لمن يبحث عن الأريل الأصلي ..اريـــل (لارسن) الأصلي موجود الآن

[جفيل]

السلام عليكم ورحمة الله وبركاته


يوجد لدى دار البوصله الآن


اريل لارسن PO150 الطويل الأسود المعروف

3

ديبي

يتحمل200 واط


الأصلي


الأمريكي


انا خذت لي اريل واحد وعز الله ارساله طرب


قيمته مع القاعده ب250 ريال


طبعاً القاعده تجاريه


**
للعلم اني ليس لي أي مصلحه مع راعي المحل ..انما الرغبه في مساعدة بعض الأعضاء الي كل يوم طالعين بموضوع يبحثون عن الأصلي !!

[سلطان الدوحه]

وانا اشهد انه اصلي .....وفعلآ الارسن من اقوى واجمل الارايل بحياتي املك واحد انا من 7 سنوات مافكرت اني اغيره حتى ....

[Abu-Nawaf]

بارك الله بك اخوي جفيل

[سعود الحربي]

ياليت توصف لنا دار البوصله

وهل هو اريل سياره او منزل

ولك ودي
اخوك سعود

[بريدا]

ترى اهم شيء بالاريل القاعدة وانت تقول غير اصلية؟؟؟؟؟

[جفيل]

يعطيكم العافيه على المرور جميعاً

اخوي بريدا ..القاعده انا شاريها مع الأريل ( من اختياري) يعني كنت محتاج لقاعده
ولا الأريل يجي لوحده بدون قاعده

[راعي سوبر]

وين موقع المحل تكفا الله لايهينك

[جفيل]

موقعه طال عمرك بشارع الأتصالات بحي المرسلات

الوصف

وانت ماسك طريق الملك عبدالعزيز ووجهك جنوب بيجيك قبل سوق صحارى اشاره ..اطلع مع الأشاره يسار هذا هوا الشارع

[راعي سوبر]

موقعه طال عمرك بشارع الأتصالات بحي المرسلات

الوصف

وانت ماسك طريق الملك عبدالعزيز ووجهك جنوب بيجيك قبل سوق صحارى اشاره ..اطلع مع الأشاره يسار هذا هوا الشارع
تسلم والله ولاهنت

[جفيل]

حق وواجب يالغالي ..هلابك

[موبايلي]

مشكور وبيض الله وجهك
وانا اقول لآرسن وبسسسسسسس

[متعب الفرسان]

مشكور اخوي بس كم الانتل بدون القاعده ؟ وهل يوجد فرع للمحل وياليت تعطينا رقم المحل بارك الله فيك وجزاك الله خير

[جفيل]

طال عمرك سعره ب 250 ريال الأريل لوحده

لكن القاعده جت هديه لني خذت منهم اغراض واجد

موقعه طال عمرك بشارع الأتصالات بحي المرسلاتالوصفوانت ماسك طريق الملك عبدالعزيز ووجهك جنوب بيجيك قبل سوق صحارى اشاره ..اطلع مع الأشاره يسار هذا هوا الشارع

[viv999]

ولله جامد شوي سعره
بس انا ماافكر به لااني قليل متحرك
اشكرك اخوي

[سلطان الدوحه]

ترى في اريل من شركة لارسن نفس الانتنكس الصغير بالضبط قيمته 150 ريال بنفس المحل ..كذلك هو بعد ممتاز جدآ نفس الانتنكس بالشكل بالضبط بس يفرق بالجوده والصنع

[جفيل]

يعطيك العافيه على الأضافه ..

الأريل قد شفته وبين انه اصلي

بس فيه نوع من الأرايل صغير وقوي ..جربته الديبي حقه 2.5 والديبي طالع صحيح

لأني جربت دايموند 60 سم الصغير الأصلي مع لارسن الأصلي 120 سم الطويل

تفوق اللارسن الطويل ب 4أبراج فقققققط

يعتبر ارسال الدايموند الصغير ممتاز مقارنه بحجمه الصغير جداً ويتحمل 200 واط

ان شاء الله ان امداني بنزل صور

[يحيي بن حمد]

بارك الله بيك

[سلطان الدوحه]

اخوي جفيل والاربع ابراج تستهين فيها ......انت عارف بالباور تحتاج مية واط عشان تجيب اربع ابراج زياده وانت عارف ان الفرق بين التوجيهي 16 الضلع وال18الظلعين هو اربع ابراج فقط وشوف فرق الحجم ....
تخيل انت وصاحبك واقفين انت تسمع واحد بأربع ابراج يعني بوضوح وخويك ابد مايسمع شي ....في فرق اكيد

والاريل الي تقول عنه الصغير مو 2.4 ديبي اسمه 2.4 dbi
وهو المقصود بربع الموجه

[مرقب]

يا سلام ..

..

أما زال متواجد .. لأني أرغب به ، وياليت توضح

لنا الفرق بينه وبين التجاري ( من ناحية الشكل )

لنتأكد أنه الأصلي أثناء الشراء

..

وشكراً على هذه الإخبارية الرائعة

[ذيبان2012]

يالربع وش الفرق بين لارسن الأصلي والتقليد لأني حصلتة بالمدينة بدون قاعدة
بحدود180 ريال الطويل طبعا ولكم جزيل الشكر .

