للي عنده خبره لا يبخل علينا ونكون له من الشاكرين

[ابو سعود !]

.
.
.
.
.
.
.
السلام عليكم ورحمة الله وبركاته :

اخواني شباب مكشات :
للي عنده خبره في صيانة الدوافير ، بغيت أفك مسمار التنسيم للدافور علشان اعبيه وانكسر المسمار في الداخل وش الحل في آخراجه علماً بأن مسمار التنسيم راكب على نفس الدبه بالجنب .


وأكون لكم من الشاكرين ، ، ،

[سرهيد]

السلام عليكم

اخوي الكريم

اولا خطوة حاول ان كان مسمار البلف طالع تمسكه بكماشة

الثانية : بسهولة طال عمرك عن طريق ريشة دريل بشرط تفريغ الغاز كاملا ، خوفا من اي شرارة تسبب اي
شعلة .

وتحاول بريشة الدريل بعد ما تركبه على الدريل وبهدوء حتى تقوم بأكل البلف الخربان بشرط عدم الوصول الى السنة .. على ان تكون ريشة الدريل اصغر من مكان البلف بحيث تدخل بدون ان تأكل من بدي الدبة نفسها .

واذا بقى شيء من البلف النحاس

تشتري بلف جديد وتفكه وتربطة كأنه تخرط سنة البلف الباقية .

طبعا هذه الطريقة سويتها بنفسي مع دبة كان المسمار خالص وتم حل الاشكال والآن الدبة تعمل بدون اي مشاكل .

وان كانك من الرياض فالك طيب ابشر بسعدك واصلح لك وتامر آمر


اخوك

ابو عبدالله

[شمس المغيب]

وعليكم السلام ورحمة الله وبركاته
ما قصر ابو عبدالله معك الله يحفظه
........................................
ابو عبد الله تراك طولت علينا بالمجموعه الضويه لذيب الصحراء
خصوصا انها منتجات على مستوى عالى وانتضر حكمك عليها لاجل تقرير الشراء من عدمه

[سطام vip]

ما شاء الله تبارك الرحمن

ابو عبدالله عطاك الحل الكافي والشافي وما قصر جعل من جابه للجنه

واذا صعب عليك الامر اقرب مخرطه يطلعونه لك بعشره ريال

والله يسهل أمرك

[عبدالرحمن305]

السلام عليكم ورحمة الله وبركاته

موضوع مهم جدا وخاصه لاصحاب الدبات الزرق

انا قبل فتح اي بلف ارش مادة WD*40 المعروفه للصدأ

على البلف واتركه 15 دقيقه والحمدلله كل تمام

مافيه مشكله

تحياتي

[فهدالغيهب]

السلام عليكم
حياك الله أخوي أبو سعود

اللحين اللي انكسر اي واحد
هل هو المسمار اللي في الفتحة اللي تركب عليها الراس واللذي يسمى البلف.
أو الصامولة اللي على جنب حقت التنسيم .


إلى هالحين ماندري أي وحد تقصد .

[ابو سعود !]

عزالله أنك كفيت ووفيت يا بو عبدالله ولا بخلت علينا
الله يرفع قدرك ويغفرلك ووالديك وكل مسلم وجزاك الله الف خير .

وألف شكر لجميع الشباب

[ابو سعود !]

وعليكم السلام ورحمة الله وبركاته :
أخوي فهد الغيهب قصدي ( المسمارألي على جنب الدافور حق التنسيم )

[باسم40]

اكيد الموضوع انتها وانحلت المشكله بس حبيت احط فايده
قبل لا تبدا في اي عمليه مثل ما قال اخونا عبد الرحمن رش مزيل الصدأ
وبعدها فكرة ابو عبد الله ممتازه في الدريل بس بريشه اصغر بكثير من سماكة المسمار ثم تجيب (بفته )فتاحت سنه تكون سنتها بالعكس يعني وانت تربطها في فتحت المسمار الي فتحته بالدريل تحل المسمار
او تشذبه مع النص بمشذاب حديد بحيث تفتح في المسمار فتحه لمفك عادي مسطوح وتحله منها