الاجودي
24/05/2004, 10:37 AM
السلام عليكم
سنيتن بهذا سيّرت على لي عزوبيه عساه ما عاده يوم جيتهم قالووووو يا فلان الثلاجه مليانه من اللحم والخضره ما نا قصنا الا اللي يطبخ .........قلت الزبده قالوووو الزبده انك تطبخ وانت ما تعرف طريقك ....الدنيا قوه وضعفه الله لايمتحنا.......والله وانا اقوم بسكات يم المطبخ
وانا اجي يمار القدور تبي غسل والخضره تبي تقطيع واللحم يبي اللي يودنه بالماء
الوكاد مالكم بطويله وانا اتنيفذ على هالقدور وبساع مثل لمح البصر يمار انا غاسلهن واتلفت ابي منشفه يمار ما حولي منشفه وانا اقوم اموطهن بطرف ردني ويوم محشتهن وانا اخذ خيشة البصل واشقه واخذمنه حول هالست بصلات من البصل الحمر وانا اقوم اهجين واقطع ويوم خذيت شوين يهذا الموت شين يدرج مع عيوني وشين يدرج مع خشمي واغديلك علف طيروبس لي مناشق وبكاء وهي تخرب الهجينيه وهي تصير تاليه مرثيه
مالكم بطويله ويوم خلصت من البصل وانا استدني القدر وانا اوثّبه على القز ويوم رعيت يمار ماعندهم الا زيت عافيه وانا افتح الدريشة وطول يدي وانا اقرطه.....وفتّش بالثلاجه واشوى القى الذنبه مقطعه واقطع من طرفه لي شوين واحطه بالقدر واقلبه واحط عليه البصلات واقوم احمسهن الياما يتغير لون البصل واحط عليه من البهارات يمار اللحيم جاهز وانا احطه على البصل واقوم اديره بالخاشوقه له قيمة هالعشر دقايق او ادون
واخذ المرفاس(بريق الماء..المفواح) واصب من الماء الحار عليه الياما يمتلي القدر واسكر عليه واخليه له حول هالنص ساعه واحط عليه الطماط وعقبه بعشر دقايق احط الملح واسكر عليه
ووثّب لي قديرن صغير عشان الكوسه والبيدجان تقطيعهن مع النص ويخلن على شكلهن بالقدير نحط عليهن طماط وملح
نرجع لعشانا ونكشف عن القدر ونشوف اللحم هو استوى والا لا
طبعا هالحكي الرز غاسله بقديرن اخر..... رزنا مزه
واليا استوى اللحم اطلعه بله قدرن اخر وانظف القدر من البصل والطماط
واحط الرز ولازم الماء له وزن وازود الملح شوي
ارجع واقطع بصل عسى ما عاده واقوم احمسه واضيفله كمون اسود وشوي ملح واليا غدالك اسود وخذاله عشر دقايق احطه على جنب
طبعا الرز يبيله متابعه كل شوي تقصر على النار الى اخر شي واليا ضبط نفهقه عن النار ونجيب الصحن طبعا اموشوه بطرف شماغي كان به ماء او شينن اخر ونغرف العشا ونحط عليه الشليق من كوسه وبيدجان واجيب البصل المحموس واكبه عليه على ا لاطراف .............اليا منتهيتن طبختنا
واقلطهم على العشا وقلت لهم سّموووو ياعله زغاااا مداخيله العافيه ومخاريجه التخصصي ابو هالوجيه لا تحرمون ولا تحللون كيف ماتخلون الواحد يسيّر عليكم
واحنا ناكل وهي تقوم هاقواطي له مصافقن عندنا كل شوين فاتحين لهم قوطي ببسي قال حديهم يالاجودي اشرب ببسي تره يهظم قلت لا يهظم ابد خله يقعد على كبدي
يالله يا الغالين كلن يتنيفذ ويعطينا طبخه اكيد عاد العيال بهذا شغلهم اتكيت ماهو مثل شغلي دمشقه
الاجودي........ريح البصل اليا هالحين عالقن باصابعه