[Son Arman]

السلام عليكم ورحمة الله وبركاته



يوجد لدى دار البوصله الآن


اريل لارسن PO150 الطويل الأسود المعروف

3

ديبي

يتحمل200 واط




الأصلي




الأمريكي




انا خذت لي اريل واحد وعز الله ارساله طرب




قيمته مع القاعده ب250 ريال




طبعاً القاعده تجاريه




**

للعلم اني ليس لي أي مصلحه مع راعي المحل ..انما الرغبه في مساعدة بعض الأعضاء الي كل يوم طالعين بموضوع يبحثون عن الأصلي !!




ركب قاعدة يباني اصلي وشوف الارسال يجيك اسود القاعده

[ذيبان2012]

يالربع وش الفرق بين لارسن الأصلي والتقليد لأني حصلتة بالمدينة بدون قاعدة
بحدود180 ريال الطويل طبعا ولكم جزيل الشكر .
يالربع ردو لا هنتو

[أبو حسين 1]

السلام عليكم ورحمة الله وبركاته



يوجد لدى دار البوصله الآن

اريل لارسن PO150 الطويل الأسود المعروف

3
ديبي

يتحمل200 واط



الأصلي




الأمريكي



انا خذت لي اريل واحد وعز الله ارساله طرب



قيمته مع القاعده ب250 ريال



طبعاً القاعده تجاريه



**


للعلم اني ليس لي أي مصلحه مع راعي المحل ..انما الرغبه في مساعدة بعض الأعضاء الي كل يوم طالعين بموضوع يبحثون عن الأصلي !!



جفيل سلام كل عام ونت بخير ممكن تصورالاريل

[ذيبان2012]

ما زلت أنتظر الرد

[abosaadana]

انا استخدم دايموند صغير اصلي ماخذه من دار البوصلة ممتاز

[PAJERO]

يا اخوان الاصلي صعب جدااااا
انتل لم يكتب عليه صنع في اليابان
او امريكا
اشك انه اصلي
وكثير من يدعون ان الاصلي عنده هو وبس
المسألة تجاره ويقولون شطارة

[النوفي 3535]

حسب مااعرفه من كهرباء يختلف من سيارة للسيارة
تركيب القاعدة ثابت ولا متحرك نوعية الجهاز طول الانتل ( الانتل الطويل للارسال البعيد القصير للارسال القريب )إذا راعي برا خذا الطويل
علشان مايتضرر في السرعة راعي جو البلد وسفر خذ قصير بنسبةلي ماخذ قصير وطويل مرتاح القصير دايمون والطويل لارسن
تعرض الاسلاك للف والطوي والسحب والاخير اقولها المكان والجو
ممكن الانتل يكون مع واحد كويس وناس لا بس انا الجهاز جديد والتوصيل جديد
اما الاخ الاخر لا التوصيل قديم والقاعدة تجاري ويقول الرجل ضحك علي
تحياتي

[حمدااي]

اللي اعرفه ان الاصلي هو اللي الصيخ بيكون نحاسي خالص مو اللي ملبس ويجي منه استيل بس اقل من النحاسي الصافي

[حزم نجد]

السالفه موب اكتشاف كنز ولاهي معقده

انت يالهاوي تقدر تعرف اذا الانتينا اصليه او مقلده

تقدر تكتشف عن طريق القياس والتجربه اذا الانتينا موزونه على الترددات المكتوبه عليها او لا

مثلا مكتوب من تردد 140 إلى 146 خلاص جرب بساعه قياس الراجع مع قاعده مغناطيس بشرط انها اصليه

ومعنى اصليه يعني الكيبل يكون فاقد للراجع وتقدر بنفسك تضبط لك قاعده

اترك عنك سالفه اصلي وتجاري والدليل:


شف عندك اريل النخيل مثلا هو بالاساس انتينا مكتوب عليها ايكوم وهي صينيه وتقليد

لكن بعد عمل التعديل عليها اصبحت افضل من الاصلي وقد تصل قوتها لأكثر من 4db

[علي العساف]

يالربع انتبهوا لايوجد بالسوق اريل ياباني ولا امريكي صدقوني كلها تجارة
انا كنت بالرياض برمضان فريت المحلات كلها مافيه شي يثبت ان فيه أريل أصلي
حتى لقيت انتنكس مكتوب على ميد ان USA ويقول راعي المحل تقليد مو أصلي
حتى وكيل ايكم دار البوصلة ما عنده أصلي حتى اريل ايكوم هو يقول انه بايواني
فالرجاء الانتباه والحذر

فيه أريل سيريو ايطالي اصلي وارساله طيب ويجي ثلاث مقاسات
50 سم ومتر ومتر ونصف

اما الارايل الثانية انا ما اسبها بس اقول مو اصلية وممكن تكون ممتازة

ختاما ابغى اوضح ان الارسال مجموعة توليفية من قاعدة وسلك جيد واريل ممتاز
وجهاز قوي من حيث الواط تشكل لك هذه التوليفة ارسال قوي
وتأكد ان الارايل توافيق يعني قد يكون اريل بسسعر اقل افضل من اريل غالي

والله يا ناس عندنت ناس بالقصيم يراسلون باستيشن صيني سعره 140 والله ارسالهم
زين بالحيل ويقطعون على ناس ارايلهم اربع وصل وثلاث وصل اسعارهن حول الالف

فالتجربة خير برهان

اسف طولت عليكم بس نصيحة اذا بغيات تشتري اريل خذ سيارتك للمحل واشترط التجربه
وجربه عند المحل وراسل اثنين بعيدين لازم اثنين عشان الجهات تفرق وشوف كم برج يزود
اذا زاد 3 او 4 خذه على طول والا قل مايصلح ما تغيرن الابراج ورجعه

بالتوفيق للجميع