، والاخوان يمكن عندهم بعد معلومات اكثر تفيدك ،،،،

تقبل مروري ،،،،




وعلى دروب الخير نلتقي ،،،،،،

[الشمطري]

فيه طريقة ثانية وممتازة وبدون اي طلقة خسارة

هي انك تفك ذراع الخرازة وتضع بالداخل قلم ليزة صغير

وتحدد المسافة وتوزن النقطة على الصليب

وانتهت السالفه

اتمنى اني اكون اقدتك بالموضوع

تحياتي