سنيتن بهذا سيّرت على لي عزوبيه عساه ما عاده يوم جيتهم قالووووو يا فلان الثلاجه مليانه من اللحم والخضره ما نا قصنا الا اللي يطبخ .........قلت الزبده قالوووو الزبده انك تطبخ وانت ما تعرف طريقك ....الدنيا قوه وضعفه الله لايمتحنا.......والله وانا اقوم بسكات يم المطبخ
وانا اجي يمار القدور تبي غسل والخضره تبي تقطيع واللحم يبي اللي يودنه بالماء
الوكاد مالكم بطويله وانا اتنيفذ على هالقدور وبساع مثل لمح البصر يمار انا غاسلهن واتلفت ابي منشفه يمار ما حولي منشفه وانا اقوم اموطهن بطرف ردني ويوم محشتهن وانا اخذ خيشة البصل واشقه واخذمنه حول هالست بصلات من البصل الحمر وانا اقوم اهجين واقطع ويوم خذيت شوين يهذا الموت شين يدرج مع عيوني وشين يدرج مع خشمي واغديلك علف طيروبس لي مناشق وبكاء وهي تخرب الهجينيه وهي تصير تاليه مرثيه
مالكم بطويله ويوم خلصت من البصل وانا استدني القدر وانا اوثّبه على القز ويوم رعيت يمار ماعندهم الا زيت عافيه وانا افتح الدريشة وطول يدي وانا اقرطه.....وفتّش بالثلاجه واشوى القى الذنبه مقطعه واقطع من طرفه لي شوين واحطه بالقدر واقلبه واحط عليه البصلات واقوم احمسهن الياما يتغير لون البصل واحط عليه من البهارات يمار اللحيم جاهز وانا احطه على البصل واقوم اديره بالخاشوقه له قيمة هالعشر دقايق او ادون
واخذ المرفاس(بريق الماء..المفواح) واصب من الماء الحار عليه الياما يمتلي القدر واسكر عليه واخليه له حول هالنص ساعه واحط عليه الطماط وعقبه بعشر دقايق احط الملح واسكر عليه
ووثّب لي قديرن صغير عشان الكوسه والبيدجان تقطيعهن مع النص ويخلن على شكلهن بالقدير نحط عليهن طماط وملح
نرجع لعشانا ونكشف عن القدر ونشوف اللحم هو استوى والا لا
طبعا هالحكي الرز غاسله بقديرن اخر..... رزنا مزه
واليا استوى اللحم اطلعه بله قدرن اخر وانظف القدر من البصل والطماط
واحط الرز ولازم الماء له وزن وازود الملح شوي
ارجع واقطع بصل عسى ما عاده واقوم احمسه واضيفله كمون اسود وشوي ملح واليا غدالك اسود وخذاله عشر دقايق احطه على جنب
طبعا الرز يبيله متابعه كل شوي تقصر على النار الى اخر شي واليا ضبط نفهقه عن النار ونجيب الصحن طبعا اموشوه بطرف شماغي كان به ماء او شينن اخر ونغرف العشا ونحط عليه الشليق من كوسه وبيدجان واجيب البصل المحموس واكبه عليه على ا لاطراف .............اليا منتهيتن طبختنا
واقلطهم على العشا وقلت لهم سّموووو ياعله زغاااا مداخيله العافيه ومخاريجه التخصصي ابو هالوجيه لا تحرمون ولا تحللون كيف ماتخلون الواحد يسيّر عليكم
واحنا ناكل وهي تقوم هاقواطي له مصافقن عندنا كل شوين فاتحين لهم قوطي ببسي قال حديهم يالاجودي اشرب ببسي تره يهظم قلت لا يهظم ابد خله يقعد على كبدي
يالله يا الغالين كلن يتنيفذ ويعطينا طبخه اكيد عاد العيال بهذا شغلهم اتكيت ماهو مثل شغلي دمشقه
الاجودي........ريح البصل اليا هالحين عالقن باصابعه